Bakı şəhərinə mənzərə, arxiv şəkli

Azərbaycanda ilk dəfə sırf qadınlar üçün festival keçiriləcək

39
(Yenilənib 15:15 13.04.2021)
Festival çərçivəsində müxtəlif mövzularda müzakirələr aparılacaq, həmçinin ustad dərsləri və əl işlərinin satışı təşkil olunacaq.

BAKI, 13 aprel — Sputnik, Kəmalə Əliyeva. Cari ilin may ayının 6, 7 və 8-də Azərbaycanda onlayn formatda "Qadın Fest" xanımlar üçün festival keçiriləcək. Təşkilatçıların Sputnik Azərbaycan-a verdiyi məlumata görə, tədbirdə müxtəlif sahələri təmsil edən azərbaycanlı və əcnəbi spikerlər çıxış edəcəklər.

Mütəxəssislər festival iştirakçıları ilə müxtəlif aktual mövzularda, o cümlədən qadınların mədəniyyətdə, elmdə, incəsənətdə və musiqidə rolu barədə müzakirələr aparacaqlar. Bundan əlavə, tədbir iştirakçıları müasir kosmetologiya, sağlam qidalanma, idmanın qadın sağlamlığına təsiri barədə faydalı məlumatlar əldə edəcəklər.

Daha sonra isə məşhur məşqçi və təlimatçılar onlayn rejimdə yoqa, zumba və pilates üzrə ustad dərsləri keçirəcəklər.

Tədbirin spikerləri xatxa-yoqa və pilates üzrə məşqçi Vəfa Əsgərova, psixoloqlar Fidan Namazova və Azad Bağırov, ginekoloq Xəyalə İsmayılova, "Qadın gücü" kitabının müəllifi Gülya Əliyeva, türkiyəli yazıçı Nilgün Bodur, uşaq həkimi Nərmin Məmmədova, diyetoloq Leyla Qədirova və başqa mütəxəssislərdir.

Festival çərçivəsində həmçinin uşaqlar üçün də ustad dərsləri keçiriləcək. Bundan əlavə, müxtəlif sənətkarların əl işlərinin satışı təşkil olunacaq, ifaçılar isə öz repertuarlarından müxtəlif kompozisiyalarla iştirakçıları feyziyab edəcəklər.

39

"Eurovision-2021": Azərbaycan təmsilçisi finala yüksəldi

35
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

35
Təcili tibbi yardım avtomobili, arxiv şəkli

Lənkəranda piyadanın ölümü ilə nəticələnən yol-nəqliyyat hadisəsi olub

9
Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib.

BAKI, 18 may - Sputnik, Rahim Muradov. Lənkəranda avtomobil piyadanı vurub. Sputnik Azərbaycan-ın məlumatına əsasən, hadisə rayonun Şağlaser kəndi ərazisində baş verib.

Gecə saatlarında adı hələlik məlum olmayan Masalli rayonu Alvadı kənd sakini idarə etdiyi "VAZ 2107" markalı minik avtomobili ilə Şağlaser kənd sakini 57 yaşlı Ağaziyad Əliyevi vurub. Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib. Ağaziyad Əliyevin meyiti aidiyyatı üzrə Məhkəmə Tibbi Ekspertiza və Və Patoloji Anatomiya Mərkəzinin Lənkəran Rayon Şöbəsinə təhvil verilib.

Faktla bağlı araşdırma aparılır.

9