Xaçmaz reablitasiya mərkəzi

Xaçmazda əlillik reabilitasiya məsələləri ilə bağlı sakinlərin müraciətlərinə baxılıb

23
Əlilliyin qiymətləndirilməsi, reabilitasiya xidmətləri ilə təminat proseduru barədə vətəndaşlara izahatlar da verilib, onları maraqlandıran suallara aydınlıq gətirilib.

BAKI, 27 may — Sputnik, Leyla Abdullayeva. Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Cavid Əbdul-Qədirov Xaçmaz şəhərindəki Reabilitasiya Mərkəzində bölgə sakinləri ilə görüşərək, onların Agentliyin fəaliyyət sahələrinə dair müraciətlərini cavablandırıb.

Xaçmaz, Quba, Qusar, Şabran, Siyəzən rayonlarından olan vətəndaşların əlilliyin qiymətləndirilməsi, reabilitasiya xidmətləri və vasitələri ilə təminatla bağlı müraciətləri yerindəcə araşdırılıb və müvafiq tədbirlər görülüb. Qurumun bir qrup həkim-ekspertinin iştirak etdiyi görüşdə bəzi şəxslərin əlilliyinin qiymətləndirilməsi üçün yerindəcə əyani müayinələr aparılıb.

© Sputnik / Leyla Abdullayeva
Xaçmaz reablitasiya mərkəzi

Əlilliyin qiymətləndirilməsi, reabilitasiya xidmətləri ilə təminat proseduru barədə vətəndaşlara izahatlar da verilib, onları maraqlandıran suallara aydınlıq gətirilib.

Müraciətləri əsasında 10 nəfər əlilliyi olan şəxsə mühərrikli təkərli oturacaqlar, 2 nəfərə mexaniki təkərli oturacaqlar, habelə bir sıra əlilliyi olan şəxslərə müxtəlif reabilitasiya vasitələri təqdim edilib.

Tədbir çərçivəsində media təmsilçilərinin Agentliyin Xaçmaz Reabilitasiya Mərkəzində Vətən müharibəsi qazilərinə göstərilən reabilitasiya və sosial-psixoloji xidmətlərlə tanış olması üçün mediatur da təşkil edilib.

Müəssisədə yeni müasir tibbi-reabilitasiya avadanlıqlarından istifadə olunmaqla və səmərəli fizioterapevtik üsullar, həmçinin müalicəvi bədən tərbiyəsi, kolonoterapiya, ozonoterapiya, elektrofarez və digər prosedurlar tətbiq edilməklə reabilitasiya xidmətləri göstərilir.

© Sputnik / Leyla Abdullayeva
Xaçmaz reablitasiya mərkəzi

Media nümayəndələrinə bildirilib ki, Prezident İlham Əliyevin tapşırığı ilə Nazirlik tərəfindən son illərdə reabilitasiya infrastukturunun müasir tələblərə uyğun qurulması istiqamətində mühüm işlər görülüb. 2019-2020-ci illərdə və cari ilin ötən dövründə Xaçmaz şəhərindəki Reabilitasiya Mərkəzi də daxil olmaqla 12 reabilitasiya və sosial xidmət müəssisəsi əsaslı təmir və yenidən qurmadan sonra, müasir avadanlıqlarla təchiz edilmiş şəkildə istifadəyə verilib. Müasir tələblərə uyğun qurulmuş reabilitasiya sistemi Vətən müharibəsində yaralanmış hərbçilərimizin yüksək səviyyədə bərpa müalicəsi xidmətləri ilə təminatında xüsusi önəm kəsb edir.

Postmüharibə dövründə qazilərin sosial dəstəklə, həmçinin reabilitasiya və sosial-psixoloji xidmətlərlə, yüksək texnologiyalı müasir protezlərlə, mühərrikli təkərli oturacaqla və digər reabilitasiya vasitələri ilə təminatı sahəsində aparılan işlər də jurnalistlərin diqqətinə çatdırılıb. "Reabilitasiya" altsistemi, bu sistemə uyğun veb-əsaslı növbəlilik sistemi və Reabilitasiya Mərkəzləşdirilmiş Məlumat Sistemi haqqında da məlumatlar verilib.

Media nümayəndələri reabilitasiya müəssisəsində Vətən müharibəsi iştirakçılarına göstərilən reabilitasiya xidmətləri ilə yaxından tanış olub, göstərilən xidmətlər barədə qazilərin fikirlərini öyrəniblər.

© Sputnik / Leyla Abdullayeva
Xaçmaz reablitasiya mərkəzi

Birinci Qarabağ müharibəsi əlili İslam Cəfərov Sputnik Azərbaycan-a müsahibəsində bildirib ki, uzun müddətdir bu günü gözləyib. Çünki gəzmə əngəlli olduğundan, əlil arabasına ehtiyac duyub.

