Avtobuslar, arxiv şəkli

Rayonlara avtobusla sərnişindaşıma vaxt bərpa olunur? - Hamı taksinin ümidinə qalıb

665
(Yenilənib 17:39 20.04.2021)
2021-ci ilin. yanvar-mart ayları ərzində ölkəmizdə taksi ilə 18 milyon 624,3 min sərnişin daşınıb ki, bu da ötən ilin eyni dövrü ilə müqayisədə 28,4 faiz və ya 4 milyon 119,4 min daha çoxdur

Zülfiyyə Quluyeva, Sputnik Azərbaycan

BAKI, 20 aprel — Sputnik. Rayonlara giriş-çıxışa qoyulan qadağa aradan qaldırılsa da, ötən ilin mart ayından etibarən Nazirlər Kabinetinin qərarı ilə avtobuslarla şəhərlərarası və rayonlararası sərnişindaşımaya tətbiq edilən məhdudiyyət bu günədək aradan qaldırılmayıb. Sərnişinlər bir ilə yaxındır ki, rayonlara getmək üçün şəxsi avtomobilləri ilə taksi xidməti göstərən sürücülərin ümidinə qalıb. Havaların isinməsi ilə bölgələrə gedənlərin sayının artması isə mövcud problemi daha da dərinləşdirib.

Sputnik Azərbaycan avtobuslarla şəhərlər və rayonlararası sərnişindaşımanın bərpasının mümkünlüyünü araşdırıb.

Nəqliyyat məsələlələri üzrə ekspert Ərşad Hüseynov Sputnik Azərbaycan-a açıqlamasında bildirib ki, bu məsələ Nazirlər Kabineti yanında Operativ Qərargahın səlahiyyətində olduğundan qərara dəyişikliyi də sözügedən qurum etməlidir: "Ölkəmizdə koronavirus əleyhinə peyvəndləmə işləri aparılır. Bütün dünyada vaksindən sonra karantin qaydalarında müəyyən dəyişikliklər edilir. Azərbaycanda da artıq bəzi sahələrdə fəaliyyətə icazə verilib. Amma rayonlara sərnişindaşıma hələ ki, bərpa olunmayıb. Buna baxmayaraq, insanlar taksi vasitəsilə rayonlara gedib-gəlirlər. Hazırkı vəziyyətdə itirən əsasən sərnişinlərdir. Rayonlara getmək üçün alternativ sərnişindaşıma xidməti olmadığından onlar taksi ilə gedib-gəlirlər. Taksilər isə mövcud vəziyyətə görə qiyməti diktə edirlər".

Ə.Hüseynov bildirir ki, avtobusların rayonlararası hərəkətinə virusun yayılma riski baxımından məhdudiyyət qoyulsa da, hazırkı vəziyyətdə rayon və şəhərlərarası sərnişindaşıma daha təhlükəlidir: "Avtobuslarla rayonlara sərnişindaşımaya ona görə qadağa qoyuldu ki, insanlar avtobusda bu virusa yoluxa bilər. Çünki avtobusda sərnişin tutumu çoxdur. Amma indi 7 nəfərlik avtomobillərlə sərnişinlər rayonlara daşınır. Bu zaman heç bir ara məsafəsi qorunmur. Avtomobildəki sərnişinlərin maskadan istifadəsinə nəzarət yoxdur. Halbuki, avtobuslara müəyyən ara məsafəsi qorunmaqla sərnişindaşımaya icazə verilə bilər. Bu zaman həm də gigiyenik vəziyyətə nəzarət edilə bilər. Düşünürəm ki, bəzi sahələrdə yumşalmalara icazə verildiyi kimi, rayonlar və şəhərlərarası sərnişindaşıma da bu cür bərpa edilə bilər".

Qeyd edək ki, avtobusların fəaliyyətinə qoyulan məhdudiyyət taksi xidmətinə tələbatı artırıb. Bu barədə Dövlət Statistika Komitəsi bildirib. 2021-ci ilin yanvar-mart ayları ərzində ölkəmizdə taksi ilə 18 milyon 624,3 min sərnişin daşınıb ki, bu da ötən ilin eyni dövrü ilə müqayisədə 28,4 faiz və ya 4 milyon 119,4 min daha çoxdur. Sərnişinlərin 99,8 faizi avtomobil nəqliyyatı, qalan hissəsi isə digər nəqliyyat növləri ilə daşınıb. Avtomobil nəqliyyatından istifadə edən sərnişinlərin 92,6 faizi avtobus, 7,4 faizi isə taksilərin xidmətlərindən yararlanıb. Belə ki, avtomobil nəqliyyatı vasitəsilə 252,6 milyon sərnişin daşınıb və sərnişinlərin sayı ötən ilin eyni dövrü ilə müqayisədə 34,9 faiz az olub. Müvafiq dövrə 233,9 milyondan çox sərnişin avtobusdan istifadə edib ki, onların sayında 37,4 faiz azalma müşahidə olunub.

Nəqliyyat, Rabitə və Yüksək Texnologiyalar Nazirliyinin Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova Sputnik Azərbaycan-a açıqlamasında bildirib ki, Bakı istisna olmaqla şəhərlər və rayonlararası taksi xidməti göstərmək üçün bu ilin yanvar ayında 496, fevral ayında 418, mart ayında isə 760 nəfər fərqlənmə nişanı alıb. Aprel ayı üçün isə bu rəqəm 454 təşkil edir. N.Allahyarova taksi fəaliyyəti üçün fərqlənmə nişanı alanların sayında artımın əsasən bayramlarda müşahidə olunduğunu söyləyib.

