Böyük Vətən Müharibəsi iştirakçısı Mehdi Mehdiyev

İki gün səngərdə yaralı qalan tək oğul: "Ailəm il yarım məndən xəbər ala bilməyib"

56
(Yenilənib 00:50 11.05.2021)
"Bizi müharibənin dəhşətləri, bombaların iki addımlığımızda partlaması qəti qorxutmurdu. Ölümü gözə alıb düşmənin üzərinə hücum edirdik".

Zülfiyyə Quluyeva, Sputnik Azərbaycan

BAKI, 11 may — Sputnik. Faşizm üzərində Qələbənin 76-cı ildönümünü qeyd etdik. Qələbə günündən bu qədər vaxt keçsə də, müharibənin acı xatirələri çoxlarının yaddaşından silinməyib. Azərbaycanda 9 mayda xeyli sayda insan həmin günlərə yenidən qayıdıb, 1945-ci ilin yazını iftixar hissi ilə yad edir. Qələbənin qazanılmasında Azərbaycanın və azərbaycanlıların töhfəsi danılmazdır. Müharibənin elə ilk günlərindən bir çox azərbaycanlı əsgər rəşadəti ilə fərqlənməyi bacardı. Mənim müsahibim də döyüşdü, müharibənin bütün sərt cəbhələrini yarıb keçdi. Amma vətənə salamat döndü. Yaşadı, o günlərin şahidi kimi. Gözlər yaşla, sinə medalla dolu...

Ağstafa rayonunun Qıraq Kəsəmən kənd sakini, 97 yaşlı veteran Mehdi Mehdiyev müharibə xatirələrini Sputnik Azərbaycan-la bölüşüb.

© Sputnik / Murad Orujov
Böyük Vətən Müharibəsi iştirakçısı Mehdi Mehdiyev

Ömrünün ixtiyar çağını yaşayan Mehdi baba müharibənin od-alovunun onun gözünü qorxutmadığını söyləyir. Deyir ki, Böyük Vətən müharibəsində Azərbaycan oğulları şücaətlə döyüşüblər: "Bizi müharibənin dəhşətləri, bombaların iki addımlığımızda partlaması qəti qorxutmurdu. Ölümü gözə alıb düşmənin üzərinə hücum edirdik".

M.Mehdiyev 18 yaşında müharibəyə yollanıb: "18 yaşım yenicə tamam olmuşdu. 1942-ci ildə, doğum günümdən 5 gün sonra məni müharibəyə göndərdilər. Biz Şimali Qafqazın azadlığı uğrunda döyüşürdük. Şiddətli döyüşlər gedirdi. Mən müharibədə iki dəfə yaralandım. Bir dəfə budumdan, ikinci dəfə isə qolumdan ağır yara aldım. Müharibədə ağır yaralanmaq ölümlə üz-üzə qalmaq demək idi. Çünki hər yaralını xəstəxanaya çatdırmaq mümkün deyildi. Güllə başımızdan yağış kimi yağırdı. Mən də yaralanandan sonra iki gün səngərdə qalmışam. Yaşamağa ümidim azalmışdı. İki gündən sonra məni səngərdə tapıb ağır yaralı vəziyyətdə xəstəxanaya çatdırdılar. Qolumdan aldığım yara mənə müharibədən əbədi "xatirə" qaldı".

© Sputnik / Murad Orujov
Böyük Vətən Müharibəsi iştirakçısı Mehdi Mehdiyev

Ailənin tək övladı olan Mehdi Mehdiyev ailəsinin il yarım ondan xəbər ala bilmədiyini söyləyir: "Müharibə o qədər dəhşətli bir şeydir ki, hər an ailənin üstünə qara kağız gedə bilərdi. Həmin dövrdə bütün ailələr bunun xofu ilə yaşayırdılar. Əlaqə qurmaq, xəbərləşmək çətin idi. Ailəm il yarım məndən xəbər ala bilməyib. Amma şükür ki, mən evə salamat qayıtdım".

Mehdi Mehdiyev 1943-cü ildə ağır yaralandığı üçün ordudan tərxis edilib. O, müharibənin odlu-alovlu cəbhələrindən keçərək, göstərdiyi igidliyə görə müxtəlif orden və medallarla təltif edilib. Müharibədən qayıtdıqdan sonra, 1944-cü ildə Azərbaycan Dövlət Universitetinin Hüquq fakültəsinə daxil olub, 1949-cu ildə oranı bitirib. Həmin il Azərbaycan SSR Daxili İşlər Nazirliyinə işə göndərilib. 1954-1960-cı illərdə Dağıstan Daxili İşlər Nazirliyində işləyib. 1960-cı ildə yenidən Azərbaycanın daxili işlər sistemində işini davam etdirərək 1976-cı ildə polkovnik-leytenant rütbəsində təqaüdə çıxıb. 1976-cı ildən elmi fəaliyyətə başlayan Mehdi Mehdiyev ADU-nun Hüquq fakültəsinin dissertantı olub, 1980-ci ildən müəllimlik fəaliyyətinə başlayıb. 1984-cü ildə Xarkovda namizədlik dissertasiyasını müdafiə edərək hüquq elmləri namizədi adını alıb, 1985-ci ildə Hüquq fakültəsinin dosenti adını qazanıb.

