Bakıda paradda HHQ-nin təyyarələri, arxiv şəkli

Havada, dənizdə quruda bu, Azərbaycan hərbçiləri üçün unikal şansdır

2935
(Yenilənib 10:43 26.06.2021)
Azərbaycan Ordusunun nümayəndələri Avropada analoqu olmayan mərkəzdə təlim keçirlər. Hərbi ekspert Sputnik Azərbaycana təlimlər və onların əhəmiyyətindən danışır.

BAKI, 25 iyun — Sputnik. Azərbaycan Silahlı Qüvvələri son günlər bir neçə hərbi-taktiki təlimlər keçirir. Müdafiə nazirinin təsdiq etdiyi döyüş hazırlığı planına əsasən, iyunun 22-dən Hərbi Dəniz Qüvvələrində (HDQ) taktiki təlimlər keçirilib. İki gün davam edən təlimlərdə məqsəd döyüş və təminat gəmiləri, eləcə də dəniz piyadalarının iştirakı ilə Xəzər dənizinin ölkəmizə məxsus sektorunda enerji infrastrukturlarının mühafizəsi və HDQ birləşmələri tərəfindən birgə döyüş əməliyyatlarının aparılması olub.

İyunun 23-ü eyni zamanda müdafiə nazirinin təsdiq etdiyi qoşunların 2021-ci il üçün döyüş hazırlığı planına uyğun olaraq Azərbaycan Ordusunda briqada komanda-qərargah təlimləri başlayıb. Təlimə cəlb olunan birləşmə və hissələr aidiyyəti üzrə müxtəlif dərəcəli döyüşə hazırolma vəziyyətinə gətirilir, ehtiyat və təyinat rayonlarına çıxarılaraq idarəetmə orqanlarının ərazidə açılması təmin olunur.

Təlimin hər mərhələsində döyüşə hazırolma dərəcəsinin yüksəldilməsi nəzərə alınmaqla qoşunların və idarəetmə orqanlarının tətbiqi nəzərdə tutulur, eləcə də bölmələrin qarşılıqlı fəaliyyətinə xüsusi diqqət yetirilir. Buna paralel olaraq isə Türkiyə Respublikasının Konya şəhərində "Anadolu Qartalı – 2021" beynəlxalq taktiki-uçuş təlimləri başlayıb. Təlimin ilkin mərhələsində Azərbaycan Hərbi Hava Qüvvələrinin uçuş heyəti şərti düşmənin hava məkanına daxil olaraq yer hədəflərinin məhv edilməsi üzrə tapşırıqları müvəffəqiyyətlə icra edib. Bu təlim iyulun 3-dək davam edəcək. Sputnik Azərbaycan keçirilən təlimlər və onların əhəmiyyəti barədə hərbi ekspert Ədalət Verdiyevlə həmsöhbət olub.

Ekspert xatırladıb ki, Vətən müharibəsi başa çatdıqdan sonrakı dövrdə Azərbaycan və Türkiyə Silahlı Qüvvələri arasında hərbi təlimlər kifayət qədər intensiv tempdə keçirilir: "Hazırda Azərbaycan Hərbi Hava Qüvvələrinin heyətləri növbəti, "Anadolu Qartalı -2021" beynəlxalq təlimlərində iştirak edir. On bir günlük təlimlərə dörd ölkənin nümayəndələri iştirakçı, 18 ölkənin nümayəndələri isə müşahidəçi qismində qatılır. Təlimlərin keçirildiyi Konya şəhərində təlim mərkəzi də kifayət qədər geniş imkanlara malikdir. Dünyada bu imkanlara malik cəmi üç taktiki təlim mərkəzi mövcuddur. Avropada isə bu mərkəzin analoqu yoxdur. Təlimlərin ilkin mərhələsində Azərbaycan Hərbi Hava Qüvvələrinin uçuş heyəti şərti düşmənin hava məkanına daxil olaraq yerüstü hədəflərin məhv edilməsi üzrə döyüş tapşırıqlarını müvəffəqiyyətlə həyata keçirdilər".

