Bakıda metro faliyyətini bərpa edib, 31 may 2021-ci il

İki yüz iyirmi altı günün həsrəti: "Bircə M-lərə möhtac olmayaq" - REPORTAJ

3069
"Stansiyaların girişlərində sərnişinlərdən maska taxılması tələb ediləcək. Metroda, qatarlarda da tibbi maskanı ağızdan çıxartmaq olmaz" - B.Məmmədov.

Sputnik, Nigar İsgəndərova

BAKI, 31 may — Sputnik. Nazirlər Kabinetinin qərarı ilə bu gündən "Bakı Metropoliteni" Qapalı Səhmdar Cəmiyyəti yenidən öz fəaliyyətini bərpa edib.

Sputnik Azərbaycan "Bakı Metropoliteni"nin bugünkü fəaliyyətini qısa müddətdə izləyib.

Yeddi aydır ki, qapalı olan metropolitenin fəaliyyətinin yenidən bərpa olunması sərnişinlər tərəfindən də böyük sevinclə qarşılanıb. Hər kəsdən "metro bir daha bağlanmasın", "hətta basırıq olsun, bir qədər gec gəlsin, amma M-lərə möhtac olmayaq", "nə yaxşı, bu gündən artıq yollarda qalmarıq" deyə bu kimi çoxsaylı sözlər eşitmək olardı.

© Sputnik / Murad Orujov
Bakıda metro faliyyətini bərpa edib, 31 may 2021-ci il

Bu gün metro uzun müddətdir yollarda eşitmədiyimiz körpə-uşaq səslərini də yenidən bizə eşitdirdi. Səhər tezdən validyenləri ilə gəzməyə, məktəbə gedən kimi, metroda yarıyuxulu vəziyyətdə oturan kim. Metro həmişəki kimi xoş istirahətə yollananlarla yanaşı, işə tələsənlərin də ünvanı idi. Onların üzündən isə ancaq xoş əhval-ruhiyyəni oxumaq mümkün idi, elə bizim kimi...

Növbəti stansiya "Nizami"...

"Nizami Gəncəvi" ilində "Bakı Metropoliteni" QSC-nin mətbuat katibi Bəxtiyar Məmmədovla elə bu stansiyada görüşərək bu saata olan son vəziyyəti öyrənirik: "Hələlik, sərnişindaşıma ilə bağlı statistika yoxdur. Onu qeyd edim ki, metronun fəaliyyətə başladığı səhər saatlarında elə çox sərnişin axını olmayıb. Lakin artıq pik saatlara doğru müəyyən qədər də olsa sənişin sayında artım var. Günün sonunadək vəziyyətin necə olacağını hələlik qiymətləndirmək mümkün deyil".

© Sputnik / Murad Orujov
Bakıda metro faliyyətini bərpa edib, 31 may 2021-ci il

"Metro ilə bağlı əsas monitorinqlərimiz məhz bundan sonra başlayacaq. Məhz bunun əsasında biz müəyyən edəcəyik ki, sərnişinlərimiz hansı axın istiqamətində, hansı xətlərdə daha çox olur", - deyə o əlavə edib.

O bildirib ki, hazırda metronun fəaliyyətində hansısa problem yoxdur, qatarlar qrafikə uyğun hərəkət edirlər: "Sərnişin sıxlığı olmadığından sərnişinlər tərəfindən hansısa maneə yoxdur. Qrafikin tənzimlənməsinə gəlincə, optimal qrafik təyin olunur, adi vaxtlar üçün də optimal qrafik də qalacaq. Gücləndirilmiş  rejimdə işlədiyimiz üçün sərnişin axını izlənilir. Buna əsasən cari və gələcək tədbirlərimiz müəyyən olunacaq. Əsaslı təmirdə olan qatarlarımız istisna olmaqla bütün qatarlar, xüsusən də təzə qatarların hamısı xətdədir. Hər hansı problemin olması gözlənilmir".

Metroda tələblər dəyişmir

Ehtiyat qatarlar isə kifayət qədərdir: "Hazırda Rusiyada bu il üçün nəzərdə tutulan 4 qatar, yaxud da 20 vaqonun istehsalı davam edir. Bu qatarlar ilin ikinci yarısında gətiriləcək. Həmin qatarlar sazlanma və sınaq işlərindən sonra xəttə buraxılacaq. Bunlar müasir tipli qatarlardır və ötənilki qatarlarln eynisidir".

