Böyük Vətən müharibəsi iştirakçısı Bağır Məlikov

"Həlak olduğumu oxusa da, anama bu barədə deməyə dili gəlməyib" - Veteran Bağır Məlikov

2001
(Yenilənib 07:27 10.05.2021)
İkinci qrup əlil olan 97 yaşlı Bağır Məlikov bu gün də müharibənin nişanəsini bu gün də ayağında daşıyır.

Zülfiyyə Quluyeva, Sputnik Azərbaycan

BAKI, 10 may — Sputnik. Mayın 9-da faşizm üzərində Qələbənin 76-cı ili tamam oldu. Bu Qələbədə böyük payı olan Azərbaycan xalqı hər il Böyük Vətən müharibəsi iştirakçılarını qürurla xatırlayır, onlarla görüşlər keçirir. Sputnik Azərbaycan-ın müsahibi Bağır Məlikov Azərbaycanda bu şanlı Qələbənin həyatda olan 181 şahidindən biridir. Ömrünün 97-ci baharını yaşayan veteran müharibənin odlu-alovlu günlərini bu gün də xatırlayır. Həmsöhbətimiz 1924-cü ilin oktyabr ayının 1-də Bakının Nardaran qəsəbəsində anadan olub. O, peşə məktəbində çilingərlik peşəsinə yiyələndikdən sonra gəmiqayırma zavodunda işə başlayır. Böyük Vətən müharibəsi milyonlarla insan kimi, 17 yaşlı Bağır Məlikovun da gənclik arzularını əlindən alır. Böyük Vətən müharibəsinin acısını yaşamaq ailədə 5 qardaş 1 bacı olan Məlikovların taleyinə yazılır. Qardaşları, hətta Tibb Universitetini hələ bitirməmiş bacısı Məsumə müharibəyə yola düşəndən sonra Bağır Məlikov da 1942-ci ilin yanvarında müharibənin ön səngərinə göndərilir. B.Məlikov 353-cü diviziyanın 1147-ci alayında əvvəlcə sıravi əsgər, sonra isə yefreytor kimi döyüşlərə qatılır. Həmsöhbətimiz deyir ki, müharibəyə ən dəhşətli yerindən - Rostovdan başlayıb. Daha sonra Ukrayna, Krım, Moldova, Rumıniya, Macarıstan, Budapeşt, Sofiya, Belqrad, Avstriya və son olaraq Berlinə kimi döyüşüb: "Mən Berlinin azad olunmasında iştirak edənlərdənəm. 5 dəfə yaralansam da, müalicə olunub yenidən döyüşə qatılmışam. Böyük Vətən müharibəsi əlili, Prezident təqaüdçüsüyəm".

© Sputnik / Murad Orujov
Böyük Vətən müharibəsi iştirakçısı Bağır Məlikov

Müharibədə göstərdiyi şücaətə görə 30-dan çox orden və medallarla təltif olunan B.Məlikov kəşfiyyat bölümündə iştirak edib. Onun ingilis, fransız əsirlərin azad edilməsində əməyi az olmayıb.

Bağır baba deyir ki, Rostovu iki dəfə almanlar alsalar da, ikisində də onlar geri qaytarıb. Stalinqrad mühasirəsindən danışan həmsöhbətimiz müharibə dövründə düşmənin güclü təbliğat apardığını, təyyarələrdən vərəqlər atıb onları öz tərəfinə çəkmək istədiyini bildirib: "Amma bizdə düşmənə nifrət güclü idi. Onların bu səyləri boşa çıxdı".

