İftar süfrəsi

Hazırkı şəraitdə orucu həkim məsləhəti ilə tutmaq tövsiyə olunur - İlahiyyatçı

38
(Yenilənib 00:36 13.04.2021)
"Hər kəs özü araşdırıb doğru olanı qəbul etməlidir, əgər hansısa xarici alimdən əxz etmək istəsə, qardaş Türkiyəyə nəzər sala bilər".

Nigar İsgəndərova, Sputnik Azərbaycan

BAKI, 13 aprel — Sputnik. Bir gündən sonra müqəddəs Ramazan ayı başlayır. Orucluğun pozulmaması üçün nələrə əməl etməliyik, bu müqəddəs ayda nələri gözləməliyik, sualları ətrafında ilahiyyatçı Tural İrfanın fikirlərini öyrəndik.

Sputnik Azərbaycan Tural İrfanla müsahibəni təqdim edir:

- Azərbaycanda orucluğun mahiyyəti qorunurmu?

- Ramazan ayında oruc tutmaq vacibdir. Lakin ölkəmizdə normal ilahiyyatçılara normal şərait yaradılmadığına görə xürafat təfəkkürlü ruhanilər inanclı insanları yanıldır. Məsələn, çox adam orucu ancaq ac qalmaq kimi başa düşür. Halbuki oruc insanın ac qalması, ancaq maddi qidalardan çəkinməsi yox, mənəviyyatını pəhriz etməsidir. Yəni, mən əksər hallarda görürəm ki, insanlar orucluqda ac qalır, amma qiybət edir, rüşvət alır, pislik edir, bir kasıba belə əl tutmurlar. İnsan qarnını qidalardan qoruduğu kimi, nəfsini, qəlbini, ruhunu da qorumalıdır.

- Orucluqla bağlı başqa nə kimi yanlış fikirlər formalaşıb?

- Hər il ayın görünməsinə görə çaşqınlıq olur. Bu da xurafatçı mollalar tərəfindən edilir. Lakin "Qurani-Kərim"də belə buyurulur ki, Ramazan ayının başladığı gündən sonunadək oruc tutun. Amma özünü alim adlandıran siyasi ruhanilər indi məzhəbçilik nəzərindən həmişə ayrı-seçkilik salıblar. Yəni, bu oyundur. Əslində inanclı adamları oyuna qurban verməkdir. Odur ki hər kəs özü araşdırıb doğru olanı qəbul etməlidir, əgər hansısa xarici alimdən əxz etmək istəsə, qardaş Türkiyəyə nəzər sala bilər.

- Orucun pozulmaması üçün qidadan əlavə nələrə əməl etmək vacibdir?

- İlk olaraq onu qeyd edim ki, arıqlamaq niyyəti ilə tutulan oruc qəbul deyil. Dan yeri ağarandan gün batana qədər yeməkdən, içməkdən, intim münasibətdən, qeybətdən, küfrdən, rüşvətdən özünü, dilini, qəlbini, nəfsini qorumağa oruc deyilir. Hətta qədimdə danışmaqdan da özlərini qoruyurmuşlar ki, birdən nəsə günah söz işlədə bilərlər.

- Ən çox verilən, maraq doğuran suallardan biri də budur ki, namaz qılmadan oruc tutmaq düzgündürmü?

- Namaz qılmayan şəxsin tutduğu oruc quru skelet orucudur. Orucla namaz dində ata-ana kimi qoşa müqayisə edilən ibadətlərdir. Oruc tutub namazı bilərəkdən, zərurət olmadan tərk etmək sanki atanı sevib,  ananın üzünə baxmamaq deməkdir. Yəni hər iki ibadət vacibdir. Vacib ibadətlərin hökmü eynidir. Yəni, birini icra edib digərini tərk etmək günahdır. Əgər insan oruc tutursa, mütləq namaz da qılmalıdır. Namazı tərk etmək fasiqlikdir. Fasiqin isə orucu qəbul olmaz. Amma insanlar təəssüf ki, öz zövqünə uyğun olaraq ibadət etməyi sevir. Namaz qılmayıb oruc tutan şəxsin orucu Allah üçün yox, özü üçündür. Əgər Allaha üçün olsa namaz da qılardı. Bir fərzi, bir vacibi icra edib digərini tərk etmək doğru deyil. Tutduğu orucun savabını qılmadığı namaz ilə əvəzləşdirdi. Bitdi. Namaz qılmayıb oruc tutan üçün yerdə heç nə qalmadı.

Ancaq bununla bərabər müəyyən şərait və məhdudiyyətlər baxımından, üzrlü səbəbdən namaz qılmaq imkanı olmayan oruc tutanlara bunu şamil etmək olmaz. Kim bilərəkdən, əlində imkanı, şəraiti olduğu halda namazı tərk edib oruc tutursa, o ya pəhriz üçün, ya arıqlamaq üçün, yaxud da dəb üçün oruc tutur. O da ilahi dərgahda ibadət qismində qəbul edilə bilməz. Tibbdə isə müsbət əməl kimi qiymətləndirilə bilər.

- Pandemiya dövründə oruc tutmaq istəyənlər ilk olaraq nəyi nəzərə almalıdır?

- Dində ibadətlər zamanın, məkanın və şəraitin imkan verdiyi hədd və miqdarda edilir. Bu gün dünyanı pandemiya bürüyüb. Belə bir şəraitdə orucu həkim məsləhəti ilə tutmaq tövsiyə olunur. Çünki din insanların səhhətinə ziyan vuran hər şeyin, həmçinin ibadətin də əleyhinədir. Əgər ibadət insana ziyan vuracaqsa, o ibadət batildir.

