Cənnət Teymurovun medalları

Yaşı yüzə çatan veteran: "Öz-özümə "indi öləcəyəm" deyirdim"

2729
(Yenilənib 18:22 22.06.2021)
Doxsan doqquz yaşlı Cənnət Teymurov Böyük Vətən müharibəsində bir nefə ölümdən qayıdıb və Klim Voroşilovla Semyon Budyonnını yaxından görə bilib.

BAKI, 22 iyun — Sputnik. İyunun 22-də Hitler Almaniyasının keçmiş SSRİ-yə hücumundan və Böyük Vətən müharibəsinin başlamasından 80 il keçir.

Hitler Almaniyasının qəsbkarlıq planında Azərbaycan, xüsusən də Bakının işğalı xüsusi yer tuturdu. Almaniya hakimiyyəti Bakı neftini ələ keçirməyi Şərqdə istilaçılıq siyasətini reallaşdırmağın mühüm amili hesab edirdi. Həmin illərdə yüz minlərlə soydaşımız Vətənin müdafiəsinə qalxaraq bu məkrli planın baş tutmasına imkan vermədilər. Həmin qanlı döyüşlərin həm iştirakçılarından biri də Cənnət Eyniş oğlu Teymurovdur. 1922-ci ildə Masallı rayonunun Kalinovka, indiki Viləş kəndində anadan olan Cənnət baba Böyük Vətən Müharibəsi zamanı keçdiyi döyüş yollarından Sputnik Azərbaycan-a danışıb:

© Sputnik / Rahim Muradov
Cənnət Teymurov

"Vətənin dar günündə mən də hamı kimi döyüşlərə getməli idim və 1941-ci ilin oktyabr ayında çağırıldım. Əvvəlcə bizi Biləcəriyə apardılar, oradan isə Mozdoka və Qroznı şəhərinə apardılar. Həmin istiqamətdə güclü döyüşlər gedirdi. Orada 3 Qafqaz diviziyası - Azərbaycan, Gürcüstan və Ermənistan diviziyaları alman faşistlərinə qarşı vuruşurdular. Məni də Azərbaycan diviziyasının tərkibinə verdilər.

O döyüşlərdə yaralandım, məni Ermənistanın Leninakan şəhərindəki hospitala göndərdilər. Həmin hərbi hospitalda 1 ay 20 gündən sonra müalicə olunduqdan sonra yenidən döyüşlərə qayıtdım. Bu ərazilərdə gedən qızğın döyüşlərdə də yaralandım və bu dəfə məni müalicəyə Tiflisə göndərdilər. Sağalandan sonra yenidən Gürcüstandakı hərbi hissələrə göndərildim. Bir müddət sonra isə Bakıya Tank məktəbinə göndərildim. Bakıda 2 ay Tank məktəbində oxuduqdan sonra bizi Rusiyanın Saratov şəhərindəki Tank məktəbinə apardılar. Baxmayaraq ki, mən tank tuşlayıcısı vəzifəsini oxudum, lakin heç vaxt tankda xidmət aparmadım.

Saratovdan isə Ukraynanın Donetsk şəhərinə apardılar. Orada da bizim ordu almanları geri çəkilməyə məcbur etdi. Donetskdə gedən döyüşlərdə də yaralndıqdan sonra Rusiyanın Pyatiqorsk şəhərinə müalicəyə göndərildim. Müalicədən sonra isə bizi Krıma apardılar. Krımın almanlardan azad olunması uğrunda gedən döyüşlərdə də yaralandım. Krımda müalicə olunandan sonra isə məni Çita şəhərinə göndərildim. Çitada isə Yaponiya ilə müharibəyə hazırlaşırdıq. Çitadan bizi aparıb Monqolustanda yerləşdirdilər, həmin ərəfələrdə ABŞ-ın Yaponiyaya atom bombası atdığını eşitdik. Daha ondan sonra biz yaponlarla müharibəyə girmədik. Monqolustandan Sverdlovsk şəhərinə gəldik, 1946-cı ilin oktyabr ayında ordudan tərxis olundum. Mənə orduda qalmağı, özü də Hərbi Hava Qüvvələrində xidmət etməyi təklif etdilər. Mən isə özümə "Qalıb nə edəcəyəm?!" dedim və qayıtdım evə".

