Şəmkirdə zibilliyə atılmış pomidorlar

Pomidor baronları iflas içində: Şəmkir zibilliklərində ağlamalı mənzərə

11149
(Yenilənib 16:18 29.06.2021)
Ölkənin ən kütləvi istixanaları olan bölgəsində vəziyyət acınacaqlı hala çatıb. Fermerlər becərdikləri pomidoru zibilliyə ataraq ondan canlarını qurtarırlar.

BAKI, 29 iyun — Sputnik. Hazırda Şəmkir rayonunun bir çox yerində eyni mənzərəyə rast gəlmək mümkündür - zibilliyə atılmış pomidorlar. Bu da Azərbaycanın ən kütləvi istixanalar olan rayonunda tərəvəzin satışında olan vəziyyətlə əlaqədardır.

Sputnik Azərbaycan-ın bölgə müxbiri ilə söhbətində şəmkirli fermer Cavad Mürşüdlü vəziyyətin həddən artıq acınacaqlı olduğunu bildirib. O, becərdiyi 0.6 ha istixanada gün ərzində 1-2 ton pomidoru zibilə atmaq məcburiyyətində qaldığını deyib:

“Vəziyyət həddən artıq pisdir. Hər həftə 7-8 ton pomidor yığırıq. Ondan gün ərzində uzağı 50-100 kilo sata bilirik. Dünən 25 kiloluq 100 qutu pomidor qablaşdırıb bazara aparmışıq. Ondan yalnız 2 qutu sata bilmişik. 25 kiloluq qutunu 2 manata alan yoxdur. İstidir deyə saxlamaq olmur. 3-5 günə xarab olur. Hər gün 1-2 ton zibilə atırıq. Yalnız bu il 50 min xərc çəkmişəm, amma 1 manat gəlir götürmək mümkün olmayıb”. 

© Sputnik / Ilham Mustafayev
Şəmkirdə zibilliyə atılmış pomidorlar

Təsərrüfat sahibləri məhsulu ölkə xaricinə çıxarmağın da mənasız olduğunu bildiriblər. Sahibkar Vahid Əsgərov indiyədək pomidorun əsas alıcısı olan Rusiya bazarlarında da qiymətin aşağı olduğunu deyib: “Qiymət aşağıdan da aşağıdır. Lakin yenə alıcı yoxdur. Alanlar da onu satıb xeyir qazana bilmirlər ki, yenə gəlib alsınlar. Biz özümüz də bazarlara çıxara bilmirik. Ən yaxşı malı 10 qəpiyə zorla satırıq. O da heç dərmanın pulunu çıxarmır. Bir az Rusiyaya aparıldı. Orda da qiymət həddən artıq ucuzdur. Göndərilən malın yalnız kağızının, yeşiyinin pulunu çıxarmaq olur. Ya da günlərlə qalır sərhəddə keçə bilmir. Mal maşında xarab olur. Bu saat hamı müflis olmaq vəziyyətindədir. Sonu da bilmirik nə olacaq”, - deyə o bildirib.

© Sputnik / Ilham Mustafayev
Pomidoru saxlamaq olmur, 3-5 günə xarab olur

Sahibkarlar hələ avqustun ortalarına kimi istixanalarda pomidorun yetişəcəyini deyiblər. Lakin bir çoxları artıq məhsul dəriminə də əlavə vaxt ayırmaq istəmirlər. Onlar indiyə kimi çəkdikləri xərcləri, aldıqarı borcları necə ödəyəcəklərini düşünürlər. Rayon sakini Seymur Xəlilov hazırda hər kəsin bir-birinə borclu duruma düşdüyünü bildirib. Bunun da gələcəkdə daha ciddi problemlərə səbəb olacağını deyib:

“İstixana işi elə qurulub ki, hər kəs nisyə işləyir. Dərmanın, digər lazımlı şeylərin pulunu pomidor satışına saxlayırlar. Artıq neçə illərdir iş belə qurulub. Bu gün nə qədər insan istixanalara ümidlənib, nisyə bazarlıq edirdi. Apteklərdən dərman alırdı. Fikirləşirdi ki, pomidor yetişəndə hesablaşaram. Amma indi məhsul yetişib, ortada heç nə yoxdur. Hamı bir-birinə borclu duruma düşüb. Gələcəkdə bu hal daha böyük problemlərə yol açacaq”, - deyə o, narahatlığını ifadə edib.

