Zaqatalada qızılgül tarlası

Çəhrayı, ətirli cənnət: gündə üç saat içində həm pul, həm xoşbəxtlik qazanırlar - FOTO

1592
(Yenilənib 15:02 27.05.2021)
Zaqatala 1 kiloqramının qiyməti 13 min manat civarında olan məhsulu ilə məşhurdur. Cəmi 20-25 gün çəkən yığım prosesi qoxuya allergiyası olmayan işçilər üçün əsl həzzdir. Gül plantasiyasında nələr baş verdiyini Sputnik Azərbaycan-ın bölgə müxbirinin reportajında oxuyun.

BAKI, 27 may — Sputnik, İbrahim Həşimov. Zaqatala rayonunun təbiəti, torpaq örtüyü gülçülük üçün çox əlverişlidir. Elə tarixi gülçülük ənənələrinə görə də Zaqatala “Qızılgüllər diyarı” adını qazanıb. Ötən əsrin 60-cı illərindən etibarən gül istehsal edən Zaqatalada sonradan bu peşəyə maraq azalmışdı. Lakin 2016-cı ildə bu sahə yenidən bərpa edilib.

Sputnik Azərbaycan-ın məlumatına görə, bu il rayon ərazisində 150 hektar sahədə yağlılıq əmsalının çoxluğuna görə ən keyfiyyətli sortlardan hesab olunan “Rose Damascana” növ qızılgül yetişdirilir. Hazırda gül plantasiyalarında tədarük aparılır. Tam məhsuldarlığa düşən sahələrdən gün ərzində 40-45 tonadək qızılgül toplanır. Aqronom Abdulla Qurbanovun sözlərinə görə, bu il məhsuldarlıq daha yüksəkdir.

© Sputnik / Ibrahim Hashimov
Zaqatalada qızılgülün yığımı
“Bu il 29 apreldən qızılgül yığımına başlamışıq. Gül yığımı mövsümü cəmi 20-25 gün çəkir. Ən çox məhsulu 2 gün əvvəl toplamışıq. Həmin gün 45 ton qızılgül yığmışıq. Ötən il ümumilikdə 436 ton gül toplamışdıq. Ondan da 121 kiloqram yağ almışıq. Builki qızılgül planımız 550 tondur. Ondan da 150 kiloqram yağ almağı planlaşdırmışıq”.

Qızılgül plantasiyalarında səhər saatlarında cəmi 3 saat yığım aparılır. Gül plantasiyalarında məhsulun məhv olmaması və optimal müddətdə yığımın başa çatması üçün mövsüm ərzində 1000 nəfərə yaxın işçi cəlb olunur. Zaqatala sakini olan Bahar Hüseynzadə də hər il yığımda iştirak edir.

“Hər gün saat 6-da sahəyə gəlirik. Gün qızana kimi gülü yığıb təhvil verməliyik. Gün ərzində 35-40 kiloqrama yaxın gül yığa bilirəm. Mənim üçün çox rahatdır”, - deyə B. Hüseynzadə bildirib.

© Sputnik / Ibrahim Hashimov
Zaqatalada qızılgül tarlası

Rayon sakini Güldanə Serova isə bu ayın əvvəlində gül yığmağa başlayıb.

“Gül yığmağın qaydasını tez öyrəndim. Açılmayan gülü toplamaq olmaz, quru-quru yığmaq olmaz. Gül şehli-şehli yığılmalıdır ki, keyfiyyəti azalmasın. Saat 6-da başlayırıq, 11-ə kimi sahədən çıxmalıyıq. Hər gün 35-40 kiloqram gül təhvil verirəm. Çox sevirəm bu işi. Gül sahəsində həm ətir adamı bihuş edir, həm də insan özünü xoşbəxt hiss edir”, – deyə G.Serova vurğulayıb.

Dünya bazarında gül yağına tələbat olduqca yüksəkdir. Buna görə də istehsal zamanı gül yağının keyfiyyət göstəricilərinin aşağı düşməməsi üçün istehsalatın hər mərhələsinə xüsusi diqqət göstərilir və orqanik məhsul əldə edilir. Ən vacib məsələ isə məhsulun düzgün tədarük edilərək emala çatdırılmasıdır. Toplanan gül efir yağlarının alınması üçün həmin ərazidə yerləşən efir yağları istehsalı müəssisəsinə göndərilir. 1 hektar ərazidən 3-3,5 ton gül ləçəyi yığılır ki, ondan da 1 kiloqram qızılgül yağı əldə edilir. Texnoloq Təbriz Abdullayev deyir ki, emal sexində də hər addıma xüsusi diqqət yetirilməli və distillə prosesləri ardıcıllıqla icra edilməlidir.

© Sputnik / Ibrahim Hashimov
Zaqatalada qızılgülün yığımı

“Emal sexindəki distillə aparatlarında güllər distillə edilir. Ardınca da gül ləçəkləri qazanlara yığılır və yenidən distillə edilərək tankerə vurulur. Sonra isə aparatlarda gül yağı alınır. Hazırda emal pik həddə çatıb, gün ərzində 40-45 ton gül sexə daxil olur. Bu səbəbdən də emal sexində işi 3 növbəli təşkil etmişik”.

