Xəstəxanada uşaq, arxiv şəkli

Cinsi orqanı kəsilən uşağın anası - "O qadın uşağımı yenə hədələyir"

2943
(Yenilənib 17:19 21.04.2021)
"Qadın bu işi qızı ilə birgə görüb. Uşaq əllərindən qaçıb evə gəlməsəydi, qanaxmadan ölə bilərdi" - zərərçəkmişin anası.

Zülfiyyə Quluyeva, Sputnik Azərbaycan

BAKI, 21 aprel — Sputnik. Zaur Baxşəliyevin aparıcılıq etdiyi "Bizimləsən" verilişində Bərdə rayonunda bir neçə gün öncə 10 yaşlı uşağın cinsi orqanını kəsən 40 yaşlı Aidə Əzizovanın çıxış etməsi ictimaiyyətdə geniş rezonansa səbəb olub. Milli Televiziya və Radio Şurasının qərarı ilə verilişin yayımı bir günlük dayandırılaraq ATV telekanalına qarşı dörd min manat məbləğində cərimə iddiası qaldırılsa da, cinayət törədənlərin efirə çıxması birmənalı qarşılanmır.

Sputnik Azərbaycan-a məsələ ilə bağlı açıqlama verən teletənqidçi Qulu Məhərrəmli bildirib ki, bu hadisəni törədən şəxsin əməli barədə çıxıb efirdə danışması təqdir ediləcək hal deyil:

"Canlı efirlərdə bu cür halların olmasını ciddi qəbahət hesab edirəm. Azərbaycanda bunların hamısı sensiya axtarışı, qeyri-adilik, reytinq məqsədi güdür. Televiziyalar veriliş hazırlayır və bundan reytinq qazanmaq istəyirlər".

Q.Məhərrəmli deyir ki, mahiyyət etibarilə verilişin aparıcısı Zaur Baxşəliyev istedadlı aparıcıdır: "Onun düşüncəsi, veriliş aparmaq qabiliyyəti var. Amma bu verilişin redaktoru, prodüsseri var ki, onlar məsuliyyətli olmalıdırlar. Məsələnin mahiyyətini bilə-bilə bu cür cinayətin efirdə etiraf olunması yolverilməzdir. Məsuliyyət və peşəkarlıq olmadıqda bu cür hallar ortaya çıxır. Bu baxımdan mən MTRŞ-nın addımını çox doğru hesab edirəm. Bu cür kəskin reaksiyalar olmasa, efirdə belə hallar tez-tez baş verər".

Teletənqidçi bildirir ki, telekanallar məsuliyyəti artırmalı, efirə gedəcək materiallara diqqət yetirməlidirlər. Bunun üçün isə yaradıcı qrupda məsul şəxslər olmalıdır. Q.Məhərrəmli onu da əlavə edib ki, efirə məsul şəxslər ictimai əxlaq normasını unudurlar. Bu da çox məsuliyyətsiz yanaşmadır.

Azərbaycan Uşaqlar Birliyinin sədri Kəmalə Ağazadə isə bildirib ki, uşaqlara qarşı bu cür zorakılıq yolverilməzdir. K.Ağazadə deyir ki, həmin qadının efirə gələnədək məsuliyyətə cəlb edilməməsi anormaldır:

"Polis o qadını efirə gəlməmiş götürüb aparmalıydı. Bu qadının əməlini çıxıb efirdən yaxşı bir iş kimi danışması təəccüb doğurur. Bu gün çox təəssüf ki, o qadının əməlinə haqq qazandıranlar da var. Bu çox dəhşətli məsələdir", - deyə K.Ağazadə bildirib.

Bərdə Rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Əlzamin İsayev ailəlikcə koronavirusa yoluxduqlarından məsələdən xəbərsiz olduğunu bildirib. İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə Məsləhətçi-psixoloqu İsa İsmayılov isə bu məsələdən xəbərdar olduğunu desə də onlara rəsmi məktub daxil olmadığını söyləyib.

