Dövlət agentliyi Bakıda söküntü aparır bu, son deyil - FOTO

28
Tütün, tütün məmulatları və onların ləvazimatları, o cümlədən tənbəki çubuqları, qəlyanlar, elektron siqaretlər, siqaret kağızları və alışqanlar "Reklamı qadağan olunan əmtəələrin siyahısı"na daxil edilib.

BAKI, 9 iyun — Sputnik. 2021-ci ilin birinci rübündə təkcə Bakı şəhərində açıq məkanda yayımlanan tütün, tütün məmulatları və onların ləvazimatları, o cümlədən tənbəki çubuqları, qəlyanlar, elektron siqaretlər, siqaret kağızları, alışqanlarla bağlı 58 reklam sökülüb.

Azərbaycanın Dövlət Reklam Agentliyi (ADRA) fəaliyyətə başladığı dövrdən indiyədək bu sahəyə aid qanunvericilik aktlarının tələblərinə əməl olunması məqsədilə paytaxt üzrə 1067 reklamın yayımının qarşısı alınıb.

ADRA-nın Strateji inkişaf və kommunikasiya şöbəsindən Sputnik Azərbaycan-a verilən məlumata görə, dövlət agentliyi səlahiyyətləri çərçivəsində mütəmadi olaraq aidiyyəti məsələ ilə əlaqədar tədbirlər görsə də bəzi sahibkarlıq subyektləri tərəfindən qanunvericiliyin tələblərinin pozulması hallarına rast gəlinir ki, bununla əlaqədar, İnzibati Xətalar Məcəlləsinin müvafiq maddələri ilə icraat başlanılaraq, məlumatlar baxılması üçün səlahiyyətli məhkəmələrə göndərilir. Bunları nəzərə alaraq, agentliyin əməkdaşları reklamı qadağan olunmuş əmtəələrlə bağlı sahibkarlar arasında maarifləndirmə işlərini daha da gücləndiriblər.

Sahibkarlar arasında reklamı qadağan olunmuş əmtəələrlə bağlı maarifləndirmə işləri

"Reklam haqqında" qanunun 28-ci maddəsinə əsasən, tütün, tütün məmulatlarının və onların ləvazimatlarının, o cümlədən tənbəki çubuqlarının, qəlyanların, elektron siqaretlərin, siqaret kağızların, alışqanların reklamı qadağandır. Həmçinin tütün, tütün məmulatları və onların ləvazimatları, o cümlədən tənbəki çubuqları, qəlyanlar, elektron siqaretlər, siqaret kağızları və alışqanlar Nazirlər Kabinetinin 2016-cı il 17 oktyabr tarixli 414 nömrəli qərarı ilə təsdiq olunmuş "Reklamı qadağan olunan əmtəələrin siyahısı"na daxil edilib.

Sahibkarlar arasında reklamı qadağan olunmuş əmtəələrlə bağlı maarifləndirmə işləri

Bununla yanaşı, reklam istehlakçının diqqətini reklam obyektinə müxtəlif vasitə və üsullardan istifadə olunmaqla istənilən formada cəlb etmək, marağını formalaşdırmaq və saxlamaq, əmtəəni bazarda tanıtmaq və satışını stimullaşdırmaq məqsədilə yayımlanan məlumatdır. Qanunvericiliyin tələbinə əsasən, əmtəənin özü reklam hesab edilmir.

Eyni zamanda, obyektlərin daxilində, kassa ətrafında yerləşdirilən və ya vətəndaşlara obyektlərin içində səyyar qaydada təqdim olunan əmtəələrin reklamlarının qanunauyğunluğuna nəzarət etmək Dövlət Reklam Agentliyinin səlahiyyətində deyil.

Sahibkarlar arasında reklamı qadağan olunmuş əmtəələrlə bağlı maarifləndirmə işləri

Agentlik tərəfindən bu sahədə nəzarət tədbirləri çərçivəsində qanunvericiliyə əsasən, monitorinqlərin aparılması və nəzarət mexanizmlərinin gücləndirilməsi davam etdiriləcək.

Vətəndaşlardan xahiş olunur ki, açıq məkanda qanunvericiliyin tələblərinə cavab verməyən reklamlara rast gəldikdə, onların şəklini çəkib #ADRAgovaz həştəqi ilə paylaşsınlar və ya agentliyə məlumat versinlər.

Çağrı Mərkəzi: 1412 Whatsapp: (077) 6771412.

Eləcə də oxuyun:

28
Teqlər:
Bakı, söküntü, reklam, siqaret
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

6
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

6
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

127
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

127