Bakıda restoran, arxiv şəkli

Kef üstündən kefimizi gəldi, sordu... polislər: açıq havada "oturmaq" üçün sənəd gərəkdir?

117
(Yenilənib 18:58 24.08.2021)
Azərbaycanda yay fəsli bir qayda olaraq payızın üçüncü ayınadək davam edir. Bu müddətdə restoran-kafeyə baş çəkənlər isə açıq havada oturmağa üstünlük verirlər. Ancaq bir əmma var: onlardan da COVID pasportu tələb olunacaq?

BAKI, 24 avqust — Sputnik. Sentyabrın 1-dən ictimai iaşə müəssisələrində, mehmanxanalarda və iri ticarət mərkəzlərində göstərilən xidmətlərdən yaşı 18-dən yuxarı olan şəxslər yalnız COVID-19 pasportuna malik olduğu halda istifadə edə biləcəklər. Bu, Nazirlər Kabinetinin “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə” qərarda etdiyi dəyişiklikdə əksini tapıb.

Maraqlıdır, açıq havada fəaliyyət göstərən kafe, restoran, şadlıq evlərinə giriş üçün COVID-19 vaksini tələb olunacaqmı?

Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bu məsələyə aydınlıq gətirib.

E.Hacıyev Sputnik Azərbaycan-a açıqlamasında bildirib ki, bütün hallarda müvafiq olaraq vergi qeydiyyatında olan kafe, restoran, şadlıq evi, bu və ya digər baxımdan ictimai iaşə obyektlərinə giriş üçün COVID-19 pasportu, yaxud immunitet sertifikatının olması vacibdir:

"1 sentyabr tarixindən 1-ci doza, 1 oktyabr tarixindən isə 2-ci doza üzrə COVID-19 pasportu tələb olunacaq. Bütün vətəndaşları – hüquqi, fiziki və vəzifəli şəxsləri bu qayda və tələblərə ciddi əməl etməyə çağırırıq. Nə qədər ki bu infeksiya ilə bağlı qabaqlayıcı tədbirlər qüvvədədir, hər bir vətəndaşın borcudur ki, bu qayda və tələblərə əməl etsin. Bu, həm də bizim sosial məsuliyyətimizdən irəli gələn məsələdir. Koronavirus infeksiyasına qarşı mübarizədə hər bir vətəndaş Nazirlər Kabineti yanında Operativ Qərargah tərəfindən müəyyən olunan norma və qaydaların tam həcmdə həyata keçirilməsinə öz töhfəsini verməlidir".

Bir neçə şadlıq evi ilə də əlaqə saxladıq.

Məşhur restoranlardan birindən bildirildi ki, onlar da bu qayda və tələblərdən xəbərdardırlar: "Ümumiyyətlə, məkanın açıq və ya qapalı olmasından asılı olmayaraq qanunvericiliklə şəxsdən ictimai iaşə obyektinə daxil olarkən COVID-19 pasportu, immunitet sertifikatı tələb olunmalıdır. Lakin hələlik "ASAN Xidmət"in yeni istifadəyə veriləcək sistemi aktivləşməyib ki, biz gələn müştərilərin sənədlərinin olub-olmamasını yoxlaya bilək. Biz restoran sahibi olaraq bu sənədləri tələb edəcəyik".

Digər şadlıq evindən isə bildirilib ki, hazırda da yoxlanışlar davam edir:

"Yəni adam sayı çox olan tədbirlərimiz monitorinq edilir. Düzdür, hazırda Məhərrəm ayıdır, çoxsaylı qonağın iştirakı ilə tədbirimiz olmur. Ümumiyyətlə, demək olar ki, avqustun 9-dan etibarən böyük bir tədbirimiz yoxdur. Heç maraqlanan da yoxdur. Xəstəlik çox yayıldığı üçün camaat da özünü gözləyir".

Qeyd olunub ki, onlar üçün qoyulan əsas tələblərdən biri də sosial məsafənin saxlanılmasıdır. Açıq havada maska tələbinə gəldikdə isə, onlar belə bir tələbin olmadığını bildirirlər: "Qonaqlardan açıq havada maska tələb olunmasa da, işçilərimiz açıq havada da maska taxırlar".

Qonaqların daha çox açıq və qapalı məkanda oturmağa üstünlük vermələrinə gəldikdə isə restorandan bildirilib ki, Məhərrəm ayınadək havalar isti olduğundan müştərilər daha çox qapalı məkanda oturmağa üstünlük verirdilər".

