Bakının mərkəzində insanlar, arxiv şəkli

İşıqfor prinsipi cinsi aclıq: Cəmiyyətdəki aqressiya gərginliyin qaynağı üzdə imiş

2791
(Yenilənib 01:11 09.08.2021)
Psixoloq bildirir ki, maariflənmə ilə yanaşı, inzibati-hüquqi tədbirlər də görülməlidir. Çünki insanın davranışını formalaşdıran məqamlardan biri də normalardır.

BAKI, 9 avqust — Sputnik. Son günlər xəbər saytlarının manşetlərindən qadın qətilləri, cinsi və fiziki zorakılıq halları düşmür.

Maraqlıdır, cəmiyyətdə bu qədər aqressiyanın yaranmasının başlıca səbəbləri nədir və bu problem hansı problemlərdən qaynaqlanır?

Psixoloq Elnur Rüstəmov Sputnik Azərbaycan-a açıqlamasında bildirib ki, aqressiya bir çox səbəblərdən yarandığı üçün ona birmənalı qiymət vermək çətindir:

"Ən mühüm faktorlardan biri budur ki, bu aqressiya lokal yox, qlobaldır. Bu gün dünyanın hər bir yerində bunu görə bilərik. Bu aqressiyanın səbəblərindən biri yaşadığımız vəziyyət - pandemiyadır. COVID-19, yeni ştammların yaranması, vaksinasiya, bütün bunlarla əlaqədar insanların hələ də özlərini qeyri-müəyyən durumda hiss etmələri də aqressiyanın yaranmasının başlıca səbəblərindəndir. Aqressiyanın digər səbəblərindən biri insanların həddindən artıq informasiya ilə yüklənmələridir".

Psixoloq müxtəlif asılılıq amillərinin də aqressiyaya səbəb olduğunu bildirib. İnternetdən, oyunlardan asılılıq və s. amilləri də bu sırada qeyd etmək olar: "İnternet bir tərəfdən uzağı yaxınlaşdırdısa, digər tərəfdən də yaxını uzaqlaşdırdı. Doğmalar arasında münasibətlərin bu gün ürəkaçan səviyyədə olmaması, real ünsiyyətin az olmasının yaratdığı psixoloji problemlər artıb".

E.Rüstəmov deyir ki, bu fəsad münasibətlərdə gərginliklərə səbəb olur: "Söhbət ailə münasibətlərindən gedir. Boşanmalar, ailədaxili konfliktlərin artması heç kəsə sirr deyil. Bu kimi hallar da özünü cəmiyyətə münasibətdə göstərir. Konfliktli ailədən çıxan biri istər-istəməz bu aqressiyanı cəmiyyətə də ötürür.

Bütün bunların fonunda digər nüanslar da var ki, onlar insanlarda aqressiya, seksual doyumsuzluq yaradır, eyni zamanda da zorakılığa səbəb olur".

Psixoloqun sözlərinə görə, bu kimi halların baş verməməsi üçün daha geniş miqyasda maariflənmə işləri aparılmalı və bunun üçün müasirlik və dəyərləri özündə ehtiva edən bir konsepsiya olmalıdır. E.Rüstəmov bildirir ki, digər hüquqi normaların qabardılması da vacib məqamlardan biridir: "Çünki maariflənmə ilə yanaşı, inzibati-hüquqi tədbirlər də görülməlidir. Çünki insanın davranışını formalaşdıran məqamlardan biri də normalardır. Hər kəs bilir ki, işıqforu qırmızı işıqda keçmək olmaz. Ancaq yolu qırmızı işıqda da keçən var. İşıqfor qoyulmasaydı necə, hamı buna riayət edərdi? - Yox. Yaxud da cəza olmasaydı, hamı buna riayət edərdi? - Yox. Bu səbəbdən cəza sistemi də olmalıdır".

Eləcə də oxuyun:

 

2791
Teqlər:
psixoloji, gərginlik, səbəb, psixoloq, şərh, cəmiyyət

Nəriman Abbasov Həbib Nurməhəmmədovun tələbəsini nokauta saldı

5
(Yenilənib 10:40 18.09.2021)
Moskvada Abdulmanap Nurməhəmmədovun xatirəsinə həsr olunmuş turnir çərçivəsində Nəriman Abbasovla Şamil Zavurov arasında keçirilən döyüş cəmi bir raund davam edib.

