Süpürgəçi

Sosial şəbəkədə fotosu ilə məşhurlaşan Ayanın problemi var

122
Sosial şəbəkədə süpürgəçi anası ilə fotosu yayılan beş yaşlı Ayanın ciddi problemi var, həll olunmasa gələcəkdə fəsadı daha da arta bilər. Bu barədə Sputnik Azərbaycan-a Kəmalə Ağazadə danışıb.

Nigar İsgəndərova, Sputnik Azərbaycan

BAKI, 16 may — Sputnik. "Bildiyiniz kimi, Ayan ötən gün səhər saatlarında anası Şövkətlə birgə sığınacağımıza yerləşdirilib. Ayanın yayılan fotosu hər kəsi duyğulandırmışdı. Amma bir fotonun arxasında böyük bir ailə dramı var idi. Azyaşlının səhhətində problemləri var, əməliyyat olunmalıdır. Artıq bu istiqamətdə aidiyyəti üzrə danışıqlar aparırıq".

Bu barədə Sputnik Azərbaycan-a açıqlamasında "Azərbaycan Uşaqlar Birliyi"nin sədri Kəmalə Ağazadə artıq bir neçə gündür ki, sosial şəbəkələrdə fotosu yayılmış azyaşlı, süpürgəçi işləyən anası ilə birgə sübh tezdən küçələrdə olan Ayan haqda danışarkən deyib.

K.Ağazadə bildirir ki, azyaşlı əməliyyat olunmasa, səhhətindəki problem böyüdükcə daha böyük fəsad yarada bilər: "Ayan bir neçə ay öncə qurşaqdan aşağı 4-cü dərəcəli yanıq xəsarəti alıb. Onun hər iki ayağında çox ciddi, ağır yanıqlar var. Yanığın fəsadları olduğuna görə, o əməliyyat olunmasa, böyüdükcə ayaqlarında problemlər yaranacaq, axsayacaq. Bu hadisənin baş verməsinin səbəbinə gəldikdə isə, qadın uşağını qoymağa yeri olmadığından yaxın birinə övladını etibar edib və biganəlik nəticəsində uşağın üzərinə qaynar su tökülüb".

Birlik sədri həyat yoldaşından rəsmi olaraq boşanan qadının alimentdən də imtina etdiyini deyir: "Qadının evi var, amma ona ev demək olmaz. Çox bərbad bir evdir. Təsəvvür edin, o evi qadın özü daşları götürərək tikib. Yardımlara gəldikdə isə onu qeyd edim ki, artıq dünəndən yardımlar üçün müraciət edənlər, kart hesabını istəyib yardım etmək istəyənlər də var. Azyaşlıya oyuncaq alıb göndərənlər də var.

Məqsədimiz Şövkət kimi qadınların timsalında analara dəstəyin göstərilməsi üçün alternativ xidmətlərin yaradılmağına nail olmaqdır ki, onlar övladlarını etibarlı bir yerə qoya bilsinlər. İstər çörək sexləri, istər digər sex və zavodlarda işləyən, istərsə də salonlarda işləyən, yaxud da xadimə işləyən qadınlar olsun, təsəvvür edin, nə qədər belə qadınlar var ki, uşaqlarını qoymağa yerləri yoxdur. Biz bu istiqamətdə işlər aparmalıyıq. Dövlət qurumlarına bununla bağlı müraciətlərimiz olacaq".

Qeyd edək ki, Ayanın 5 yaşı var, o, məktəbəqədər hazırlıq yaşındadır. Artıq azyaşlının məktəbəqədər hazırlığı ilə əlaqədar olaraq birlik tərəfindən müəyyən addımlar atılıb. Belə ki, azyaşlı birlik tərəfindən müəllimlərlə təmin olunub, nəzarətə götürülüb.

122
Teqlər:
sığınacaq, yanıq, əməliyyat, süpürgəçi qadın, sosial şəbəkə, qız, körpə
Toyuq əti

Azərbaycana gətirilən 1,2 ton hind quşu dərisi yararsız çıxdı

37
Məhsulda patogen mikroorqanizm olan salmonella aşkar edilib. Aşkar olunmuş faktla bağlı qanunvericiliyin tələbləri çərçivəsində müvafiq qərar qəbul edilib və istehlak üçün yararsız 1.2 ton hind quşu dərisi məhsulunun satış şəbəkəsinə daxil olunmasının qarşısı alınıb.

