Lənkəran Mərkəzi Rayon Xəstəxanasının Ümumi cərrahiyə şöbəsinin müdiri, Vətən müharibəsinin iştirakçısı Nazim Kəlbiyev

Vətən müharibəsinin xalatlı qəhrəmanı

1266
Ötən ilin payızında baş tutmuş Qarabağ uğrunda Vətən müharibəsinin silahlı qəhrəmanları ilə bərabər tibb işçiləri də fövqəladə işlər görüblər.

BAKI, 26 iyun — Sputnik. Həkimlər müharibənin ən ağır və məsuliyyətli yükünü daşıyanlardandırlar. Vətən Müharibəsi zamanı ön və arxa cəbhədə xidmət aparan həkimlərimizin müstəsna xidmətləri olub. Lənkəran Mərkəzi Rayon Xəstəxanasının Ümumi cərrahiyə şöbəsinin müdiri Nazim Əfladdin oğlu Kəlbiyev 2-ci Qarabağ müharibəsinin iştirakçılarından olub. 1978-ci ildə Lənkəran rayonu Şağlakücə kəndidə doğulan Nazim həkim Sputnik Azərbaycan-a müsahibəsində Vətən Müharibəsi zamanı apardığı xidmətdən danışıb.

- Vətən müharibəsində iştirak etmisiniz. Müharibəyə könüllü getdiniz, yoxsa çağırıldınız?

- Ötən ilin 21 sentyabrında həkimlər təlimlərə çağırılanda mən də onların sırasında idim. Biz Beyləqan rayonunda təlimdə olduğumuz zaman sentyabrın 27-də ermənilərin atəşkəsi pozduqlarını və bizim qoşunların əks-hücum əməliyyatlarına başladığı xəbərini aldıq. Artıq müharibənin ilk günlərindən mən də həkim-cərrah kimi xidmətə cəlb olundum. Sentyabrın 21-dən təlimlərə cəlb olundum, 3 ay 10 gündən sonra, yəni, 31 dekabrda evə qayıtdım.

© Photo: Courtesy of Nazim Kalbiyev
Lənkəran Mərkəzi Rayon Xəstəxanasının Ümumi cərrahiyə şöbəsinin müdiri, Vətən müharibəsinin iştirakçısı Nazim Kəlbiyev

- Müharibə zamanı səhra hospitalında xidmət aparırdınız?

- Döyüşlərin ilk günlərindən xidmətim Füzuli rayonu ərazisində yerləşən Hərbi hospitaldan başladı. Cəsur əsgərlərimiz torpaqlarımızı işğaldan azad etdikcə biz də onların ardıyca irəliləməyə başladıq. Həkimlərin bir qismi Beyləqan tərəfdə, biz isə Füzulinin Horadiz qəsəbəsi istiqamətinə getdik. Horadizdən sonra isə Cəbrayıl və Hadruta getdik. Mənimlə bir yerdə Lənkərandan xidmətə gələn Azər həkim Cəbrayıla xidmətə getdi mən isə Hadruta. Mənimlə bərabər xidmətə gedən həkimlərdən Mirlətif Ağayev isə Qubadlı rayonu işğaldan azad olunarkən şəhid oldu.

- Müharibə zamanı hospitalda xidmət apararkən yadınızda qalan ən dəhşətli hadisə...

- Müharibədir də, dəhşətli səhnələr çox idi. Birincisi, müharibə yaxşı şey deyil və heç kimə müharibə arzulamaram. Oraya elə-belə yaralılar gəlmirdi. Kiminin əli yox, kiminin ayağı və ya bədəninin bir hissəsi yoxdur. Bəzən şəhidlərimizin nəşi tanınmaz halda gəlirdi, tankın içərisində yanmış halda. Yəni, təkcə ağır vəziyyətlər deyildi. Bir dəfə də bir bölük komandiri gəlmişdi 5 gün yaralı vəziyyətə döyüşüb və hospitala gələndə sinəsində alma böyüklüyündə dəlik var idi. Güllə dəlib keçən yara idi, damarları zədələnmişdi amma xoşbəxtlikdən ağ ciyərlərinə heç bir şey olmamışdı. Təsəvvür edin yaralanıb, cəbhədə ilkin yardım edib qanaxmanı dayandırıblar, 5 gün bu cür vəziyyətdə döyüşüb. Ondan soruşanda ki "Niyə müalicəyə gəlmirdin?" "Uşaqlar orada tək qalıblar, mən necə gələydim? Yaramı sarıyın, mən yenidən gedirəm döyüşə" cavabını verdi. Mən də dedim "hara gedirsən, artıq yarada cürümə başlayır". İnanın o zabiti zorla geriyə - Füzulidəki hospitala göndərə bildim. Uşaqlarımızın hamısında o ruh yüksəkliyi var idi. Elə əsgər var idi ki, qəlpə dabanını tam aparıb amma ayağını sarıtdırdı və və döyüşə qayıtdı. Çoxunu hospitalda saxlaya bilmirdik, bədənində qəlpə dolu, 1-2 gün müalicə alırdı və yenidən ön cəbhəyə gedirdi.