Kalinovkadan (indiki Viləş kəndi) Cənnət Teymurovla ilə bir yerdə müharibəyə daha 2 nəfər yollanır. Onların hamısı Böyük Vətən müharibəsindən salamat qayıda biliblər. 

© Sputnik / Rahim Muradov
Боевые награды и юбилейные медали ветерана Великой Отечественной войны Джаннета Теймурова

Veteranımızın yadında qaldığı döyüşlər Krım yarımadasında baş tutub: "Krımda olduğumuz vaxt gecə dağın təpəsində idik 4 dəfə ağır döyüş getdi. Dörd dəfə ard-arda dəstələrimiz hücuma keçdilər. Amma mənim olduğum dəstəni göndərmədilər. Həmin günün səhəri yerləşdiyimiz dağın təpəsindən Qara dənizin üstündə bizim təyyarələrlə faşist təyyarələrinin necə döyüşdüklərinə izləyirdik. Dənizə düşən pilotlarımızın və başqa əsgərlərimizin meyitlərinin necə çıxarlmasına baxırdıq. Gözümüzün önündə alman qırıcısı bizim qırıcılardan birini vurdu və təyyarə dənizə düşdü. Pilotumuz sağ qaldı. Sonra gedib döyüş meydanından yaralıları və cəsədləri çıxardıq. Həmin günü axşam saatlarında bizi başqa istiqamətə Kerç boğazına, Azov dənizi ilə, Qara dənizin birləşdiyi yerə apardılar. Gəlib bir səngərə girdik, səngərin içərisi cəsədlərlə dolu idi. Gecəni səngərdə keçirdik. Səhər isə Bakıdan, soyadı Hüseynov olan komandirmiz bizə "İrəli!" komandasını verdi. Biz 12 nəfərdən ibarət bir dəstə idik və bizi süngü ilə döyüşə çıxardılar. Mən manqa komandiri idim, təsəvvür edin 12 nəfərlə döyüşə girirsən. Yerdə də azca qar var, səngərdən baxdığım zaman bir də gördüm qarşıda ağ geyimdə olan əsgərlər gəlir. Dedim "Komandir bunlar kimdir?" "Alman ordusunun kəşfiyatçılarıdır" - deyə cavab verdi.

Həmin döyüşdə komandirimiz həlak oldu. Mənim sağ gözümün lap kənarından burnuma yaxın hissədən qəlpə dəydi. Sifətim tamam qan içində oldu və gözlərim heç nə görmürdü. Özüm-özümə "İndi öləcəyəm" deyirdim. Sonra səngərdə böyrüm üstə uzanıb tərpənmədim. Yaxınlıqda almanlar var idi, gəlib ərazini dolaşırdılar. Axşam hava qaralanda sürünməyə başladım. İnanın gecə vaxtı göz-gözü görmür sürünərək gedirəm, hara getdiyimi də bilmirəm. Bir də ayıldım ki, kimsə başıma avtomatı dayayıb. Əvvəlcə bilmədim nə deyəm, sonra isə "rus" deyən kimi mənə "Teymurov, bəri gəl" dedi. Baxdım ki, bizim komandirin çaparıdır. Gecəni alayda keçirdim, səhər bizə dedilər ki, Voroşilovla Budyonnı hərbi hissəyə gəlirlər. Həmin an bir gəminin gəlib limanda dayandığını gördüm. Hər iki General gəmidən enib gəldilər orada dağın içərisində tunel var idi, o tunelə daxil oldular. Məni isə oradan hərbi hospitala göndərdilər.

Cənnət baba Qafqazda iştirak etdiyi döyüşlərdən də danışdı: "Keçdiyim ən çətin döyüş Mozdokda olub. Orada güclü atışmalar olmuşdu, amma biz orada almanları geri çəkilməyə məcbur edə bilmişdik. Mənə köməkçi əsgər vermişdilər. İndiyədək adı yadımdadır Zaməddin, Qutqaşendən, indiki Qəbələdən idi. Bir dəfə gördüm ki, Zaməddin qolunu sarıyır. Nə baş verdiyini soruşanda, o yaxınlığına mina atıldığını və qol əzələsinin parçalandığını dedi. Həyəcandan Zaməddin qanı dayandırması üçün bizə verilən tütünü yarasına basırdı. Ona "Adə, nə edirsən, heç tütünlə də qanaxmanı dayandırarlar?" dedim. Sonra mən onun yarasını sarıdım və geridə alayın tibbi çadırına apardım".

