Şəfəq  qəzetinin yüz yaşı münasibəti ilə tədbir

İki alma ilə əsası qoyulub, yüz il yaşayan qəzet - FOTO

83
(Yenilənib 18:15 20.04.2021)
Azərbaycanın bölgələri arasında ilk dəfə yaranan mətbutın yüz yaşı tamam olur. Onun yaranma hekayəsi Quba alması və Leninlə bağlıdır.

Leyla Abdullayeva,  Sputnik Azərbaycan

BAKI, 20 aprel — Sputnik. Bu gün Qubada rayonlar arasında ilk mətbu orqanı olan "Şəfəq" qəzetinin yüz yaşı qeyd edilib. Sputnik  Azərbaycan-ın verdiyi məlumata görə,  tədbir karantin qaydalarına uyğun şəkildə keçirib.

Onu qeyd etmək istəyirik ki, bu qəzetinin çox maraqlı bir tarixi var.

1920-ci ildə Moskvada keçirilən VIII Ümumrusiya Sovetlər Qurultayına o vaxtkı Quba İnqilab Komitəsinin sədri Qasım İsmayılov nümayəndə seçilir. Bolşevik həmyerlimiz uzaq Rusiya paytaxtına əliboş getməyi özünə sığışdırmır, qurultaya hədiyyə olaraq bir xurcun alma aparır. Sonralar “Pravda” qəzetində RSFSR Xalq Komissarları Sovetinin işlər müdiri N. P. Qorbunovun “Kubinskiye nastroyeniya” (Quba əhval-ruhiyyəsi) adlı məqaləsi dərc olunur: “Bu almalar adi almalar deyil. Bu almalar Şərqin azadlığa çıxarılmasını istəyən Quba qəzası kəndlilərinin arzusunu ifadə edir” (“Pravda”, 5 yanvar 1921-ci il).

  • "Şəfəq " qəzetinin yüz yaşı münasibəti ilə tədbir
    © Sputnik / Leyla Abdullayeva
  • "Şəfəq " qəzetinin yüz yaşı münasibəti ilə tədbir
    © Sputnik / Leyla Abdullayeva
  • "Şəfəq " qəzetinin yüz yaşı münasibəti ilə tədbir
    © Sputnik / Leyla Abdullayeva
1 / 3
© Sputnik / Leyla Abdullayeva
"Şəfəq " qəzetinin yüz yaşı münasibəti ilə tədbir

Deyilənə görə, meyvələrdən ikisi V.İ.Leninin payına düşür. O da öz növbəsində qubalılara borclu qalmır, bir çap maşını göndərir. Həmin maşının sayəsində Azərbaycanın kənd rayonları arasında ilk dəfə Qubada qəzet nəşrə başlayır.

Bu mətbu orqanı 1921-ci ilin aprelin 21-də “Əxbar” adı ilə işıq üzü görür. Daha sonra  “Yeni dirilik”, “Kollektivləşmə yolu”, “Şəfəq”, “Qızıl Quba”, “Quba” adlandırılır. 1995-ci ildən başlayaraq qəzet “Şəfəq” adı ilə nəşr olunmağa başlayır.

Quba Rayon İcra Hakimiyyətinin başçısı Ziyəddin Əliyev çıxışında "Şəfəq "qəzetinin  Qubanın deyil, ümumən Azərbaycanımızın son bir əsrlik tarixinə işıq salan salnaməsi olduğunu bildirdi. O, Həsən bəy Zərdabi tərəfindən əsası qoyulan mətbuatda "Şəfəq" qəzetinin özünəməxsus yeri olduğunu da vurğulayıb: ""Şəfəq" qəzeti Azərbaycanda ilk bölgə qəzeti adını şərəflə qoruyan kütləvi informasiya vasitəsidir. Bu qəzet təkcə Qubada deyil, bölgədə ictimai fikrin formalaşmasında mühüm rol oynayıb" .

Daha sonra "Şəfəq” qəzetinin baş redaktoru Qəhrəman Əliyev çıxış edərək rəhbərlik etdiyi mətbu orqanın tarixindən söhbət açıb. O, pandemiya ilə əlaqədar bir ilə yaxındır ki, maddi çatışmazlıqlar baxımından qəzetin çapının  dayandırıldığını bildirib. Buna münasibət bildirən İH-nin başçısı Ziyəddin Əliyevin qəzet üçün lazım olan məbləğin çox hissəsini öz üzərinə götürdüyünü deyib.

İllərdir ömrünü jurnalistikaya həsr edən Aytəkin Alxaslı da qəzetlə bağlı maraqlı fikirlərini tədbir iştirakçıları ilə bölüşüb.