© Sputnik / Murad Orujov
Bakıda metro faliyyətini bərpa edib, 31 may 2021-ci il

B.Məmmədov sərnişinləri qaydalara əməl etməyi səsləyir: "Stansiyaların girişlərində sərnişinlərdən maska taxılması tələb ediləcək. Metroda, qatarlarda da tibbi maskanı ağızdan çıxartmaq olmaz. Əks halda sərnişinlər inzibati məsuliyyətə cəlb oluna bilərlər. Sosial məsafənin qorunması tələbinə də əməl edilməlidir".

Metropoliten rəsmisi mütəmadi olaraq dezinfeksiya işlərinin aparılacağını deyir.

O hazırda metroda davam edən proseslərdən də söz açıb: "Xocahəsən elektrik Deposunda hazırda tikinti işləri birinci mərhələ üzrə planlı şəkildə, öz axarına uyğun davam edir. Bu depoda inşaat işləri 3 mərhələdən ibarət olacaq. Ən vacib məqam isə orada yerüstü stnasiyanın inşası ilə bağlıdır. Nərimanov elektrik Deposunda "Bakmil" stansiyası olduğu kimi, həmin ərazidə  də yerüstü stansiya olacaq olacaq. Konseptual inşaat sxemi üzrə başqa stansiyaların tikintisi ilə bağlı işlər aparılır və aparılacaq. Hazırda bənövşəyi xəttin 3-cü stansiyasından sonrakı - şərti adı  "B4" stansiyasının inşasının ilkin hazırlıq işləri gedir".

Metropoliten rəsmisi bu müddətdə stansiyalarda görülən işlərdən də danışıb: "Elmlər Akademiyası" stansiyasının üzərindıki inzibati binanın fasadının örtüyü təmir-bərpa işlərinə cəlb olunub. Çünki bina uzun müddət istifadədə idi, hansısa təhlükənin olmaması üçün vaxtında təmir işləri aparılmalı idi. Stansiyanın hər iki yolunun ağac şpalları dəmir-betonla əvəz olunub. Bu, metrpoliten üçün böyük tarixi hadisədir. Yolların dəyişdirilməsi planlaşdırma, tədbirlilik tələb edirdi. Bundan əlavə olaraq qeyd edim ki, "Cəfər Cabbarlı" stansiyasında işlərimiz davam edir. "Xətai" stansiyasının bir yolunda da ağac şpallar dəmir-betonla əvəz olunub. Digər yolunda da bu istiqamətdə tədbirlərimiz davam edəcək".

© Sputnik / Murad Orujov
Bakıda metro faliyyətini bərpa edib, 31 may 2021-ci il

Qeyd edək ki, artıq bu gündən etibarən metropolitenin 26-cı stansiyası olan - zəfər tarixinin adını özündə əbədiləşdirən "8 Noyabr" stansiyası da sərnişinlərin istifadəsinə verilib.

Növbəti stansiya "Elmlər Akademiyası", artıq biz də mənzil başındayıq...

Eləcə də oxuyun:

  • Bu gündən açıq havada maskasız gəzə bilərsiz - qadağa ləğv edildi

  • Paytaxt sakinlərinin nəzərinə: Bu gün saat 06:00-da Bakı metrosu fəaliyyətini bərpa edir

  • BNA-dan xəbərdarlıq: Səkkiz gün ərzində paytaxtın bəzi küçələrində hərəkət dayandırılacaq

  • Böyük Qələbənin şərəfinə! Bakıda "8 Noyabr" stansiyasından - FOTOLAR

     

3069
Teqlər:
karantin, reportaj, Bakı metrosu
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (473)
Səmra Hüseynova, arxiv şəkli

Azərbaycan gözəlinə atasından dəstək: Sənə artıq söz deyənin başını kəsərəm

1516
(Yenilənib 19:56 20.06.2021)
Səmranın fikrincə, insanlarımızda inkişaf etmək, dünyaya inteqrasiya olunmaq, stereotipləri aşa bilməmək qorxusu var.