Həmin günləri xatırlayan Bağır baba bizə bir maraqlı əhvalatı da nəql edir. Deyir ki, müharibəyə dostları ilə birgə yollanıb. Bağır, Müğbil və Mikayıl - üç dost müharibəyə yollanarkən əhd ediblər ki, sağ-salamat geri dönsələr Bakıda görüşərlər. Döyüş zamanı Bağır Məlikovun yanında partlayan mərmi onu al-qana boyayır. Dostları onun öldüyünü zənn edirlər. Ta ki, müharibənin 30 illiyində görüşənə kimi: "Mən Bakıdan qardaş kimi bildiyim iki nəfərlə müharibəyə getmişdim. Dağlı balası Müğbil və Mikayıl. Çox çətinliklər çəkmişik. Mən yaralananda bir-birimizlə əlaqəni itirdik. Onlar mənim öldüyümü zənn ediblər. Dostlarımdan biri - Mikayıl anasına məktub yazaraq mənim döyüşdə həlak olduğumu bildirir. Öz anasına yazır ki, bunu mənim anama desin, gözləri övlad yoluna dikilməsin. Amma dostumun anası məktubda mənim həlak olduğumu oxusa da, anama bu barədə deməyə dili gəlmir. Mən dostlarımı müharibənin 30 illiyində gördüm. Bir-birimizə sarılıb sevincdən ağlayırdıq".

© Sputnik / Murad Orujov
Böyük Vətən müharibəsi iştirakçısı Bağır Məlikovun medalları

İkinci qrup əlil olan B.Məlikov bu gün də müharibənin nişanəsini ayağında daşıyır. Yaralandığı günü isə belə xatırlayır: "Yanımda mərmi partlayanda mən iki gün yerdə qalmışam. Sonra baxıblar ki, yaşayıram, hospitala aparıblar. Həkim ayağımı qanqren olduğu üçün kəsmək istəyirdi. Amma mən qoymadım. Həkimə dedim ki, ayağımı kəssən, mənə ərə gələn qız olmayacaq. Müalicə etdilər, sağaldım. Amma bu gün də ayağımı yerə çətinliklə basıram".

Müharibə ilə bağlı daha bir xatirəsinin Bolqarıstanın Sofiya şəhəri ilə bağlı olduğundan danışan B.Məlikov orada bir türk ailəsi ilə tanış olduğunu bildirib. Qərib diyarda ona səmimi münasibət göstərən türk ailəsi Bağır Məlikova qayğı göstərib: "Ailə başçısı mənə dedi ki, müharibədən qayıdanda qızlarından birini mənə ərə verəcək. Amma tale elə gətirdi ki, mən azərbaycanlı qızı ilə evləndim. Həyat yoldaşım bacım Məsumənin yanında dərzi işləyir, əsgərlər üçün paltar tikirdi. Müharibədən sonra bacım məni onunla tanış etdi və biz evləndik".

9 Mayın onun üçün ən əlamətdar gün olduğunu söyləyən həmsöhbətimiz həmin günü kövrələrək xatırlayır: "Biz Elba çayının sahilində idik. Gecə xəbər gəldi ki, faşizm üzərində Qələbə çalmışıq. Elə həmin an qaranlıq səma aydınlandı. Tüfənglərimizlə havanı güllə yağışına tutduq. Həmin gecə səhərə kimi yatmadıq. Sevincimizin həddi-hüdudu yox idi. Gözümüzdən qeyri-ixtiyari yaş axırdı".

Müharibənin bitməsi həsrətin bitməsidir, deyir Bağır baba...

© Sputnik / Murad Orujov
Böyük Vətən müharibəsi iştirakçısı Bağır Məlikov

Ölümün pəncəsindən xilas olmaq, doğmalarımıza qovuşmaq, Vətənimizə qayıtmaq - bu ümidlərimizin doğrulduğu gecə idi həmin gecə...

Müharibə bitsə də, B.Məlikov ailəsinin yanına müharibə başa çatandan iki il sonra geri dönə bilir. Onda öyrənir ki, qardaşları müharibədə həlak olub.

Həyatda iki dəfə möhkəm sevindiyini söyləyən Bağır baba ilk dəfə faşizm üzərində Qələbə çalanda, ikinci dəfə isə torpaqlarımız azad ediləndə bu hisləri yaşadığını bildirir: "Hər dəfə yaşım tamam olanda arzulayırdım ki, Qarabağımızı azad görüm. Bu arzum da həyata keçdi. Azərbaycan qalib xalq olduğunu bir daha dünyaya sübut etdi", - deyə B.Məlikov söyləyir...