  • Şəmkirdə zibilliyə atılmış pomidorlar
    © Sputnik / Ilham Mustafayev
  • Təsərrüfat sahibi Vahid Əsgərov.
    © Sputnik / Ilham Mustafayev
  • İstixana
    © Sputnik / Ilham Mustafayev
  • Şəmkir sakini Seymur Xəlilov
    © Sputnik / Ilham Mustafayev
  • İstixanada pomidorlar
    © Sputnik / Ilham Mustafayev
  • Cavad Mürşüdlü
    © Sputnik / Ilham Mustafayev
  • Şəmkirdə zibilliyə atılmış pomidorlar
    © Sputnik / Ilham Mustafayev
1 / 7
© Sputnik / Ilham Mustafayev
Şəmkirdə zibilliyə atılmış pomidorlar

Şəmkir Dövlət Aqrar İnkişaf Mərkəzinin Bitkiçilik sektorunun müdiri Araz Məmmədov problemi məhsulun ölkə xaricinə getməməsi ilə əlaqələndirib: “Bu il Şəmkirdə 5997 təsərrüfatda 960 hektar ərazidə pomidor əkilib. Satışda olan problem yolun bağlanması ilə əlaqədardır. Şəmkir fermerlərindən təxminən 25 nəfərinə Rusiyaya mal çıxarmağa icazə verildi. Nəticədə digər sahibkarlar məhsulunu sata bilmədi. Emal müəssisələrinin, konserv zavodların olmaması da təsərrüfat sahiblərini çətin vəziyyətə salır. Ölkədə olan məhsul bazar tələbatından çoxdur. Bununla əlaqədar mütəmadi olaraq sahibkarlarla görüşlər keçirir, onların yerli bazarlarda da tələbat olan digər tərəvəz bitkiləri becərməsi üçün tövsiyələr veririk”, - deyə o bildirib.

© Sputnik / Ilham Mustafayev
Bu il Şəmkirdə 5997 təsərrüfatda 960 hektar ərazidə pomidor əkilib

Müqayisə üçün deyək ki, 2019-cu ildə yerli bazarlarda pomidorun bir kiloqramı 3-4 manata, ötən il isə 1,5- 2 manata satılıb. Hazırda pomidorun bazardakı satış qiyməti təxminən 30-33 qəpik civarındadır.

Şəmkirli fermerləri və iş adamlarını el arasında "pomidor baronları" adlandırırlar. Çünki ölkə üzrə ən çox pomidor onların istixanalarında yetişdirilir və satış məqsədilə xaricə çıxarılır. Rusiyada pomidor bazarına da əsasən şəmkirli iş adamlarının nəzarət etdiyi bildirilir. 

Həmçinin oxuyun:

  • Kənd təsərrüfatı məhsullarının ixrac problemi necə həll olunur

  • Azərbaycan-Rusiya sərhəddində yük maşınlarının növbəsi aradan qaldırılıb

  • Azərbaycanda yeni tərəvəz növləri yaradılıb

  • Sərhəddə tarıma çəkilən əsəblər - Təkliflər var, növbə isə sorulmur - VİDEO

  • Həftələrlə davam edən problem bu gündən həllini tapdı: Rusiyaya ixrac başlanır
11149
Azərbaycanlı güləşçi Rafiq Hüseynov Tokio-2020 Olimpiya Oyunlarında

Tokio Olimpiadası bürüncə ümidlər var

8
(Yenilənib 09:49 02.08.2021)
Azərbaycan idmançılarının hələ Olimpiya Oyunlarının bürünc medalını qazanmaq şansı var, ancaq bu o halda olacaq ki, onların uduzduqları rəqibləri finala çıxsınlar.

BAKI, 2 avqust – Sputnik. Azərbaycan güləşçiləri Rafiq Hüseynov (77 kq) və Elis Manolova (68 kq) Tokio Olimpiadasının qızıl medallarını qazanmaq imkanını əldən veriblər.

Sputnik Azərbaycan bildirir ki, qadınlar arasında keçirilən yarışda Elis Manolova nigeriyalı Blessinq Oborududuya uduzub. Yunan-Roma güləşində təmsilçimiz Rafiq Hüseynov isə startda əlavə vaxtda isveçli Aleks Kestidisə qalib gəlib, ancaq dörddəbir finalda Qırğızıstan idmançısı Akjola Mahmudova 1:9 hesabı ilə məğlub olub. Ancaq əgər Mahmudov finala çıxarsa, o zaman Hüseynovun bürünc medal uğrunda yarışmaq şansı olacaq. Manolovanın da şansı eynidir.   