Qızılgül yağı ətriyyat və farmakologiya sahələrində daha çox istifadə olunur. Dünya bazarında bu yağa tələbat çox yüksəkdir və 1 kiloqramının qiyməti 13 min manat civarındadır.

Eləcə də oxuyun:

  • Goranboyda maraqlı təbiət hadisəsi, heç kim başa düşmür - FOTO
  • Gül plantasiyalarından kiçik şüşəyə: Qızılgüldən yağ necə alınır
  • Çıxıblar yenə də dizə - LALƏLƏR
  • Çiçəkli meyvə bağlarında tovuz quşları və flaminqolar gəzir - Bakıda istirahət edin
  • Türkiyəyə milyonlar qazandıran o “əjdaha”dan niyə bizdə yoxdur?!
1592
Teqlər:
reportaj, tarla, qızılgül, Zaqatala
Koronavirus testləri, arxiv şəkli

Koronavirus cəbhəsində bu gün vəziyyət necədir? Bu günün statistikası

93
(Yenilənib 16:42 15.06.2021)
İndiyədək ölkədə ümumilikdə 335 264 nəfərin koronavirus infeksiyasına yoluxması faktı müəyyən edilib, onlardan 328 876 nəfər müalicə olunaraq sağalıb, 4 958 nəfər vəfat edib, aktiv xəstə sayı 1 430 nəfərdir.

BAKI, 15 iyun - Sputnik. Azərbaycan Respublikasında koronavirus (COVID-19) infeksiyasına 68 yeni yoluxma faktı qeydə alınıb, 177 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 3 nəfər vəfat edib.

İndiyədək ölkədə ümumilikdə 335 264 nəfərin koronavirus infeksiyasına yoluxması faktı müəyyən edilib, onlardan 328 876 nəfər müalicə olunaraq sağalıb, 4 958 nəfər vəfat edib, aktiv xəstə sayı 1 430 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10316, ötən müddət ərzində isə ümumilikdə 3 637 889 test aparılıb.

93

İlham Əliyevin köməkçisi quru sərhədlərinin açılması məsələsinə aydınlıq gətirib

20
(Yenilənib 15:20 15.06.2021)
Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Azərbaycanın quru sərhədlərinin açılması ilə bağlı məsələyə aydınlıq gətirib.

BAKI, 15 iyun — Sputnik. Azərbaycan Respublikası Prezidentinin köməkçisi - Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Azərbaycanın quru sərhədlərinin açılması ilə bağlı məsələyə aydınlıq gətirib.

Sputnik Azərbaycan APA-ya istinadən xəbər verir ki, prezidentin köməkçisi hazırda digər məsələlərdən fərqli olaraq quru sərhədlərinin açılması ilə bağlı məsələnin müzakirə olunmadığını bildirib.

Quru sərhədlərlə bağlı durum

Mətbuatda Azərbaycan iyunun 15-dən quru sərhədlərini açacağı ilə bağlı məlumat yayılıb. Məlumata görə, artıq Dövlət Gömrük Komitəsi (DGK) gömrük-keçid məntəqələrinin açılması ilə bağlı qonşu ölkələrin müvafiq qurumları ilə ilkin razılıq əldə edib. Bununla əlaqədar rəhbərlik Ərazi Baş Gömrük İdarələrinə tapşırıqlar verib və gələn həftə məntəqələrinin açılması üçün hazırlıqlara başlanılıb. Dövlət Gömrük Komitəsi (DGK) isə hələ ki, onlara belə bir qərarın daxil olmadığını bildirib.

Xatırladaq ki, NK-nın son qərarına əsasən, Rusiya Federasiyasının və Türkiyə Respublikasının vətəndaşlarına 10 iyun tarixindən etibarən hava nəqliyyatı vasitəsilə ölkəmizə giriş-çıxışı aşağıdakı qaydalarla həyata keçirilir: yaşı 18-dən yuxarı olan şəxslər – yalnız COVID-19 pasportu (COVID-19-a qarşı tam peyvənd olunmasını və ya COVID-19-dan sağalaraq immunitetə malik olmasını təsdiq edən sənəd) və uçuşdan əvvəl 72 saat ərzində verilmiş COVID-19-a dair PZR testinin neqativ nəticəsini təsdiq edən sənəd əsasında ölkəmizə daxil ola bilərlər. 1-18 yaş arasında olan şəxslər isə yalnız uçuşdan əvvəl 72 saat ərzində verilmiş COVID-19-a dair PZR testinin neqativ nəticəsini təsdiq edən sənəd əsasında Azərbaycana gələ bilərlər.

 

 

20
Teqlər:
sərhəd
İlham Əliyevin və Rəcəb Tayyib Ərdoğan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalayıb

Azərbaycan Türkiyə arasında müttəfiqlik haqqında Şuşa Bəyannaməsi imzalanıb

2398
(Yenilənib 17:50 15.06.2021)
İlham Əliyev və Rəcəb Tayyib Ərdoğan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalayıblar.