BAKI, 18 sentyabr — Sputnik. Azərbaycanın MMA döyüşçüsü Nəriman Abbasov Moskvada keçirilən turnirdə keçmiş UFC çempionu Həbib Nurməhəmmədovun tələbəsi, "Dağıstan şiri" ləqəbli Şamil Zavurovu məğlub edib.

Sputnik Azərbaycan-ın məlumatına görə, Moskvada baş tutan MMA (qarışıq döyüş növləri) turniri Həbib Nurməhəmmədovun atası Abdulmanap Nurməhəmmədovun xatirəsinə həsr olunmuşdu. Abbasov həmin görüşdə AMC Fight Nights çempion kəmərini qoruyurdu, Zavurov üçün isə qarşılaşma karyerasında sonuncu oldu.

Döyüş elə birinci raundda texniki nokautla başa çatdı. "Çingizxan" ləqəbli Nəriman Abbasov ilk dəqiqələrdən rəqibinə dəqiq zərbələr endirərək üstünlüyü ələ aldı, Zavurov raundun sonunda təzyiqə davam gətirməyərək oktaqonun döşəməsinə yıxıldı. Abbasov rəqibinə zərbələr endirməyə davam edərkən döyüş dayandırıldı. Beləliklə, Abbasov MMA-da 12-ci dəfə ardıcıl olmaqla 27-ci qələbəsini qazandı. 

Qalib elan edildikdən sonra Nəriman Abbasov qeyd edib ki, qələbəsini mərhum Abdulmanap Nurməhəmmədova həsr edir və rəqibinə hörmətlə yanaşır.

Onu da bildirək ki, döyüşdən əvvəl Həbib Nurməhəmmədov Abbasova Zavurov üzərində qələbə qazanacağı təqdirdə ən prestijli UFC promouşeni ilə müqavilə bağlamağına kömək edəcəyinə söz verib. Nəriman müsahibəsinin sonunda Həbibin vədini yada salıb: "Həbib, çamadanım hazırdır".

Eləcə də oxuyun:

5
Teqlər:
MMA, çempion, Həbib Nurməhəmmədov, azərbaycanlı, Moskva
Azərbaycan Bəstəkarlar İttifaqının sədri Firəngiz Əlizadə

Xalq artisti: “Üzeyir Hacıbəyovu hər zaman “Şərqin Motsartı” adlandırmışam”

35
(Yenilənib 09:56 18.09.2021)
Xalq artisti, Azərbaycan Bəstəkarlar İttifaqının sədri Firəngiz Əlizadə bildirib ki, onun yaradıcılığı sayəsində muğam sənəti qərbin ən mürəkkəb janrı olan opera ilə sintez tapdı
Firəngiz Əlizadə: “Ölməz bəstəkarın dahiliyi təkcə musiqi yaradıcılığı ilə məhdudlaşmır”

Azərbaycanın dahi bəstəkarı, musiqişünas alim, publisist, dramaturq, pedaqoq və ictimai xadim, müasir Azərbaycan professional musiqi sənətinin və milli operasının banisi Üzeyir Hacıbəyovun anadan olmasının 136 ili tamam olur.

Sputnik Azərbaycan dahi bəstəkarın həyat və yaradıcılığı barədə Xalq artisti, Azərbaycan Bəstəkarlar İttifaqının sədri Firəngiz Əlizadə ilə həmsöhbət olub.

Üzeyir Hacıbəyovu hər zaman “Şərqin Motsartı”, “Şərqin Günəşi adlandırmışam” -  deyə söhbətə başlayan xalq artisti dahi bəstəkarın yaradıcılığının əsrarəngizliyindən söz açıb: “Bu xüsusiyyətlər onun musiqisini ölməz edir. Nə qədər ki, azərbaycanlılar var bu musiqi qəlblərimizi fəth edəcək. Üzeyir Hacıbəyov dahi insan olub və bu hər sahədə özünü göstərib. Onun  haqqında danışarkən ən çox istifadə olunan sözlər ilk dəfə, birinci dəfədir. Onun yaradıcılığı sayəsində muğam sənəti qərbin ən mürəkkəb janrı olan opera ilə sintez tapdı. Ölməz bəstəkarın dahiliyi təkcə musiqi yaradıcılığı ilə məhdudlaşmır. Sovet İttifaqında elə bir ölkə yox idi ki, onun musiqisi orada populyar olmasın”.

Firəngiz Əlizadənin fikirlərinə ətraflı şəkildə audiofaylda qulaq asa bilərsiniz

35