Ədalət Verdiyev vurğulayıb ki, təlimlərdə Azərbaycan, Pakistan, Qətər və NATO-dan olan heyətlərlə bərabər, Türkiyənin həm hərbi dəniz, həm də hərbi hava qüvvələrinin heyətləri iştirak edir:

"Təlimlərin məqsədi burada iştirakçı olan ölkələrin uçuş heyətlərinin döyüş hazırlıqlarını artırmaq, onların bilik, bacarıq və təcrübə mübadiləsini reallığa yaxın müharibə mühitində həyata keçirmək, qarşılıqlı əlaqədə reallaşdırılan əməliyyatlar üçün təlim səviyyəsini yüksəltməkdən ibarətdir. Davamlı olaraq döyüş imkanlarını artırmaq niyyətində olan Azərbaycan Silahlı Qüvvələri üçün beynəlxalq praktiki təcrübənin əldə olunması çox vacibdir".

Ekspert bildirib ki, bu təlimlərdə bizim pilotlarımız 21 xarici ölkənin peşəkar mütəxəssisləri qarşısında döyüş imkanlarını tam fərqli coğrafiyada, tam fərqli bir məkanda nümayiş etdirmək imkanını əldə ediblər: "Bu imkanlar NATO standartlarına uyğun olaraq qiymətləndiriləcək. Müharibə zamanı Rusiyadan əldə etdiyi qırıcıları havaya qaldırmağa cəhd etməyən Ermənistan üçün də bu təlimlərə növbəti mesaj olacaq.

Azərbaycan bu təlimlərdə Çin və Pakistanın birgə istehsal etdiyi "JF-Thunder" döyüş təyyarələri ilə yaxından tanış ola biləcək. Azərbaycan da bu təyyarələrlə yaxından maraqlanır. Onların alınması istiqamətində danışıqların aparılmasına dair də mətbuatda kifayət qədər məlumatlar da mövcuddur. Digər tərəfdən Azərbaycanlı pilotlar Fransanın istehsal etdiyi və Qətərin bu təlimlərə cəlb etdiyi dörd ədəd "Rafale" qırıcıları ilə tanış ola biləcək, onların imkanları, resurslarını yoxlaya, müşahidə edə biləcəklər".

Hərbi ekspert qeyd edib ki, bütün bunlar bizim pilotlar üçün çox kritik və vacib məsələlərdir. Bu təlimlər Vətən müharibəsində kifayət qədər uğur əldə edən uçuş heyətlərimizin öz imkan və bacarıqlarını digər ölkələrlə bölüşmək istiqamətində Azərbaycan pilotları üçün unikal bir imkan hesab edilməlidir.

Ədalət Verdiyev bildirib ki, 22-23 iyun tarixlərində Xəzərin Azərbaycan hövzəsində Hərbi Dəniz Qüvvələrinin (HDQ) keçirdiyi taktiki təlimlərin əsas məqsədi Xəzər dənizinin Azərbaycana məxsus sektorunda enerji infrastrukturunun mühafizəsi və hərbi dəniz qüvvələrinin birləşmələri tərəfindən qarşılıqlı əlaqədə hazırlanan əməliyyatların həyata keçirilməsindən ibarət idi: "Bu təlimlərə HDQ-nin döyüş və təminat gəmiləri, o cümlədən dəniz piyadaları cəlb edilmişdilər. Təlimlər iki mərhələdə keçirildi. Birinci mərhələdə döyüş fəaliyyətlərinin təşkili və qüvvələrin əməliyyatların idarə olunması üzrə komandir və qərargahların bacarıqlarının təkmilləşdirilməsinə həsr olunub. Təlim çərçivəsində gəmi və katerlər döyüşə hazırlandı, düşmənin suüstü hücum vasitələri, üzən minaları məhv edildi, təyin olunan ərazidə universal müdafiənin təşkil edilməsi həyata keçirildi. Gəmilər düşmənin sualtı qumbaraları ilə mübarizə aparmaq üçün müəyyən hədəfləri də atəşlə məhv etdilər. Təlimlərin ikinci mərhələsində şərti düşmənin terror-diversiya fəaliyyətlərinin qarşısını almaq üçün döyüş tapşırıqları yerinə yetirildi. Qəzaya uğrayan gəmiyə də texniki dəstək verilməsini də biz müşahidə etdik. Desantın hazırlanmamış sahilə çıxarılması üzrə fəaliyyətlər kifayət qədər geniş nümayiş olundu".

Ədalət Verdiyev qeyd edib ki, təlimlərdə ssenariyə uyğun baş verən proseslər Hərbi Dəniz Qüvvələrimizin Xəzərin Azərbaycana aid akvatoriyasında müxtəlif hibrid təhdidlərə qarşı mübarizə potensialımızın yüksəldilməsi istiqamətində mühüm addım kimi dəyərləndirə bilər.