Daha sonra İH başçısı qəzetin işçilərini diplom və hədiyyələrlə mükafatlandırıb.

83

Qəbul imtahanlarında pulsuz iştirak edəcək vətəndaşların siyahısı genişləndirilib

3
Yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

BAKI, 7 may - Sputnik. Ali və orta ixtisas təhsili müəssisələrinə tələbə qəbulunu stimullaşdırmaq və əhalinin sosial müdafiəsini daha da gücləndirmək məqsədi ilə “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamında dəyişiklik edilib.

Bu barədə Dövlət İmtahan Mərkəzindən (DİM) məlumat verilib.

Dəyişikliyə əsasən “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli 2694 nömrəli Sərəncamının (Azərbaycan Respublikasının Qanunvericilik Toplusu, 2017, № 2, maddə 271) 1.2-ci bəndinin sonunda nöqtə işarəsi nöqtəli vergül işarəsi ilə əvəz olunub və aşağıdakı məzmunda 1.3 – 1.7-ci bəndlər əlavə edilib:

“1.3. Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları;

1.4. şəhid ailəsinin üzvləri;

1.5. valideynlərini itirmiş və valideyn himayəsindən məhrum olmuş uşaqlar;

1.6. məcburi köçkün statusu olan şəxslər;

1.7. I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar.”.

Beləliklə, yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

Xatırladaq ki, “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamına əsasən orta ixtisas təhsili müəssisələrinə və ali təhsil müəssisələrində ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı DİM-in keçirdiyi imtahanlarda iştirak etmək üçün Tarif (qiymət) Şurasının müəyyən etdiyi qiymətlərə uyğun olaraq, ümumi təhsil müəssisələrini bitirən aşağıdakı kateqoriyadan da olan Azərbaycan Respublikası vətəndaşlarının imtahanlarda iştirakı üçün tələb edilən məbləğin ödənilməsi dövlət büdcəsinin vəsaiti hesabına həyata keçirilir:

1.1. ilk dəfə orta ixtisas təhsili müəssisələrinə tələbə qəbulu ilə bağlı imtahanda iştirak üçün müraciət etmiş abituriyentlər;

1.2. ilk dəfə ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı imtahanda iştirak üçün müraciət etmiş abituriyentlər.

3
WhatsApp loqosu, arxiv şəkli

"Whatsapp"a tamam, yoxsa davam - sosial şəbəkəyə hansı məlumatlarımız lazımdır?

7
(Yenilənib 19:47 07.05.2021)
"Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox" - Fərid Pərdəşünas.

Nigar İsgəndərova, Sputnik Azərbaycan

BAKI, 7 may — Sputnik. "Whatsapp"la bağlı yayılan xəbərlər əslində səhv başa düşülür. Burada məlumatların ötürülməsindən söhbət getmir. 

Lakin istifadəçilər elə bilirlər ki, bu sosial şəbəkədəki şəxsi məlumatlar, video və fotolar yayılır, xeyr".

Bu barədə Sputnik Azərbaycan-a açıqlamasında texnobloger Fərid Pərdəşünas son günlər adıçəkilən sosial şəbəkənin idarəetmə sistemindəki dəyişikliklər, mesajların, şəxsi məlumatların yayılmasına münasibət bildirərkən deyib.

O, "Whatsapp" tərəfindən "Facebook"a ötürüləcək məlumatlara isə bu cür aydınlıq gətirib:

"Burada söhbət ad, soyad, şəxsin sonuncu dəfə onlayn olma vaxtı, sosial şəbəkədəki davranış tarixçələrindən gedir. Yəni şəxs hansı müddətdə bu sosial şəbəkəyə daxil olur və s. bu tip məlumatlar "Whatsapp" tərəfindən "Facebook"a göndərilir və reklam alətlərində, "Whatsapp Biznes"də bizneslərin optimallaşdırılması, hədəf auditoriyalarının müəyyən olunmasında istifadə olunacaq. Yəni fərdi məlumatların ötürülməsi ilə bağlı heç bir təhlükə yoxdur".

Həmsöhbətimiz deyir ki, bu proses illərdir belə davam etsə də, artıq sosial şəbəkə bunu rəsmi olaraq elan etməyə başlayıb: "Sosial şəbəkə istifadəçilərə öncədən bu haqda məlumat verir. Bu, əslində, belə olmalıdır və istifadəçilər bununla razılaşmalıdırlar. Bu səbəbdən düşünürəm ki, platforma dəyişməyə, başqa sosial şəbəkə platformasına axın etməyə, söz-söhbət yaratmağa ehtiyac yoxdur. Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox".

7
Teqlər:
istifadəçi, ekspert, siyasət, yeni, "Whatsapp"