26 atletimiz Oyunlarda iştirakını başa vurub

Tokiodakı Olimpiya Oyunlarında 26 Azərbaycan idmançısı çıxışlarını yekunlaşdırıb. Bunlardan cüdoçu İrina Kindzerska (78+ kq) və boksçu Alfonso Dominges (81 kq) bürünc medal qazanıblar.

Taekvondoçular Fəridə Əzizova (67 kq) və Murad Beygi Xarçeqani (80 kq), qılıncoynadan Anna Başta, cüdoçular Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq), Məmmədəli Mehdiyev (90 kq), Zəlim Kotsoyev (100 kq), Uşangi Kokauri (100+ kq) və Aişə Qurbanlı (48 kq), boksçular (Tayfur Əliyev (57 kq), Cavid Çələbiyev (63 kq), Lorenso Sotomayor (69 kq) və Məhəmməd Abdullayev )91+ kq), üzgüçülər Maksim Şemberev və Məryəm Şeyxəlizadəxangah, gimnastlar İvan Tixonov  və Marina Nekrasova, velosipedçi Elçin Əsədov, atıcı Emin Cəfərov, triatlet Rostislav Pevtsov, badmintonçu Edi Reski Dviçayo və yüngül atlet Anna Skidan Olimpiadada uğur qazana bilməyiblər.

Azərbaycan Tokio-2020-də

Tokioda Yay Olimpiya Oyunları iyulun 23-dən avqustun 8-nə kimi keçirilir.

Tokio Yay Olimpiadasında ölkəmizi 44 idmançı təmsil edir. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edirlər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Həmçinin oxuyun:

8
Teqlər:
Tokio Yay Olimpiya Oyunları, bürünc medal, güləş

Qəbələdə musiqi ziyafəti

33
(Yenilənib 21:10 01.08.2021)
Qəbələ festivalında Bakı Musiqi Akademiyasının tələbələri növbəti konsert proqramını təqdim ediblər.

BAKI, 1 avqust - Sputnik. XII Qəbələ Musiqi Festivalı çərçivəsində avqustun 1-də Heydər Əliyev Konqres Mərkəzində musiqisevərlərə Üzeyir Hacıbəyli adına Bakı Musiqi Akademiyasının tələbələrinin iştirakı ilə növbəti konsert proqramı təqdim olunub.

Sputnik Azərbaycan xəbər verir ki, festivalın təşkilatçı qurumlarının təmsilçilərinin, yerli musiqisevərlərin və şəhərin qonaqlarının iştirakı ilə keçən konsertdə respublika və beynəlxalq müsabiqələr laureatları çıxış ediblər.

Prezident təqaüdçüləri Vüsalə Babayevanın (piano), Zərrin Əliyevanın (violin), Lalə İbrahimovanın (vokal), Kamran Talıblının (fleyta), Leyla Zeynalovanın (piano), Emil Əhmədzadənin (piano), həmçinin Elxan Niftiyev, Fuad Əlizadə, Ləman Seyidova, Ceyran İsayeva, Fəqan Həsənli və digər pianoçuların, klarnet ifaçısı Məhəmmədəli Paşazadənin, violin ifaçısı Nigar Əsgərovanın, qaboy ifaçısı Əziz Pənahın, violençel ifaçısı Ərol Rzayevin, vokalçılar Rza Xosrovzadə və Mahir Tağızadənin ifaları tamaşaçılar tərəfindən alqışlarla qarşılanıb.

Konsertdə M.Arnold, F.Şopen, M.Moşkovski, R.Şuman, A.Qrunfeld, N.Rimski-Korsakov, həmçinin Tofiq Quliyev, Niyazi və digər bəstəkarların əsərləri səsləndirilib.

Festivalın proqramına uyğun olaraq, axşam saat 21:00-da Heydər Əliyev Konqres Mərkəzində Bakı Şəhər Mədəniyyət Baş İdarəsinin “Bakı Kamera Orkestri”nin çıxışı olacaq.

XII Qəbələ Musiqi Festivalının açılış mərasimi

Azərbaycanın dilbər guşələrindən olan Qəbələ şəhəri yenidən öz qapılarını sənətsevərlərin, Musiqi Festivalı iştirakçılarının üzünə açıb.

Heydər Əliyev Fondunun dəstəyi və təşkilatçılığı, Azərbaycan Respublikasının Təhsil və Mədəniyyət nazirliklərinin və Bakı Musiqi Akademiyasının  dəstəyi ilə iyulun 31-də başlayan XII Qəbələ Musiqi Festivalı avqustun 4-dək davam edəcək.