BAKI, 15 iyun - Sputnik. İyunun 15-də Şuşada Azərbaycan Respublikasının Prezidenti İlham Əliyevin və Türkiyə Respublikasının Prezidenti Rəcəb Tayyib Ərdoğanın təkbətək görüşündən sonra “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalanıb.

Azərbaycan üçün çox önəmli bir tarixdə - Milli Qurtuluş Günündə, Qars müqaviləsindən yüz il sonra iki dost və qardaş ölkə arasında imzalanan müttəfiqlik münasibətlərinə dair Şuşa Bəyannaməsini prezidentlər İlham Əliyev və Rəcəb Tayyib Ərdoğan imzalayıblar.

15:34

Ali qonağın Şuşada rəsmi qarşılanma mərasimi olub

Azərbaycan Respublikasına rəsmi səfərə gələn Türkiyə Respublikasının Prezidenti Rəcəb Tayyib Ərdoğanın iyunun 15-də Şuşada rəsmi qarşılanma mərasimi olub.

Sputnik Azərbaycan AZƏRTAC-a istinadən xəbər verir ki, hər iki ölkənin dövlət bayraqlarının dalğalandığı meydanda Türkiyə Prezidentinin şərəfinə fəxri qarovul dəstəsi düzülmüşdü.

  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Murat Cetinmuhurdar/Presidential Press Office/Handout via REUTERS
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
1 / 5
© Murat Cetinmuhurdar/Presidential Press Office/Handout via REUTERS
Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il

Azərbaycan Prezidenti İlham Əliyev və birinci xanım Mehriban Əliyeva Türkiyə Prezidenti Rəcəb Tayyib Ərdoğanı və birinci xanım Əminə Ərdoğanı qarşıladılar.

Fəxri qarovul dəstəsinin rəisi Türkiyə Prezidentinə raport verdi.

Türkiyə Prezidenti Azərbaycan əsgərlərini salamladı.

Prezident İlham Əliyev və Prezident Rəcəb Tayyib Ərdoğan fəxri qarovul dəstəsinin qarşısından keçdilər.

Türkiyə Respublikasının və Azərbaycan Respublikasının dövlət himnləri səsləndi.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın qarşısından keçdi.

Dövlət başçıları rəsmi foto çəkdirdilər.

--------

13:24

İyunun 15-də Türkiyə Respublikasının Prezidenti Rəcəb Tayyib Ərdoğan Şuşa şəhərinə yola düşüb.

Sputnik Azərbaycan AZƏRTAC-a istinadən xəbər verir ki, Azərbaycan Respublikasının Prezidenti İlham Əliyev Türkiyə Prezidenti Rəcəb Tayyib Ərdoğanı və xanımı Əminə Ərdoğanı Füzuli rayonunda qarşılayıb.

© Official website of President of Azerbaijan Republic
Prezident İlham Əliyevlə Türkiyə Prezidenti Rəcəb Tayyib Ərdoğan arasında Füzulidə görüş

--------

13:09

Azərbaycana rəsmi səfərə gələn Türkiyə Prezidenti Rəcəb Tayyib Ərdoğan Şuşaya gedir. Sputnik Azərbaycan-ın məlumatına görə, bu barədə Türkiyə Prezidentinin sözçüsü İbrahim Kalın Twitter hesabından məlumat verib.

"NATO sammitinin ardından Azərbaycanın tarix və mədəniyyət paytaxtı Şuşaya gedirik. Qarabağ zəfərini taclandıran bu ziyarət Türkiyə-Azərbaycan bağlarını daha da gücləndirəcək və dərinləşdirəcək. Qafqazın tarixi inanc, əzm və cəsarətlə yenidən yazılır", - İ.Kalın qeyd edib.

Şuşada Azərbaycan və Türkiyə dövlət başçılarının təkbətək görüşü, sonra isə Ərdoğanın sözlərinə görə, iki ölkə arasında ən böyük razılaşmanın imzalanması nəzərdə tutulur. Sonra isə KİV-in məlumatına görə, prezidentlər birgə mətbuat konfransı keçirəcəklər. 

Bundan sonra Ərdoğan Şuşada gəzintiyə çıxacaq. 

Türkiyə Prezidenti Rəcəb Tayyib Ərdoğanın Azərbaycana səfəri çərçivəsində Milli Məclisdə çıxış edəcəyi də gözlənilir. Bu barədə Sputnik Azərbaycan-a açıqlamasında millət vəkili Fazil Mustafa bildirib.

--------

08:02

Türkiyə Respublikasının Prezidenti Rəcəb Tayyib Ərdoğan iyunun 15-də Azərbaycan Respublikasına rəsmi səfərə gəlib.

© Photo : AZƏRTAC
Türkiyə Prezidenti Rəcəb Tayyib Ərdoğan Azərbaycana rəsmi səfəri zamanı

Sputnik Azərbaycan xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

© Photo : AZƏRTAC
Türkiyə Prezidenti Rəcəb Tayyib Ərdoğan Azərbaycana rəsmi səfəri zamanı

Türkiyə Prezidenti Rəcəb Tayyib Ərdoğanı və xanımı Əminə Ərdoğanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşıladılar.

2398