Toy, arxiv şəkli

Deyirlər ki, toy olacaq: Azərbaycanda mərasimlərə icazə verilməsi gözlənilir

2899
(Yenilənib 22:01 13.04.2021)
"Biz virusun yenidən alovlanmamasına diqqəti yönəltməliyik. Çalışmalıyıq ki, toyların keçirildiyi yer yeni virus ocağına çevrilməsin" - millət vəkili.

Nigar İsgəndərova, Sputnik Azərbaycan

BAKI, 13 aprel — Sputnik. Artıq dünyanın bir çox ölkələrində toyların keçirilməsinə icazələr verilir. Bəzi ölkələr də bu icazələrin verilməsi üçün müəyyən təkliflər planı, layihələr hazırlayırlar. Azərbaycanda isə artıq bir ildir ki, toyların keçirilməsi qadağan edilib, restoran və şadlıq evlərinin fəaliyyəti tamamilə iflic olub.

Toylara icazələr verilməsi üçün Türkiyədə xüsusi risk xəritəsi hazırlanır və bu xəritədə məlumatlar anbaan dəyişir. Belə ki, az və orta riskli ərazilərdə ev sahibləri 8 metr ara məsafəsi olmaqla 100 nəfərlə toy keçirə bilərlər. Yüksək və daha yüksək risk ərazilərində isə ev sahibləri 8 metr məsafə olmaqla 50 nəfərlik qonaqla toy edə bilərlər. Digər məhdudiyyət isə toyun keçirilmə vaxtı ilə əlaqədardır. Belə ki, istənilən halda toyların keçirilməsi üçün 1 saatlıq zaman verilir.

Digər ölkələrdə isə eyni zamanda açıq hava, bağ evlərində toyların keçirilməsinə icazələr verilir. Bəzi ölkələrdə toylarla bağlı heç bir məhdudiyyət yoxdur. Şimali İrlandiyada toyların keçirilməsinə hansısa limit qoyulmayıb. Həmçinin dəfn mərasimləri ilə bağlı da hansısa məhdudiyyət yoxdur.

Azərbaycanda isə hələlik toyların keçirilməsinə icazə verilib-verilməyəcəyi, veriləcəyi təqdirdə onun hansı formatda keçiriləcəyinə dair vahid fikir formalaşmayıb.

Lakin görünən budur ki, digər ölkələrdə olan təcrübənin Azərbaycanda da tətbiqinə ehtiyac var. Millət vəkili Bəhruz Məhərrəmov Sputnik Azərbaycan-a açıqlamasında bu haqda danışıb: "Karantin rejiminin tətbiqi, sərtləşməsi və yaxud da yüngülləşdirilməsi hökumətin nəzarətindədir. Seçicilərdən, vətəndaşlardan gələn müraciətləri dinləyirik. Düşünürəm ki, indiki halda karantin qaydalarına çox ciddi və sərt şəkildə əməl etməklə toyların keçirilməsinə icazə vermək olar. Necə ki, restoranlar, kafelərə icazələr verilir, toyları da analoji qaydada keçirmək olar. Yaz-yay mövsümünün olmasını nəzərə alsaq, açıq havada müəyyən say məhdudiyyəti ilə xüsusi prosedurlara - maskanın taxılması, məsafənin gözlənilməsi kimi nüanslara əməl etməklə toylara məhdudiyyət qoyulmasına ehtiyac yoxdur. Bunun həm dolanışığı toyların hesabına başa gələnlərə, həm də iqtisadiyyata müəyyən qədər də olsa faydası olur".

Millət vəkili bildirir ki, toyların keçirilməməsi həm də demoqrafik problemlərə yol aça bilər: "Biz elə bir toplumuq ki, adətən düşünürük, toysuz ailə həyatı qurulmur. Bu nüansları nəzərə alaraq, 50-100 nəfərlik və çox geniş arealı götürməklə, məsafəni qorumaqla, imkan daxilində açıq havada olmaqla toyların keçirilməsinə müsbət yanaşmalıyıq".