© Photo: Courtesy of Nazim Kalbiyev
Lənkəran Mərkəzi Rayon Xəstəxanasının Ümumi cərrahiyə şöbəsinin müdiri, Vətən müharibəsinin iştirakçısı Nazim Kəlbiyev

- Həmin ərəfədə sizdə psixoloji vəziyyət necə idi?

- Hər cür vəziyyətdə olurduq. Gün olurdu yüzlərlə yaralı gəlirdi. Təsəvvür edin, bir əsgər var idi, hər iki ayaqlarını itirmişdi. Həkimlərlə qalmışıq başı üstə, indi bu əsgərə ayaqlarının olmadığını demək lazımdır, amma bilmirik necə deyək? Bizə baxıb gülərək "Bilirəm ayaqlarım yoxdur. Qorxmayın Vətən sağ olsun!" dedi. İnanın, bu sözlər həmin an adama necə təsir edirdi? Ruh yüksəkliyimiz də olurdu sarsıntımız da. Müharibədir, hər şey olur! Bəzən elə də olurdu ki, müalicə etdiyimiz əsgərin yenidən cəbhəyə qayıtdıqdan 3 gün sonra şəhid olduğunu eşidirdik. Bu özü bir ayrı ağrıverici idi. Yadda qalan əsgərlərdən biri də var idi. Özü yeriyərək gəlib, amma boynunda 5 sm uzunluqda qəlpə qalıb. Bu boyundur e, qəlpə bir az dərinə işləsə idi əsgərin boynu işləməyəcəkdi. Ona təəccüblə bu halda necə gəldiyini soruşdum. "Məndən də ağır vəziyyətdə olanlar var, bu yara nədir ki?" dedi. Orada olan uşaqların hamısı yadda qalan idilər. Lənkərandan şəxsən tanıdığım və müalicə etdiklərimdən İlqar adlı qazi var idi. O ermənilərin atdığı top mərmisinin partlayış dalğasından güclü xəsarət almışdı. Danışığında da problem var idi. Başqa bir lənkəranlı Urfan adlı əsgər var idi, o aldığı güclü kontuziyadan nitqini tamamilə itirmişdi. Nəsə istəyəndə və ya soruşanda kağızda yazıb bizə bildirirdi. Orada Azərbaycanımızın hər yerindən əsgərlər var idi.

- Müharibə vaxtı sizin sonuncu xidmət yeriniz hansı rayonda oldu?

- Hadrutda ermənilərin bir xəstəxanası olub. Bizim rəşadətli əsgərlərimiz Hadrutu işğaldan azad etdikdən sonra həmin xəstəxananı hərbi hospitala uyğunlaşdırdıq və orada yaralılarımızı qəbul edirdik. Biz iki həkim qrupuna bölünmüşdük. Bir qrup Hadrutda idik, digər qrup isə Cəbrayılda yerləşdirilmişdi. Yəni, yaralıların gəlmə istiqamətinə uyğun hər iki hospital yaradılmışdı. Cəbrayıla yaxın olanlar oradakı hospitala yerləşdirilirdi, Hadruta yaxın olanlar bizim yerləşdiyimiz hospitala gətirilirdi. Sonuncu xidmət yerimiz Şuşada olmalı idi, amma noyabrın 10-da gecə yarısı uşaqların sevinc səsinə oyandıq. Müharibənin bitdiyinə və qələbə qazandığımıza sevinirdik. Çox heyif Şuşaya getmək qismət olmadı. Həm Hadrut hospitalında yaralıların müalicəsi var idi, həm də hospitala məni Baş cərrah təiyin etdilər. O səbəbdən də gedə bilmədim".

© Photo: Courtesy of Nazim Kalbiyev
Lənkəran Mərkəzi Rayon Xəstəxanasının Ümumi cərrahiyə şöbəsinin müdiri, Vətən müharibəsinin iştirakçısı Nazim Kəlbiyev

- Müharibədən öncə hərbi həkim kimi xidmət etmisinizmi?