Eləcə də oxuyun:

  • "Dəniz Pişikləri"miz şərti düşmən tərəfindən zəbt olunmuş gəmini azad edib

  • Ermənistanın diversiya cəhdlərinə mümkün reaksiya: Laçın dəhlizinin bağlanması...

  • Bakıda müzakirələr: Hərbi zavodlar birbaşa Qarabağda işə düşəcək?

2935
Teqlər:
şərh, ekspert, HHQ, HDQ, hərbi təlimlər, Azərbaycan Ordusu
“525-ci qəzet”in baş redaktoru Rəşad Məcid

Rəşad Məcid: “İndi çox xaotik bir vəziyyət yaranıb”

6
(Yenilənib 17:06 23.07.2021)
“525-ci qəzet”in baş redaktoru Rəşad Məcid deyib ki, informasiya texnologiyalarının inkişaf etməsilə media adına iddia edən çoxlu şəxslər və qurumlar ortaya çıxıb
Rəşad Məcid: “Belə xaotik vəziyyətdə kimin jurnalist olması sual altındadır”

“Media haqqında qanunlayihəsi KİV redaktorları ilə müzakirə olunub, eyni zamanda MEDİA agentliyi ilə ADA universitetinin birgə təşkilatçılığı ilə keçirilən təlimlərdə bu qanun layihəsinin müzakirəsi aparılıb”. Bunu Sputnik Azəbaycan-a açıqlamasında “525-ci qəzet”in baş redaktoru Rəşad Məcid deyib deyib.

O bildirib ki, yeni qanun layihəsinin hazırlanması labüd idi: “Ona görə ki, indi çox xaotik bir vəziyyət yaranıb. İnformasiya texnologiyalarının inkişaf etməsilə media adına iddia edən çoxlu şəxslər və qurumlar ortaya çıxıb. Belə xaotik vəziyyətdə kimin media qurumu və jurnalist olması sual altındadır. Çox güman ki, parlamentdə baxıldıqdan sonra yaxın illər üçün media haqqında qanun ən optimal variantlardan biri olacaq”.

Rəşad Məcidin fikirlərinə audiofaylda qulaq asa bilərsiniz

6
Toy

Toylarda qonaq sayı gözlənilmir-Bu dəfə işə vergi işçiləri qarışdı

88
(Yenilənib 14:15 25.07.2021)
Qida Təhlükəsizliyi agentliyinin və ərazi üzrə vergilər idarəsinin əməkdaşlarının da iştirakı etdiyi tədbirdə şadlıq saraylarında keçirilən mərasimlər zamanı toya dəvət olunan qonaqların COVID-19 pasportları da yoxlanılıb.

BAKI, 25 iyul — Sputnik. Şirvan Şəhər Polis Şöbəsinin əməkdaşları fəaliyyətinə qanunamüvafiq qaydada icazə verilən şadlıq evlərində profilaktiki tədbirlər keçiriblər. Daxili İşlər Nazirliyinin Mətbuat Xidmətinin Şirvan regional qrupundan Sputnik Azərbaycan-a verilən məlumata görə, tədbirlər zamanı şadlıq evi rəhbərlərinə Operativ Qərargahın qəbul etdiyi toy, nişan, ad günü və digər mərasimlərin keçirilməsi barədə qərarlarla bağlı məlumatlar verilib, hansı sayda və hansı normalara uyğun qonaqların qəbul edilməsinin mümkünlüyü çatdırılıb.

Qida Təhlükəsizliyi agentliyinin və ərazi üzrə vergilər idarəsinin əməkdaşlarının da iştirakı etdiyi tədbirdə şadlıq saraylarında keçirilən mərasimlər zamanı toya dəvət olunan qonaqların COVID-19 pasportları da yoxlanılıb. Qonaqlar arasında peyvənd olunmayan şəxslər isə məclislərə buraxılmayıb.

Sonda şöbə əməkdaşları vaksinasiyadan keçməyən vətəndaşlarla profilaktiki söhbətlər apararaq mövcud qaydalara riayət etmələrinin vacibliyi çatdırıblar.

