Vasif Paşayev (solda)

Sülhməramlı: Əfqanıstanda olanda televiziyada gördüyüm hadisələrin canlı şahidi oldum

3066
(Yenilənib 21:50 29.05.2021)
"Bu ölkədə terrorçunun harada olması, nə vaxt peyda olacağı heç kəsə məlum deyil, buna görə biz daima diqqətdə idik".

BAKI, 29 may — Sputnik, Eldar Tanrıverdiyev. 29 may dünyada BMT sülhməramlılarının beynəxlaq günüdür. Bu bayram 2003-cü ildən bəri hər il mayın 29-da qeyd olunur. Azərbaycan Ordusunun sülhməramlı kontingenti 1999-cu ildən etibarən, sülhməramlı əməliyyatlarda iştirak etməkdədir. 2015-ci ilin yanvar ayının 1-dən etibarən, Azərbaycan sülhməramlıları Əfqanıstanda NATO-nun başçılığı ilə həyata keçirilən "Qətiyyətli Dəstək" qeyri-döyüş missiyasında 6 aylıq rotasiya planına uyğun olaraq fəaliyyətə başlayıb. İlkin mərhələdə 94 nəfərlik kontingent ilə xidmətə başlayan Azərbaycan Ordusu 09 yanvar 2018-ci il tarixdən missiyaya töhfəsini artırmaq məqsədilə şəxsi heyətinin sayını 120-yə çatdırıb. Bəs sülhməramlı, özü də Əfqanıstan kimi bir ölkədə sülhməramlı olmaq necə bir hissdir? Fərqliliyi nədən ibarətdir? Sputnik Azərbaycan sülhməramlı kimi Əfqanıstanda xidmət aparmış hərbçi Vasif Paşayevlə həmsöhbət olub.

Zəngilan rayonunda anadan olan həmsöhbətimiz iki dəfə sülhməramlı missiyanın tərkibində Əfqanıstanda olub. Belə ki, Vasif Paşayev 2016-ci ilin oktyabrından 2017-ci ilin apreli və 2018-ci ilin iyulundan 2019-cu ilin yanvarına qədər "Qətiyyətli Dəstək" missiyanın tərkibində Kabil Beynəlxalq Hava Limanının mühafizəsi tapşırığını icra edib.

© Photo : Courtesy of Vasif Pashaev
Vasif Paşayev

- Sülhməramlı xidmətin adi hərbi xidmətdən fərqi? Üstünlük və ya əskikləri varmı?

- Sülhməramlı xidməti adi hərbi xidmətdən fərqləndirən cəhətlərdən biri budur ki, doğulduğun, yaşadığın ərazini, ölkəni tərk edirsən. Fərqli xalqların, fərqli millətlərin yaşam tərzi, mədəniyyəti ilə yaxından tanış olmaq, müşahidə etmək imkanın var. Sülhməramlı xidmətin üstünülüyü ondan ibarətdir ki, hərbi baxımdan hərbçinin daha da peşəkar şəkildə formalaşması, püxtələşməsinə kömək edir. Sülhməramlının adi əsgərdən fiziki və psixi hazırlığı, xarici dil biliyi ilə fərqlənir. Üstəgəl digər ölkələrdən olan həmkarlar, hərbçilərlə ünsiyyət qurmaq, görüşmək onlarla təcrübə mübadiləsi aparmaq baxımından olduqca unikal şansdır.

- Sülhməramlı olmamışdan qabaq Əfqanıstanı necə təsəvvür edirdin? Orada nələrlə qarşılaşdın? Nələr dəyişdi?

- Hərbiyə getməmişdən qabaq əvvəl sosial şəbəkələr, televiziya vasitəsilə Əfqanıstan İslam Respublikası, İraq Respublikasındakı vəziyyəti görürdüm. Həmin ölkələrdə mülkü insanların terror aktlarının qurban olması, yaralanması mənə təsir edirdi. Əfqanıstan vətəndaşlarının terror qruplaşmaları tərəfindən necə təzyiqlərə məruz qaldıqlarını görür, bu barədə internet resurslarından oxuyurdum. Həmişə bu insanlara neçə kömək edə biləcəyimi düşünürdüm. Təsadüfdən hərbidə olduğum vaxt gözlənilmədən əlimə belə bir şans düşdü və mən sülhməramlı kimi Əfqanıstana getmək imkanı qazandım. Könüllü şəkildə sülhməramlıların sırasına daxil oldum. Əfqanıstanda olduğum müddətdə televizordan gördüyüm, internet saytlarından oxuduğum hadisələrin, insidentlərin canlı şahidi oldum. Bir insan, hərbçi, sülhməramlı kimi çalışdığımız qədər təzyiqlərə məruz qalmış əfqan xalqına maksimum yardım etməyə çalışdıq.

- Yeri gəlmişkən, yerli əhali ilə münasibətləriniz necə idi?

- Təbii ki, sülhməramlı kimi Əfqanıstana getməzdən əvvəl zəruri hazırlıqlar keçib, bilik və bacarıqlar əldə etmişdik. Orada olduğum müddətdə yerli əhali ilə heç vaxt münaqişəli vəziyyət yaranmayıb. Çünki biz ciddi şəkildə təlimatlara uyğun şəkildə davranır, həmçinin yerli xalqın adət-ənənələrinə hörmət edirdik.

- Sülhməramlı olduğun Əfqanıstanda yaşadığın ən çətin gün?

- Əfqanıstanda xidmətin demək olar ki hər günü çətin idi. Çünki öz ölkəndən kənarda hər günü, hər anı təhlükə ilə dolu olan bir ölkədə xidmət aparırsan. Bu ölkədə terrorçunun harada olması, nə vaxt peyda olacağı heç kəsə məlum deyil, buna görə biz daima diqqətdə idik. Demək olar ki bütün günlər bərabər idi, lakin bayramlarda xüsusilə gücləndirilmiş rejim olurdu.

3066
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

4
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

4
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

101
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

101