Bakıda polis əməkdaşı, arxiv şəkli

"Polislərin üzərində qədər dəyənək var...İnsanları döymək üçündür?" - Tahir Kərimli

76
"Yaşadığım binanın 3-cü mərtəbəsində hotel var. Biz bir pilləkənlə çıxıb-düşürük axı, bu nə deməkdir?! Təsəvvür edin, bir neçə il öncə orada ərəblərlə bir qadın yaşayırdı".

BAKI, 21 may — Sputnik, Nigar İsgəndərova. "Nəsə paylaşırsan, kim ki bu fikrin leyhinədir, "bəyən" düyməsini basır, bəyənməyənlər isə söyürlər. Bir fikrin əleyhdarları daha aktivdirlər. Mən hər zaman əxlaq polisinin yaradılmasının tərəfdarıyam. Cəmiyyət, dövlət bu məsələni nəzarətə götürməlidir. Mənəviyyat, əxlaq məsələsi hər sahədə nəzarətə götürülməlidir. Çünki söhbət bizim genofondumuzdan gedir. Genefondumuz bizim milli varlığımız və onun identifikasiyasıdır". Bu barədə Sputnik Azərbaycan-a açıqlamasında millət vəkili Tahir Kərimli deyib.

Millət vəkili digər məsələyə toxunaraq ən azı bu işlə məşğul olacaq bir şöbənin yaradılmasını, fəaliyyət göstərməsini təklif edir: "Polislərin üzərində nə qədər dəyənək var. Bir yandan deyirik ki, hətta heyvanı da döymək olmaz. Bəs polislərin üzərindəki bu qədər dəyənək nə üçündür? İnsanları döymək üçündür? Sovet dövründə tapançasız idilər. Heç onların üstündə dəyənək olmazdı, amma sovet dövrünü bəyənməzdik. Necə olur ki, buna razı olurlar, amma əxlaq polisinin yaranmasına razı olmurlar. Heç olmasa bir şöbə yaradılsın və o şəxslər mütəmadi olaraq ictimai yerlərdə, məsələn, barlarda, restoranlarda, saunalarda, mehmanxanalarda reydlər keçirsinlər. Pul qazanmaq istəyi əxlaqımızı üstələməməlidir".

"Yaşadığım binanın 3-cü mərtəbəsində hotel var. Biz bir pilləkənlə çıxıb-düşürük axı, bu nə deməkdir?! Təsəvvür edin, bir neçə il öncə orada ərəblərlə bir qadın yaşayırdı. Qonşular arasında münaqişə yaransa da, qadın qışqırıb deyirdi ki, mən çörəyimi bu cür əldə edirəm, əcəb edirəm. Kollektiv şəkildə ərizə ilə müvafiq hökumət orqanlarına müraciət etdik, bu məsələni Milli Məclisdə də qaldırdıq, gücümüz çatmadı. Əgər bunlar yuxarıdan kimlərsə tərəfindən himayə olunmasa, necə ola bilər ki, bir nəticə olmur? Deməli, bu şəxslər yuxarılar tərəfindən himayə olunurlar. Abırsızlıq, mənəviyyatsızlıq, əxlaqsızlıq çox dərinləşib. "Sayqonizasiya" getməlidir? Axı biz azərbaycanlıyıq, türkük, müsəlmanıq. Bu gedişlə bizim gələcəyimiz hara gedir?", - deyə o əlavə edib. 

Bu fikirlərinə görə ən yaxın adamları tərəfindən də basqıya məruz qaldığını söyləyir: "Ən yaxın adamlar da mənə basqı edir ki, daha bu haqda danışma. Deyirlər ki, görürsən ki, əksəriyyət səni ittiham edir, müdafiə etmir... Bir müqəddəs hiss qalmayıb, ailələr də elə ona görə dağılır, təməlləri dağılır, sədaqət hissi dağılır".

"Sovet təhsil sisteminin üstünlüyü ondan ibarətdir ki, təhsillə yanaşı, təlim-tərbiyə də verilirdi. Əxlaqdan gərək 5 alaydın. Amma indi bütün bu sahələrdə boşluqdur.

76
Kinolent, arxiv şəkli

Azərbaycanda yeni kino platforması fəaliyyətə başlayıb

7
(Yenilənib 08:48 18.06.2021)
Platformanın yaradılmasında məqsəd Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir.

BAKI, 18 iyun — Sputnik. "Narimanfilm" kinostudiyasının xaricdə yaşayan soydaşlarımız üçün xüsusi olaraq hazırladığı https://azcinemaonline.com/ internet kinoteatrı yenilənmiş platformada fəaliyyət göstərməyə başlayıb.

Sputnik Azərbaycan xəbər verir ki, platformanın yaradılmasında məqsəd digər ölkələrdə yaşayan azərbaycanlıların Vətənlə əlaqələrini möhkəmləndirmək, onları mədəniyyət və kino sahəsində baş verən yeniliklərlə tanış etmək, Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir. Eyni zamanda, gənc kinematoqrafçılarımıza öz işlərini dünya izləyicilərinə təqdim etmək imkanı yaratmaq və Azərbaycan kinematoqrafçıları ilə digər ölkələrdən olan həmkarları arasında iş birliyinin qurulması üçün şəraitin yaradılmasını təmin etməkdən ibarətdir.

Burada Azərbaycan kinosunun inciləri ilə yanaşı, həmçinin ölkəmizin ərazisində xarici kinematoqrafçılar tərəfindən çəkilmiş filmlərlə tanış olmaq, onlara rəy bildirmək və kinotənqidçilərlə birlikdə müzakirələrə qoşulmaq mümkündür.

Platforma vasitəsilə ölkəmizin kino tarixi boyu yaradılmış müxtəlif bədii, sənədli və animasiya filmlərinin izlənməsi sayt istifadəçilərinə bir növ Azərbaycana açılan pəncərə olaraq gözəl Vətənimizi daha yaxşı tanımalarına imkan yaradır.

7
Футболисты сборной Нидерландов

AVRO-2020: Daha bir yığma 1/8 finala vəsiqə qazanıb

10
Xallarını 6-ya çatdıran Niderland seçməsi vaxtından əvvəl pley-offa yüksəlib. Avstriya isə 3 xalla üçüncü pillədə qərarlaşıb.

Futbol üzrə Avropa çempionatının C qrupunda II tura yekun vurulub.

"Report"un məlumatına görə, Niderland millisi Amsterdamdakı "Yohan Kroyf Arena"da Avstriya yığması ilə qarşılaşıb. Rəqibini 2:0 hesabı ilə məğlub edən "narıncılar" 1/8 finala vəsiqəni təmin ediblər.

Görüşdə hesabı 11-ci dəqiqədə penaltidən Memfis Depay açıb. İlk hissə bu hesabla başa çatıb. İkinci yarıya da fəal başlayan meydan sahibləri 67-ci dəqiqədə Denzel Dümfrisin qolu ilə fərqi 2 topa çatdırıblar. Bu qol eyni zamanda oyunun yekun nəticəsini müəyyənləşdirib.

Beləliklə, xallarını 6-ya çatdıran Niderland seçməsi vaxtından əvvəl pley-offa yüksəlib. Avstriya isə 3 xalla üçüncü pillədə qərarlaşıb.

Qeyd edək ki, daha əvvəl İtaliya və Belçika yığmalarının qrupdan çıxmaları dəqiqləşib.

10