  • Cənnət Teymurovun medalları
    © Sputnik / Rahim Muradov
  • Cənnət Teymurov Vətən müharibəsi qazisi-nəvəsi Kənanla
    © Sputnik / Rahim Muradov
1 / 2
© Sputnik / Rahim Muradov
Cənnət Teymurovun medalları

Cənnət Teymurov müharibədən qayıdandan sonra bir müddət yanğınsöndürən işləyib, oradan isə həbsxanada xidmət etməyə göndərilib. Uzun illər həbsxadan işlyəndən təqaüdə çıxıb. Cənnət kişinin nəvəsi də özü kimi haqq savaşçılarındandır. Onun Kənan adlı nəvəsi Vətən Müharibəsi qazisidir. C.Teymurov bütün iştirak etdiyi döyüşlərə görə təltif edildiyini dedi: "Amma çoxu itdi-batdı, yarısını həmin illərdə hərbi komissarlıqda qaldı, yarısı da orada-burda getdi".

Böyük Vətən müharibəsi və azərbaycanlılar

1941-ci il iyunun 22-də Hitler Almaniyası keçmiş SSRİ-yə hücum etdi və Böyük Vətən müharibəsi başladı. Azərbaycan da SSRİ-nin tərkibindəki digər respublikalar kimi faşistlərlə mübarizəyə qoşularaq düşmənin darmadağın edilməsində öz sözünü deyib. Alman faşistləri üzərində tarixi qələbənin qazanılmasında Azərbaycan xalqının rolu danılmazıdr. Yüz minlərlə azərbaycanlı əlinə silah alıb, bütün cəbhələrdə düşmənə müqavimət göstərib, çoxları həyatını bu yolda qurban verib.

Bundan başqa, azərbaycanlılar neft mədənlərində və zavodlarda, elmi laboratoriyalarda ümumi qələbəni təmin edilməsi üçün misilsiz qəhrəmanlıq göstəriblər. 1941-1945-ci illərdə faşist Almaniyası ilə mübarizədə 600 mindən çox azərbaycanlı iştirak edib. Alman-faşist komandanlığı Bakı neftinə xüsusi önəm verirdi. Qafqaz uğrundakı döyüşlərdə almanların əsas hədəfi  Bakı və onun ətraf rayonlarındakı neft-qaz sənayesini nəzarətə götürmək idi. Çünki Azərbaycan paytaxtı Sovet İttifaqı iqtisadiyyatının əsas neft mənbəyi hesab olunurdu. SSRİ neftinin 80 faizi Azərbaycanda çıxarılırdı. Həmçinin, sovet ordusu üçün neftin 70, benzinin 80, sürtkü yağlarının 90 faizini Azərbaycan təmin edirdi və bütün bunlar olmasaydı, müharibədə qalib gəlmək mümkün deyildi.

Müharibə vaxtı ümumi əhalisi 3,4 milyon olan Azərbaycandan cəbhəyə 681 min nəfər yollanıb ki, onlardan da 10 mini qadınlar olub. Azərbaycandan çağırılan 300 min nəfər cəbhədə həlak olub. Bundan başqa, Azərbaycandan 15 min tibb işçisi, 750 rabitəçi, 3 min sürücü də cəbhə xəttinə cəlb olunub.

Azərbaycandan olan əsgərlər Brest qalası, Leninqrad, Moskva, Stalinqrad, Qafqaz uğrunda döyüşlərdə iştirak edib, Kursk, Berlin uğrunda döyüşlərdə qəhrəmanlıq göstəriblər. Berlinə ilk daxil olan azərbaycanlılardan ibarət diviziya olub. Onlar Ukraynada, Krım yarımadasında vuruşub, Qızıl Ordunun tərkibində Pribaltikanı, Şərqi Avropanı faşistlərdən azad ediblər.

