Qubada piknik

Qarabağ qaziləri üçün musiqili piknik təşkil etdilər - FOTO

85
(Yenilənib 23:19 22.06.2021)
Keçən ilin bu günü Qarabağa aid mahnıları göz yaşları ilə dinləyən gənclər bu gün Qubada özlərini sanki Cıdır düzündə hiss ediblər.

BAKI, 22 iyun — Sputnik. Bu gün Qubada maraqlı tədbir keçirilib. Sputnik Azərbaycan-ın verdiyi məlumata görə, Quba rayon icra başçısı Ziyəddin Əliyevin təşəbbüsü ilə Qubanın dağ kəndi olan Susayda 26 iyun Azərbaycan Silahlı Qüvvələrin yaranma gününün 103-cü ildönümü ilə əlaqədar qazilər üçün həm konsert, həm də açıq havada piknik təşkil olunub.

© Sputnik / Leyla Abdullayeva
Qubada piknik

Tədbirin özəlliyi onda idi ki, məkan çox gözəl seçilmişdi: burada insan özünü sanki Şuşadakı Cıdır düzündə hiss edirdi. Tədbirdə çıxış edən Azərbaycanın incəsənət xadimləri Qarabağa, əsgərlərə həsr olunan mahnılar oxuyublar. Qazilərdən biri isə "Xudayar" təsnifini ifa edib. Çıxış edən hər kəs qazilərə Qələbəni bizə bəxş etdiyi üçün təşəkkürünü bildirib.

© Sputnik / Leyla Abdullayeva
Qubada piknik

İkinci Qarabağ müharibəsi qazisi Anar Əliyev Sputnik Azərbaycan-a müsahibəsində tədbirin onlar üçün çox maraqlı olduğunu bildirib: "Bu tədbir müharibədən sonra bizə sanki bir stimul oldu. Məkan o qədər gözəl seçilmişdi ki, insan özünü Şuşadakı kimi hiss edirdi. Rayon rəhbərliyinin və insanların sevgisini hiss etmək çox gözəldir. Belə hallarda, yarımcan olsaq da, insan özünü ruhən yaxşı hiss edir. Ən gözəli də budur ki, biz keçən ilin bu günü Qarabağa aid mahnıları göz yaşları ilə dinləyərdik. Bu gün isə qürur hissi ilə qulaq asırıq".

Eləcə də oxuyun:

  • Silahlı Qüvvələr Günü ərəfəsində gənc əsgərlərlə görüş keçirilib

  • Artıq 66 qazi yüksək texnologiyalı protezlərlə təmin edilib

  • Nazir müavini: “Onların əlilliyi avtomatik olaraq təyin olunacaq”

  • Fidan Hacıyeva yeni layihəsi üçün Qarabağ qazilərini seçdi – VİDEO

85
Koronavirusa qarşı peyvənd vurulmasında dair sertifikat, arxiv şəkli

Azərbaycanda "Əks-göstəriş sertifikat"ı veriləcək

5
(Yenilənib 10:42 02.08.2021)
Vaksinasiya ilə yanaşı, fiziki məsafənin saxlanılması, maskalardan istifadə və əl təmizliyi kimi qaydalara riayət olunmalıdır.

 

BAKI, 2 avqust — Sputnik. "Azərbaycan Respublikasında "COVID-19 xəstəliyi əleyhinə 2021-2022-ci illər üçün Vaksinasiya Strategiyası"na uyğun olaraq ölkə üzrə peyvəndlənmə prosesi davam edir. Avqust ayının 9-dan etibarən ölkədə istifadəsinə icazə verilən vaksinlərə qarşı əks-göstərişləri olan şəxslərə "Əks-göstəriş sertifikat"ının verilməsinə başlanılır.

Sputnik Azərbaycan-ın xəbərinə görə, bu barədə Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə məlumatında belə deyilir.

Məlumatda qeyd olunur ki, "Əks-göstəriş sertifikat"ı almaq üçün ərazi üzrə poliklinikalara müraciət edilməlidir. Poliklinika həmin şəxslərin məlumatlarını Səhiyyə Nazirliyi tərəfindən yaradılmış xüsusi komissiyaya təqdim edəcək. Komissiyanın rəyi əsasında vətəndaşa "Əks-göstəriş sertifikat"ı veriləcək.

"Əks-göstərişləri olmayan vətəndaşların nəzərinə çatdırmaq istəyirik ki, dünyada və ölkəmizdə aparılan tədqiqatlardan əldə olunmuş nəticələrin təhlili bir daha göstərir ki, virusun yeni və sürətlə yayılan təhlükəli növlərindən qorunmağın ən effektiv yolu vaksinasiyadır.

Vaksinasiya ilə yanaşı, fiziki məsafənin saxlanılması, maskalardan istifadə və əl təmizliyi kimi qaydalara riayət olunmalıdır", - deəy məlumatda qeyd olunur.

Eləcə də oxuyun:

5
Teqlər:
vaksin, vaksinasiya, COVID-19 pasportu, sertifikat
Mövzu:
Azərbaycanda COVID-19 əleyhinə vaksinasiya
 Eldəniz Səlimov

Bu gün Milli Məclis Eldəniz Səlimovun işinə baxacaq

7
(Yenilənib 10:32 02.08.2021)
Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb.

BAKI, 2 avqust — Sputnik. Milli Məclisin İntizam Komissiyasının bu gün keçiriləcək iclasında deputat Eldəniz Səlimovun toxunulmazlığına xitam verilməsi məsələsinə baxılacaq.

Bu barədə Sputnik Azərbaycan-a Milli Məclisdən məlumat verilib. Məlumata görə, bu barədə Milli Məclisə təqdimat baş prokuror Kamran Əliyev tərəfindən daxil olub.

Rəsmi məlumata əsasən, iyulun 29-da saat 01 radələrində Xaçmaz şəhərində yerləşən "Starıy Dvor" restoranında Milli Məclisin deputatı Eldəniz Səlimov xidməti vəzifəsini yerinə yetirən polis əməkdaşına zor tətbiq edib. Daxili İşlər Nazirliyindən daxil olan material Baş Prokurorluqda araşdırılıb. Toplanan material üzrə Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanıb və istintaqın aparılması Baş Prokurorluğun İstintaq İdarəsinə tapşırılıb. Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb. Növbədənkənar sessiyanın gündəliyinə Azərbaycan Respublikası Milli Məclisinin deputatı Eldəniz Səlimovun toxunulmazlığına xitam verilməsi haqqında məsələ daxil edilib.

Qeyd edək ki, hazırda iş üzrə intensiv istintaq hərəkətləri aparılır.

Eləcə də oxuyun:

7
Teqlər:
deputat, Milli Məclis, komissiya, iclas, toxunulmazlıq