Yusifzade Xudayar

Xudayar Yusifzadənin anası: "Məhkəməyə üz tutacağam"

1439
(Yenilənib 16:46 29.04.2021)
Rada xanım: "Bütün analar deyir ki, siz kaş onu elə cəzalandırmazdınız, elə verərdiniz bütün şəhid analarının əlinə, onda görün necə olurdu".

Nigar İsgəndərova, Sputnik Azərbaycan

BAKI, 29 aprel — Sputnik. "Biz onun kimilər üçün deyil, dəmir yumruq üçün, dəmir yumruğun əzələləri üçün, torpaq üçün vuruşmuşuq". Bu sözləri Sputnik Azərbaycan-a açıqlamasında şəhid Xudayar Yusifzadənin qardaşı Məhəmməd Yusifzadə deyib.

O həmin şəxslə bağlı heç bir fikir bildirmək istəmədiyini deyib: "Mən onun haqda nə deyə bilərəm ki?! Bu adam rəhbər vəzifədə olanları da söyür, nə deyim daha?".

© Photo: Sirxan Mammedov
Yusifzade Xudayar anası ilə

Daxili İşlər Nazirliyi şəhid Xudayar Yusifzadə haqda ironik paylaşım edən gəncin döyülməsi ilə bağlı araşdırmalara başlanıldığını açıqlayıb. DİN Mətbuat xidmətinin şöbə rəisi, polis mayoru Elşad Hacıyev Sputnik Azərbaycan-a açıqlamasında bildirib ki, dünən axşam saatlarında Bakı şəhərində vətəndaş Fuad Rəsulzadənin döyülməsini əks etdirən videogörüntülərdən məlumatlıdırlar: "Vətəndaşa fiziki təzyiq göstərməklə onu döyməkdə şübhəli şəxslərin müəyyən olunması istiqamətində tədbirlər davam etdirilir. İctimaiyyətə əlavə məlumat veriləcək".

Şəhidimizin anası Rada xanım da bu məsələ ilə bağlı Sputnik Azərbaycan-a danışıb və bu işi belə qoymayacağını bildirib: "Mən o şərəfsiz, içimizdə qalan erməninin müsahibəsini oxudum. O, bütün Azərbaycan xalqının qarşısında, bütün şəhid və qazi analarının qarşısında efirdən üzr istəməlidir. Yoxsa mən ondan əl çəkən deyiləm. O, bir-iki dənə yumruq, şillə-təpik yeməklə elə bildi ki, onunla qurtaracağıq?! Yox. Məni, onu döyəni, döydürənləri hədələyir, deyir ki, məhkəməyə üz tutacağam. Mən səndən qabaq məhkəməyə üz tutacağam. Mənim oğlum gedib döyüşsün, torpaq alsın, erməni ilə üz-üzə gəlsin, bu isə hansısa kafe, restoran, çayxana, ya nə bilim, elə evdə rahatca ləbləbisi, çayını qabağına qoyub oğlumla zarafat etsin. Mənim oğlum şəhiddir, ona kim haqq verir ki, şəhidimlə, ökə başçısı, Nəsimi ilə zarafat etsin? Kimdir o?! Deməli o, Azərbaycan xalqının düşmənidir. Mən onu ayrı cür görə bilmirəm. İnanın, neçə gündür nə stress keçirirəm, onu ancaq o göydəki Allah bilir. Ağrıdan ürəyim çatlayır".

"Bütün analar deyir ki, siz kaş onu elə cəzalandırmazdınız, elə verərdiniz bütün şəhid analarının əlinə, onda görün necə olurdu. Onun hər tikəsini bir çöldən yığardılar. O necə deyə bilər ki, mən şəhidlə bağlı zarafat etdim ki, gülsünlər?! Çox gülməli idi? Oğlum şəhid oldu ki, kimsə ona gülsün?! Görün balalarını yiyəsiz qoyan, anasını tək qoyan nə qədər şəhidimiz var?! O kimdir ki, bu sözləri desin. O, bu gün Xudayarla bağlı yazırsa, sabah da başqa şəhidlər haqda danışacaq. Lazım olsa, bütün şəhid, qazi analarını tökəcəm onun üstünə", - deyə Rada xanım əlavə edib.

Rada xanım deyir ki, səhhəti bir qədər yaxşılaşan kimi Bakıya gələcək və bu məsələ ilə bağlı lazımi bütün addımları atacaq.

Xatırladaq ki, Fuad Rəsulzadə adlı şəxs şəhid Xudayar Yusifzadə haqda ironik paylaşımında "Xudayar çoxdandır təzə mahnı buraxmır" deyə yazmışdı.

Xatırladaq ki, Vətən müharibəsi şəhidi Xudayar Yusifzadənin döyüşlər ərəfəsində işğaldan azad edilmiş ərazidə oxuduğu mahnılar geniş yayılıb.

1439
Taliban hərəkatının üzvü, arxiv şəkli

"Taliban"a qoşulan azərbaycanlılar həbs edildilər - VİDEO

11
(Yenilənib 16:12 07.05.2021)
Onlar əvvəlcə İrana, oradan isə qeyri-leqal yollarla Pakistana keçib və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak ediblər.

BAKI, 7 may — Sputnik. Azərbaycan Respublikasının vətəndaşlarının ölkə hüdudlarından kənarda, digər dövlətlərin ərazisindəki qanunsuz silahlı birləşmələrin tərkibində iştirak etmələri ilə əlaqədar toplanmış materiallar əsasında əməliyyat-istintaq tədbirləri aparılıb.