38

Qəbul imtahanlarında pulsuz iştirak edəcək vətəndaşların siyahısı genişləndirilib

4
Yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

BAKI, 7 may - Sputnik. Ali və orta ixtisas təhsili müəssisələrinə tələbə qəbulunu stimullaşdırmaq və əhalinin sosial müdafiəsini daha da gücləndirmək məqsədi ilə “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamında dəyişiklik edilib.

Bu barədə Dövlət İmtahan Mərkəzindən (DİM) məlumat verilib.

Dəyişikliyə əsasən “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli 2694 nömrəli Sərəncamının (Azərbaycan Respublikasının Qanunvericilik Toplusu, 2017, № 2, maddə 271) 1.2-ci bəndinin sonunda nöqtə işarəsi nöqtəli vergül işarəsi ilə əvəz olunub və aşağıdakı məzmunda 1.3 – 1.7-ci bəndlər əlavə edilib:

“1.3. Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları;

1.4. şəhid ailəsinin üzvləri;

1.5. valideynlərini itirmiş və valideyn himayəsindən məhrum olmuş uşaqlar;

1.6. məcburi köçkün statusu olan şəxslər;

1.7. I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar.”.

Beləliklə, yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

Xatırladaq ki, “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamına əsasən orta ixtisas təhsili müəssisələrinə və ali təhsil müəssisələrində ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı DİM-in keçirdiyi imtahanlarda iştirak etmək üçün Tarif (qiymət) Şurasının müəyyən etdiyi qiymətlərə uyğun olaraq, ümumi təhsil müəssisələrini bitirən aşağıdakı kateqoriyadan da olan Azərbaycan Respublikası vətəndaşlarının imtahanlarda iştirakı üçün tələb edilən məbləğin ödənilməsi dövlət büdcəsinin vəsaiti hesabına həyata keçirilir:

1.1. ilk dəfə orta ixtisas təhsili müəssisələrinə tələbə qəbulu ilə bağlı imtahanda iştirak üçün müraciət etmiş abituriyentlər;

1.2. ilk dəfə ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı imtahanda iştirak üçün müraciət etmiş abituriyentlər.

4
WhatsApp loqosu, arxiv şəkli

"Whatsapp"a tamam, yoxsa davam - sosial şəbəkəyə hansı məlumatlarımız lazımdır?

9
(Yenilənib 19:47 07.05.2021)
"Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox" - Fərid Pərdəşünas.

Nigar İsgəndərova, Sputnik Azərbaycan

BAKI, 7 may — Sputnik. "Whatsapp"la bağlı yayılan xəbərlər əslində səhv başa düşülür. Burada məlumatların ötürülməsindən söhbət getmir. 

Lakin istifadəçilər elə bilirlər ki, bu sosial şəbəkədəki şəxsi məlumatlar, video və fotolar yayılır, xeyr".

Bu barədə Sputnik Azərbaycan-a açıqlamasında texnobloger Fərid Pərdəşünas son günlər adıçəkilən sosial şəbəkənin idarəetmə sistemindəki dəyişikliklər, mesajların, şəxsi məlumatların yayılmasına münasibət bildirərkən deyib.

O, "Whatsapp" tərəfindən "Facebook"a ötürüləcək məlumatlara isə bu cür aydınlıq gətirib:

"Burada söhbət ad, soyad, şəxsin sonuncu dəfə onlayn olma vaxtı, sosial şəbəkədəki davranış tarixçələrindən gedir. Yəni şəxs hansı müddətdə bu sosial şəbəkəyə daxil olur və s. bu tip məlumatlar "Whatsapp" tərəfindən "Facebook"a göndərilir və reklam alətlərində, "Whatsapp Biznes"də bizneslərin optimallaşdırılması, hədəf auditoriyalarının müəyyən olunmasında istifadə olunacaq. Yəni fərdi məlumatların ötürülməsi ilə bağlı heç bir təhlükə yoxdur".

Həmsöhbətimiz deyir ki, bu proses illərdir belə davam etsə də, artıq sosial şəbəkə bunu rəsmi olaraq elan etməyə başlayıb: "Sosial şəbəkə istifadəçilərə öncədən bu haqda məlumat verir. Bu, əslində, belə olmalıdır və istifadəçilər bununla razılaşmalıdırlar. Bu səbəbdən düşünürəm ki, platforma dəyişməyə, başqa sosial şəbəkə platformasına axın etməyə, söz-söhbət yaratmağa ehtiyac yoxdur. Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox".

9
Teqlər:
istifadəçi, ekspert, siyasət, yeni, "Whatsapp"
Min bir gecə baleti, arxiv şəkli

"Min bir gecə" baleti beynəlxalq festivalda

0
(Yenilənib 23:11 07.05.2021)
Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

BAKI, 7 may — Sputnik. Görkəmli Azərbaycan bəstəkarı Fikrət Əmirovun "Min bir gecə" baleti mayın 13-dən iyunun 2-dək Tatarıstanın paytaxtı Kazanda keçiriləcək Rudolf Nureyev adına 36-cı Beynəlxalq klassik balet festivalında nümayiş olunacaq. Sputnik Azərbaycan xəbər verir ki, Tatarıstan Dövlət Akademik Opera və Balet Teatrının səhnəsində reallaşacaq festival Rusiyanın Əməkdar incəsənət xadimi, həmvətənimiz Eldar Əliyevin xoreoqrafik quruluşunda Mariinski Teatrının Primorsk səhnəsinin (Vladivostok) "Min bir gecə" tamaşası ilə açılacaq. Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

Eldar Əliyevin quruluşunda "Min bir gecə" baletinin premyerası 2020-ci ilin avqustunda olub.

Dünyaca məşhur balet artistləri, xoreoqraf və dirijorları bir araya gətirən Rudolf Nureyev adına festival 1987-ci ildən keçirilir.

0