"Biz virusun yenidən alovlanmamasına diqqəti yönəltməliyik. Çalışmalıyıq ki, toyların keçirildiyi yer yeni virus ocağına çevrilməsin", - deyə B.Məhərrəmov vurğulayıb.

Millət vəkili Fazil Mustafa isə qeyd edib ki, iaşə məkanlarına kütləvi axın olduğu halda toylara qoyulan qadağa anlaşılan deyil:

"Vaxtilə keçmiş SSRİ-də Cinayət Məcəlləsində möhtəkirlik adlanan bir maddə var idi. Bu maddə hər hansı şəkildə gizli alver edən, ticarətlə məşğul olan insanlara şamil olunurdu. Amma faktiki olaraq cəmiyyətdə bu var idi, alver gedirdi. Cinayət Məcəlləsində bu maddənin olduğu, cərimələr tətbiq olduğu hər kəsə məlum idi, buna baxmayaraq hamı bilirdi ki, ticarət davam edir. İndi toy məsələsi də onun kimidir. Toy məsələsi var, bu reallıqdır və qaçılmazdır. İnsanlar bunu etməlidir".

Fazil Mustafa əlavə edib ki, vaxtında bu məsələni tənzimləməmək insanların günahı deyil. Onun sözlərinə görə, müvafiq qurumlar vaxtında məsələni tənzimləməli idi ki, sonralar "gizli toy" problemi yaranmasın: "Çox təəssüf ki, qadağa ilə bunu ötüşdürdülər və əhali də öz addımını atdı. Məncə, doğru etdilər. Vətəndaşların qaydalara əməl etmək və müəyyən dərəcədə özlərini qorumaqla gizli şəkildə də olsa, toy keçirməklərini normal qəbul etmək lazımdır. Çünki bu bir reallıqdır, insan həyatıdır. İnsanlarının həyatının elə bir mərhələsi ola bilər ki, toyu indi keçirməsə gələcəkdə həyatı alt-üst ola bilər, münasibətləri pozular və s. Ona görə də mən buna normal yanaşıram, hər hansı şəkildə əndazəni aşarlarsa, bu zaman cəzalandırma ola bilər, amma normal şəkildə, həyətində, sosial məsafəni qorumaq və az adam dəvət etməklə bunu edirlərsə, mane olmağı doğru hesab etmirəm. Qanun müəyyən dərəcədə bunu tələb etsə belə, toy insanların həyatında ən vacib məsələlərdəın biridir. Bu məsələdə vətəndaşların üzərinə bu dərəcədə gedilməsi doğru deyil. Sadəcə tənzimləmək lazımdır ki, məsələn filan sayda adamla etmək olar. Sayı aşarlarsa cəzalandırılsınlar. Amma ümumiyyətlə qadağa qoyanda insanlar təbii ki, bunu gizli şəkildə edəcəklər. Bu məsələdə kimisə qınamağın adı yoxdur".

Şadlıq saraylarının rəhbərləri də toyların qısa zamanda bərpa olunmasını istəyirlər. Toy biznesinin olmaması onların bütün planlarını alt-üst edib, gəlirlərini azaldıb. Bu səbəbdən artıq bəzi restoran və şadlıq saraylarından ümumiyyətlə zənglərə cavab almaq mümkün deyil.

2899
Bakıda təcili yardım avtomobili

Xuliqan qadının gözü qarşısında övladını öldürdü - Azərbaycanda

3
Cinayət işi üzrə istintaq yekunlaşdırılaraq, baxılması üçün aidiyyəti üzrə Gəncə Ağır Cinayətlər Məhkəməsinə göndərilib.