- 2002-2004-cü illərdə Ağdam rayonu ərazisində hərbi həkim-cərrah kimi xidmət etmişəm. Həmin illərdə leytenant rütbəsi ilə xidmətə başladım, Baş leytenant rütbəsilə isə ehtiyata buraxıldım. Vətən müharibəsinə getməzdən əvvəl təlimlərə çağırılanda Baş leytenant rütbəsi ilə getdim, müharibədən qayıdanda isə artıq Kapitan idim.

- Sağaltdığınız qazilərdən müharibədən sonra sizinlə əlaqə saxlayan olubmu?

- Təbii ki var. Orada elə idi ki, müalicə etdiyimiz qazilərdən tanıdıqlarımız da var idi, tanımadıqlarımız da. Müharibə gedirdi, yaralılar çox idi. Bizim məqsədimiz uşaqları sağaltmaq idi. Amma əsgərlərin elələri olurdu ki, müalicəsini bitirib gedəndə mənim mobil nömrəmi götürürdülər. Yəni, kimlər mənim nömrəmi götürübsə indi də əlaqə saxlayırlar.

Vətən müharibəsi

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq başlamış Azərbaycan Ordusunun əks-hücumu başladı.

Oktyabrın 9-da Cəbrayıl, oktyabrın 17-də Füzuli, oktyabrın 20-də Zəngilan, oktyabrın 25-də Qubadlı, noyabrın 8-də isə Şuşa şəhəri erməni işğalçılarından təmizləndi.

Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

1266
Футбольный мяч. Архивное фото

Konfrans Liqası: Azərbaycanın iki klubu mübarizəni dayandırdı, biri isə mərhələni keçdi

14
(Yenilənib 23:03 29.07.2021)
Azərbaycanın "Sumqayıt" və "Keşlə" futbol klubları UEFA Konfrans Liqası ilə vidalaşmalı olublar.

BAKI, 29 iyul - Sputnik. “Qarabağ” (Ağdam) klubu avrokuboklarda növbəti oyununu keçirib.

Apasport.az saytının məlumatına görə, Ağdam klubu Konfrans Liqasında mərhələ adlayan ilk Azərbaycan klubu kimi tarixə düşüb.

II təsnifat mərhələsindən mübarizəyə başlayan Qurban Qurbanovun yetirmələri “Aşdod” səddini adlayıb. Evdə qolsuz heç-heçə edən Premyer Liqanın vitse-çempionu İsraildəki qələbə ilə tur adlayıb.

“Qarabağ” bu qələbəni erkən qol sayəsində qazanıb. Filip Ozobiçin 6-cı dəqiqədəki qolu komandaya mərhələ adlamaq imkanı verib.

"Sumqayıt" və "Keşlə" də UEFA Konfrans Liqasının II təsnifat mərhələsində cavab oyununa çıxıb.

"Report"un məlumatına görə, Sənan Qurbanovun baş məşqçi olduğu paxtaxt təmsilçisi Rusiyanın "Soçi" klubunu qəbul edib.

"ASK Arena"da keçirilmiş qarşılaşmada qonaqlar 4:2 hesabı ilə qələbə qazanıb. 21-ci dəqiqədə rəqibin heyətində Marko Duqandziç hesabı açıb. 35-ci dəqiqədə "Keşlə"nin braziliyalı legioneri Felipe Santos bərabərlik qolunu vurub. Bundan 3 dəqiqə sonra Nikita Burmistrov "Soçi"ni yenidən önə keçirib.

İlk hissə bu hesabla yekunlaşıb. İkinci yarının əvvəlində paytaxt təmsilçisi hesabı bərabərləşdirməyə müvəffəq olub. 52-ci dəqiqədə Rəhman Hacıyev topu rəqib qapısından keçirib. Danila Proxin 70-ci dəqiqədə meydan sahiblərini növbəti dəfə mərkəzə dəvət edib. Duqandziç 82-ci dəqiqədə özünün ikinci, komandasının isə 4-cü qoluna imza atıb. Rusiyadakı matçda rəqibinə 0:3 hesabı ilə uduzan "Keşlə" Konfrans Liqası ilə vidalaşıb.

"Sumqayıt" "Kapital Bank Arena"da Serbiyanın "Çukariçki" komandası ilə üz-üzə gəlib. Görüş "gənclik şəhəri" təmsilçisi üçün yaxşı başlamayıb. 10-cu dəqiqədə Belqrad klubunun heyətində İbrahima Ndiaye hesabı açıb. 6 dəqiqə sonra isə Marko Dotsiç penaltidən fərqlənməklə meydan sahibini növbəti dəfə məyus edib. Oyunda başqa qol vurulmayıb. Serbiyada rəqibi ilə qolsuz heç-heçə edən "Sumqayıt" da Konfrans Liqası ilə vidalaşmalı olub.