Səmra Hüseynova - "Miss Azərbaycan-2019"-un qalibidi. On ildən çoxdur ki, model biznesindədir, bir çox beynəlxalq və yerli dəb layihələrində, məşhur dizaynerlərin defilelərində iştirak edib. Hər zaman azərbaycanlı həmkarlarından açıq-saçıq layihələrdə iştiraka hazır olmasıyla seçilən modeli gəlin yaxından tanıyaq. Səmra özü və sənəti ilə bağlı heç yerdə demədiklərini Sputnik Azərbaycan-la bölüşüb:

"8-9-cu sinifdə oxuyanda artıq qərara almışdım ki, mən model olacam. Həmin vaxtlarda Rəssamlıq Akademiyasında dizaynerlər modellər axtarırdılar, onlarla çalışırdım. Bir sıra tədbirlərdə model kimi çıxış edirdim".

Gələcəyin məşhur modeli yolunu Azərbaycan Dövlət Mədəniyyət və İncəsənət Universitetindən salır: "Buna görə də İncəsənət Universitetini seçdim. Bildiyiniz kimi modellik sənəti üçün ayrıca bir sahə yoxdur. Mən rejissorluq fakültəsinə daxil oldum. Universitetdə həm də aktyor sənətindən də dərs keçirdilər. Bu da mənə model kimi fəaliyyət göstərməyimə kömək edir".

"Modellik sənəti sizdən nələri aldı?" sualına belə cavab verdi: "Kameralar məni çəksin, saytlar məndən yazsın, mən danışılım. Deməzdim məndən nəyisə aldı. Aldısa, demək belə lazım imiş. Modelliyi seçdiyimə görə, çox şeyi itirdim. Yaxşı ki, itirdim. Modellik peşəsində yalançı dostlarımı, yalançı qohumlarımı itirdim. Hətta sevdiyim insanı itirdim. Deməli, məni sevmirmiş. Sevsəydi, seçimimə hörmətlə yanaşardı. Amma qazandıqlarım daha çoxdur".

Həmişə göz önündə olmaq istəyən Azərbaycan gözəli onun qarşısına qoyulan sədlərdən danışıb: "Əvvəllər atam qətiyyən razı deyildi. Mən podiuma çıxmağa hazırlaşırdım, anam işdən çıxıb, gəlib məni götürüb aparırdı evə. Bütün günü ağlayırdım ki, anam məni qoymur. Atama dedim ki, "sən mənim atamsan, mənim arxamda olmalısan, mənə güvənməlisən". Atam mənə dedi ki, "nədə özünü xoşbəxt hiss edirsən?"Atama dedim ki, mən çox böyük uğur qazanacam. Amma buna görə məni tənqid də, təhqir də gözləyir. Atam dedi ki, "sən özünü lüt bədəndə bağlı görürsənsə, mənə sənin tərbiyəndən başqa, heç kimin fikri önəmli deyil. Bundan sonra mənə icazə verdi. Bu gün də deyəndə ki, "ata, filankəs məni təhqir edir". Deyir sənə artıq söz deyənin başını kəsərəm".

Səmra insanların modellərə olan münasibətini dəyişəcəyini düşünür: "Bizdə elə düşünürlər ki, modellik soyunmaqdır. Modellik soyunmaq deyil, modellik zəriflikdir, nümayişdir. Sənə verilən əl işini sən soyunsan belə, onu lüt göstərmədən təqdim edirsən. Məsələn, mənə alt paltarı geyimi gətirirlər. Mən onu təqdim edirəm. Mən onu 2 formada təqdim edə bilərəm: Mən onu vulqar da təqdim edə bilərəm. Modellik isə odur ki, sən onu vulqar yox, sənə onu incəsənət nümunəsi kimi təqdim etməlisən. Ümid edirəm ki, bir gün insanlar buna incəsənətin bir növü kimi qarşılayacaq".

Anoreksiya xəstəliyindən müalicə alan model xəstəliyə yol açan səbəblərdən danışıb: "Mən yeməyə həmişə nifrət etmişəm. Genetikam arıqdır. Haradasa 10 il əvvəl, sinəmdə xoşxassəli şiş aşkarlanmışdı. Ona görə də həddindən artıq arıqlamışdım. Ondan sonra hormonal dərmanlar qəbul etdiyimdən birdən-birə kökəldim". İndi isə əziyyət çəkdiyim problem haradasa 1 il əvvəl başladı. Onda üstünə düşmədim. Son bir ayda boğazım şişməyə başladı və dərhal çəkim düşdü aşağı – 38 kilo oldum".