Müharibə illərində Azərbaycan SSR ərazisində 87 batalyon, 1123 özünümüdafiə, 5 piyada dəstəsi yaradılıb. Qızıl Ordunun 8 diviziyasının çox hissəsini azərbaycanlılar təşkil edib.

Sovet İttifaqı qəhrəmanları arasında 120-dən çox azərbaycanlı var.

2729
Футбольный мяч. Архивное фото

Konfrans Liqası: Azərbaycanın iki klubu mübarizəni dayandırdı, biri isə mərhələni keçdi

15
(Yenilənib 23:03 29.07.2021)
Azərbaycanın "Sumqayıt" və "Keşlə" futbol klubları UEFA Konfrans Liqası ilə vidalaşmalı olublar.

BAKI, 29 iyul - Sputnik. “Qarabağ” (Ağdam) klubu avrokuboklarda növbəti oyununu keçirib.

Apasport.az saytının məlumatına görə, Ağdam klubu Konfrans Liqasında mərhələ adlayan ilk Azərbaycan klubu kimi tarixə düşüb.

II təsnifat mərhələsindən mübarizəyə başlayan Qurban Qurbanovun yetirmələri “Aşdod” səddini adlayıb. Evdə qolsuz heç-heçə edən Premyer Liqanın vitse-çempionu İsraildəki qələbə ilə tur adlayıb.

“Qarabağ” bu qələbəni erkən qol sayəsində qazanıb. Filip Ozobiçin 6-cı dəqiqədəki qolu komandaya mərhələ adlamaq imkanı verib.

"Sumqayıt" və "Keşlə" də UEFA Konfrans Liqasının II təsnifat mərhələsində cavab oyununa çıxıb.

"Report"un məlumatına görə, Sənan Qurbanovun baş məşqçi olduğu paxtaxt təmsilçisi Rusiyanın "Soçi" klubunu qəbul edib.

"ASK Arena"da keçirilmiş qarşılaşmada qonaqlar 4:2 hesabı ilə qələbə qazanıb. 21-ci dəqiqədə rəqibin heyətində Marko Duqandziç hesabı açıb. 35-ci dəqiqədə "Keşlə"nin braziliyalı legioneri Felipe Santos bərabərlik qolunu vurub. Bundan 3 dəqiqə sonra Nikita Burmistrov "Soçi"ni yenidən önə keçirib.

İlk hissə bu hesabla yekunlaşıb. İkinci yarının əvvəlində paytaxt təmsilçisi hesabı bərabərləşdirməyə müvəffəq olub. 52-ci dəqiqədə Rəhman Hacıyev topu rəqib qapısından keçirib. Danila Proxin 70-ci dəqiqədə meydan sahiblərini növbəti dəfə mərkəzə dəvət edib. Duqandziç 82-ci dəqiqədə özünün ikinci, komandasının isə 4-cü qoluna imza atıb. Rusiyadakı matçda rəqibinə 0:3 hesabı ilə uduzan "Keşlə" Konfrans Liqası ilə vidalaşıb.

"Sumqayıt" "Kapital Bank Arena"da Serbiyanın "Çukariçki" komandası ilə üz-üzə gəlib. Görüş "gənclik şəhəri" təmsilçisi üçün yaxşı başlamayıb. 10-cu dəqiqədə Belqrad klubunun heyətində İbrahima Ndiaye hesabı açıb. 6 dəqiqə sonra isə Marko Dotsiç penaltidən fərqlənməklə meydan sahibini növbəti dəfə məyus edib. Oyunda başqa qol vurulmayıb. Serbiyada rəqibi ilə qolsuz heç-heçə edən "Sumqayıt" da Konfrans Liqası ilə vidalaşmalı olub.