Hadisə zamanı xəsarət alan 10 yaşlı uşağın valideyni Ülviyyə Mirzalıyeva Sputnik Azərbaycan-a açıqlamasında bildirib ki, övladının durumu hazırda çox pisdir: "Uşağı həkimə aparmışıq, cinsi orqanına tikiş qoyulub. Cinayəti törədən qadın uşağımın sünnət dərisindən kəsib. Bu işi qızı ilə birgə görüb. Uşaq əllərindən qaçıb evə gəlməsəydi, qanaxmadan ölə bilərdi".

Ülviyyə Mirzəliyeva bu hadisədən sonra uşağın psixologiyasında ciddi problem olduğunu söyləyir. Onun sözlərinə görə, uşağı gecələr yatmır, tez-tez qışqıraraq oyanır. Valideyn bu hadisənin binada yaşayanları da xofa saldığını söyləyir: "İnanın ki, bütün bina hadisədən sonra narahatdır. Heç kəs uşağını bayıra buraxmaq istəmir. Bu qadının azadlıqda olması uşaqların həyatı üçün təhlükədir. Mən onun yaşadığı binadan kirayədən çıxıb bir qədər kənarda ev kirayə götürmüşəm. Amma yenə uşaq qorxur".

Valideyn bildirir ki, qadın bu əməlindən peşman deyil və özünə haqq qazandırır:

"Binanın qarşısında qışqırır ki, pulunu verib cəzadan qurtulacaq. Mən aidiyyəti qurumlardan xahiş edirəm ki, bu qadının layiqli cəza almasını təmin etsinlər. Şikayətimi geri götürməyəcəm. Çünki mənim övladımı yenidən cinsi orqanını kəsməklə hədələyir".

Daxili İşlər Nazirliyinin (DİN) Mətbuat xidmətinin şöbə rəisi, polis mayoru Elşad Hacıyev Sputnik Azərbaycan-a bildirib ki, artıq hadisə ilə bağlı cinayət işi açılıb: "Faktla bağlı Bərdə rayon Polis Şöbəsinin İstintaq bölməsində Cinayət Məcəlləsinin 128-ci maddəsi ilə cinayət işi başlanılıb. İstintaq hərəkətləri davam etdirilir. İstintaq yekunlaşdıqdan sonra iş materialları məhkəməyə göndəriləcək".

Qeyd edək ki, Bərdə rayonunda bir neçə gün öncə 40 yaşlı Aidə Əzizova 10 yaşlı uşağın cinsi orqanını kəsib. O, bu əməlini ATV telekanalında yayımlanan "Bizimləsən" verilişində açıq şəkildə danışaraq əməlinə haqq qazandırıb. Bildirib ki, 10 yaşlı oğlan onun 3 yaşlı qızına qarşı seksual hərəkətlər edib.

2943
Şuşada konsert, arxiv şəkli

Şuşada "Xarıbülbül" musiqi festivalı keçiriləcək

5
32 ildən sonra Cıdır düzündə keçiriləcək budəfəki "Xarıbülbül" musiqi festivalı Heydər Əliyev Fondu tərəfindən təşkil olunur

BAKI, 7 may — Sputnik. Azərbaycan Prezidenti İlham Əliyevin tapşırığına uyğun olaraq, Azərbaycanın mədəniyyət paytaxtı Şuşa şəhərində "Xarıbülbül" musiqi festivalı keçiriləcək.

Sputnik Azərbaycan-ın məlumatına görə, bu barədə Heydər Əliyev Fondundan məlumat verilib.

Bildirilib ki, Şuşanın rəmzi olan gülün adını daşıyan "Xarıbülbül" musiqi festivalı ilk dəfə 1989-cu ilin may ayında Şuşanın əsrarəngiz Cıdır düzündə təşkil olunub.

32 ildən sonra Cıdır düzündə keçiriləcək budəfəki "Xarıbülbül" musiqi festivalı Heydər Əliyev Fondu tərəfindən təşkil olunur. Hazırda festivala son hazırlıq işləri görülür.

