Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar

Dünyada illərlə axtarılan artefakt Azərbaycanda tapıldı

157
Sarıyoxuş dərəsindəki 1 və 2 saylı daş örtüklü kurqanlarda Azərbaycan, eləcə də dünya arxeologiyası üçün çox qiymətli maddi-mədəniyyət nümunələri tapılıb. Ətraflı - Sputnik Azərbaycan-ın xəbərində.

BAKI, 24 iyul — Sputnik. Ağstafa rayonu ərazisində yerləşən "Keşikçidağ" Dövlət tarix-mədəniyyət qoruğu ərazisində arxeoloji xilasetmə və tədqiqat işləri aparılıb. Qoruq ərazisində daha iki kurqan açılaraq arxeoloji tədqiqatlar həyata keçirilib. Sarıyoxuş dərəsindəki 1 və 2 saylı daş örtüklü kurqanlarda Azərbaycan, eləcə də dünya arxeologiyası üçün çox qiymətli maddi-mədəniyyət nümunələri tapılıb.

Arxeoloji tədqiqatın rəhbəri Pərviz Qasımov Sputnik Azərbaycan-a açıqlamasında son tunc - ilk dəmir dövrünə aid Xocalı-Gədəbəy arxeoloji mədəniyyəti üçün xarakterik olan zəngin dəfn və mədəniyyət nümunələri aşkarlandığını bildirib.

© Sputnik / Ilham Mustafayev
Arxeoloji tədqiqatın rəhbəri Pərviz Qasımov

“Hər iki kurqan tapıntılarla zəngin oldu. Üzəri nəhəng sal daşla örtülmüş kurqanda 2,6 metr dərinlikdə son tunc dövrünə aid xüsusi dəfn kamerasının konstruksiyasına rast gəldik.

İki hissədən ibarət qəbir kamerasında dizdən bükülü vəziyyətdə dəfn edilən skeletləşmiş insan qalıqları aşkar olundu. Onun yanında tuncdan qılınc, qılınc qınının tuncdan sonluğu, obsidian və çaxmaq daşından ox ucluqları, olduqca yaxşı vəziyyətdə qapaqlı küpə aşkar etdik. Eyni zamanda qəbrə “o dünya üçün azuqə” məqsədilə qara cilalı qablarda ev heyvanlarının bişmiş tikələrinin sümük qalıqları qoyulub”, - deyə P.Qasımov məlumat verib.
  • Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar
    © Sputnik / Ilham Mustafayev
  • Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar
    © Sputnik / Ilham Mustafayev
  • Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar
    © Sputnik / Ilham Mustafayev
  • Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar
    © Sputnik / Ilham Mustafayev
  • Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar
    © Sputnik / Ilham Mustafayev
1 / 5
© Sputnik / Ilham Mustafayev
Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar

Arxeoloq tədqiqat zamanı ən dəyərli tapıntının skeletin boynundan asılmış muncuqların arasında aşkarlanan silindrik möhür olduğunu deyib. Onun sözlərinə görə, möhürün olması burada dəfn olunmuş şəxsin tutduğu yüksək sosial statusunu göstərməkdədir. Xüsusi sifarişlə hazırlanmış və Ön Asiya ərazisindən gətirilmiş bu möhürlə siyasi və iqtisadi sənədlər təsdiq edilib, əcnəbi tacirlərin tayfanın nəzarəti altında olan ərazilərində təhlükəsizliyi təmin edilib. Digər tərəfdən, silindrik möhür e.ə. II minilliyin sonu - I minilliyin əvvəlində Şimali Azərbaycan ərazisində sinifli cəmiyyətlərin və dövrünə uyğun dövlət quruluşunun mövcudluğunu göstərib. P.Qasımov bu tapıntının dünyada böyük maraq yaradacağını söyləyib.

© Sputnik / Ilham Mustafayev
Sarıyoxuş dərəsindəki 1 və 2 saylı daş örtüklü kurqanlarda arxeoloji qazıntılar

“Bu möhür eradan əvvəl XV-XIII əsrlərdə Suriya ərazisində mövcud olmuş Mitanni imperiyası üçün xarakterikdir. Elmdə silindrik möhürlər deyilən tapıntı saxsıdan hazırlanıb.

Bu möhürlər üzrə tədqiqat aparan xarici alimlərin hamısı qeyd edir ki, yaxşı olardı ki, bu möhür haradasa tapılaydı və onun yanında üzvi maddələr olardı. O zaman onu radiokarbon analizi edərək dəqiq yaşını tapmaq olardı. Çünki idiyədək tarixləmə yalnız tipoloji dövrləşməyə görə verilib. İndi bəxtimiz gətirdi ki, bu möhür insan qalıqları ilə birgə Azərbaycanda, Ağstafada tapıldı. İnanıram ki, bu möhür elmi dövriyyəyə daxil olduqdan sonra xaricdə böyük maraq yaradacaq“, - arxeoloq bildirib.