"Boğazım ona görə şişdi ki, soyuq havada çəkiliş oldu. Yaz geyimlərini çəkirdik. Orada soyuqladım, ağırlaşdım.Onda anladım ki, vəziyyət heç də yaxşı deyil. Çox güclü ağrılar başladı məndə, ayağa qalxmağa belə, halım yox idi. Adi stəkanı qaldırıb suyu içə bilmirdim. Düşündüm ki, onkoloji xəstəliyə tutulmuşam. Çox şükür, indi yaxşıyam", - deyə S.Hüseynova bildirdi.

- Bildiyiniz kimi, Neslihan Atagül də bu xəstəlikdən əziyyət çəkir...

- Fikir verirsinizsə, bu problem bu il daha çox yayılıb. Düşünürəm ki, bu problem koronavirusun fəsadlarıdır. İnsanlar qapalı məkanlarda qaldılar. D vitaminindən məhrum oldular, karantinə görə keçirilən əsəb, stress və s".

Xarici ölkələrdə modellər bədənlərini sığortalayırlar. Bizdə bu tendensiya hələ gəlib çıxmayıb. Amma ən öz üzümü sığortalamağı düşünürəm.

Səmra "Miss Azərbaycan-2019"dan da danışdı. Məşhur model müsabiqəyə getmə səbəbinə zarafatla "gördüm ki, hər şeyim var, başımın tacı çatmır. Qərar verdim ki, başın tacı da olsa, tam olacam" deyə cavab verdi: "Müsabiqəyə qatıldım. Müsabiqə məni çox yordu. Gedib-gəlmələr, seçimlər, stress, həyəcan, qalib gəlib-gəlməmək qorxusu və s. Final gecəsi ağlaya-ağlaya çıxdım. Çox xoşbəxtəm ki, qalib gəldim. Ürəyim yaralı idi, çünki birinci dəfə qatılanda layiq görməmişdilər".

Səmra deyir ki, insanlarımızda inkişaf etmək qorxusu var. O, fikirlərini belə izah etdi: "Dünyaya inteqrasiya olunmaq qorxusu, stereotipləri aşa bilməmək qorxusu var. Mənim valideynlərim niyə mənə mane olurdular? Çünki onlar da o psixologiyada böyüyüblər. Psixologiyasında problemi olan insana nə qədər başa salmağa çalışsan ki, bu ağdır, o yenə qara görəcək. Ona görə də mən kimisə başa salmağa cəhd eləmirəm. İstədiyimi yaşadım, ona görə də mən Azərbaycanda səs-küy yarada bildim. Düşündüm ki, məni qınayan insanlar – qohumlarım, dostlarım sabah mənim istədiyimi verə biləcəklərmi? Mən dara düşəndə mənə əl uzadacaqlarmı? - Xeyr! Niyə mən onlara əhəmiyyət verməliyəm?

- Sizcə, Azərbaycanda modellərə qarşı münasibət niyə birmənalı deyil?

- Qınamıram insanları. Çünki modellik, aktyorluq, müğənnilik adı altında digər fake təbəqə yaranır. Problem özümüzdədir. Baxın televiziyalara, normal aparıcı, normal aktrisa seçimi var? Televiziyaya dodaq dolğulu, sifəti dolğulu, botoks olmamalıdır. Ümumiyyətlə, televiziya üçün təbii olan insanı seçmək lazımdır. Kinoda da bu önəmlidir. Aktyor emosiyaları çatdırmalıdır. Üzündə süni dolğular olan aktrisa hissləri necə çatdıra bilər?

Sənət adamlarının əksəriyyəti gələcəkdə övladının özünün davamçısı olmasını istəmir. Səmranın bu fikrə münasibəti fərqlidir: "Mənim qızım da model olmaq istəsə, görsəm ki, Allah ona model olmaq üçün bütün standartları verib, mən niyə ona mane olmalıyam? O demək deyil ki, mən əziyyət çəkmişəm, o da əziyyət çəkəcək. Yox, mən ona arxa-dayaq olaram. Mənim qızımın boyu 175 sm olsa, standartlara cavab versə, onun prodüseri olaram".

"Anam deyir, ərə get, gələcəkdə bir övladın olsun. Niyə özümə? Övladımla özümü qarantiya edirəm? İstifadə etmək üçün dünyaya gətirirəm? Mən övladı dünyaya gətirirəm ki, cəmiyyət onun savadından, qabliyyətindən yararlana bilsin. Mən valideynlərimə dedim, ya mənə güvənin, ya da vurun, öldürün. Mən sizin standartlarınıza uyğun adama ərə gedib özümü bədbəxt edə bilmərəm"- deyə Azərbaycan gözəli əlavə etdi.

