Bakıda Bakubus avtobusu, arxiv şəkli

Həftəsonu qadağası virusla mübarizədə effekt vermir! - Ekspertlər

1985
(Yenilənib 19:47 02.09.2021)
"Həftəsonu yoluxma aşağı düşürsə, deməli avtobuslarla sərnişinlərin adi günlərdə olduğu kimi daşınması da yoluxma sayına təsir etməyəcək".

BAKI, 2 sentyabr — Sputnik. Nazirlər Kabinetinin qərarına əsasən ölkəmizdə həftəsonu ictimai nəqliyyatın fəaliyyətinin dayandırılması müddəti noyabrın 1-dək uzadılıb. Nazirlər Kabineti yanında Operativ Qərargah tərəfindən qəbul edilən bu qərar taksi fəaliyyətinə geniş imkan yaratmaqla bərabər, qiymətləri də artırıb. Sərnişinlər xüsusilə şənbə və bazar günləri taksilərin qiyməti iki-üç manat civarında bahalaşdırdığından şikayətlənirlər. Həftəsonu ictimai nəqliyyatın fəaliyyətinə qoyulan məhdudiyyətin müddətinin yenidən uzadılması sərnişinlərin narahatçılığına səbəb olub.

Nəqliyyat məsələlələri üzrə ekspert Elməddin Muradlı Sputnik Azərbaycan-a açıqlamasında bildirib ki, taksi xidməti üzrə operator fəaliyyəti həyata keçirən şirkətlər də bu məhdudiyyətdən sui-istifadə edərək qiyməti bahalaşdırıblar:

"Bir neçə gün öncə mən taksi sifarişi üçün operatora zəng etmişdim. Qiyməti öyrəndikdən sonra taksi sifariş etdim. Operatora kondisionerli avtomobil göndərməyini xahiş etdikdə qiyməti 6 manatdan 7 manata qaldırdı. Həftəsonu isə bu qiymətlər daha da bahalaşır. Taksi fəaliyyəti ilə bağlı hüquqi tənzimləmə olmadığından, vahid qiymət müəyyən edilmədiyindən taksi şirkətləri istədikləri qiyməti diktə edir. Həftəsonu qadağası isə taksilərdə qiymətin daha da bahalaşmasına gətirib çıxardır".

E.Muradlı bildirir ki, ictimai nəqliyyatın hərəkətinə həftəsonları qoyulan qadağa virusa yoluxmanın qarşısını almaq məqsədi daşısa da, mikroavtobuslarla qanunsuz sərnişindaşıma davam etdirilir:

"Əgər həftəsonu sərnişinlər qanunsuz fəaliyyət göstərən mikroavtobuslarla daşınırsa, avtobusların da fəaliyyətinə icazə vermək olar. Çünki şənbə-bazar günləri mikroavtobuslarla və taksilərlə sərnişinlər daşınır. Bununla belə həftəsonu yoluxma aşağı düşürsə, deməli avtobuslarla sərnişinlərin adi günlərdə olduğu kimi daşınması da yoluxma sayına təsir etməyəcək", - deyə ekspert bildirir.

Ekspert deyir ki, istirahət günləri bir çox müəssisələr fəaliyyət göstərir. Ona görə də insanlar taksiyə artıq vəsait xərcləyib işə gəlib-getmək məcburiyyətində qalırlar. Ekspert pandemiya dövründə qərarlar verilərkən həftəsonu işləmək məcburiyyətində olan insanların işə gedib-gəlməsinin nəzərə alınmalı olduğunu söyləyir.

İqtisadçı Natiq Cəfərli isə deyir ki, həftəsonu ictimai nəqliyyatın hərəkətinə qoyulan qadağa pandemiyanın ilk günlərində effekt verirdi. Amma hazırda bu qadağanın virusa yoluxma sayına təsiri yoxdur. Əksinə, ekspert qoyulan məhdudiyyətin daha çox əhalinin aztəminatlı hissəsinə təsir göstərdiyini söyləyir:

"Xidmət sahələrində çalışanların əməkhaqqı çox aşağıdır. Onlar ayda 8 gün nəqliyyata daha çox vəsait xərcləyirlər. Bu da onların real gəlirlərinə uyğun deyil. Həmçinin qoyulan qadağanın virusla mübarizədə effekti elmi araşdırmalarla təsdiqlənməyib".

