CƏMİYYƏT
Cəmiyyətin həyatında baş verən aktual hadisələr

Bu radio kanallarının yayımı üç saatlıq dayandırılacaq

© AFP 2023 / KENZO TRIBOUILLARDРадиостудия, фото из архива
Радиостудия, фото из архива - Sputnik Azərbaycan, 1920, 12.07.2021
Abunə olmaq
MTRŞ "Reklam haqqında",  "Televiziya və radio yayımı haqqında"  qanunun tələblərini pozduğu üçün radio kanallarını cəzalandırıb.

BAKI, 12 iyul — Sputnik. İyulun 12-də Milli Televiziya və Radio Şurasının (MTRŞ) onlayn formatda iclası keçirilib. İclasda 25 iyun-9 iyul 2021-ci il tarixlərində ümumölkə radio kanallarının monitorinqinin nəticələri müzakirə olunub.

MTRŞ-dan Sputnik Azərbaycan-a verilən məlumata görə, 30 iyun 2021-ci il tarixdə "Araz" radio kanalının efirində saat 13.00 – 14.00 arası müddətdə 5 dəqiqə 30 saniyə sponsor reklamının yayımlanması ilə "Reklam haqqında" Azərbaycan Respublikasının Qanununun 13.2-ci maddəsinin tələbləri pozulmuşdur. Şura "Televiziya və radio yayımı haqqında" Azərbaycan Respublikasının Qanununun 23.1-ci maddəsini rəhbər tutaraq "Araz" radio kanalının efirində 18 iyul 2021-ci il tarixdə proqramların yayımının 3 saatlıq müddətədək (saat 21:00-dan saat 24:00-dək) dayandırılması haqqında qərar qəbul edib.

Həmçinin, 1 iyul 2021-ci il tarixdə "Space" radio kanalının efirində saat 08.00 – 09.00 arası müddətdə 5 dəqiqə sponsor reklamının yayımlanması ilə "Reklam haqqında" Azərbaycan Respublikasının Qanununun 13.2-ci maddəsinin tələbləri pozulub. Şura "Televiziya və radio yayımı haqqında" Azərbaycan Respublikasının Qanununun 23.1-ci maddəsini rəhbər tutaraq "Space" radio kanalının efirində 17 iyul 2021-ci il tarixdə proqramların yayımının 3 saatlıq müddətədək (saat 21:00-dan saat 24:00-dək) dayandırılması haqqında qərar qəbul edib.

Xatırladaq ki, bir müddət öncə ARB TV-nin yayımı müvəqqəti dayandırmışdı. "Elgizlə izlə" proqramının yayımı dayandırmışdı.

Eləcə də oxuyun:

  • "Lider TV" ötən gün son dəfə efirə çıxıb və bu gündən fəaliyyətini dayandırıb

  •  MTRŞ-yə yeni üzv təyin olundu - Onu "Qulp"dan tanıyırıq

Xəbər lenti
0