BAKI, 15 iyun — Sputnik. "Açıq hava şəraitində toyların keçirilməsi müzakirə olunur".
Sputnik Azərbaycan APA-ya istinadən xəbər verir ki, bunu Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.
Ş. Mövsümov bildirib ki, hazırda COVID-19 infeksiyası ilə bağlı Azərbaycanda vəziyyət stabildir: "Ölkədə vəziyyət daha da yaxşılaşmaya doğru gedir. Bununla belə, ölkəmizdən fərqli olaraq, dünyada COVID-19-la bağlı vəziyyət ürəkaçan deyil. Bəzi ölkələrdə pandemiyanın ikinci, üçüncü dalğası başlayıb. Buna görə də müzakirələrə ümumi vəziyyət nəzərə alınaraq aparılır".
Prezidentin köməkçisi qeyd edib ki, açıq hava şəraitində müəyyən sayda insanın iştirakı ilə toy mərasimlərinin keçirilməsi ehtimalı var: "Bununla bağlı da müzakirələr davam etdirilir".
Qadağaların yumşaldılması
Mayın 25-də Nazirlər Kabineti yanında Operativ Qərargah brifinq keçirərək xüsusi karantin rejiminin bəzi qaydalarının yumşaldılacağı barədə məlumat verdi. Bunlara görə, mayın 31-dən açıq havada maska qadağası götürüldü, 2020-ci il oktyabrın 19-dan bağlı olan metronun fəaliyyətinə icazə verildi. Həmçinin iyunun 10-dan müəyyən qaydalara riayət olunmaqla mall-ların, dini ibadət məkanlarının, idman zallarının, çimərliklərin işləməsi təmin olundu.
Eləcə də oxuyun:
-
Bu gündən bu sahələrdə fəaliyyətə icazə verilir - Qaydalar
-
Məscidlər möminlərin üzünə açıldı - COVID-19 pasportsuz giriş yoxdur - REPORTAJ
-
Möhtəşəm başlanğıc: fitnes-klublar açılışa hazırlaşır
