Neftçalada su turbasından asılmış boş plastik qablar, arxiv şəkli

Neftçalada su yenidən qəhətə çəkilib? Deputat yazdı, "Azərsu" cavab verdi

50
(Yenilənib 00:32 02.07.2021)
Milli Məclisin deputatı Sabir Rüstəmxanlı Kürdə yaranan problem üzündən sakinlərin su ilə bağlı çətinlik çəkdiyini söyləyib. "Azərsu" ASC isə problemin həlli üçün layihələrin icra edildiyini deyir.

BAKI, 2 iyul — Sputnik. Milli Məclisin deputatı Sabir Rüstəmxanlı Kürün suyunun azaldığı ilə bağlı həyəcan təbili çalıb. Deputat qeyd edib ki, havalar istiləşdikcə Kürün suyunun azalmasıyla bağlı ona zənglər gəlir: "Keçən il olduğu kimi, bu il də Xəzərin suyu çay yatağını doldurub, adamlar yenə su maşınlarınin ümidinə qalıblar, heyvan-qara qırılır, duzlu dəniz suyu çay yuxarı qalxaraq Salyan ərazisinə yaxınlaşmaqdadır və s. Gözlənilməz xəbər deyil, ağlı olan hər kəs keçənilki faciəli durumun bu il də təkrarlanacağını bilirdi. Çünki təbiətin bizi üzləşdirdiyi bu çətinliyin qarşısını almaq üçün lazım olan işlər görülməyib, vədlər yerinə yetirilməyib, çayın, dənizin dilini bilən yerli insanların təklifləri nəzərə alınmayıb".

Deputat bildirib ki, dövlət ötən yay rayon camaatını susuzluqdan xilas etmək üçün qısa müddətdə mümkün olan bütün vasitələrə əl atıb. Bütün qonşu rayonların su maşınları Neftçalaya yönəldilib, cəmi bir neçə ay ərzində Neftçala şəhərinə su kəməri çəkilib və hər kəs arxayınlaşıb.

"Lakin bu rayon təkcə Neftçala şəhərindən ibarət deyil və təəssüf ki, şəhərin də su şəbəkəsi yarıtmaz vəziyyətdədir, təzələnməlidir, tamamlanmalıdır. Mən bir daha Nazirlər Kabinetinə, əlaqədar dövlət qurumlarına müraciət edirəm. Yağış yağacağına, Kürün yenidən aşıb-daşacağına ümid bəsləməsinlər. Dünyada təbii su ehtiyatları bizdən qat-qat az olan ölkələr, dövlətlər var. Su məsələsini necə həll edirlər? Öyrənmək çətin deyil. Bir yayı, iki yayı birtəhər yola verməklə iş bitməz. Aran rayonlarımızın su problemini əsaslı şəkildə həll etmək lazımdır", - deyə S. Rüstəmxanlı bildirib.

"Azərsu" ASC-nin mətbuat xidmətinin rəhbəri Anar Cəbrayıllı Sputnik Azərbaycan-a açıqlamasında bildirib ki, Neftçala ilə bağlı layihənin birinci mərhələsi ötən il icra olunub. Salyandan Neftçalaya 40 km-lik magistral su kəməri inşa olunub. Bu gün artıq Neftçala şəhəri yeni kəmərdən su alır. A. Cəbrayıllı həmçinin qeyd edib ki, "Azərsu" orada su doldurucu qüllələr quraşdırıb: "Həmin qüllələrdən su kəndlərə daşınır. Kəndlərdəki modul tipli təmizləyici qurğuların su anbarına ötürülür, oradan isə nasoslarla ümumi istifadədə olan bulaqlara verilir ki, insanlar təmiz sudan istifadə edə bilsinlər. Qeyd edim ki, bunun üçün lazımi qədər su maşını da ayrılıbdır".

Onun sözlərinə görə, artıq layihənin ikinci mərhələsinin icrasına balanılıb. Bu mərhələ şəhərin su təsərrüfat sistemlərinin yenidən qurulması və şəhərə yaxın kənd və qəsəbələrin su təsərrüfatının yaxşılaşdırılmasını ehtiva edir. Layihənin üçüncü mərhələsində isə digər kəndlərin su təminatı yaxşılaşdırılacaq. Bu gün həm Neftçala İcra Hakimiyyəti, həmçinin də "Azərsu" ASC tərəfindən maşınlarla su daşınır. Hətta bəzi kəndlərə su çənləri də qoyulub. Maşınlarla suyun daşınması davam edir.