Digər restoran sahibi isə: "Tədbirlərin keçirilməsinə icazə verildi, amma bu icazə verilməsəydi, daha yaxşı olardı", - deyə əlavə edib. O, bu fikrini yoxlamaların çox olması ilə izah edir: "Onları da qınamıram, işləridir. Amma istər-istəməz müştəri sayı azalır. Yenə də bu günümüzə şükürlər olsun, yola verə bilirik".

Eləcə də oxuyun:

117
Teqlər:
restoran, kafe, açıq məkan, açıq hava, COVID-19 pasportu, tələb
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (485)
Neft buruğu, arxiv şəkli

İraqın neft naziri: Azərbaycanla neft-qaz sahəsində əməkdaşlıqda maraqlıyıq

99
(Yenilənib 21:36 25.09.2021)
Azərbaycan və İraqın energetika nazirləri görüşüb. İki ölkə arasında neft-qaz sahəsində əməkdaşlığın inkişafına dair məsələlər müzakirə edilib.

BAKI, 25 sentyabr — Sputnik. Bakıda Azərbaycanın energetika naziri Pərviz Şahbazov ilə ölkəmizdə səfərdə olan İraqın neft naziri İhsan Abdul-Cabbar İsmail Əl-Səid arasında görüş keçirilib.

Nazirlikdən Sputnik Azərbaycan-a bildirilib ki, görüşdə əsasən iki ölkə arasında neft-qaz sahəsində əməkdaşlığın inkişafına dair məsələlər müzakirə edilib.

Nazir Pərviz Şahbazov Azərbaycanın neft-qaz sektorunda nailiyyətləri, şaxələndirilmiş infrastruktur sisteminin yaradılması ilə ölkəmizin regional və beynəlxalq enerji təhlükəsizliyinin təminatına verdiyi töhfələr, həmçinin qaz hasilatı və ixracının artımında "Cənub Qaz Dəhlizi"nin rolu barədə ətraflı məlumat verib. Eyni zamanda, müasir trendlərə uyğun olaraq bərpa olunan enerjidən istifadənin genişləndirilməsi, Qarabağ və Şərqi Zəngəzurun "yaşıl enerji" məkanlarına çevrilməsi istiqamətində görülən tədbirlər diqqətə çatdırılıb. Bildirilib ki, Azərbaycan Prezidenti İlham Əliyevin təmiz ətraf mühit və "yaşıl artım" ölkəsi milli prioritetinin növbəti onillikdə reallaşdırılmasını, işğaldan azad edilmiş ərazilərimizdə "yaşıl enerji" zonasının yaradılmasını təşviq edən strateji qərarları enerji əməkdaşlığı üçün yeni imkanlar açır.

Azərbaycanın neft sektorundakı xarici investorlarla uğurlu əməkdaşlıq təcrübəsinin artıq bərpa olunan enerji sahəsinə doğru genişləndiyini vurğulayan nazir yeni imkanları ölkələrimiz arasında enerji əməkdaşlığının inkişafı kontekstində qiymətləndirib:

"Hər iki ölkə arasında münasibətlərin yüksək səviyyəsi və qlobal neft bazarının tənzimlənməsi prosesində birgə iştirak gələcək əməkdaşlığımız üçün təməldir. SOCAR tərəfindən İraq mənşəli xam neft və neft məhsullarının dünya bazarına təchizatı və OPEC+ formatı çərçivəsində mövcud olan enerji əməkdaşlığını genişləndirmək üçün perspektivləri dəyərləndirə bilərik".

İraqın neft naziri İhsan Abdul-Cabbar İsmail Əl-Səid isə ölkəsinin neft-qaz sahəsində mövcud təcrübəsini bölüşüb, Azərbaycanın neft bazarının balanslaşdırılmasına verdiyi dəstəyi yüksək qiymətləndirib. Bildirilib ki, İraq Azərbaycanla neft-qaz və emal sahələri üzrə intensiv əməkdaşlıqda maraqlıdır.

Görüşdə, həmçinin İraqın bərpa olunan enerji ilə bağlı kursuna və dünya enerji bazarında mövcud vəziyyətə dair fikir mübadiləsi aparılıb.

Həmçinin oxuyun:

İraq SOCAR-la əməkdaşlıq etmək niyyətini açıqladı

99
Teqlər:
İraq
Bakıda Beynəlxalq Transxəzər Nəqliyyat Marşrutuna dair müzakirələr

Bakıda Beynəlxalq Transxəzər Nəqliyyat Marşrutuna dair müzakirələr aparılıb