15

Olimpiya ümidləri: azərbaycanlı idmançılardan kim Tokioda medal qazana bilər

19
  • Mariya Stadnik
  • Mariya Stadnik
  • Азербайджанский борец вольного стиля Гаджи Алиев
  • Азербайджанский борец вольного стиля Гаджи Алиев
  • Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.
  • Шариф Шарифов, фото из архива
  • Karate üzrə qadınlardan ibarət Azərbaycan milli komandasının üzvü İrina Zaretska, arxiv şəkli
  • Azərbaycanın yunan-roma güləşçisi İslam Abbasov
Azərbaycanlı idman həvəskarları səbirsizliklə güləş və karate üzrə yarışları gözləyir və Olimpiya oyunlarında medal qazanmaq ümidlərini onlarla bağlayırlar

 

Azərbaycan idmançılarının Tokio Olimpiadasında uğursuz çıxışı fonunda idmançılarımızın medal qazanmasına ümidlər də əriyir. Buna baxmayaraq, Azərbaycanın Olimpiya yığmasında hələ də Tokioda mükafat qazanmağa qadir olan atletlər var.

Cüdo idman növündə Olimpiya medalını idmançımız İrina Kindzerskaya qazanmağa qadirdir (78 kq-dan yuxarı çəkidə). İdmançımız uzun müddətdir ki, dünya reytinqində aparıcı yerlərdən birini tutur və mütəmadi olaraq "Böyük dəbilqə" turnirlərində medallar qazanır.

Sözsüz ki, Olimpiya medallarına güləş yarışlarında da ümid etmək olar. Yeri gəlmişkən, müstəqil Azərbaycanın tarixində hələ elə bir Olimpiada olmayıb ki, oradan Azərbaycan güləşçiləri medalsız qayıtsınlar.

İlk növbədə ən çox titulu olan idmançımız Mariya Stadnikin mükafat qazanacağını gözləyirik (50 kq), həm də, sadəcə medal deyil, məhz qızıl medal.

Olimpiya oyunlarının üçqat mükafatçısı, ikiqat dünya çempionu və səkkiz dəfə Avropa çempionu olan Stadnik öz çəki dərəcəsində əsas favoritdir və ona yalnız son iki Olimpiadanın finalında məğlub olduğu yapon güləşçiləri mane ola bilərlər.

Kişilər arasında sərbəst güləş yarışlarında ümidlərimiz üçqat Dünya və Avropa çempionu Hacı Əliyevlə bağlıdır (65 kq). İdmançımız öz çəki dərəcəsində ənənəvi olaraq favoritdir. Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.

Daha bir sərbəst güləş ustamız Şərif Şərifovun da yaxşı şansları var (97 kq). 2012-ci il London Olimpiadasında qalib olan idmançı 2016-cı il Rio Oyunlarında bürünc medallara sahib olub. Əgər ilkin mərhələdə idmançımız dördqat dünya çempionu Abdulrəşid Sadullayevlə (Rusiya) qarşılaşmazsa, o zaman şansı daha yüksək olacaq.

Tokio Olimpiadasında azərbaycanlı karate ustaları da özlərini göstərə bilərlər. Söhbət Rafael Ağayev (75 kq) və İrina Zaretskadan gedir (61 kq-dan yuxarı).

Rafael Ağayev bütün dünyada məşhur karateçidir, beş dəfə dünya birinciliyində, dəfələrlə "Premyer liqa" turnirlərində qalib olub. Ağayevin qarşısında duran əsas problem onun yaşı ola bilər – onun 36 yaşı var. Lakin buna baxmayaraq, idmançı əla formadadır.

İrina Zaretskanın hesabında dünya, Avropa çempionatlarında, habelə "Premyer liqa" turnirlərində qələbələr var və o, dünya reytinqində liderdir.

Bunlardan əlavə, digər idmançılarımızın da Tokio Olimpiadasında özlərini göstərərək medal qazanacaqlarını istisna etmək olmaz.

18 azərbaycanlı atlet evə qayıdır

Artıq 18 idmançımız Tokio Olimpiya oyunlarında heç bir mükafat əldə etmədən çıxışlarını başa vurub. Bunlar – taekvondoçular Fəridə Əzizova (67 kq) və Milad Beiqi Harçeqani (80 kq), qılıncoynadan Anna Başta, cüdoçular Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq) və Aişə Qurbanlı (48 kq), boksçular Tayfur Əliyev (57 kq) və Lorenso Sotomayor (69 kq), üzgüçülər Maksim Şemberov və Məryəm Şeyxəlizadəxangah, gimnastlar İvan Tixonov və Marina Nekrasova, velosipedçi Elçin Əsədov, atıcı Emin Cəfərov və çoxnövçü Rostislav Pevtsovdur.

