Baş Muğan kanalı, arxiv şəkli

"Muğan kanalı da, Bolqarçay da boş-boşuna axıb"

26
(Yenilənib 12:39 04.05.2021)
Deputat: "Bütün payız və qışboyu Cənub Muğan kanalı da, Bolqarçay da boş-boşuna axıb gedib. Əgər bizim Bolqarçay su anbarı zamanında təmir olunsaydı, bu su 2 fəsil ərzində israf olunmazdı".

Xalid Məmmədov, Sputnik Azərbaycan

BAKI, 4 may — Sputnik. "Hələ yaz olmasına baxmayaraq, artıq Biləsuvarın bir sıra kəndləri – Yuxarı Cürəli, Ağalıkənd, Çinarlı, Aranlı, Təzəkənd, Ovçubərə, Dərvişli, İsmətlinin və Bəydilinin bir hissəsi yenidən həm içməli, həm də suvarma su təminatı ilə bağlı problemlərlə üz-üzə qalıb".

Sputnik Azərbaycan xəbər verir ki, bunu parlamentin bugünkü plenar iclasında deputat Bəhruz Məhərrəmov deyib.

O bildirib ki, məsələ köklü həll olunmalıdır: "Bütün payız və qışboyu Cənub Muğan kanalı da, Bolqarçay da boş-boşuna axıb gedib. Əgər bizim Bolqarçay su anbarı zamanında təmir olunsaydı, bu su 2 fəsil ərzində israf olunmazdı. Ona görə də hökumət strukturlarından bir daha xahiş edirəm, Bolqarçay su anbarının təmiri məsələsini tezləşdirsinlər. Çünki Biləsuvar pambıqçılıq rayonudur, insanların güzəranı torpaqdan çıxır. Bu, büdcə üçün yük ola bilər, amma sizi əmin edirəm, Bolqarçay su anbarına qoyulan vəsait ən qısa zamanda özünü doğruldaraq, əliqabarlı Biləsuvar kəndlisinin zəhməti sayəsində artıqlaması ilə büdcəyə geri dönəcək".

26
Teqlər:
Biləsuvar, təmir, su anbarı, çay

"Eurovision-2021": Azərbaycan təmsilçisi finala yüksəldi

36
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

36
Təcili tibbi yardım avtomobili, arxiv şəkli

Lənkəranda piyadanın ölümü ilə nəticələnən yol-nəqliyyat hadisəsi olub

9
Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib.

BAKI, 18 may - Sputnik, Rahim Muradov. Lənkəranda avtomobil piyadanı vurub. Sputnik Azərbaycan-ın məlumatına əsasən, hadisə rayonun Şağlaser kəndi ərazisində baş verib.

Gecə saatlarında adı hələlik məlum olmayan Masalli rayonu Alvadı kənd sakini idarə etdiyi "VAZ 2107" markalı minik avtomobili ilə Şağlaser kənd sakini 57 yaşlı Ağaziyad Əliyevi vurub. Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib. Ağaziyad Əliyevin meyiti aidiyyatı üzrə Məhkəmə Tibbi Ekspertiza və Və Patoloji Anatomiya Mərkəzinin Lənkəran Rayon Şöbəsinə təhvil verilib.

Faktla bağlı araşdırma aparılır.

9