Bakıda supermarketin fəaliyyəti, arxiv şəkli

Bənzər adda iki məhsul - birinin saxta olduğu iddia olunur

32
"Sevimli” mal nişanı ilə satışa çıxarılan kolbasa məmulatlarının etiketində “ansar” yazılıb. Araşdırmamla məlum olub ki, “ansar” ticarət markası Qazaxıstanda eyni adlı istehsalçıya məxsusdur.

BAKI, 1 sentyabr — Sputnik. Yerli mağazalarda bənzər adda iki kolbasa məhsulunun peyda olması istehlakçılar arasında çaşqınlıq yaradıb. Təxminən 4 aya yaxın müddətdir ki, Azərbaycanda mağazalarda "Sevimli Dad" kolbasaları ilə yanaşı "Sevimli" markalı kolbasaların satılması iddiası ilə bir çox istehlakçı "Azad İstehlakçılar" Birliyinə müraciət edib.

Bu barədə Sputnik Azərbaycan-a açıqlamasında "Azad İstehlakçılar" Birliyinin sədri Eyyub Hüseynov məlumat verib. O, qeyd olunan adda məhsulla bağlı araşdırma apardığını və bununla əlaqədar olaraq bir neçə quruma müraciət etdiyini bildirib:

"4 aydan çoxdur ki, istehlakçılardan zəng gəlir və bildirilir ki, marketlərdə "Sevimli" adlı kolbasa satılır. Bu məhsulun adı əhalinin çoxdan istehlak etdiyi "Sevimli Dad" kolbasası ilə yaxınlıq təşkil edir. Bu səbəbdən özüm də bir araşdırma apardım və məlum oldu ki, "Sevimli" məhsulu artıq 4 aydan çoxdur ki, bazardadır. Bundan başqa, məlum oldu ki, "Sevimli" mal nişanı ilə satılan kolbasalar üzərində saxta "Halal" nişanı əks etdirilib. "Halal" sertifikatı verən qurumla əlaqə saxladım, bildirildi ki, həmin şirkətə belə bir sertifikat verilməyib".

Bundan başqa, araşdırma nəticəsində məlum olub ki, şirkət Qazaxıstana məxsus bir mal nişanını da məhsulun üzərində əks etdirib. "Sevimli” mal nişanı ilə satışa çıxarılan kolbasa məmulatlarının etiketində “ansar” yazılıb. Araşdırmamla məlum olub ki, “ansar” ticarət markası Qazaxıstanda eyni adlı istehsalçıya məxsusdur.

E.Hüseynov deyir ki, sadalanan nöqsanlarla bağlı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə rəsmi müraciət edib:

"Lakin bu xidmətin nümayəndələri sərin otaqdan çıxmadan iki səhifəlik izahat məktubu yazsalar da, heç o kolbasanın nişanına da nəzər yetirməyiblər. Bütün bunlar sadəcə cəfəngiyyatdır".

E.Hüseynov bununla bağlı Azərbaycan Qida Təhlükəsizliyi Agentliyinə də məktub yolladığını söyləyərək onlardan da uzun-uzadı bir cavab aldığını bildirib:

"Nəhayət, Müəllif Hüquqları Agentliyinin sədri Kamran İmanova rəsmi məktub yazdım və hələ də onlardan cavab gözləyirəm. Görüm, onların məmurları sərin otaqlarından çıxıb o mala baxmaq istəyəcək, ya yox. Ümumiyyətlə, bazarda bu kimi hallar çoxdur".

Sədr bildirir ki, həmin kolbasa istehsalçısı ona bir ay müddərində problemi həll edəcəyini desə də, bu müddətdə heç bir iş görməyib:

"AİB-in sorğusuna cavab olaraq “Sevimli Dad” kolbasa məmulatlarının istehsalçısı olan “M&T”LTD-nin müdiriyyəti rəsmi olaraq “Sevimli Dad” mal nişanının onlara məxsus olduğunu, rəsmi dövlət qeydiyyatına alındığını bildirərək istehlakçılar tərəfindən qaldırılan bu məsələnin onların da biznesinə xələl gətirdiyini, mal satışının həcmində azalmalara səbəb olduğunu bildirib. Etiketdə qeyd olunan və lupa ilə oxuna biləcək nömrə ilə əlaqə saxladım. Özünü “Retro Holdinq” MMC-nin səlahiyyətli nümayəndəsi kimi təqdim edən Rasim adlı şəxs mal nişanının rəsmi dövlət qeydiyyatına alınması və “Halal” nişanının hansı qurum tərəfindən müəssisəyə verilməsi barədə məlumatlı olmadığı bildirib".

Eyyub Hüseynov onu da bildirib ki, bir müddət sonra isə özünü şirkətin satış müdiri kimi təqdim edən Mehdi Cavani adlı şəxslə əlaqə yarada bilib: "Həmin şəxs bildirib ki, bu məsələlərə satış müdiri Rövşən adlı şəxs cavabdehdir. Adıçəkilən şəxslə əlaqə yaratdıqda isə o, söz verdi ki, AİB-in dövlət qurumlarına müraciət etməsinə ehtiyac yoxdur, iyun ayının sonunadək “Sevimli” sözünü malların üzərindən götürəcəklər".

Məsələyə aydınlıq gətirmək üçün biz də "Sevimli"nin rəsmisi Mehdi Cavani ilə əlaqə saxladıq. O bildirdi ki, "Sevimli" marka deyil, sadəcə olaraq malın adıdır: "Bizdə "Sevimli",  "Dadlı", "İsti" servalatları var. Bunlar markanın adları deyil".

Şirkət rəsmisi daha sonra bu məsələylə bağlı bizi hüquqşünasa yönləndirəcəyini desə də, sonradan onunla əlaqə yaratmaq mümkün olmayıb.

Qeyd edək ki, məsələ ilə bağlı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət ünvanlamışıq. Dövlət xidməti rəsmi münasibətini açıqlayarsa, agentlik bunu da işıqlandıracaq.

Həmçinin oxuyun:

Eyyub Hüseynov: “Enerji içkiləri insanların sağlamlığına ziyan vurur”

32
Rusiya Dövlət Dumasına seçkilər (2021)

Rusiyada keçirilən seçkilərdə kim irəlidədir - Exit-poll nəticələri

11
(Yenilənib 00:13 20.09.2021)
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

11
Teqlər:
'exit-poll', Rusiya
Minsk şəhərinə mənzərə, arxiv şəkli

Azərbaycan ilə Belarus arasında ticarət dövriyyəsi 200 milyon dolları ötüb

7
(Yenilənib 22:18 19.09.2021)
Azərbaycan Respublikasından Belarusa ixracın dəyəri 130 milyon dollar, bu ölkədən idxalın dəyəri isə 79,5 milyon dollar təşkil edib.

BAKI, 19 sentyabr - Sputnik. Cari ilin yanvar-avqust aylarında Azərbaycan ilə Belarus arasında ticarət dövriyyəsi 209,5 milyon ABŞ dolları təşkil edib.

Bu barədə AZƏRTAC-a Belarus Dövlət Statistika Komitəsindən məlumat verilib.

Səkkiz ayda Azərbaycandan Belarusa ixracın dəyəri 130 milyon dollar, bu ölkədən ölkəmizə idxalın dəyəri isə 79,5 milyon dollar təşkil edib.

Həmçinin oxuyun:

Azərbaycan Prezidenti Belarusla müdafiə sahəsində müqaviləni təsdiqlədi

7
Teqlər:
Belarus, ixrac, idxal