Qəhrəmanımızın dünyaca məşhur həmkarları ana olmaqdan boyun qaçırırlar. Səmra isə düşünür ki, qadının ən böyük xoşbəxtliyi ona "ana" deyən övladın, "səni sevirəm" deyən həyat yoldaşın olmasıdır: "Bəli, işim məni xoşbəxt edir. Amma səhər telefonu əlimə alıram, baxıram ki, mənə kimsə "səni sevirəm" yazan varmı? Özümə uyğun bəylə qarşılaşsam, sözsüz ki, evlənərəm. Olub ki, bir insan üçün 3 il öz işimə fasilə verdim. Amma o bunu dəyərləndirmədi".

"Unudulmaqdan qorxmuram, inanmıram ki, unudulum" deyən gənc model gələcəkdə özü haqqında film çəkməyi düşünür. "Gələcəkdə özüm haqqında avtobioqrafik film çəkmək istəyərəm. Amma indi yox, gələcəkdə. Çünki, indi etsəm uğurlu alınmayacaq. Bunun üçün illər lazımdır. Hər işdə mükəmməliyə can atıram. O filmdə mənim imzam olacaq, o film sıradan bir film olmamalıdır".

1516
Tovuzda kartofun yığımı

Fermerlərin harayı: Kartof əkdim alan yox

1081
(Yenilənib 21:18 20.06.2021)
Fermerlər deyirlər ki, kartofun çıxarılmasına sayılı günlər qalıb, amma hələ heç bir alıcı gəlib kartofla maraqlanmayıb.

BAKI, 20 iyun — Sputnik. Tovuz rayonunun aran hissəsində kartofçuluqla məşğul olan fermerlər bu il bol məhsul götürməyi planlayırlar. Onlar bir neçə ildir suvarmada çətinliklərlə qarşılaşdıqlarından, bunun məhsuldarlığa mənfi təsiri ilə üzləşiblər. Bu il isə hava yağmurlu keçdiyindən suyun bol olduğunu deyirlər. Hazırda son suvarmaları həyata keçirilən bu bitkinin bir neçə gündən sonra yığımına kütləvi şəkildə start veriləcək. Lakin son suvarma bitməmiş fermerlərin məhsulu sata bilməmək narahatlığı artıb. Sputnik Azərbaycan-ın bölgə müxbiri kartof əkini ilə məşğul olan fermerlərin sahələrində olaraq kartofun vəziyyəti ilə maraqlanıb.

40 ildir kartofçuluqla məşğul olan fermer Atakişi İmaməliyev ilkin suvarmada su qıtlığı ilə üzləşsələr də, hazırda bu sahədə çətinlik olmadığın dilə gətirib:

© Sputnik / Ilham Mustafa
Mayın 15-dən etibarən ilk suvarma həyata keçirilir

"Suvarmada ilk dövrlər suyun qıtlığından çətinlik çəkdik. Kartof elədir ki, gərək həftədə bir dəfə suvarıla. Belə olduqda, həm məhsuldarlıq yüksək olur, həm də məhsul keyfiyyətli. Gecikdirildikdə isə ikinci böyümə əmələ gəlir və kartof formasını itirir. Nəticədə satışa ziyan verir, alıcılar yöndəmsiz məhsulu almaq istəmirlər. Bu səbəbdən kartof sahələri çox olduğundan, suya da böyük tələbat yaranır. Şükürlər olsun ki, bu il yağıntı normadan da artıq oldu və bu vəziyyətdən fermerlər çıxa bildi".

Fermerin bildirdiyinə görə səpinin aparılma vaxtından asılı olaraq, mayın 15-dən etibarən ilk suvarma həyata keçirilir. Məhsul yığılana qədər isə vəziyyətdən asılı olaraq 6, bəzən 8 dəfə ümumilikdə su verilməli olur. Hazırda son suvarma işini aparan fermer ehtiyac olsa bir neçə gündən sonra bir dəfə də kartofu suvarmağı düşünür.