Qeyd edək ki, Neftçalada analoji problem ötən mövsüm də yaranmışdı. Son illər Kür çayında suyun azalması səbəbindən codluğun yüksəlməsi suyun keyfiyyətinə təsir edib və onu içməyə yararsız hala salıb. Buna görə də rayon mərkəzinin, eləcə də ətraf kənd və qəsəbələrin içməli suya olan tələbatı maşınlarla daşınan su hesabına təmin olunur. Bu səbəbdən də Prezident İlham Əliyev Neftçalada içməli su çatışmazlığının həlli üçün tapşırıq vermişdi.
Eləcə də oxuyun:

50
Teqlər:
'Azərsu' ASC, Neftçala, problem, içməli su
Manat, arxiv şəkli

Prezident İlham Əliyev Səhiyyə Nazirliyinə 600 min manat ayırıb

3
(Yenilənib 18:46 29.07.2021)
Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti bu Sərəncamdan irəli gələn məsələləri həll etməlidir.

BAKI, 29 iyul — Sputnik. Prezident İlham Əliyev Milli Hematologiya və Transfuziologiya Mərkəzində əsaslı təmir və yenidənqurma işlərinin aparılması ilə bağlı tədbirlər haqqında Sərəncam imzalayıb.

Sputnik Azərbaycan xəbər verir ki, Sərəncama əsasən talassemiyalı və hemofiliyalı xəstələri günün tələbləri səviyyəsində tibbi xidmətlə təmin etmək məqsədilə Milli Hematologiya və Transfuziologiya Mərkəzində əsaslı təmir və yenidənqurma işlərinin aparılması üçün Azərbaycan Respublikasının 2021-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Səhiyyə Nazirliyinə 600 000 (altı yüz min) manat ayrılıb.

Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti bu Sərəncamdan irəli gələn məsələləri həll etməlidir.

Həmçinin oxuyun:

Prezident Gəncəyə pul ayırdı: Məktəb, teatr binası, “Asan xidmət”, idman sarayı tikiləcək

Qəzet və xəbər saytlarına pul vəsaiti ayrıldı - Siyahı

3
Qazaxda mətkəbin həyəti

Qəbul imtahanlarında maksimum nəticə göstərmiş paytaxt məktəbliləri

6
(Yenilənib 18:14 29.07.2021)
II və III ixtisas qrupları üzrə ali məktəblərə qəbul imtahanlarında Mirsaleh Məmmədov 671, Aygün Mahmudlu 657 bal toplayıb

BAKI, 29 iyul — Sputnik. Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin məzunları II və III ixtisas qrupları üzrə ali məktəblərə qəbul imtahanlarında ən yüksək nəticə göstəriblər. İdarədən Sputnik Azərbaycan-a verilən məlumatda bildirilir ki, 14-15 iyul tarixlərində keçirilmiş qəbul imtahanlarının (XI sinif üzrə) nəticələrinə əsasən, BŞTİ-nin tabeliyindəki 192 nömrəli tam orta məktəbin şagirdi Mirsaleh Məmmədov II mərhələdə bütün suallara düzgün cavab verərək 400 bal toplayıb. İmtahanın I mərhələsində 271 bal yığan istedadlı məzun hər iki mərhələnin cəminə görə 671 bal toplayıb.

Qeyd edək ki, M.Məmmədov 2019-cu ildə keçirilən Respublika fənn olimpiadalarında coğrafiya fənni üzrə III yeri tutub. 2021-ci ildə isə II yerə layiq görülərək Avropa Coğrafiya Olimpiadasına vəsiqə qazanıb. III ixtisas qrupu üzrə ən yüksək nəticəni isə Bakı şəhəri 323 nömrəli tam orta məktəbin şagirdi Aygün Mahmudlu göstərib. Belə ki, II mərhələdə 396,2 bal toplayan məktəbli hər iki mərhələnin cəminə görə 657 bal toplayıb. Uğur qazanmış bütün abituriyentləri, onların müəllimlərini və valideynlərini ürəkdən təbrik edir, müvəffəqiyyətlər arzulayırıq!

Həmçinin oxuyun:

Magistraturaya kimlərin qəbul olunduğu bilindi

İlahiyyat İnstitutuna qəbul olunmuş abituriyentlərin nəzərinə

6