Festival çərçivəsində Cıdır düzündə Azərbaycanda yaşayan müxtəlif xalqların musiqi yaradıcılığı "Azərbaycan musiqisində multikulturalizm" mövzusunda təqdim ediləcək, xalq mahnıları və klassik musiqidən ibarət proqram təşkil olunacaq.

5
 Türkiyə Prezidenti Rəcəb Tayyib Ərdoğan, arxiv şəkli

Rəcəb Tayyib Ərdoğan: "Elmdə qısqanclıq olmaz"

4
(Yenilənib 17:10 07.05.2021)
Türkiyə Prezidenti bildirib ki, bəşəriyyətin sağlamlığı ilə bağlı mövzuda "bunu biz istehsal etmişik, heç kimə vermərik" anlayışı çox səhv yanaşmadır.

BAKI, 7 may — Sputnik. "Rus peyvəndi "Sputnik"-lə əlaqədar Putinlə danışdıq, ölkəmizə çox ciddi miqdarda peyvənd alacağıq. Daha sonra Türkiyədə də istehsala başlayacağıq". Bu fikri Türkiyə Prezidenti Rəcəb Tayyib Ərdoğan jurnalistlərlə müsahibəsində səsləndirib. Sputnik Türkiyə-nin yaydığı xəbərə görə, Ərdoğan COVID-19 peyvəndi ilə bağlı patentlərin ləğv olunması məsələsinə dair mübahisələrə də toxunaraq, "Bilik bütün bəşəriyyətin ortaq mülkiyyətidir, elmdə qısqanclıq olmaz" deyib.

Prezident qeyd edib ki, Türkiyə yerli peyvəndi yalnız öz vətəndaşları ilə deyil, bütün dünya ilə paylaşmağa hazırdır.

Ərdoğan onu da vurğulayıb ki, bəşəriyyətin sağlamlığı ilə bağlı mövzuda "bunu biz istehsal etmişik, heç kimə vermərik" anlayışı çox səhv yanaşmadır.

"Hazırda Türkiyədə yerli peyvəndin istehsalı ilə bağlı ciddi iş gedir. İnşallah, sentyabr-oktyabr aylarına kimi hazır olar", – deyə Ərdoğan qeyd edib.

4
Vladimir Putin və Co Bayden arasında görüş, 2011-ci il

Bayden Putinin görüşü: Bakının şansı qədərdir?

1539
Əgər Bayden erməni tərəfinə bağlılığından əl çəksə, o zaman rahat şəkildə Xəzərin Azərbaycan sahilində rusiyalı həmkarı ilə ciddi danışıqlar apara bilər.

BAKI, 7 may — Sputnik. ABŞ və Rusiya Prezidentləri Co BaydenVladimir Putin Azərbaycanın paytaxtı Bakıda görüşə bilər. Sputnik Azərbaycan "Politico" nəşrinə istinadən xəbər verir ki, bu barədə ABŞ-ın sabiq rəsmi şəxsləri bildiriblər.

Bu ilin aprelində Çexiya Baş nazirinin birinci müavini (həmin vaxt Çexiya XİN-in səlahiyyətlərini icra edirdi) Yan Qamaçek bildirib ki, bu ölkənin Moskva və Vaşinqtondakı səfirlərinə Rusiya – ABŞ sammitinin Praqada keçirilməsini təklif etməyi tapşırıb. Bu bəyanat Çexiya və Rusiya arasında diplomatik böhran baş verməmişdən qabaq səsləndirilib.

ABŞ-ın sabiq rəsmi şəxsləri və analitikləri bəyan ediblər ki, hər iki prezidentin görüşü Çexiya paytaxtı Praqa, İslandiya paytaxtı Reykyavik, Sloveniya paytaxtı Lyublyana və Azərbaycan paytaxtı Bakıda da keçirilə bilər.

Nəşr qeyd edir ki, Bakının görüş yeri kimi seçilməsi də gəzinti kimi bir şey olardı, xüsusilə ABŞ tərəfi üçün. Azərbaycanın həm Vaşinqton, həm də Moskva ilə güclü əlaqələri olmasına baxmayaraq, bu, qeyri-standart seçim olardı. Baydenin Bakıya gəlmə şansları o qədər də yüksək deyil. Səbəblərdən biri: Azərbaycan və Ermənistan arasında ötən il Dağlıq Qarabağda baş tutan qısamüddətli müharibədir.

