Məktəbli forması, arxiv şəkli

Yeni məktəbli formalarının qiyməti necəyə olacaq? BTE-dən cavab

55
(Yenilənib 19:47 06.07.2021)
Təhsil Nazirliyi məktəblilər üçün yeni geyim nümunələrini təsdiq üçün təqdim edib. Ölkə məktəblilərinin mütləq əksəriyyətinin geyindiyi məktəbli forması istehsalçısı olan Bakı Tikiş Evi (BTE) məsələyə aydınlıq gətirib.

BAKI, 6 iyul — Sputnik. Məktəblilər üçün yeni geyim nümunələri təsdiq üçün təqdim edilib. Bu barədə Təhsil Nazirliyindən bildirilib.

Rəsmi məlumata görə, həmin təsvirlər təsdiq edildiyi təqdirdə ictimaiyyətə bildiriləcək. Bununla belə, qeyd edilib ki, yeni geyim forması təsdiq olunduqdan bir müddət sonra da hazırda qüvvədə olan məktəbli formaları da istifadədə qalacaq.

Xatırladaq ki, pandemiyadan əvvəl 2020-2021-ci tədris ili üzrə şagirdlərin geyim formalarının təsvirlərini müəyyən edən layihəyə dair ictimai rəyin öyrənilməsinə başlanılıb. Layihəyə görə, qızlar üçün yay geyim forması qısaqol köynək və ətəkdən, qış geyim forması isə uzunqol köynək, ətək və önü zəncirbəndlə bağlanan cibli jaketdən ibarət olacaq. Oğlanlar üçün yay fəslində tətbiq edilən geyim forması qısaqol köynək və şalvardan, qış geyim forması isə uzunqol köynək, şalvar və önü zəncirbəndlə bağlanan cibli jaketdən ibarət olacaq.

Geyim formaları elementlərinin aşağıdakı rənglərdə hazırlanması nəzərdə tutulur:

- Ətək və şalvar - qara, tünd-qəhvəyi, tünd-boz, tünd-göy və qəhvəyi-yaşıl;

- Köynək - ağ, dəri, mavi, açıq-yaşıl və açıq-sarı;

- Jaket - tünd-boz, qəhvəyi, tünd-göy, tünd-yaşıl və açıq-gəhvəyi.

Sputnik Azərbaycan ölkə məktəblilərinin mütləq əksəriyyətinin geyindiyi məktəbli forması istehsalçısı olan Bakı Tikiş Evi (BTE) ilə əlaqə saxlayıb.

BTE-nin satış şöbəsinin müdiri Etibar Əzimov Sputnik Azərbaycan-a açıqlamasında bildirib ki, onların yeni məktəbli formalarının istehsal ediləcəyindən xəbərləri yoxdur:

"Bu məsələ ilə bağlı Təhsil Nazirliyi rəsmilərinin iştirakı ilə görüş keçirilmişdi, biz də öz təklifimizi vermişik. Amma bizim təklif etdiyimiz eskizlər nazirliyin təsdiq üçün təqdim etdiyi geyim nümunələri arasında yoxdur. Amma istənilən məktəbli forması nümunəsi təsdiq edilərsə, BTE bu sahə üzrə ixtisaslaşmış tikiş müəssisəsi kimi həmin formaları istehsal edə bilər".

Bununla yanaşı, E.Əzimov yeni geyim forması ilə yanaşı, hazırda qüvvədə olan məktəbli formalarının da istehsalını davam etdirəcəklərini bildirib: "Nazirliyin açıqlamasında da qeyd edilir ki, hazırda qüvvədə olan məktəbli formalarından da istifadə ediləcək. Ona görə də biz gələn tədris ilində, ehtiyac olarsa, həmin məktəbli formasından istehsal edəcəyik. Bunun üçün kifayət qədər parçamız da var. Həmçinin keçən ildən də bir qədər forma satılmamış qalıb".

BTE səlahiyyətlisi yeni məktəbli formalarının qiyməti ilə bağlı indidən heç bir fikir söyləməyin mümkün olmadığını bildirib. E.Əzimov bildirib ki, hazırkı məktəbli formalarının qiyməti isə dəyişməyib.

Xatırladaq ki, 2020-ci ildə Təhsil Nazirliyi yanında İctimai Şuranın təşkilatçılığı ölkədəki tikiş müəssisələrinin rəhbərləri ilə yeni məktəbli forması ilə bağlı müzakirə aparılıb. Təhsil Nazirliyi rəsmiləri bəyan ediblər ki, məktəbli formasının tikilməsi ilə bağlı nazirliklə hər hansı tikiş müəssisəsi arasında heç bir anlaşma yoxdur. Nazirlik nümayəndələri məktəbli formasının tikilməsi mexanizminin tam şəffaf keçiriləcəyini, bu məsələdə maraqlı tərəf olmadıqlarını bildiriblər.

Məlumat üçün bildirək ki, hazırda ölkəmizdə məktəbli forması istehsalı əsasən bir müəssisə - Bakı Tikiş Evi tərəfindən aparılır.