2001

İlham Əliyevin köməkçisi quru sərhədlərinin açılması məsələsinə aydınlıq gətirib

8
(Yenilənib 15:20 15.06.2021)
Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Azərbaycanın quru sərhədlərinin açılması ilə bağlı məsələyə aydınlıq gətirib.

BAKI, 15 iyun — Sputnik. Azərbaycan Respublikası Prezidentinin köməkçisi - Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Azərbaycanın quru sərhədlərinin açılması ilə bağlı məsələyə aydınlıq gətirib.

Sputnik Azərbaycan APA-ya istinadən xəbər verir ki, prezidentin köməkçisi hazırda digər məsələlərdən fərqli olaraq quru sərhədlərinin açılması ilə bağlı məsələnin müzakirə olunmadığını bildirib.

Quru sərhədlərlə bağlı durum

Mətbuatda Azərbaycan iyunun 15-dən quru sərhədlərini açacağı ilə bağlı məlumat yayılıb. Məlumata görə, artıq Dövlət Gömrük Komitəsi (DGK) gömrük-keçid məntəqələrinin açılması ilə bağlı qonşu ölkələrin müvafiq qurumları ilə ilkin razılıq əldə edib. Bununla əlaqədar rəhbərlik Ərazi Baş Gömrük İdarələrinə tapşırıqlar verib və gələn həftə məntəqələrinin açılması üçün hazırlıqlara başlanılıb. Dövlət Gömrük Komitəsi (DGK) isə hələ ki, onlara belə bir qərarın daxil olmadığını bildirib.

Xatırladaq ki, NK-nın son qərarına əsasən, Rusiya Federasiyasının və Türkiyə Respublikasının vətəndaşlarına 10 iyun tarixindən etibarən hava nəqliyyatı vasitəsilə ölkəmizə giriş-çıxışı aşağıdakı qaydalarla həyata keçirilir: yaşı 18-dən yuxarı olan şəxslər – yalnız COVID-19 pasportu (COVID-19-a qarşı tam peyvənd olunmasını və ya COVID-19-dan sağalaraq immunitetə malik olmasını təsdiq edən sənəd) və uçuşdan əvvəl 72 saat ərzində verilmiş COVID-19-a dair PZR testinin neqativ nəticəsini təsdiq edən sənəd əsasında ölkəmizə daxil ola bilərlər. 1-18 yaş arasında olan şəxslər isə yalnız uçuşdan əvvəl 72 saat ərzində verilmiş COVID-19-a dair PZR testinin neqativ nəticəsini təsdiq edən sənəd əsasında Azərbaycana gələ bilərlər.

 

 

8
Teqlər:
sərhəd

Çempionlar Liqasının püşkü atıldı, Bakı klubunun rəqibi bilindi

8
(Yenilənib 14:35 15.06.2021)
İyunun 16-da isə Çempionlar Liqası və Konfrans Liqasında II təsnifat mərhələsinin püşkü atılacaq. Ölkəmizin 4 komandası rəqiblərini tanıyacaq.

BAKI, 15 iyun - Sputnik. Çempionlar Liqasında I təsnifat mərhələsinin püşkü atılıb.

Sputnik Azərbaycan apasport.az-a istinadən bildirir ki, Bakının “Neftçi” klubunun avrokubok mövsümündəki ilk rəqibi müəyyənləşib.

Paytaxt təmsilçisi “Dinamo” (Tbilisi, Gürcüstan) ilə qarşılaşacaq. Komandalar arasında ilk oyun iyulun 6-7-də, cavab görüşü 13-14-də keçiriləcək. “Neftçi” mövsümə səfərdə başlayacaq.

Qeyd edək ki, sabah Çempionlar Liqası və Konfrans Liqasında II təsnifat mərhələsinin püşkü atılacaq. “Neftçi”nin hər iki turnirdəki mümkün rəqibləri, həmçinin qitənin 3-cü dərəcəli klub turnirində ilk raunddan azad olan “Keşlə”, “Qarabağ” və “Sumqayıt”ın qarşılaşacağı komandalar bilinəcək.

