Bakubus avtobusu, arxiv şəkli

Səlahiyyətsiz sürücülər qanunçul BNA - Sonda əzab çəkən yenə sərnişin olur

37
(Yenilənib 16:42 04.05.2021)
İndikindən fərqli olaraq qışda - soyuq aylarda eyni xətt üzrə hərəkət edən avtobuslarda havalandırma sistemi qoşulduqda sərnişinlər salonun həddindən artıq soyuq olmasından gileylənirdilər.

Nigar İsgəndərova, Sputnik Azərbaycan

BAKI, 4 may — Sputnik. "Avtobuslarda sərinləndirmə sistemləri - kondisionerlər əsasən yay mövsümündə işə salınır. Sərnişinlərimizin rahatlığı nəzərə alınaraq daha erkən tarixdə də işə salınması mümkündür. Bu da daha çox hava şəraitindən, havanın temperatur göstəricilərindən asılıdır". Bu barədə Sputnik Azərbaycan-ın sorğusuna cavab olaraq Bakı Nəqliyyat Agentliyinin mətbuat katibi Mais Ağayev deyib. 

O bildirib ki, indiki vəziyyətdə səhər və günorta saatlarında temperatur müəyyən qədər yüksək olsa da, axşama doğru hava bir az sərinləşir: "Nəticədə sərnişinlərin bir qismi, tam əksinə, kondisionerin işləməsindən şikayət edir. “BakuBus” avtobuslarında isə kondisionerlərin işləmə mexanizmi mərkəzləşdirilmiş qaydada həyata keçirilir. Yəni sürücü istədiyi vaxt onu işə salıb-söndürə bilmir".

"Ona görə indiki halda avtobusun salonunda havalandırmanı təmin etmək üçün yan pəncərələr açıq saxlanılır. Təbii havanın temperatur göstəriciləri davamlı olaraq yüksək olarsa və zərurət yaranarsa, kondisionerlərin işə salınmasına dair göstəriş veriləcək", - deyə qurum rəsmisi əlavə edib.

Qeyd edək ki, havaların isinməsinə baxmayaraq, "BakuBus" avtobuslarında havalandırma sisteminin işləməməsinə görə iradlara sürücülərin "buna görə icazəmiz yoxdur" cavabı, demək olar ki, hər gün narazılıqlara səbəb olur. Bu gün də M2A marşrutu üzrə hərəkət edən 15-019 eyniləşdirmə kodu olan avtobusda da eyni vəziyyət yaşanıb. Qurumun rəsmisinin bildirdiyi kimi, yan pəncərələr açıq olub, ancaq bu belə sərnişinlərin rahatlığını təmin etməyib. Onlar maskalı olduqları üçün daha çox havasızlıqdan əziyyət çəkdiklərini bildirərək sürücüdən havalandırma sistemini qoşmağı tələb ediblər.

Bundan başqa, qeyd edək ki, indikindən fərqli olaraq qışda - soyuq aylarda eyni xətt üzrə hərəkət edən avtobuslarda havalandırma sistemi qoşulduqda sərnişinlər salonun həddindən artıq soyuq olmasından gileylənirdilər.

37
Teqlər:
temperatur, hava, narazılıq, sürücülər, sərnişinlər, BNA, kondisioner, avtobus
Edvgerial saytın istifadəçisi

ƏDV-nin qaytarılmasında nüanslar: daha tez mümkündürmü?

2
(Yenilənib 21:47 16.05.2021)
Bu ilin ilk rübündə çek əlavə edən müştərilərin sayında artım dinamikası müşahidə edilib. Bu da "ƏDV geri al" layihəsinə olan marağın sürətlə artmasını göstərir. İqtisadçılar ƏDV-nin geri qaytarılması məsələsindən danışıblar.

Xalid Məmmədov, Sputnik Azərbaycan

BAKI, 16 may — Sputnik. 2020-ci ilin may ayından ölkədə pərakəndə ticarət və ictimai iaşə obyektlərindən alınmış mallara görə ödənilən ƏDV-nin bir hissəsinin geri qaytarılmasını nəzərdə tutan mexanizm uğurla tətbiq edilir. Həmin dövrdən 2021-ci ilin 1-ci rübünün sonunadək istehlakçılara 60,2 milyon manat geri qaytarılıb. 2021-ci ilin 1-ci rübü ərzində çek əlavə edən müştərilərin sayında artım dinamikası müşahidə edilib. Bu da "ƏDV geri al" layihəsinə olan marağın sürətlə artmasını göstərir.

Bəs maraqlıdır, hansı mal və məhsullara ƏDV tətbiq edilmir? Vətəndaşa ƏDV-nin 1 ay içərisində deyil, daha tez geri qaytarılması mümkündürmü?

İqtisadçı Rəşad Həsənov Sputnik Azərbaycan-a deyib ki, kənd təsərrüfatı məhsulları, çörək, un və digər bir sıra məhsullar ƏDV-dən azaddır:

"Xüsusilə yeni nəsil kassa aparatlarında hər bir məhsul növü üzrə ƏDV ayrıca hesablanır. ƏDV-nin hesablanması 0-18 faiz arasında aparılır. Ola bilər ki, vətəndaşın marketdən aldığı məhsulların bir çoxu ƏDV-dən azaddır və belə olan halda az ƏDV geri qaytarılır. Ümumiyyətlə, ticarət müəssisələrinin ƏDV-nin hesablanması prosesi ilə heç bir əlaqəsi yoxdur".