Qeyd edək ki, ötən tədris ili koronavirus pandemiyasına görə dərslər əsasən onlayn keçirildiyindən, məktəbli formalarına təlabat olmadı. Bu il isə dərslərin necə keçiriləcəyi pandemiyanın gedişatından asılı olacaq.

Xatırladaq ki, "Nazirlər Kabineti tərəfindən təsdiqlənən "Ümumtəhsil məktəblərinin nümunəvi nizamnaməsi"ndə hər bir məktəbdə vahid məktəbli geyiminin olması əks olunub.

Eləcə də oxuyun:

55
Teqlər:
məktəbli, forma, geyim, 'Bakı Tikiş Evi' (BTE) ASC, qiymət
Türkiyənin Antalya əyalətində meşə yanğınları

Türkiyə alovlar içində: Yanğınlar lokallaşdırılsa da, mübarizə davam edir

1241
(Yenilənib 00:29 31.07.2021)
Türkiyənin kənd və meşə təsərrüfatı naziri Bekir Pakdemirli bildirib ki, hazırda 81 yanğın ocağından 70-i lokallaşdırılıb, Adana, Osmaniyə, Antalya, İzmir, Mersin, Muğlada yanğınlarla mübarizə davam edir.

BAKI, 30 iyul - Sputnik. Türkiyənin yanğınsöndürənləri 85 yanğın ocağından 74-nü lokallaşdıra biliblər. Sputnik Azərbaycan xəbər verir ki, bu barədə Türkiyənin kənd və meşə təsərrüfatı naziri Bekir Pakdemirli özünün "Twitter" səhifəsində yazıb.

O qeyd edib ki, hazırda 85 yanğın ocağından 74-ü lokallaşdırılıb, Adana, Osmaniyə, Antalya, İzmir, Mersin, Muğlada yanğınlarla mübarizə davam edir.

Nazirin sözlərinə görə, 11 yerdə yanğın davam edir. Yanğınla mübarizəyə 6 təyyarə, 9 pilotsuz uçuş aparatı (PUA), bir pilotsuz helikopter, 45 yanğınsöndürmə helikopteri, bir yanğınsöndürmə tankeri, 1 080 suçiləyici və 55 inşaat maşını, 4 mindən çox heyət cəlb edilib.

Meşələrin qəhrəmanlarının havadan və yerdən böyük sədaqətlə yanğınlarla mübarizə apardığını ifadə edən nazir dəstək göstərən hər kəsə minnətdarlığını bildirib.

Azərbaycanın yanğınsöndürənləri də Türkiyəyə köməyə gediblər

Azərbaycan Prezidentinin tapşırığına əsasən Fövqəladə Hallar Nazirliyinin yanğınsöndürmə qüvvələrinin əməkdaşları Türkiyəyə yola düşüb. Heyət AZAL-ın təyyarələri ilə Türkiyə Respublikasına yola salınıb.

Fövqəladə hallar nazirinin müavini Etibar Mirzəyev jurnalistlərə açıqlamasında bildirib ki, Azərbaycan Prezidentinin tapşırığına əsasən, nazirliyin 500 nəfərdən ibarət şəxsi heyəti, helikopterlər və digər lazımi avadanlıq və ləvazimatlar qısa zamanda qardaş Türkiyəyə çatdırılacaq.

E.Mirzəyevin sözlərinə görə, hazırda Azərbaycan Fövqəladə Hallar Nazirliyinin Dövlət Yanğından Mühafizə Xidmətinin 100 nəfər əməkdaşı Türkiyəyə yola düşür:

"Bildiyimiz kimi, bu gün Türkiyədə güclü yanğınlar müşahidə olunur. Azərbaycan Respublikasının Birinci vitse-prezidenti Mehriban xanım Əliyeva Türkiyədə baş verən yanğınlarda həlak olan şəxslərin yaxınlarına başsağlığı verib".

"Türkiyənin kədəri Azərbaycanın kədəridir", - deyən nazir müavini əlavə edib ki, Azərbaycandan iki helikopter və 500 nəfərdən artıq canlı qüvvə və 50-dən artıq texnika hazır vəziyyətdədir.

Türkiyədə yanğınlar 

Türkiyədə, Antalyanın Manavgat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın nəticəsində Manavqat rayonun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb.

Ümumilikdə Türkiyənin Antalya əyalətində başlayan meşə yanğınları nəticəsində 3 nəfər həlak olub, 62 nəfər isə xəsarət alıb.

Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Antalyadan başqa Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində də kütləvi surətdə meşa yanğınları baş verməkdədir. Türkiyə rəsmiləri hadisənini terror aktı olduğunu istisna etmirlər. 