N.Cəfərli həftəsonu taksidə qiymət artımını tələbatın artması ilə izah edir. İqtisadçı bildirir ki, insanlar alternativ nəqliyyat vasitəsi olmadığından taksi xidmətindən istifadə edirlər. Bu zaman bazarda tələb artır. Bu isə qiymət artımına səbəb olur.Həmçinin oxuyun:

Həmçinin oxuyun:

Taksi şirkətləri vahid tarifə keçərsə,...

1985
Штаб-квартира Европейского суда по правам человека в Страсбурге

Ermənistan irqi ayrı-seçkiliyə görə məhkəməyə veriləcək

10
Leyla Abdullayeva qeyd edib ki, ərazilərimizin bir hissəsinin Ermənistan tərəfindən qanunsuz işğalına son verildikdən sonra azərbaycanlılara qarşı insan hüquqlarının kobud şəkildə pozulmasına dair faktlar diqqətlə toplanılıb və sənədləşdirilib.

BAKI, 17 sentyabr - Sputnik. “Azərbaycan tərəfindən cari ilin yanvar ayında Avropa İnsan Haqları Məhkəməsində Ermənistana qarşı qaldırılan iddiaya əlavə olaraq, yaxın günlərdə Azərbaycan İrqi ayrı-seçkiliyin bütün formalarının ləğvi haqqında Beynəlxalq Konvensiyanın (ICERD) sistematik şəkildə pozulmasına görə Ermənistanı məsuliyyətə cəlb etmək üçün məhkəməyə müraciət edəcək”.

Sputnik Azərbaycan-ın məlumatına görə, bunu XİN-in Mətbuat xidməti idarəsinin rəisi Leyla Abdullayeva KİV-in Ermənistana qarşı beynəlxalq məhkəmə işlərindəki son vəziyyətlə bağlı sualını cavablandırarkən bildirib.

O qeyd edib ki, ərazilərimizin bir hissəsinin Ermənistan tərəfindən qanunsuz işğalına son verildikdən sonra azərbaycanlılara qarşı insan hüquqlarının kobud şəkildə pozulmasına dair faktlar diqqətlə toplanılıb və sənədləşdirilib.

“Buraya Ermənistanın azərbaycanlıları etnik mənşəyinə görə zor gücünə qovması, işgəncə verməsi, öldürməsi və qəddar rəftar etməsi halları daxildir.

Bir milyondan çox azərbaycanlı Ermənistanın təcavüzü nəticəsində evlərindən zorla qovulmuşdur. Azərbaycanın şəhərləri tamamilə yer üzündən silinmişdir.

Üçtərəfli bəyannamənin imzalanmasından sonra Ermənistan keçmiş işğal olunmuş ərazilərdə minaların basdırılması vasitəsilə azərbaycanlı məcburi köçkünlərin evlərinə geri dönüşünün qarşısını alaraq və minalanmış ərazilərin xəritələrini Azərbaycana verməkdən imtina etməklə ICERD-ni pozmağa davam etdi.

Biz, Ermənistan tərəfindən ICERD-nin müddəalarının kobud şəkildə pozulması ilə əlaqədar beynəlxalq hüquq çərçivəsində ədaləti təmin edəcəyik”, - deyə L.Abdullayeva əlavə edib.

Eləcə də oxuyun:

10
Teqlər:
Ermənistan, məhkəmə, Azərbaycan, ayrı-seçkilik, Avropa İnsan Haqları Məhkəməsi

"Qarabağ" - "Bazel" oyunu kadrlarda

7
  • Qarabağ klubunun müdafiəçisi Kevin Medina Konferensiya Liqasının qrup mərhələsinin ilk turunda Bazel komandasına qarşı oyunda.