Ekspertin fikrincə, ƏDV-nin daha tez geri qaytarılması mümkün deyil: "1 ay ərzində Vergi Xidməti yoxlamalar aparır. Bu proses kütləvi şəkildə olduğu üçün burada 1 ay vaxt lazım olur".

İqtisadçı Radil Fətullayev də Sputnik Azərbaycan-a deyib ki, bütün məhsullar ƏDV-yə cəlb edilmir: "Məsələn, damazlıq heyvanların, toxum və tinglərin, mineral gübrələrin, pestisidlərin idxalı və satışı, heyvan və quş ətinin satışı, kəpəyin istehsalı və satışı, heyvandarlıq və quşçuluq təsərrüfatlarında istifadə edilən yem və yem əlavələrinin satışı üzrə dövriyyələr, külçə, sikkə və ya qranula şəklində qızılın və gümüşün satışı ƏDV-dən azaddır".

ƏDV-nin daha tez geri qaytarılması məsələsinə də toxunan iqtisadçı bildirib ki, qanuna görə, 15 gün ərzində vətəndaşın məhsulu və ya malı mağazaya geri qaytarmaq hüququ var: "Ona görə də ƏDV-nin vətəndaşa geri qaytarılması 15 gündən tez ola bilməz və bu proses 1 ay çəkir. Ola bilər, vətəndaş 15 gün ərzində mağazadan aldığı malı geri qaytarsın".

O bildirib ki, yanacaqdoldurma məntəqələrindən neft və qaz məhsullarının alışı zamanı ödənilən ƏDV geri qaytarılmır:

"Onsuz da yanacaqdoldurma məntəqələri kassa çekini vururdular. Burada əsas hədəf kassa çekini vurmayan müəssisələri buna təşviq etməkdir. Başqa sözlə, bu istiqamətdə ictimai nəzarəti artırmaqdır".

Xatırladaq ki, ƏDV-nin müəyyən hissəsinin qaytarılması zamanı bir neçə məqama diqqət yetirilməlidir. İlk növbədə, istehlakçı, yəni alış-veriş edən və ya xidmətdən yararlanan tərəf fiziki şəxs olmalıdır. İkincisi, satıcı və ya xidmət göstərən tərəf mütləq ƏDV ödəyicisi olmalıdır. Eyni zamanda, alınan mal və ya xidmətlər də ƏDV-yə cəlb edilməlidir. Digər məqam isə satıcının yeni nəsil kassa aparatlarından istifadə etməsidir. ƏDV-nin bir hissəsinin qaytarılması yalnız yeni nəsil kassa aparatlarının tətbiq olunduğu obyektlərdə mümkündür.

İstehlakçı alınmış malların dəyərini nağd və ya nağdsız qaydada ödəyə bilər. ƏDV məbləğinin nağdsız ödənişlər üzrə 15 faizi, nağd ödənişlər üzrə isə 10 faizi müvəkkil banklar tərəfindən alıcının elektron kabineti açılarkən yaradılmış virtual "pul qabı"na yerləşdirilir. İstifadəçilər toplanmış vəsait ilə kommunal, mobil, internet, TV, cərimə və sığorta ödənişlərini həyata keçirə, həmçinin ölkədaxili bank kartlarına köçürmələr edə bilərlər.

Eləcə də oxuyun: 

* ƏDV, aksiz və mənfəət vergilərinin xüsusi çəkisi artıb

Banklar Assosiasiyasından vətəndaşların narazılığına səbəb olan məsələ ilə bağlı açıqlama

"Məsələ ciddidir. Biz isə yumor, ironiya istedadımızı nümayiş etdiririk"

2
Teqlər:
müddət, qaydalar, qaytarılma, vətəndaş, ƏDV

Vladimir Putin azərbaycanlıları mükafatlandırdı

4
(Yenilənib 21:24 16.05.2021)
Rusiya-Azərbaycan mədəni əlaqələrinin möhkəmləndirilməsində göstərdiklərə xidmətə və Azərbaycanda rus teatr sənətinin ənənələrini yaşatdıqlarına görə Azərbaycanın incəsənət xadimləri təltif olunublar.

BAKI, 16 may - Sputnik. Rusiya Federasiyasının Prezidenti Vladimir Putin Rusiya-Azərbaycan mədəni əlaqələrinin möhkəmləndirilməsində göstərdiklərə xidmətə və Azərbaycanda rus teatr sənətinin ənənələrini yaşatdıqlarına görə Azərbaycanın incəsənət xadimlərini təltif edib. 

Sputnik Azərbaycan bildirir ki, bu barədə Trend yazır.

Azərbaycan Dövlət Akademik Rus Dram Teatrının direktoru Ədalət Hacıyev Puşkin medalına, teatrın baş rejissoru, Azərbaycanın Xalq artisti Aleksandr Şarovski "Dostluq" ordeninə layiq görülüb.

2020-ci ildə Azərbaycanın Xalq yazıçısı Çingiz Abdullayev də Vladimir Putinin sərəncamı ilə "Dostluq" ordeni ilə təltif olunmuşdu. 

Xatırladaq ki, 2021-ci ildə Azərbaycan Prezidenti İlham Əliyev Azərbaycan Dövlət Akademik Rus Dram Teatrının əməkdaşlarının orden və medallarla təltif olunması, eləcə də onlara mədəniyyət sahəsində fəxri adların verilməsi barədə sərəncam imzalamışdı.

4
Teqlər:
Rus Dram Teatrı, S.Vurğun adına Azərbaycan Dövlət Rus Dram Teatrı, təltif, Vladimir Putin