14

Olimpiya ümidləri: azərbaycanlı idmançılardan kim Tokioda medal qazana bilər

18
  • Mariya Stadnik
  • Mariya Stadnik
  • Азербайджанский борец вольного стиля Гаджи Алиев
  • Азербайджанский борец вольного стиля Гаджи Алиев
  • Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.
  • Шариф Шарифов, фото из архива
  • Karate üzrə qadınlardan ibarət Azərbaycan milli komandasının üzvü İrina Zaretska, arxiv şəkli
  • Azərbaycanın yunan-roma güləşçisi İslam Abbasov
Azərbaycanlı idman həvəskarları səbirsizliklə güləş və karate üzrə yarışları gözləyir və Olimpiya oyunlarında medal qazanmaq ümidlərini onlarla bağlayırlar

 

Azərbaycan idmançılarının Tokio Olimpiadasında uğursuz çıxışı fonunda idmançılarımızın medal qazanmasına ümidlər də əriyir. Buna baxmayaraq, Azərbaycanın Olimpiya yığmasında hələ də Tokioda mükafat qazanmağa qadir olan atletlər var.

Cüdo idman növündə Olimpiya medalını idmançımız İrina Kindzerskaya qazanmağa qadirdir (78 kq-dan yuxarı çəkidə). İdmançımız uzun müddətdir ki, dünya reytinqində aparıcı yerlərdən birini tutur və mütəmadi olaraq "Böyük dəbilqə" turnirlərində medallar qazanır.

Sözsüz ki, Olimpiya medallarına güləş yarışlarında da ümid etmək olar. Yeri gəlmişkən, müstəqil Azərbaycanın tarixində hələ elə bir Olimpiada olmayıb ki, oradan Azərbaycan güləşçiləri medalsız qayıtsınlar.

İlk növbədə ən çox titulu olan idmançımız Mariya Stadnikin mükafat qazanacağını gözləyirik (50 kq), həm də, sadəcə medal deyil, məhz qızıl medal.

Olimpiya oyunlarının üçqat mükafatçısı, ikiqat dünya çempionu və səkkiz dəfə Avropa çempionu olan Stadnik öz çəki dərəcəsində əsas favoritdir və ona yalnız son iki Olimpiadanın finalında məğlub olduğu yapon güləşçiləri mane ola bilərlər.

Kişilər arasında sərbəst güləş yarışlarında ümidlərimiz üçqat Dünya və Avropa çempionu Hacı Əliyevlə bağlıdır (65 kq). İdmançımız öz çəki dərəcəsində ənənəvi olaraq favoritdir. Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.

Daha bir sərbəst güləş ustamız Şərif Şərifovun da yaxşı şansları var (97 kq). 2012-ci il London Olimpiadasında qalib olan idmançı 2016-cı il Rio Oyunlarında bürünc medallara sahib olub. Əgər ilkin mərhələdə idmançımız dördqat dünya çempionu Abdulrəşid Sadullayevlə (Rusiya) qarşılaşmazsa, o zaman şansı daha yüksək olacaq.

Tokio Olimpiadasında azərbaycanlı karate ustaları da özlərini göstərə bilərlər. Söhbət Rafael Ağayev (75 kq) və İrina Zaretskadan gedir (61 kq-dan yuxarı).

Rafael Ağayev bütün dünyada məşhur karateçidir, beş dəfə dünya birinciliyində, dəfələrlə "Premyer liqa" turnirlərində qalib olub. Ağayevin qarşısında duran əsas problem onun yaşı ola bilər – onun 36 yaşı var. Lakin buna baxmayaraq, idmançı əla formadadır.

İrina Zaretskanın hesabında dünya, Avropa çempionatlarında, habelə "Premyer liqa" turnirlərində qələbələr var və o, dünya reytinqində liderdir.

Bunlardan əlavə, digər idmançılarımızın da Tokio Olimpiadasında özlərini göstərərək medal qazanacaqlarını istisna etmək olmaz.