BAKI, 19 iyun — Sputnik. Azərbaycan Qida Təhlükəsizliyi Agentliyinin (AQTA) həyata keçirdiyi nəzarət tədbirləri zamanı Türkiyədə fəaliyyət göstərən "Briterra Gida İç Ve Dış Ticaret Anonim Şirketi" tərəfindən istehsal olunan və "Ladess Group" MMC tərəfindən ölkəmizə idxal edilən hind quşu dərisi məhsuluna Agentliyin müfəttişləri tərəfindən baxış keçirib.

AQTA-dan Sputnik Azərbaycan-a verilən məlumata görə, baxış zamanı idxal olunan məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub.

Müayinələr nəticəsində məhsul partiyasında patogen mikroorqanizm olan salmonella aşkar edilib. Aşkar olunmuş faktla bağlı qanunvericiliyin tələbləri çərçivəsində müvafiq qərar qəbul edilib və istehlak üçün yararsız 1,2 ton hind quşu dərisi məhsulunun satış şəbəkəsinə daxil olunmasının qarşısı alınıb.

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini davam etdirir və istehlakçı hüquqlarının pozulmasına yönəlmiş qanunsuz halların qarşısının alınması istiqamətində müvafiq tədbirlər görüləcək.

37

Hökumətdən yeni hava limanlarının tikintisi işində böyük güzəşt

76
(Yenilənib 13:10 19.06.2021)
Azad edilən ərazilərdə 3 hava limanının tikintisi üçün idxal edilən mallar gömrük rüsumuna cəlb olunmayacaq.

BAKI, 19 iyun — Sputnik. Nazirlər Kabineti “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” qərarında dəyişiklik edib.

Sputnik Azərbaycan-ın məlumatına görə, qərara əsasən, "Füzuli, Laçın və Zəngilan rayonlarında beynəlxalq hava limanlarının tikintisi üçün idxal edilən malların xarici iqtisadi fəaliyyətin mal nomenklaturası (XİFMN) üzrə Siyahısı” təsdiq edilib.

Bu bəndlə müəyyən edilən mal nomenklaturasına müvafiq idxal olunan malların Füzuli, Laçın və Zəngilan beynəlxalq hava limanlarının tikintisi üçün istifadəsinin təsdiq edilməsi Nəqliyyat, Rabitə və Yüksək Texnologiyalar Nazirliyi tərəfindən həyata keçiriləcək.

Bu mallar gömrük idxal rüsumuna cəlb olunmayacaq.

Bu Qərar dərc edildiyi gündən 30 gün sonra qüvvəyə minir və 2024-cü il 1 yanvar tarixinədək qüvvədədir.

Füzuli beynəlxalq hava limanı

2020-ci il noyabrın 26-da Azərbaycan Nəqliyyat, Rabitə və Yüksək Texnologiyalar Nazirliyi ICAO-nun Füzulidəki hava limanı da daxil olmaqla 6 hava limanının beynəlxalq yer indeksləri kataloquna daxil edilməsi barədə Dövlət Mülki Aviasiya Agentliyinin müraciətini təmin etdiyini bildirib.

2021-ci ilin yanvarında Azərbaycan Prezidenti Füzulidə beynəlxalq hava limanının tikintisi barədə sərəncam verib. Gələcək hava limanının təməlqoyma mərasimi həmən ilin yanvar ayının 14-də baş tutub.

Köhnə aeroportun yerində tikilən Füzuli beynəlxalq hava limanında uçuş-enmə zolağının inşası ilə bu sahədə böyük təcrübəsi olan "AzVirt" MMC məşğul olur. Hava limanının tikintisi yanvar ayında başlayıb. Plana əsasən ilin sonuna kimi uçuş-enmə zolağı, eləcə də peron istifadəyə veriləcək. Yeni hava limanının uçuş-enmə zolağının uzunluğu 3 000 metr olacaq.

AZAL-ın nümayəndəsi Valeh Əmiraslanov bildirib ki, Füzuli Beynəlxalq Hava Limanında ilk sınaq uçuşun sentyabrın 5-də keçirilməsi planlaşdırılır.

Həmçinin oxuyun:

Füzuli aeroportunda ilk sınaq uçuşunun keçiriləcəyi tarix açıqlanıb

76