Qeyd edək ki, tədqiqatlar “Keşikçidağda elmi-arxeoloji qazıntılar və yay məktəbi“ adlı layihə çərçivəsində Mədəni  İrsin Qorunması, İnkişafı və Bərpası üzrə Dövlət Xidmətinin dəstəyi ilə həyata keçirilir.

Eləcə də oxuyun:

157
Teqlər:
arxeologiya, arxeoloji tapıntı, arxeoloji qazıntı, 'Keşikçidağ', Ağstafa
“Üzeyir sənətinin gənclik sədaları” layihəsinin növbəti konserti

"Üzeyir sənətinin gənclik sədaları"

8
(Yenilənib 22:24 24.09.2021)
Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb.

BAKI, 24 sentyabr — Sputnik. XIII Beynəlxalq Musiqi Festivalı çərçivəsində "Üzeyir sənətinin gənclik sədaları" layihəsinin növbəti konserti baş tutub.

Mədəniyyət Nazirliyindən Sputnik Azərbaycan-a verilən məlumata görə, Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb. Orkestrin bədii rəhbəri Zülfiyyə Sadıqova, dirijoru Orxan Həşimovdur.

Konserti ön sözlə açan bəstəkar, respublikanın Xalq artisti Sərdar Fərəcov 13 il ərzində keçirilən bu festivalın əhəmiyyətindən danışıb. Festivala artıq yeddinci ildir ki, qatılan Xəzər Universitetinin iştirakının gözəl ənənə olduğunu vurğulayıb.

Xəzər Universitetinin Fikrət Əmirov adına konfrans-konsert mərkəzində keçirilən tədbirin solist iştirakçıları sırasında respublikanın əməkdar artistləri - müğənni tenor Fərid Əliyev, zurna və balaban ifaçısı Şirzad Fətəliyev, beynəlxalq müsabiqə laureatları Məhsəti Cabbarova və Yuliya Behbudova olublar.

Konsertdə Nikolay Rimski-Korsakovun "Seyrələn uçan buludlar", Frans Leqarın "Cuditta" operasından Cudittanın mahnısı, Leo Delibin "İspan mahnısı", Tomazo Albinoninin "Adajio", Sərdar Fərəcovun "Elegiya", Ü.Hacıbəylinin "Arşın mal alan" musiqili komediyasından Gülçöhrənin ariyası və digər əsərlər səslənib. Tədbir Fikrət Əmirovun "1001 gecə" baletindən "Şəhrizadın bayramı" rəqs nömrəsi ilə tamamlanıb.

8
Qəssab əti mağazaya aparır, arxiv şəkli

İmişli sakini iylənmiş əti daşıyarkən yaxlandı

16
(Yenilənib 21:48 24.09.2021)
Avtomobilin yük yerində baytarlıq ekspertizasından keçməyən, kəskin qoxuya malik, orqanoleptik göstəricilərinə görə texniki normativ hüquqi aktların tələblərinə cavab verməyən 120 kq iribuynuzlu heyvana məxsus ət aşkarlanıb.

BAKI, 24 sentyabr — Sputnik. Azərbaycan Respublikasının Qida Təhlükəsizliyi Agentliyi (AQTA) Daxili İşlər Nazirliyinin əməkdaşları ilə birgə aparılan reyd zamanı İmişli rayonu ərazisində yaşayan vətəndaş İbrahimov Bəxtiyar Hacıəhməd oğluna məxsus 30-BJ-945 dövlət qeydiyyat nişanlı minik avtomobilinə baxış keçirib. Bu barədə agentlikdən Sputnik Azərbaycan-a verilən məlumatda bildirilib.

Baxış zamanı avtomobilin yük yerində baytarlıq (baytarlıq-sanitariya) ekspertizasından keçməyən, kəskin qoxuya malik, orqanoleptik göstəricilərinə görə texniki normativ hüquqi aktların tələblərinə cavab verməyən 120 kq iribuynuzlu heyvana məxsus ət aşkarlanıb.

Müayinələrin aparılması üçün ətdən götürülən nümunələr Azərbaycan Qida Təhlükəsizliyi İnstitutunun müvafiq laboratoriyalarına təqdim olunub. Təyin olunan müvafiq ekspertizalarla aşkar olunan ətin istehlak üçün tam yararsız və insan sağlamlığına ciddi təhlükə mənbəyi olması təsdiqini tapıb. Aşkar olunan faktla bağlı qanunvericiliyin tələbləri çərçivəsində istehlaka yararsız ümumi çəkisi 120 kq ət məhv edilib, araşdırmalar davam etdirilir.

Qeyd edək ki, bir müddət öncə Tərtərdə istehlaka yararsız 176 kq ət aşkarlanaraq məhv edilmişdi.

16
Pianoçu Vurğun Vəkilov

Səməd Vurğunun nəticəsi şah əsərləri ifa edib