N.Allahyarova bildirib ki, hazırda rayonlararası, şəhərlərarası sərnişin daşıyan mikroavtobuslar isə taksi hesab olunmadığından, qeyri-qanuni sərnişindaşıma ilə məşğul olduqlarından onlara nəzarət DANX-ın səlahiyyətində deyil.

Sonda qeyd edək ki, pandemiyanın ən çox təsir etdiyi sahələrdən biri də sərnişindaşımadır. Dövlət Statistika Komitəsinin məlumatına görə, 2021-ci ilin yanvar-mart ayları ərzində ölkədə sərnişin daşımaları ötən ilin müvafiq dövrünə nisbətən 42,5 faiz azalıb. Məlumata əsasən, bu dövrdə nəqliyyatçılar tərəfindən 253,2 milyon sərnişinə xidmət göstərilib.

665
Selfi çəkən cütlük, arxiv şəkli

20yearschallenge trendinə qoşulan məşhurlar - gəncliyin FOTO-ları

8
(Yenilənib 15:03 06.05.2021)
Ötən gündən başlayan #20yearschallenge trendinə həm yerli məşhurlar, həm də dünyanın məşhur sənət adamları qoşulub.

BAKI, 6 may — Sputnik. Ötən gündən başlayan #20yearschallenge trendinə məşhurlar da qoşulub. Sputnik Azərbaycan xəbər verir ki, bu axına qoşulanlar arasında Türkiyənin məşhur aktyoru Mehmet Günsür də var. 45 yaşlı aktyor 1997-ci ildə, 22 yaşında çəkdirdiyi fotosunu "Instagram" hesabında paylaşıb. 85 mindən çox şərh yazanların içində komediya ustası Cem Yılmazın "Memo! Bu altı ay önce be kardeşim. Atma" rəyi insanların gülüşünə səbəb olub.

Cem Yılmaz da bu axına qoşunub.

Посмотреть эту публикацию в Instagram

Публикация от Cem Yılmaz (@cmylmz)

Bu trendə Türkiyənin məşhur aktrisası və müğənnisi Şevval Sam da qoşulub. Müğənni 1993-cü ildə çəkdirdiyi fotosunu "Instagram" hesabında paylaşıb.

Посмотреть эту публикацию в Instagram

Публикация от Sevval Sam (@sevvalsam)

Sözügedən trendə qoşulanlar arasında Sərdar Ortac da var. O, "Instagram" hesabında gəncliyini xatırladıb. 

Axına müğənni Alişan da qoşulub. Tanınmış müğənni özünün 20 yaşındakı fotosunu paylaşıb. Müğənni 1996-cı ildə çəkdirdiyi "Aşık oldun" albomu üçün çəkdirdiyi fotosunu özünün media hesabında paylaşıb.

Посмотреть эту публикацию в Instagram

Публикация от Alişan (@alisanofficial)

 

Trendə qoşulanlar arasında Madonnanın olması da diqqət çəkib. Məşhur müğənni özünün "Instagram" səhifəsinin hekayə bölümündə 20 yaşındaykən çəkilən fotolarını paylaşıb.

 

8

Ağdam rayonunun Qarapirimli kəndindən videogörüntülər

5
Azərbaycan Müdafiə Nazirliyi Ağdam rayonunun Qarapirimli kəndindən çəkilmiş ən son videogörüntüləri ictimaiyyətə təqdim edib.

Sputnik Azərbaycan xəbər verir ki, Qarapirimli kəndi 1993-cü ilin iyun ayında erməni işğalçıları tərəfindən işğal olunub. 1977-ci il əhalinin siyaıya alınmasına görə, kəndinin əhalisi 400 nəfər olub.

Əhalinin əsas məşquliyyəti heyvandarlıq, taxılçılıq və üzümçülükdür.

 

5
Əkin sahəsini suvarılması, arxiv şəkli

Prezident Meliorasiya Su Təsərrüfatı ASC-yə vəsait ayırdı

0
(Yenilənib 15:42 06.05.2021)
Prezident İlham Əliyevin sərəncamı əsasında 26 ədəd subartezian quyusunun qazılacağı yerlərin siyahısı da açıqlanıb.

BAKI, 6 may — Sputnik. Prezident İlham Əliyev bir sıra şəhər və rayonlarda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb.

Sputnik Azərbaycan xəbər verir ki, sərəncama əsasən, əhalisi 60698 nəfər olan 6 şəhər və rayonun 23 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 26 ədəd subartezian quyusunun layihələndirilməsi və qazılması məqsədilə "Azərbaycan Respublikasının 2021-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü"nün 1.8.8-ci yarımbəndində göstərilmiş məbləğin 1,82 milyon (bir milyon səkkiz yüz iyirmi min) manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.

26 ədəd subartezian quyusunun qazılacağı yerlərin siyahısı ilə aşağıdakı link vasitəsilə tanış ola bilərsiz:

https://azertag.az/xeber/Bir_sira_seher_ve_rayonlarda_ekin_sahelerinin_suvarma_suyu_ile_teminatinin_yaxsilasdirilmasina_ve_ehalinin_ichmeli_suya_telebatinin_odenilmesine_dair_elave_tedbirler_haqqinda__Azerbaycan_Respublikasi_Prezidentinin_Serencami-1774821

0