© Sputnik / Ilham Mustafa
Fermer Atakişi İmaməliyev

Fermer aran kartofçuluğunda ən böyük çatışmamazlığın toxumçuluqla bağlı olduğunu söyləyib:

"Çalışırıq bu toxumları özümüz istehsal edək. Bu, bizim üçün ucuz başa gələr və mənfəətimizə xeyli təsir göstərə bilər. Lakin əlimizdə toxumçuluq üçün lazımi imkanlar olmadığından öz məhsulumuzdan lazımı qədər toxum götürə bilmirik. Öz toxumumuzu əkdiyimiz sahələr isə o qədər də məhsuldar olmur. Dövlətin dəstəyi ilə öz məhsulumuzdan toxum götürmə işini təkmilləşdirsək, gələcəkdə daha az xərclə daha çox məhsul götürə bilərik".

© Sputnik / Ilham Mustafa
Təsərrüfatçı Vüqar Abdullayev

Böyük kartof sahələri olan fermerlər suvarma işini təcrübəli suçulara gördürürlər. Bir hektarı suvarmaq üçün fermer 40 manatından keçməli olur. Bir çox təsərrüfatçı isə əlavə xərcdən qaçmaq üçün öz sahələrini özü suvarır.

Təsərrüfatçı Vüqar Abdullayev sonuncu suvarmasını aparır. Suvarmada çətinlikdən çox onu alıcı tapa bilməməsi narahat edir:

© Sputnik / Ilham Mustafa
Son suvarma bitməmiş fermerlərin məhsulu sata bilməmək narahatlığı artıb

"İki hektar 20 sot sahədə kartof əkmişəm, hazırda 7-ci dəfə suvarıram. Bu il suvarma yaxşı olub. Yeganə problemimiz kartofun satışı ilə bağlıdı. Kartof istidə çox qalmadığından, yığımdan öncə alıcı gəlib məhsulun behini verir, hazır məhsulu götürməyə boyun olur. Sahədən çıxarıldıqca, kisələrə götürürlər. Lakin bu il kartofun çıxarılmasına sayılı günlər qalıb, amma hələ heç bir alıcı gəlib kartofla maraqlanmayıb".

V.Abdullayev məhsulun sahədə satılmamasının əlavə xərclərə səbəb olduğunu deyib:

© Sputnik / Ilham Mustafa
Bir hektarı suvarmaq üçün fermer 40 manatından keçməli olur

"Məhsulu sahədə sata bilməsək, əlavə xərcimiz çox olur. Soyuducuya qoymalıyıq, setka almalıyıq, yerləşdirmək üçün fəhlə tutmalıyıq. Ona görə də sahədə satmaq ən gözəl alverdir. O da ki, alıcımız yoxdur".

Bu il Tovuzda təxminən 6 min hektara qədər sahədə kartof əkilib. Kütləvi məhsul yığımına isə çox az vaxt qalıb.

1081

İsveçrə -Türkiyə matçından göz oxşayan görüntülər

0
(Yenilənib 23:54 20.06.2021)
İsveçrə və Türkiyə yığmaları arasında Avropa çempionatının A qrupunun II tur matçında.İsveçrə və Türkiyə yığmaları arasında Avropa çempionatının A qrupunun II tur matçında.

Futbol üzrə Türkiyə millisi AVRO-2020-də üçüncü oyunda da məğlub olaraq mübarizəni dayandırdı. Qrup mərhələsinin üçüncü turunda Şenol Günəçin yetirmələri Bakı Olimpiya stadionunda İsveçrə millisinə məğlub olublar.

Birinci hissədə isveçrəlilər artıq 6-cı dəqiqədə Türkiyə millisini oyuna mərkəzdən başlamağa məcbur edib. Xaris Seferoviç rəqib komandanın qapısına yol tapıb. İyirmi dəqiqə sonra Cerdan Şakiri hesabı 2:0-a çatdırıb. Oyunun 62-ci dəqiqəsində Türkiyə millisi İrfan Can Kahvecinin sayəsində oyunda və birincilikdə yeganə qolunu vurmağa mevəffəq olub. Bundan dörd dəqiqə sonra isə Şakiri ikinci qolunu vuraraq hesabı 3:1-ə çatdırıb.

Sputnik Azərbaycan-ın fotomüxbiri bu matçın unudulmaz anlarını fotokamerasının yaddaşına köçürüb. Həmin fotoların bir hissəsi bizim fotolentdə.

0
  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.