Qardaşov Rəhim isə Xocavənd uğrunda döyüşlərdə qollarından yaralanıb. O, həm də güclü beyin travması alıb. Rəhim Sputnik Azərbaycan-a müsahibəsində bildirib ki, həftənin 6-cı günləri reabilitasiya mərkəzinə gəlir:

"Mən həm qollarımdan, həm də başımdan ağır yaralanmışam. Travma aldığımdan hələ də özümə gələ bilmirəm. Çox əsəbiyəm. Özümü toparlaya bilmirəm. Bu mərkəzdə fiziki yardımlar aldım və bu, səhhətimin yaxşılaşması üçün xeyli kömək oldu. Amma çox istəyərdim ki, şəhərdən bura professional, işini bilən psixoloqlar dəvət olunsun. Bizim yaxşı psixoloji yardıma ehtiyacımız var".

Onu da qeyd edək ki, bura təkcə Qarabağ əlliləri deyil, bütün reabilitasiyaya ehtiyacı olan şəxslər müraciət edə bilərlər.

23

İlham Əliyevin köməkçisi quru sərhədlərinin açılması məsələsinə aydınlıq gətirib

8
(Yenilənib 15:20 15.06.2021)
Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Azərbaycanın quru sərhədlərinin açılması ilə bağlı məsələyə aydınlıq gətirib.

BAKI, 15 iyun — Sputnik. Azərbaycan Respublikası Prezidentinin köməkçisi - Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Azərbaycanın quru sərhədlərinin açılması ilə bağlı məsələyə aydınlıq gətirib.

Sputnik Azərbaycan APA-ya istinadən xəbər verir ki, prezidentin köməkçisi hazırda digər məsələlərdən fərqli olaraq quru sərhədlərinin açılması ilə bağlı məsələnin müzakirə olunmadığını bildirib.

Quru sərhədlərlə bağlı durum

Mətbuatda Azərbaycan iyunun 15-dən quru sərhədlərini açacağı ilə bağlı məlumat yayılıb. Məlumata görə, artıq Dövlət Gömrük Komitəsi (DGK) gömrük-keçid məntəqələrinin açılması ilə bağlı qonşu ölkələrin müvafiq qurumları ilə ilkin razılıq əldə edib. Bununla əlaqədar rəhbərlik Ərazi Baş Gömrük İdarələrinə tapşırıqlar verib və gələn həftə məntəqələrinin açılması üçün hazırlıqlara başlanılıb. Dövlət Gömrük Komitəsi (DGK) isə hələ ki, onlara belə bir qərarın daxil olmadığını bildirib.

Xatırladaq ki, NK-nın son qərarına əsasən, Rusiya Federasiyasının və Türkiyə Respublikasının vətəndaşlarına 10 iyun tarixindən etibarən hava nəqliyyatı vasitəsilə ölkəmizə giriş-çıxışı aşağıdakı qaydalarla həyata keçirilir: yaşı 18-dən yuxarı olan şəxslər – yalnız COVID-19 pasportu (COVID-19-a qarşı tam peyvənd olunmasını və ya COVID-19-dan sağalaraq immunitetə malik olmasını təsdiq edən sənəd) və uçuşdan əvvəl 72 saat ərzində verilmiş COVID-19-a dair PZR testinin neqativ nəticəsini təsdiq edən sənəd əsasında ölkəmizə daxil ola bilərlər. 1-18 yaş arasında olan şəxslər isə yalnız uçuşdan əvvəl 72 saat ərzində verilmiş COVID-19-a dair PZR testinin neqativ nəticəsini təsdiq edən sənəd əsasında Azərbaycana gələ bilərlər.

 

 

8
Teqlər:
sərhəd

Çempionlar Liqasının püşkü atıldı, Bakı klubunun rəqibi bilindi

8
(Yenilənib 14:35 15.06.2021)
İyunun 16-da isə Çempionlar Liqası və Konfrans Liqasında II təsnifat mərhələsinin püşkü atılacaq. Ölkəmizin 4 komandası rəqiblərini tanıyacaq.

BAKI, 15 iyun - Sputnik. Çempionlar Liqasında I təsnifat mərhələsinin püşkü atılıb.

Sputnik Azərbaycan apasport.az-a istinadən bildirir ki, Bakının “Neftçi” klubunun avrokubok mövsümündəki ilk rəqibi müəyyənləşib.