© Sputnik / Murad Orujov
Böyük Vətən Müharibəsi iştirakçısı Mehdi Mehdiyev

1994-cü ildə "Təfəkkür" Universitetinin hüquq fakültəsinin dekanı olub və 2007-ci ilə qədər bu vəzifədə işləyib. Hazırda təqaüddə olan Mehdi Mehdiyev qayğı ilə əhatə olunduğunu söyləyir. Böyük Vətən müharibəsi iştirakçılarının heç zaman unudulmadığından, daim dövlət dəstəyi ilə əhatə olunduqlarından söhbət açır. Elə ailəsindən də razılıq edir. Oğlunun onun qayğısına qaldığını, bu yaşda nazı ilə oynadığını bildirir. Ömrünün 97-ci baharını yaşayan Mehdi Mehdiyev həyatda ən böyük arzusuna çatdığını da söyləyir. Deyir ki, torpaqlarımızın işğaldan azad olunması onun ən böyük arzusu olub. 44 günlük müharibənin zəfərlə başa çatacağına inandığını söyləyən Mehdi Mehdiyev güclü ordumuz və onun Ali Baş Komandanı ilə fəxr etdiyini bildirir.

56
Teqlər:
xatirə, Böyük Vətən Müharibəsi, 9 may Qələbə Günü, 9 may, veteran
Əli qandallanmış kişi polis bölməsində, arxiv şəkli

Yetkinlik yaşına çatmayan şəxsə qarşı quldurluq edənlər saxlanılıb

11
(Yenilənib 22:58 19.06.2021)
Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

BAKI, 19 iyun - Sputnik. Paytaxtın Xətai rayonu ərazisində yetkinlik yaşına çatmayan bir nəfərə qarşı quldurluq edilib.

Daxili İşlər Nazirliyindən verilən məlumata görə, zərərçəkən şəxs Xətai Rayon Polis İdarəsinə müraciət edərək bildirib ki, M.Hadi küçəsində yerləşən restoranlardan birinin qarşısında iki nəfər tanımadığı şəxs ona yaxınlaşıb.

Daha sonra həmin şəxslər onu əllərində olan bıçaqla həyat və sağlamlığı üçün təhlükəli zorakılıq tətbiq edəcəyi ilə hədələyib mobil telefonunu tələb ediblər. Zərərçəkən telefonu onlara verəndən sonra həmin şəxslər hadisə yerindən qaçıblar.

Məlumat daxil olan kimi Xətai Rayon Polis İdarəsinin Cinayət Axtarışı Şöbəsinin və 36-cı Polis Bölməsinin əməkdaşları tərəfindən hadisə yerinə baxış keçirilib, həmin ünvanda zəruri əməliyyat-istintaq hərəkətləri icra edilib. Həyata keçirilən təxirəsalınmaz axtarış tədbirləri nəticəsində qeyd edilən hadisəni törətməkdə şübhəli bilinən əvvəllər məhkum olunmuş Vasif Əliyev və İlham Həsənov saxlanılaraq istintaqa təqdim ediliblər. Hər iki şəxs ifadələrində törətdikləri cinayəti etiraf ediblər.

Qeyd edək ki, zərərçəkənə məxsus mobil telefon saxlanılan şəxslərin üzərindən aşkar olunaraq maddi sübut kimi götürülüb.

Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

11

Baş məşqçi: Türkiyə millisi AVRO-2020-nin pley-off mərələsinə çıxmağa ümid edir

11
Futbol üzrə Türkiyə yığmasının baş məşqçisi Avropa çümpionatının qrup mərhələsində İsveçrə komandası ilə oyundan gözləntiləri ilə bölüşüb

BAKI, 19 iyun — Sputnik. Futbol üzrə Türkiyə millisi qrupda üçüncü yeri tutaraq Avropa çümpionatının pley-of mərhələsinə çıxmağa ümid edir. Sputnik Azərbaycan xəbər verir ki, bunu Türkiyə yığmasının baş məşqçisi Şenol Günəş oyundan əvvəlki mətbuat konfransında deyib.