Həmçinin oxuyun:

Azərbaycan yanğınsöndürənləri qardaş ölkənin harayına getdilər

* İlham Əliyev Rəcəb Tayyib Ərdoğana başsağlığı verib

* Mehriban Əliyevadan Türkiyəyə dəstək

* Çavuşoğlu Türkiyədəki yanğınlar barədə: "Saxlanılan şübhəlilər var"

1241

Pandemiya bahalı mənzilləri gözdən salıb: indi onlar heç kəsə lazım deyil

407
(Yenilənib 21:59 30.07.2021)
Pandemiya dövründə Azərbaycanda çox bahalı olan mənzillərə tələbat, canlanma olmadı. Bu müddətdə daha çox ipoteka ilə mənzillər satıldı, nağd olaraq satılan mənzillərin sayı isə azaldı.

BAKI, 30 iyul — Sputnik. Bu ilin yanvar-iyun aylarında dünya üzrə qiyməti 10 milyon ABŞ dollarından yuxarı olan super bahalı evlərin satışı ilə bağlı 13,7 milyard ABŞ dolları məbləğində 785 əqd bağlanıb ki, bu da dəyər və kəmiyyət baxımından bir il əvvəlki göstəricilərdən iki dəfə çoxdur. Açıqlanan vəsait Nyu-York, Los-Anceles, Honq-Konq, London, Sidney, Sinqapur və Dubayda evlərin alınmasına sərf olunub.

Maraqlıdır, Azərbaycanda bahalı mənzil bazarında vəziyyət necədir?

Azərbaycanın Rieltorlar Birliyinin sədri Elnur Azadov Sputnik Azərbaycan-a açıqlamasında ümumi vəziyyəti şərh edib. O bildirir ki, pandmeiya başladığı müddətdə daşınmaz əmlak bazarı haqda verilən proqnozlar özünü doğrultmayıb: "Pandemiya başlayanda belə bir fikir formalaşmışdı ki, müxtəlif sahələr, o cümlədən də turizm və daşınmaz əmlak sahələri çökəcək. Mənzil almaq istəyən vətəndaşlar ehtiyat etdilər. Beləcə bir il, il yarım ərzində bazarda daşınmaz əmlak almaq istəyən müşəri bazası toplandı. Onlar başa düşdülər ki, bu sahədə investisiya yatırmaq baxımından bunun heç bir riski yoxdur".

E.Azadov deyir ki. yaranmış bu vəziyyət bütün dünya ölkələri üçün bir təcrübə oldu, daşınmaz əmlak bazarına elə ciddi bir təsiri olmadı: "Xüsusən də Azərbaycanda bunu müşahidə edə bildik. Bu müddətdə daşınmaz əmlak bazarında alqı-satqıdan fərqli olaraq hotellər, əcnəbilər üçün kirayələnən evlər daha çox zərərlə üzləşdilər".

E.Azadov deyir ki, hazırda da daşınmaz əmlak bazarına böyük maraq var. Yerli bazardakı vəziyyətə nəzər salan ekspert bildirir ki, bu müddətdə fərdi evlərin tikintisi üçün xırda torpaqlara tələbat artdı.

Daşınmaz əmlak üzrə ekspert Elnur Fərzəliyev Azərbaycanda hələ pandemiyadan öncə bahalı mənzil bazarının alıcılarının azaldığını deyir. O yaranmış vəziyyətin həmin mənzil bazarında qiymətlərin şişirdilmiş olmas ilə izah edir: " Zamanla bu mənzillərin qiyməti aşağı düşdü və real bazar qiyməti aldı. Hazırda da həmin mənzillərdə qiymət artımı yoxdur".

Ekspert bildirir ki, pandemiya dövründə Azərbaycanda çox bahalı olan mənzillərə tələbat, canlanma olmadı. Bu müddətdə daha çox ipoteka ilə mənzillər satıldı, nağd olaraq satılan mənzillərin sayı isə azaldı.

Əmlak sektorunun inkişafının həm də turizm sektorundan asılı olduğunu deyən ekspert Türkiyədəki vəziyyətdən danışır: "Türkiyədəki vəziyyətə nəzər yetirək, burada aylıq olaraq Azərbaycan vətəndaşları tərəfindən 80-100 mənzil alınır. Həmçinin digər ölkələrdən hər ay Türkiyədə mənzil alanların sayı artır. Bunun da əsas səbəbi Türkiyənin turizm sektorunun inkişafda olması ilə bağlıdır".

"2-3 il öncəyə nəzər salsaq, görərik ki, bu müddətdə Azərbaycana ən çox şərq ölkələrindən axın edilib. Onlar bir müddət sonra Azərbaycanın daşınmaz əmlak sektoruna maraq göstərdilər. Lakin əcnəbilərin Azərbaycanda torpaq ala bilməməsi, yaxud da böyük villalar ala bilməməsi maneələr yaradır. Bu səbəbdən həmin ölkələrin vətəndaşlar bizimlə qonşu ölkələrdən daşınmaz əmlak almağa maraq göstərdilər", - deyə E.Fərzəliyev əlavə edib.

Azərbaycanda bahalı mənzil bazarında canlanma yoxdur. Çox bahalı mənzillərin qiymət artımı yoxdur.

407
Пульт дистанционного управления телевизором

CBC teleradio şirkətində kadr dəyişiklikləri baş verib