18 azərbaycanlı atlet evə qayıdır

Artıq 18 idmançımız Tokio Olimpiya oyunlarında heç bir mükafat əldə etmədən çıxışlarını başa vurub. Bunlar – taekvondoçular Fəridə Əzizova (67 kq) və Milad Beiqi Harçeqani (80 kq), qılıncoynadan Anna Başta, cüdoçular Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq) və Aişə Qurbanlı (48 kq), boksçular Tayfur Əliyev (57 kq) və Lorenso Sotomayor (69 kq), üzgüçülər Maksim Şemberov və Məryəm Şeyxəlizadəxangah, gimnastlar İvan Tixonov və Marina Nekrasova, velosipedçi Elçin Əsədov, atıcı Emin Cəfərov və çoxnövçü Rostislav Pevtsovdur.

Azərbaycan Tokio-2020-də

Tokioda Yay Olimpiya Oyunları iyulun 23-dən avqustun 8-nə kimi keçirilir.

Tokio Yay Olimpiadasında ölkəmizi 44 idmançı təmsil edir. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edirlər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

18
  • Cüdo idman növündə Olimpiya medalını idmançımız İrina Kindzerskaya qazanmağa qadirdir (78 kq-dan yuxarı çəkidə).

  • İdmançımız uzun müddətdir ki, dünya reytinqində aparıcı yerlərdən birini tutur və mütəmadi olaraq "Böyük dəbilqə" turnirlərində medallar qazanır.

  • © Photo : Azerbaijan Wrestling Federation

    Sözsüz ki, Olimpiya medallarına güləş yarışlarında da ümid etmək olar. Yeri gəlmişkən, müstəqil Azərbaycanın tarixində hələ elə bir Olimpiada olmayıb ki, oradan Azərbaycan güləşçiləri medalsız qayıtsınlar.

  • Mariya Stadnik
    © AP Photo / Anvar Ilyasov

    İlk növbədə ən çox titulu olan idmançımız Mariya Stadnikin mükafat qazanacağını gözləyirik (50 kq), həm də, sadəcə medal deyil, məhz qızıl medal.

  • Mariya Stadnik

    Olimpiya oyunlarının üçqat mükafatçısı, ikiqat dünya çempionu və səkkiz dəfə Avropa çempionu olan Stadnik öz çəki dərəcəsində əsas favoritdir və ona yalnız son iki Olimpiadanın finalında məğlub olduğu yapon güləşçiləri mane ola bilərlər.

  • Азербайджанский борец вольного стиля Гаджи Алиев

    Kişilər arasında sərbəst güləş yarışlarında ümidlərimiz üçqat Dünya və Avropa çempionu Hacı Əliyevlə bağlıdır (65 kq).

  • Азербайджанский борец вольного стиля Гаджи Алиев

    İdmançımız öz çəki dərəcəsində ənənəvi olaraq favoritdir.

  • Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.
    © AP Photo / Francois Mori

    Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.

  • Шариф Шарифов, фото из архива
    © AP Photo / Markus Schreiber

    Daha bir sərbəst güləş ustamız Şərif Şərifovun da yaxşı şansları var (97 kq).

  • Şərif Şərifov

  • © AP Photo / Anvar Ilyasov

    2012-ci il London Olimpiadasında qalib olan idmançı 2016-cı il Rio Oyunlarında bürünc medallara sahib olub. Əgər ilkin mərhələdə idmançımız dördqat dünya çempionu Abdulrəşid Sadullayevlə (Rusiya) qarşılaşmazsa, o zaman şansı daha yüksək olacaq.

  • Tokio Olimpiadasında azərbaycanlı karate ustaları da özlərini göstərə bilərlər. Söhbət Rafael Ağayev (75 kq) və İrina Zaretskadan gedir (61 kq-dan yuxarı).

  • Rafael Ağayev bütün dünyada məşhur karateçidir, beş dəfə dünya birinciliyində, dəfələrlə "Premyer liqa" turnirlərində qalib olub. Ağayevin qarşısında duran əsas problem onun yaşı ola bilər – onun 36 yaşı var. Lakin buna baxmayaraq, idmançı əla formadadır.

  • Karate üzrə qadınlardan ibarət Azərbaycan milli komandasının üzvü İrina Zaretska, arxiv şəkli
    © Sputnik / Vladimir Astapkovich

    İrina Zaretskanın hesabında dünya, Avropa çempionatlarında, habelə "Premyer liqa" turnirlərində qələbələr var və o, dünya reytinqində liderdir.

  • Azərbaycanın yunan-roma güləşçisi İslam Abbasov
    © AFP 2021 / MARCO BERTORELLO

    Bunlardan əlavə, digər idmançılarımızın da Tokio Olimpiadasında özlərini göstərərək medal qazanacaqlarını istisna etmək olmaz.