Eləcə də oxuyun:

  • AVRO-2020: İspaniya və İsveç arasında çempionatın ilk qolsuz heç-heçəsi qeydə alındı

  • Uels yığmasının oyunçusu: Bakıda bizi Türkiyə yığmasına qarşı çətin oyun gözləyir

  • Azərbaycanı avrokuboklarda yenə bu klublar təmsil edəcək

8
Teqlər:
rəqib, püşkatma, Neftçi, Çempionlar Liqası
Rusiyada miqrantlar, arxiv şəkli

Putin miqrantların Rusiyada qalma müddətini uzadıb

0
Putinin yeni qərarı azadlıqdan məhrum edilmə yerindən buraxılan və ya Rusiyanın milli təhlükəsizliyinə təhdid edən şəxslərə şamil edilmir.

BAKI, 15 iyun — Sputnik. Rusiya Prezidenti Vladimir Putin xarici ölkə vətəndaşları və vətəndaşlığı olmayan şəxslərlə bağlı yeni qərar imzalayıb. Sputnik Azərbaycan "RİA Novosti"-yə istinadən xəbər verir ki, yuxarıda adı çəkilən şəxslər Rusiyada 30 sentyabra qədər qala biləcəklər.

Belə ki, xarici ölkə vətəndaşları və vətəndaşlığı olmayan şəxslər 30 sentyabr tarixinə qədər Rusiyadan məcburi olaraq çıxarılmayacaqlar.

Qeyd olunur ki, bu qərar azadlıqdan məhrum edilmə yerindən buraxılan və ya Rusiyanın milli təhlükəsizliyinə təhdid edən şəxslərə şamil edilmir.

Putinin imzaladığı qərar iyunun 16-dan qüvvəyə minir.

Yeni qaydalar

Rusiyada işləmək üçün icazə və ya patent almaq istəyən əcnəbilər bundan sonra rus dilində polisə, poliklinikaya müraciət etmək və işə qəbulla bağlı müsahibədən keçmək üçün bu dili kifayət qədər bildiklərini təsdiqləməlidirlər. Bu tələblər, 7 iyun tarixindən qüvvəyə minən və Rusiya Prezidenti tərəfindən imzalanan bu ölkədə yaşayan əcnəbilərin hüquqi statusunu tənzimləyən qanuna edilmiş əlavə və dəyişikliklərdə yer alır.

Hökumətin qərarına əsasən, iş icazəsi və ya patent almaq üçün müraciət edən şəxs xarici dil kimi rus dilindən imtahan verdiyi vaxt sosial-məişət sahəsində ünsiyyət ehtiyacını (işə qəbul, polisə, poliklinikaya müraciət və s.) təmin etməyi bacardığını təsdiqləməlidir.

Bundan başqa, miqrantlar müsahibinin səsləndirdiyi və ya audio məlumat kimi ötürülən informasiyanı şifahi şəkildə qəbul etməyi də bacarmalıdır.

Eləcə də, rus dili imtahanından müvəffəqiyyətlə keçmək üçün bəzi anketləri, formaları doldurmağı bacarmaq tələb olunur.

Rus dili sertifikatının etibarlılıq müddəti, həmçinin Rusiya tarixini və Rusiya Federasiyası qanunvericiliyinin əsaslarını bilmə tarixi sertifikatın verildiyi gündən müəyyənləşdirlir. Rusiya Federasiyasındakı "Xarici Vətəndaşların Hüquqi Statusu haqqında" Federal Qanunun 133-cü maddəsinə əsasən, sertifikatın etibarlılıq müddəti üç ildir.

Rusiyada yaşamaq üçün icazə alanlara sertifikat müddətsiz veriləcək. Yaşayış icazəsi ləğv olunarsa, sertifikatın etibarlılığı da avtomatik olaraq qüvvədən düşəcək.

Bununla belə, Rusiyada yaşamaq üçün icazə almaq istəyənlərin imtahan sualları daha çətin olacaq.

Eləcə də oxuyun:

Azərbaycanlı miqrantlar onlayn icazə ala bilərlər

 

0