Bazar günü, iyunun 20-də Bakı Olimpiya stadionunda Avropa çümpionatının qrup mərhələsinin üçüncü turunda Türkiyə və İsveçrə yıığmaları üz-üzə gələcək.

"A" qrupundakı əvvəlki iki oyunda Türkiyə komandası İtaliya (0:3) və Uels (0:2) komandalarına məğlub olub, isveçrəlilər isə uelslilərlə heç-heçə oynayaraq (1:1) italyanlara məğlub olublar (0:3).

Günəş bildirib ki, Uels yığması ilə əvvəlki oyunda onun yetirmələri özünə inamı itiriblər.

"Əvvəlki iki oyun bizim üçün çox mürəkkəb oldu. Uels komandası ilə oyunda biz özümüzə inamı itirdik. Bizdən çox şey gözlənildiyini bilirdik, lakin komandamız gəncdir və bu oyunçulara təsir etdi. İndi biz çətin vəziyyətdəyik", - deyə o bildirib.

Mütəxəssis onu da deyib ki, komandanın oyununda həm oyunçuların texnikası cəhətdən, həm də taktiki hazırlıqda problemlər var. Lakin, özünün də dəfələrlə dediyi kimi, Günəş öz ünvanına və komandanın ünvanına səslənən tənqidə normal yanaşır.

"Çoxları bizim çıxışımızdan narazıdır, biz də narazıyıq. Hər kəsin fikir yürütmək haqqı var, bu normaldır, biz tənqidi qəbul edirik və o əsassız deyil. Biz həqiqətən çoxlu səhvlər edirik, xüsusilə də yarımmüdafiədə. Elə bu zonada komandanı heyətində dəyişikliklərin olacağı istisna deyil", - deyə Günəş bildirib.

Bütün bunlara baxmayaraq, Türkiyə millisi qrup mərhələsində üçüncü yer tutmuş komandalardan dörd komandadan biri olmaq və 1/8 finala çıxmağa ümid edir.

"Kağız üzərində İsveçrə komandasının daha çox qələbə şansı ola bilər. Lakin Uels də reytinqdə aşağıda idi, indi bu komanda həm bizdən, həm də isveçrəlilərdən yüksəkdədir. Lap əvvəldən düşünülürdü ki, İsveçrə və Türkiyə milliləri qrupda ikinci yer uğrunda oynayacaqlar, indi isə ikinci yerə ancaq isveçrəlilər çıxa bilərlər. Biz isə ancaq üçüncü yer uğrunda mübarizə apara və üçüncü yer tutmuş ən yaxşı dörd komandadan biri olaraq pley-off mərhələsinə çıxmağa ümid edə bilərik", - deyə Günəş əlavə edib.

AVRO-2020 Bakı oyunları

Bakı Olimpiya stadionunda ümumilikdə dörd oyunun keçirilməsi nəzərdə tutulub. "A" qrupunda iyunun 12-də İsveçrə-Uels (1:1) və iyunun 16-da Türkiyə-Uels (0:2) oyunları artıq keçirilib. Bundan əlavə qarşıda İsveçrə-Türkiyə (20 iyun) qarşılaşması var. İyulun 3-də isə burada AVRO-2020 ¼ final oyunlarından birinin keçirilməsi də nəzərdə tutulub.

11
 S7 Airlines aviaşirkətinin sərnişin təyyarəsi, arxiv şəkli

Mahaçqaladan Bakıya birbaşa aviareys olacaq

61
S7 Airlines aviaşirkəti Dağıstan Respublikasından Azərbaycana ilk uçuşunu iyulun 4-də həyata keçirəcək.

 

BAKI, 19 iyun — Sputnik. İyulun 4-dən etibarən Mahaçqala ilə Bakını birbaşa aviareys bağlayacaq. Mahaçqala hava limanının mətbuat xidmətindən bildirildiyinə görə, biletlər artıq satışdadır.

Mahaçqaladan Bakıya ilk uçuş iyulun 4-ü Bakı vaxtı ilə 02:05-ə S7 Airlines aviaşirkətinin təyyarəsi ilə həyata keçirilməlidir.

Boeing 737-800 176 sərnişin tutur. Azərbaycan paytaxtına reyslər hər həftə şənbədən bazara keçən gecə həyata keçiriləcək.

Azərbaycana gələn bütün 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

S7 aviaşirkəti iyunun 15-dən Samaradan Bakıya aviareyslər həyata keçirir.

Həmçinin aviaşirkət iyunun 23-dən Krasnoyarsk-Bakı-Krasnoyarsk marşrutu üzrə uçuşlar həyata keçirəcəklər.

Azərbaycanda fvqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

61