Paytaxt təmsilçisi “Dinamo” (Tbilisi, Gürcüstan) ilə qarşılaşacaq. Komandalar arasında ilk oyun iyulun 6-7-də, cavab görüşü 13-14-də keçiriləcək. “Neftçi” mövsümə səfərdə başlayacaq.

Qeyd edək ki, sabah Çempionlar Liqası və Konfrans Liqasında II təsnifat mərhələsinin püşkü atılacaq. “Neftçi”nin hər iki turnirdəki mümkün rəqibləri, həmçinin qitənin 3-cü dərəcəli klub turnirində ilk raunddan azad olan “Keşlə”, “Qarabağ” və “Sumqayıt”ın qarşılaşacağı komandalar bilinəcək.

Eləcə də oxuyun:

  • AVRO-2020: İspaniya və İsveç arasında çempionatın ilk qolsuz heç-heçəsi qeydə alındı

  • Uels yığmasının oyunçusu: Bakıda bizi Türkiyə yığmasına qarşı çətin oyun gözləyir

  • Azərbaycanı avrokuboklarda yenə bu klublar təmsil edəcək

8
Teqlər:
rəqib, püşkatma, Neftçi, Çempionlar Liqası
Rusiyada miqrantlar, arxiv şəkli

Putin miqrantların Rusiyada qalma müddətini uzadıb

0
Putinin yeni qərarı azadlıqdan məhrum edilmə yerindən buraxılan və ya Rusiyanın milli təhlükəsizliyinə təhdid edən şəxslərə şamil edilmir.

BAKI, 15 iyun — Sputnik. Rusiya Prezidenti Vladimir Putin xarici ölkə vətəndaşları və vətəndaşlığı olmayan şəxslərlə bağlı yeni qərar imzalayıb. Sputnik Azərbaycan "RİA Novosti"-yə istinadən xəbər verir ki, yuxarıda adı çəkilən şəxslər Rusiyada 30 sentyabra qədər qala biləcəklər.

Belə ki, xarici ölkə vətəndaşları və vətəndaşlığı olmayan şəxslər 30 sentyabr tarixinə qədər Rusiyadan məcburi olaraq çıxarılmayacaqlar.

Qeyd olunur ki, bu qərar azadlıqdan məhrum edilmə yerindən buraxılan və ya Rusiyanın milli təhlükəsizliyinə təhdid edən şəxslərə şamil edilmir.

Putinin imzaladığı qərar iyunun 16-dan qüvvəyə minir.

Yeni qaydalar

Rusiyada işləmək üçün icazə və ya patent almaq istəyən əcnəbilər bundan sonra rus dilində polisə, poliklinikaya müraciət etmək və işə qəbulla bağlı müsahibədən keçmək üçün bu dili kifayət qədər bildiklərini təsdiqləməlidirlər. Bu tələblər, 7 iyun tarixindən qüvvəyə minən və Rusiya Prezidenti tərəfindən imzalanan bu ölkədə yaşayan əcnəbilərin hüquqi statusunu tənzimləyən qanuna edilmiş əlavə və dəyişikliklərdə yer alır.

Hökumətin qərarına əsasən, iş icazəsi və ya patent almaq üçün müraciət edən şəxs xarici dil kimi rus dilindən imtahan verdiyi vaxt sosial-məişət sahəsində ünsiyyət ehtiyacını (işə qəbul, polisə, poliklinikaya müraciət və s.) təmin etməyi bacardığını təsdiqləməlidir.

Bundan başqa, miqrantlar müsahibinin səsləndirdiyi və ya audio məlumat kimi ötürülən informasiyanı şifahi şəkildə qəbul etməyi də bacarmalıdır.

Eləcə də, rus dili imtahanından müvəffəqiyyətlə keçmək üçün bəzi anketləri, formaları doldurmağı bacarmaq tələb olunur.

Rus dili sertifikatının etibarlılıq müddəti, həmçinin Rusiya tarixini və Rusiya Federasiyası qanunvericiliyinin əsaslarını bilmə tarixi sertifikatın verildiyi gündən müəyyənləşdirlir. Rusiya Federasiyasındakı "Xarici Vətəndaşların Hüquqi Statusu haqqında" Federal Qanunun 133-cü maddəsinə əsasən, sertifikatın etibarlılıq müddəti üç ildir.

Rusiyada yaşamaq üçün icazə alanlara sertifikat müddətsiz veriləcək. Yaşayış icazəsi ləğv olunarsa, sertifikatın etibarlılığı da avtomatik olaraq qüvvədən düşəcək.

Bununla belə, Rusiyada yaşamaq üçün icazə almaq istəyənlərin imtahan sualları daha çətin olacaq.

Eləcə də oxuyun:

Azərbaycanlı miqrantlar onlayn icazə ala bilərlər

 

0