Builki festival əlamətdar hadisəyə - Üzeyir Hacıbəyli adına Bakı Musiqi Akademiyasının 100 illik yubileyinə həsr olunub. Yubileyin keçirilməsi ilə bağlı Azərbaycan Respublikasının Prezidenti İlham Əliyev 2021-ci il mayın 26-da Sərəncam imzalayıb. Bununla bağlı respublikamızın bir çox bölgələrində, musiqi-tədris ocaqlarında müxtəlif tədbirlərin keçirilməsi nəzərdə tutulub. XII Qəbələ Musiqi Festivalı da yubileyə həsr olunmuş tədbirlərdən biridir.

Musiqi ictimaiyyəti arasında böyük rəğbətlə qarşılanan Qəbələ Musiqi Festivalının proqramı bu il də çox zəngindir. Musiqisevərlər festival günlərində bir çox musiqi kollektivlərinin maraqlı konsert proqramından zövq alacaqlar. Festivalda klassik musiqi ilə yanaşı, muğam, vokal, kamera musiqisi axşamları da təşkil olunacaq.

İyulun 31-də axşam saatlarında Qəbələ şəhərindəki Heydər Əliyev Konqres Mərkəzinin kamera zalında musiqisevərlərə Ü.Hacıbəyli adına Bakı Musiqi Akademiyasının tələbələrinin iştirakı ilə festivalın ilk konserti təqdim olunub. Konsertdə respublika və beynəlxalq müsabiqələr laureatları çıxış ediblər. Pianoçular Leyla Zeynalova, Atabala Manafzadə, Cəmil Sədizadə, Rəşid Behbudov, Jalə Mayılova, Səbinə Muradova, Gülər Ağayeva və Fəqan Həsənlinin, violin ifaçıları Osman Mustafazadə, Zərrin Əliyeva və Aysel Abdullayevanın, violençel ifaçısı Orxan Hüseynovun, həmçinin viola, fleyta, klarnet və truba ifaçılarının, vokalçılar Nigar Əsgərova və Sübhan Rüstəmovun ifaları tamaşaçılar tərəfindən alqışlarla qarşılanıb.

Konsertdə S.Raxmaninov, H.Venyavski, A.Messager, A.Skryabin, A.Piazzolla, F.Şopen, D.Şostakoviç, həmçinin Azərbaycan bəstəkarlarından Tofiq Quliyev, Fikrət Əmirov və Müslüm Maqomayevin əsərləri səsləndirilib.

Gənc musiqiçilərin çıxışları tamaşaçılar tərəfindən alqışlarla qarşılanıb.

Sonra “Qafqaz Resort” otelində açıq səhnədə XII Qəbələ Musiqi Festivalının təntənəli açılış mərasimi olub.

Əvvəlcə ölkəmizdə musiqi mədəniyyətinin inkişafında və təbliğində müstəsna xidmətləri olan Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın festival iştirakçılarına təbrik məktubu oxunub.

Açılış mərasimindən sonra Müdafiə Nazirliyinin Əlahiddə Nümunəvi Hərbi Orkestri geniş konsert proqramı ilə çıxış edib. Orkestrin bədii rəhbəri və baş hərbi dirijoru Müdafiə Nazirliyinin Şəxsi Heyət Baş İdarəsi Hərbi Orkestr Xidmətinin rəisi, Xalq artisti, general-mayor Yusif Axundzadədir.

Konsertin əvvəlində orkestrin ifasında Azərbaycan Respublikasının Dövlət Himni və Ü.Hacıbəylinin “Koroğlu” operasından “Üvertüra” səsləndirilib.

Orkestrin rəisi Əməkdar incəsənət xadimi, polkovnik-leytenant Rüfət Axundzadənin və hərbi dirijor baş leytenant Elnur Qurbanovun dirijorluğu ilə keçirilən konsertdə Aynur İsgəndərli (vokal), Arslan Növrəsli (tar), Kənan Qədimov (vokal), Gülnar Qüdrətli (xanəndə), Namiq Qurbanov (zurna, balaban) və Anar Hüseynovun (nağara) ifaları tamaşaçılar tərəfindən alqışlarla qarşılanıb.

33
Erməni hərbçisi, arxiv şəkli

Ermənistan yenə Naxçıvanı atəşə tutub, cavab atəşi ilə susdurulub