Xatırladaq ki, dünən Beyləqan Rayon Polis Şöbəsinin və aidiyyəti qurumların əməkdaşlarının karantin rejimi qaydalarına riayət olunması məqsədilə birgə keçirdikləri tədbirlər nəticəsində pandemiya tələblərinin pozulduğu toylar müəyyənləşdirilib.  Daxili İşlər Nazirliyinin mətbuat xidmətinin Bərdə regional qrupundan Sputnik Azərbaycan-a bildiriblər ki, yoxlamalar zamanı Baharabad qəsəbəsində, Bünyadlı və Yuxarı Kəbirli kəndlərində üç fərdi evdə keçirilən toy məclislərində qonaqların sayının normadan artıq olduğu aşkarlanıb. Qayda pozuntularına yol vermiş şəxslərlə profilaktiki söhbətlər aparılıb. Üç nəfər barəsində İnzibati Xətalar Məcəlləsinin müvafiq maddəsi ilə protokollar tərtib edilib. Ağcabədi rayonunda isə şadlıq sarayında keçirilən toyda pandemiya tələblərinin pozulduğu müəyyən edilib. Avşar kəndi ərazisində yerləşən “Kral” şadlıq sarayında keçirilən toy mərasimində qonaqların sayının normadan artıq olduğu aşkarlanıb. Restorana cavabdeh şəxs olan M.Cəfərov bir neçə dəfə bu cür qayda pozuntusuna yol verdiyindən onun barəsində Ağcabədi RPŞ-nin İstintaq Bölməsində cinayət işi başlanılaraq araşdırma aparılır.

Şənlik mərasimlərini qaydalara uyğun keçirmək vacibdir

Qeyd edək ki, şənlik mərasimlərinin müəyyən edilmiş qayda və tələblərə uyğun təşkilinə nəzarət məqsədilə aidiyyəti qurumların nümayəndələri tərəfindən gündəlik monitorinqlər davam etdirilir. Monitorinqlər zamanı şənlik mərasimlərinin keçirildiyi bəzi məkanlarda sıxlığın normadan artıq olması, tədbirə qatılanların COVID-19 pasportunun olmaması, icaze.gov.az portalına məlumatların düzgün daxil edilməməsi, işçi heyətin fərdi qoruyucu vasitələrlə təmin olunmaması kimi pozuntular qeydə alınıb.

İyulun 22-dək aparılan monitorinqlər zamanı bəzi obyektlərdə keçirilən şənlik mərasimlərində 112 minə yaxın qonağın müvafiq sənədləri araşdırılıb, onların bir hissəsində nöqsanlar aşkar edilib. Nəzarət tədbirlərində toy və məkan sahibləri ilə profilaktik söhbətlər aparıb və Operativ Qərargahın müəyyən etdiyi qayda və tələblərə ciddi riayət olunmasının vacibliyi izah edilib. Nöqsanların aşkar olunduğu məkanlarda pozuntular aradan qaldırılıb, toy mərasiminin qaydalara uyğun keçirilməsi təmin olunub və yeni ailə quranlara hədiyyələr təqdim olunub. Qeyd edək ki, indiyədək 900-dən çox obyektdə şənlik mərasimlərinə nəzarət həyata keçirilib.

Şənlik mərasimləri təşkil edən obyekt sahiblərinin və vətəndaşların nəzərinə bir daha çatdırılır ki, obyekt daxilində fəaliyyət göstərən tədbir zalları, onların tutumu və çalışan işçi heyət (müvəqqəti işə cəlb edilmiş işçilər daxil olmaqla) barədə məlumat müvafiq portala (icaze.e-gov.az) düzgün daxil edilməldir. Şənlik və məkan sahibləri müəyyən edilmiş qaydalara və şərtlərə tam əməl etməli, işçi heyətin vaksinləşməsinə və zəruri vasitələrlə (tibbi maska, əlcək və digər fərdi qoruyucu vasitələr) təmin edilməsinə xüsusi diqqət yetirməlidirlər.

Həmçinin oxuyun:

Azərbaycanda iyulun 1-dən toy və nişanlara icazə verildi

Azərbaycanda toylara icazə verildi: nələri bilməliyik

Toyların keçiriləcəyi restoranların diqqətinə: Bunları bilməniz vacibdir

Azərbaycan toylarının "olmazsa, olmaz"ı menyudan silinir: şadlıq evlərindən yeni şərtlər

Qaydalara məhəl qoymayan şadlıq evinin sahibinə cinayət işi açıldı

88