Azərbaycan Tokio-2020-də

Tokioda Yay Olimpiya Oyunları iyulun 23-dən avqustun 8-nə kimi keçirilir.

Tokio Yay Olimpiadasında ölkəmizi 44 idmançı təmsil edir. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edirlər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

19
  • Cüdo idman növündə Olimpiya medalını idmançımız İrina Kindzerskaya qazanmağa qadirdir (78 kq-dan yuxarı çəkidə).

  • İdmançımız uzun müddətdir ki, dünya reytinqində aparıcı yerlərdən birini tutur və mütəmadi olaraq "Böyük dəbilqə" turnirlərində medallar qazanır.

  • © Photo : Azerbaijan Wrestling Federation

    Sözsüz ki, Olimpiya medallarına güləş yarışlarında da ümid etmək olar. Yeri gəlmişkən, müstəqil Azərbaycanın tarixində hələ elə bir Olimpiada olmayıb ki, oradan Azərbaycan güləşçiləri medalsız qayıtsınlar.

  • Mariya Stadnik
    © AP Photo / Anvar Ilyasov

    İlk növbədə ən çox titulu olan idmançımız Mariya Stadnikin mükafat qazanacağını gözləyirik (50 kq), həm də, sadəcə medal deyil, məhz qızıl medal.

  • Mariya Stadnik

    Olimpiya oyunlarının üçqat mükafatçısı, ikiqat dünya çempionu və səkkiz dəfə Avropa çempionu olan Stadnik öz çəki dərəcəsində əsas favoritdir və ona yalnız son iki Olimpiadanın finalında məğlub olduğu yapon güləşçiləri mane ola bilərlər.

  • Азербайджанский борец вольного стиля Гаджи Алиев

    Kişilər arasında sərbəst güləş yarışlarında ümidlərimiz üçqat Dünya və Avropa çempionu Hacı Əliyevlə bağlıdır (65 kq).

  • Азербайджанский борец вольного стиля Гаджи Алиев

    İdmançımız öz çəki dərəcəsində ənənəvi olaraq favoritdir.

  • Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.
    © AP Photo / Francois Mori

    Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.

  • Шариф Шарифов, фото из архива
    © AP Photo / Markus Schreiber

    Daha bir sərbəst güləş ustamız Şərif Şərifovun da yaxşı şansları var (97 kq).

  • Şərif Şərifov

  • © AP Photo / Anvar Ilyasov

    2012-ci il London Olimpiadasında qalib olan idmançı 2016-cı il Rio Oyunlarında bürünc medallara sahib olub. Əgər ilkin mərhələdə idmançımız dördqat dünya çempionu Abdulrəşid Sadullayevlə (Rusiya) qarşılaşmazsa, o zaman şansı daha yüksək olacaq.

  • Tokio Olimpiadasında azərbaycanlı karate ustaları da özlərini göstərə bilərlər. Söhbət Rafael Ağayev (75 kq) və İrina Zaretskadan gedir (61 kq-dan yuxarı).

  • Rafael Ağayev bütün dünyada məşhur karateçidir, beş dəfə dünya birinciliyində, dəfələrlə "Premyer liqa" turnirlərində qalib olub. Ağayevin qarşısında duran əsas problem onun yaşı ola bilər – onun 36 yaşı var. Lakin buna baxmayaraq, idmançı əla formadadır.

  • Karate üzrə qadınlardan ibarət Azərbaycan milli komandasının üzvü İrina Zaretska, arxiv şəkli
    © Sputnik / Vladimir Astapkovich

    İrina Zaretskanın hesabında dünya, Avropa çempionatlarında, habelə "Premyer liqa" turnirlərində qələbələr var və o, dünya reytinqində liderdir.

  • Azərbaycanın yunan-roma güləşçisi İslam Abbasov
    © AFP 2021 / MARCO BERTORELLO

    Bunlardan əlavə, digər idmançılarımızın da Tokio Olimpiadasında özlərini göstərərək medal qazanacaqlarını istisna etmək olmaz.