Sputnik Azərbaycan-a DTX-dan daxil olan məlumatda bildirilir ki, araşdırmalar nəticəsində, Azərbaycan Respublikasının vətəndaşları – 1977-ci il təvəllüdlü Məmmədov Yəhya Şərməddin oğlunun, 1985-ci il təvəllüdlü Cəbiyev Elnur Güloğlan oğlunun və qeyrilərinin ölkə hüdudlarından kənarda aparılan münaqişələrdə qanunsuz silahlı birləşmələrin tərkibində iştiraklarına dair əsaslı şübhələr müəyyən edilmişdir. Keçirilmiş əməliyyat-axtarış tədbirləri nəticəsində Yəhya Məmmədov və Elnur Cəbiyevin müvafiq olaraq 2010-cu ilin noyabr və dekabr aylarında ölkəni tərk edərək əvvəlcə İran İslam Respublikasına, oradan isə qeyri-leqal yollarla Pakistan İslam Respublikasına keçdikləri və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak etdikləri məlum olmuşdur.

Qeyd olunan faktlarla bağlı Dövlət Təhlükəsizliyi Xidmətində başlanılmış cinayət işi üzrə Yəhya Məmmədov və Elnur Cəbiyev saxlanılaraq Azərbaycan Respublikası Cinayət Məcəlləsinin 12.1, 279.1-ci (Azərbaycan Respublikasından kənarda qanunvericilikdə nəzərdə tutulmayan silahlı birləşmələrin fəaliyyətində iştirak etmə) maddəsi ilə təqsirləndirilən şəxs qismində məsuliyyətə cəlb olunmuş və barələrində məhkəmənin qərarı ilə həbs qətimkan tədbiri seçilmişdir. Hər iki şəxs törətdikləri cinayət əməllərini etiraf edərək səmimi peşmanlıq hissi keçirdiklərini bildirmişlər.

Hazırda cinayət işi üzrə istintaq-əməliyyat tədbirləri davam etdirilir.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb. 

11
Teqlər:
video, həbs, azərbaycanlılar, Pakistan, İran, "Taliban" hərəkatı
Teoloq hacı Adil Hüseynoğlu

Pandemiya İslam aləmində hansı fəsadlara yol açıb teoloq danışır

8
(Yenilənib 15:40 07.05.2021)
Teoloq Hacı Adil Hüseynoğlu deyir ki, bir çox hallarda müasir texnologiya, insanların iqtisadi durumunun yaxşılaşması arxayınlıq yaradır və inancın soyumasına gətirib çıxarır.
Hacı Adil Hüseynoğlu: “Pandemiyanın fəsadları İslam aləmindən də yan keçməyib”

“Pandemiya bütün dünya üçün olduğu kimi, İslam aləmi üçün də sınaq dövrüdür”. Bunu Sputnik Azərbaycan Multimedia Mətbuat Mərkəzində keçirilmiş mətbuat konfransında teoloq Hacı Adil Hüseynoğlu deyib.

Teoloqun sözlərinə görə, müxtəlif dövrlərdə olduğu kimi Allah insanları pandemiya ilə sınağa çəkir: “Bu xəstəliklər insanların özünə qayıdışı üçün oyanış yaradır. Bir çox hallarda müasir texnologiya, insanların iqtisadi durumunun yaxşılaşması arxayınlıq yaradır və inancın soyumasına gətirib çıxarır. Pandemiya göstərdi ki, bütün texnologiyalar Allahın qüdrətinin qarşısında acizdir. Pandemiyanın fəsadları İslam aləmindən də yan keçməyib. Biz görürük ki, artıq kütləvi ibadət ənənələri uzun müddətdir ki, dayandırılıb. Bu da insanlar arasında öz mənfi təsirini qoyur”.

Hacı Adil Hüseynoğlunun fikirlərinə audiofaylda qulaq asa bilərsiniz

8
ABŞ bayrağı, arxiv şəkli

ABŞ-ın son məktubu "F-35 məsələsində" Türkiyəni haqlı çıxardı

0
(Yenilənib 16:14 07.05.2021)
İsmayıl Dəmir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq".

BAKI, 7 may — Sputnik. ABŞ-ın son məktubu bizi haqlı çıxardı, Türkiyənin F-35 proqramından kənarlaşdırılmasının hüququ əsası yoxdur – bu fikri Türkiyənin müdafiə sənayesi naziri İsmail Dəmir səsləndirib.

Sputnik Azərbaycanın Türkiyənin NTV kanalına istinadla verdiyi xəbərə görə, Dəmir: "Bu məsələ ilə bağlı imzalanmış qarşılıqlı memoranduma əsasən, hər hansı bir tərəfdaşın proqramdan çıxarılması yalnız bütün tərəfdaşların yekdilliklə verilmiş qərarı əsasında mümkündür", - deyə bildirib.

O qeyd edib ki, bu baş vermədiyi təqdirdə ABŞ-ın "Türkiyəni proqramdan çıxartdım" açıqlamasının heç bir hüquqi əsası yoxdur.

Nazir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq", – deyib.

Qeyd edək ki, Amerika Birləşmiş Ştatları Rusiyadan S-400 zenit-raket kompleksi aldığına görə Türkiyənin F-35 qırıcılarının istehsalı proqramından çıxarılması barədə Ankaranı rəsmi şəkildə məlumatlandırıb. Məlumatda bildirilir ki, ABŞ 2007-ci ilin yanvarında imzalanmış F-35-lərin istehsalı üzrə birgə memorandumu ləğv edib.

Xatırladaq ki, bu memoranduma əsasən, Ankara öz üzərinə 100 ədəd F-35 tipli qırıcı almaq öhdəliyi götürmüşdü. Türkiyə, həmçinin F-35-lər üçün 1000-dən artıq komponentin istehsalında da iştirak edib.

0
Teqlər:
"F-35" qırıcı təyyarəsi, Türkiyə, ABŞ