Zəncir

Tövlədə zəncirlənmiş vəziyyətdə saxlanılan ahıl qadınla bağlı araşdırma başlanıldı

30
(Yenilənib 15:43 02.06.2021)
"Məsələ ilə əlaqədar olaraq Sosial Xidmətlər Agentliyinə müraciət etmişik. Artıq qadının sığınacağa yerləşdirilməsi istiqamətində müvafiq işlərə başlanılıb", - Kəmalə Ağazadə. 

Sputnik, Nigar İsgəndərova

BAKI, 2 iyun — Sputnik. Daxili İşlər Nazirliyi ahıl qadının tövlədə bağlı vəziyyətdə saxlanılması barədə sosial şəbəkələrdə yayılan məlumatlara aydınlıq gətirib. Nazirlikdən Sputnik Azərbaycan-a verilən məlumata görə, araşdırmalarla həmin qadının Daşkəsən rayonunda qeydiyyatda olmaqla Gədəbəy rayonunun İvanovka kəndində yaşayan, 1934-cü il təvəllüdlü Səkinə Həsənova olduğu müəyyən edilib.

Nazirlikdən bildirilib ki, polis əməkdaşları onun yerini həmin kənd ərazisində gəzərkən aşkar ediblər.

Qeyd edək ki, hazırda ahıl qadını bağlayan şəxs və ya şəxlərin kimliyinin müəyyənləşdirilməsi istiqamətində araşdırmalar aparılır və tezliklə məsələyə hüquqi qiymət veriləcək.

Xatırladaq ki, artıq bir neçə gündür yaşı 80-dan yuxarı olan qadının sosial şəbəkələrdə yayılan videosu rezonansa səbəb olub. Bununla bağlı "Azərbaycan Uşaqlar Birliyi"nin sədri Kəmalə Ağazadə Sosial Xidmətlər Agentliyinə müraciət etsə də, qadının həyat tərzi günü-gündən daha da ağırlaşıb.

Belə ki, K.Ağzadə bir neçə gün öncəki paylaşımında ahıl qadının başqası tərəfindən aldadılaraq pensiya kartının əlindən alındığını, həmin şəxs tərəfindən döyüldüyü ilə bağlı məlumat paylaşmışdı. AUB sədri bununla bağlı Sosial Xidmətlər Agentliyinə müraciət etsə də, hazırda qadının durumu daha da ağır olaraq qalır. Ahıl qadın hazırda tövlədə zəncirlənmiş vəziyyətdə saxlanılır.

"Məsələ ilə əlaqədar olaraq Sosial Xidmətlər Agentliyinə müraciət etmişik. Artıq qadının Sosial Xidmətlər Agentliyinin müvafiq müəssisəsinə yerləşdirilməsi istiqamətində müvafiq işlər aparılır", - deyə Ağazadə bildirib. 

 

30
Kinolent, arxiv şəkli

Azərbaycanda yeni kino platforması fəaliyyətə başlayıb

9
(Yenilənib 08:48 18.06.2021)
Platformanın yaradılmasında məqsəd Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir.

BAKI, 18 iyun — Sputnik. "Narimanfilm" kinostudiyasının xaricdə yaşayan soydaşlarımız üçün xüsusi olaraq hazırladığı https://azcinemaonline.com/ internet kinoteatrı yenilənmiş platformada fəaliyyət göstərməyə başlayıb.

Sputnik Azərbaycan xəbər verir ki, platformanın yaradılmasında məqsəd digər ölkələrdə yaşayan azərbaycanlıların Vətənlə əlaqələrini möhkəmləndirmək, onları mədəniyyət və kino sahəsində baş verən yeniliklərlə tanış etmək, Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir. Eyni zamanda, gənc kinematoqrafçılarımıza öz işlərini dünya izləyicilərinə təqdim etmək imkanı yaratmaq və Azərbaycan kinematoqrafçıları ilə digər ölkələrdən olan həmkarları arasında iş birliyinin qurulması üçün şəraitin yaradılmasını təmin etməkdən ibarətdir.

Burada Azərbaycan kinosunun inciləri ilə yanaşı, həmçinin ölkəmizin ərazisində xarici kinematoqrafçılar tərəfindən çəkilmiş filmlərlə tanış olmaq, onlara rəy bildirmək və kinotənqidçilərlə birlikdə müzakirələrə qoşulmaq mümkündür.

Platforma vasitəsilə ölkəmizin kino tarixi boyu yaradılmış müxtəlif bədii, sənədli və animasiya filmlərinin izlənməsi sayt istifadəçilərinə bir növ Azərbaycana açılan pəncərə olaraq gözəl Vətənimizi daha yaxşı tanımalarına imkan yaradır.

9
Футболисты сборной Нидерландов

AVRO-2020: Daha bir yığma 1/8 finala vəsiqə qazanıb

10
Xallarını 6-ya çatdıran Niderland seçməsi vaxtından əvvəl pley-offa yüksəlib. Avstriya isə 3 xalla üçüncü pillədə qərarlaşıb.

Futbol üzrə Avropa çempionatının C qrupunda II tura yekun vurulub.

"Report"un məlumatına görə, Niderland millisi Amsterdamdakı "Yohan Kroyf Arena"da Avstriya yığması ilə qarşılaşıb. Rəqibini 2:0 hesabı ilə məğlub edən "narıncılar" 1/8 finala vəsiqəni təmin ediblər.

Görüşdə hesabı 11-ci dəqiqədə penaltidən Memfis Depay açıb. İlk hissə bu hesabla başa çatıb. İkinci yarıya da fəal başlayan meydan sahibləri 67-ci dəqiqədə Denzel Dümfrisin qolu ilə fərqi 2 topa çatdırıblar. Bu qol eyni zamanda oyunun yekun nəticəsini müəyyənləşdirib.

Beləliklə, xallarını 6-ya çatdıran Niderland seçməsi vaxtından əvvəl pley-offa yüksəlib. Avstriya isə 3 xalla üçüncü pillədə qərarlaşıb.

Qeyd edək ki, daha əvvəl İtaliya və Belçika yığmalarının qrupdan çıxmaları dəqiqləşib.

10