BAKI, 17 may — Sputnik. 2 iyul 2020-ci il tarixdə Tərtər rayon sakini Lamiyə Əliyevanın öldürülməsinə cəhd edilməsi, azyaşlı oğlu Ömər Ağazadənin öldürülməsi faktları üzrə Cinayət Məcəlləsinin müvafiq maddələri ilə rayon prokurorluğunda cinayət işi başlanaraq istintaq aparılıb. Tərtər rayon prokurorluğundan Sputnik Azərbaycan-a verilən məlumata görə, istintaqla müəyyən edilib ki, rayon sakini Elmir Hüseynov heç bir səbəb olmadan, xuliqanlıq niyyəti ilə əvvəlcədən tanımadığı Lamiyə Əliyevaya küt alətlə xəsarətlər yetirərək qəsdən öldürməyə cəhd edib, sonra isə onun gözləri qarşısında azyaşlı oğlu Ömər Ağazadəyə xəsarətlər yetirərək qəsdən öldürüb.

Elmir Hüseynov Cinayət Məcəlləsinin 120.2.2 (xuliqanlıq niyyətilə qəsdən adam öldürmə) 120.2.4 (xüsusi amansızlıqla və ya ümümi təhlükəli üsulla adam öldürmə) 29, 120.2.2 (xuliqanlıq niyyəti ilə adam öldürməyə cəhd) və digər maddələri ilə təqsirləndilirən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Gəncə Ağır Cinayətlər Məhkəməsinə göndərilib.

Eləcə də oxuyun:

* İki bacıdan mənfur əməl: tanınmamaq üçün hicab taxdılar - FOTO

* Sərhəddə hərbçilərimizin qətli ilə bağlı saxlanılan var

* Şirvanda adam oğurlayan şəxslər saxlanılıb

 

3
Teqlər:
Tərtər, Gəncə, cinayət işi, ölüm, azyaşlı, qadın, xuliqan, qətl
Bakubus avtobusu, arxiv şəkli

Paytaxt marşrutlarının 50 faizi yenilənib

4
Bakı Nəqliyyat Agentliyinin İdarə Heyətinin sədri Vüsal Kərimli deyib ki, hazırda avtobus parklarının yenilənməsi ilə bağlı işlər davam etdirilir.

BAKI, 17 may — Sputnik. Bakıda sərnişindaşımada fəaliyyət göstərən marşrut xətlərindəki avtobusların 50 faizi yenilənib. Sputnik Azərbaycan-ın məlumatına görə, bunu Bakı Nəqliyyat Agentliyinin İdarə Heyətinin sədri Vüsal Kərimli deyib.

O bildirib ki, hazırda avtobus parklarının yenilənməsi ilə bağlı işlər davam etdirilir: "Yenilənən avtobusların 74 faizi daha ekoloji təmiz olan sıxılmış qazla işləyir".

Qeyd edək ki, mayın 17-dən 20-dək daha 7 müntəzəm marşrut xətti üzrə avtobuslar nağdsız ödəniş sisteminə inteqrasiya edilir. Belə ki, 17.05.2021-ci il tarixində 29 və 81, 18.05.2021-ci il tarixində 71 və 83, 19.05.2021-ci il tarixində 53 və 66, 20.05.2021-ci il tarixində 31 nömrəli müntəzəm marşrut xətləri üzrə avtobuslarda gediş haqqı "BakıKart" vasitəsilə ödəniləcək. Bununla da "BakıKart" sisteminə inteqrasiya edilən marşrutların sayı 60-a çatacaq.

M8 ekspress marşrut xətti (Maştağa qəsəbəsi - "Gənclik" metro stansiyası)isə bu gün adi rejimə keçirib. Marşrutda gediş haqqı tarifi 0.40 AZN-dən 0.35 AZN-ə dəyişdirilib.

Eləcə də oxuyun:

Bakı-Xırdalan-Sumqayıt qatarında sıxlığın səbəbi açıqlandı

* Səlahiyyətsiz sürücülər və qanunçul BNA - Sonda əzab çəkən yenə sərnişin olur

4
Teqlər:
yenilənmə, marşrut, Bakı, lüks avtobus, avtobus