"Politico" yazır ki, Baydenin Bakıya səfəri böyük ehtimalla Ermənistanı, həmçinin erməni əsilli amerikalıları narahat edəcək: "Bayden bu yaxınlarda 20-ci əsrin əvvəllərində baş verən "erməni soyqırımı"nı rəsmi olaraq tanıyaraq bu icmanın əksəriyyətini sevindirdi".

Bakının üstünlükləri 
Sözsüz ki, əgər bu görüş həqiqətən baş tutacaqsa, tərəflər onun harada keçirilməsi barədə qərarı özləri verəcəklər. Lakin biz, “Politico”dan fərqli olaraq, Bakını görüşün keçirilmə ehtimalı olan yerlər siyahısından silmirik.
Birincisi, ona görə ki, elə bu günlərdə ABŞ prezidentinin administrasiyası “Azadlığa dəstək aktı”na 907-cü düzəlişin dayandırılması müddətini uzadıb. Beləliklə, Bayden Azərbaycana birbaşa yardım etməyə icazə verib.
Özü də bu barədə ABŞ dövlət katibi Entoni Blinken Azərbaycan prezidenti İlham Əliyevə şəxsən telefonla məlumat verib ki, bu da Amerika tərəfinin Bakı ilə münasibətlər qurmaq niyyətindən xəbər verir.
İkincisi, Azərbaycan paytaxtı artıq neçə illərdir ki, ciddi beynəlxalq tədbirlərə ev sahibliyi edir, həmçinin ABŞ və Rusiyadan olan yüksək mənsəb sahiblərinin görüşləri üçün şərait yaradır.


Belə ki, 2017-ci ildə Bakıda Rusiya Silahlı Qüvvələrinin Baş qərargah rəisi, general Valeri Gerasimov və NATO Hərbi komitəsinin rəhbəri Petr Pavel arasında görüş olub. Daha sonra, 2018-ci ildə Gerasimov iki dəfə Bakıda NATO birləşmiş qüvvələrinin ali baş komandanı Kertis Skaparotti ilə görüşüb. 2019-cu ildə isə Gerasimov bir daha Bakıya gələrək burada NATO Hərbi komitəsinin sədri ilə görüşüb.
2020-ci ilin fevralında, pandemiya ərəfəsində Azərbaycan paytaxtında rusiyalı generalın NATO-nun Avropadakı birləşmiş qüvvələrinin baş komandanı Tod Uolterslə danışıqları da keçirilib.
Bütün hallarda danışıqlar yüksək səviyyədə keçirilib və tərəflər Azərbaycan hakimiyyətinə tədbirlərin keçirilməsi üçün şərait yaratdığına görə minnətdarlıq ifadə ediblər.
Odur ki, əgər Bayden erməni tərəfinə bağlılığından əl çəksə, o zaman rahat şəkildə Xəzərin Azərbaycan sahilində rusiyalı həmkarı ilə ciddi danışıqlar apara bilər.
Həm də ki, hazırda Bakı, bir çox Avropa paytaxtlarından fərqli olaraq, pandemiyadan sonra özünə gəlməyə başlayır. Şəhərdə faktiki olaraq heç bir məhdudiyyət yoxdur və baxmalı yerlər də var. Məsələn, dünyada yeganə olan “Suraxanı tanker-muzeyi”, İçəri Şəhərin Qoşa Qala qapısı yanındakı köhnə hamam, Hərbi Qənimətlər Parkı.

Eləcə də oxuyun: 

* Bayden Azərbaycana hərbi yardıma niyə icazə verir – politoloq şərhi

* Hərbi ekspert Baydenin qərarı barədə: "Bakı Vaşinqtona hava-su kimi lazımdır"

* Gerasimov Bakıda - NATO ilə təkbətək

 

1539