Operativ Qərargahdan bütün Azərbaycanı sevindirəcək QƏRARLAR

5318
(Yenilənib 21:46 26.05.2021)
"31 maydan açıq havada maska ləğv olundu. Bakı Metropilteni açılır" - Nazirlər Kabineti yanında Operativ Qərəgah

BAKI, 25 may — Sputnik. "31 maydan açıq havada maska ləğv olundu. Bakı Metropilteni açılır". Sputnik Azərbaycan-ın xəbərinə görə, bu barədə Nazirlər Kabineti yanında Operativ Qərargahın bu gün təşkil olunan brifinqində Azərbaycan Respublikası Prezidentinin köməkçisi Şahmar Mövsümov deyib.

O bildirib ki, həmin tarixdən etibarən regionalararası ictimai nəqliyyat bərpa olunur.

Gələcək dövr üçün də qərarlar qəbul olunub. İyunun 10-dan ibadət yerlərinin fəaliyyətinə imkan yaradılacaq. Eyni tarixdən iri ticarət mərkəzlərinin fəaliyyəti bərpa olunur. Çimərliklərin fəaliyyətinə icazə verilir. İdman sağlamlıq-bərpa mərkəzlərinin fəaliyyəti bərpa edilir. Ancaq COVID pasportu olanlar idman müəssisələrinə buraxılacaqlar.

Gələcəkdə toylarda, konsertlərdə iştirak etmək üçün vaksinasiyadan keçmək tələb olunacaq.

"Əhalinin təxminən 10 faizi vaksinayasiyadan keçib. Yeni bir sənəd tətbiq olunur, bu, COVID pasportu adlanır. Bütün vətəndaşlar, hansı ki peyvəndi vurdurublar, onlar xüsusi vaksinasiya sertifikatı əldə edirlər. Onlar həmin sertifikatı çap edib saxlaya bilərlər, onların üzərində QR kod var. Digər sertifikat isə immunitet sertifikatıdır. Xəstələnib sağalanlara müəyyən dövrdə vaksin vurulmur. Bunların birinin mövcud olması ilə idman sağlamlıq obkeyektlərinə giriş mümkün olacaq", - Şahmar Mövsümov deyib. O bildirib ki, bu pasportlardan birinə sahib olmayanlar isə idman-sağlamlıq mərkəzlərinə daxil ola bilməyəcəklər.

Ş.Mövsümov qeyd edib ki, açılacaq obyektlərdə onların işçilərinin vaksinasiya və ya immunitet sertifikatının olması tələbi nəzərdə tutulub. Bu tələb iyunun 1-dən nəzərdə tutulub. 80 faiz işçinin COVİD pasportu olmadıqda, hətta onlar bağlana da bilər. Bu nüanslar gələcəkdə konsert, kinoteatr və digər xidmətlərə də aid ola bilər.

Yumşalmalarla yanaşı, o qədər də sevindirməyən qərar da var - həftəsonu ictimai nəqliyyatla bağlı məhdudiyyətlər qüvvədə qalıb.

Eləcə də oxuyun:

* COVID pasportu olanlara Operativ Qərargah hansı üstünlükləri verir?

* İdman, səyahət, toy - Hamının "səbəb"lərinə bir qərar təkan verdi - REPORTAJ

Şənbə-bazar ictimai nəqliyyatın aqibəti necə olacaq?

* Dərs olsun, bir də olmasın: Pandemiya əlimizdən nələri aldı

* Metro şənbə-bazar işləyəcək? Rəsmi açıqlama

* Hər kəsi indi bu sual düşündürür: COVID pasportunu necə əldə edək?

5318
Teqlər:
metro, yumşalma, qərar, Operativ Qərargah, karantin
Kinolent, arxiv şəkli

Azərbaycanda yeni kino platforması fəaliyyətə başlayıb

5
(Yenilənib 08:48 18.06.2021)
Platformanın yaradılmasında məqsəd Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir.

BAKI, 18 iyun — Sputnik. "Narimanfilm" kinostudiyasının xaricdə yaşayan soydaşlarımız üçün xüsusi olaraq hazırladığı https://azcinemaonline.com/ internet kinoteatrı yenilənmiş platformada fəaliyyət göstərməyə başlayıb.

Sputnik Azərbaycan xəbər verir ki, platformanın yaradılmasında məqsəd digər ölkələrdə yaşayan azərbaycanlıların Vətənlə əlaqələrini möhkəmləndirmək, onları mədəniyyət və kino sahəsində baş verən yeniliklərlə tanış etmək, Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir. Eyni zamanda, gənc kinematoqrafçılarımıza öz işlərini dünya izləyicilərinə təqdim etmək imkanı yaratmaq və Azərbaycan kinematoqrafçıları ilə digər ölkələrdən olan həmkarları arasında iş birliyinin qurulması üçün şəraitin yaradılmasını təmin etməkdən ibarətdir.

Burada Azərbaycan kinosunun inciləri ilə yanaşı, həmçinin ölkəmizin ərazisində xarici kinematoqrafçılar tərəfindən çəkilmiş filmlərlə tanış olmaq, onlara rəy bildirmək və kinotənqidçilərlə birlikdə müzakirələrə qoşulmaq mümkündür.

Platforma vasitəsilə ölkəmizin kino tarixi boyu yaradılmış müxtəlif bədii, sənədli və animasiya filmlərinin izlənməsi sayt istifadəçilərinə bir növ Azərbaycana açılan pəncərə olaraq gözəl Vətənimizi daha yaxşı tanımalarına imkan yaradır.

5
Футболисты сборной Нидерландов

AVRO-2020: Daha bir yığma 1/8 finala vəsiqə qazanıb

10
Xallarını 6-ya çatdıran Niderland seçməsi vaxtından əvvəl pley-offa yüksəlib. Avstriya isə 3 xalla üçüncü pillədə qərarlaşıb.

Futbol üzrə Avropa çempionatının C qrupunda II tura yekun vurulub.

"Report"un məlumatına görə, Niderland millisi Amsterdamdakı "Yohan Kroyf Arena"da Avstriya yığması ilə qarşılaşıb. Rəqibini 2:0 hesabı ilə məğlub edən "narıncılar" 1/8 finala vəsiqəni təmin ediblər.

Görüşdə hesabı 11-ci dəqiqədə penaltidən Memfis Depay açıb. İlk hissə bu hesabla başa çatıb. İkinci yarıya da fəal başlayan meydan sahibləri 67-ci dəqiqədə Denzel Dümfrisin qolu ilə fərqi 2 topa çatdırıblar. Bu qol eyni zamanda oyunun yekun nəticəsini müəyyənləşdirib.

Beləliklə, xallarını 6-ya çatdıran Niderland seçməsi vaxtından əvvəl pley-offa yüksəlib. Avstriya isə 3 xalla üçüncü pillədə qərarlaşıb.

Qeyd edək ki, daha əvvəl İtaliya və Belçika yığmalarının qrupdan çıxmaları dəqiqləşib.

10