Bayılda sürüşmə (29 yanvar 2021 il)

Sürüşmə, uçqun subasma sahələri - Sanki saatlı bombanın üstündəyik

213
(Yenilənib 21:18 10.04.2021)
"Bunlar arasında insanlar üçün neqativ hallar doğura biləcəkləri xüsusi diqqətdə saxlanılır və bizim tərəfimizdən monitorinqə cəlb edilib".

Zülfiyyə Quluyeva, Sputnik Azərbaycan

BAKI, 10 aprel — Sputnik. "Ölkəmizdə 99 sürüşmə, uçqun və subasma sahələri var. Amma bunların içində bir qisim ərazilər var ki, çox ciddi şəkildə monitorinqə cəlb edilir".

Bu sözləri Sputnik Azərbaycan-a açıqlamasında Ekologiya və Təbii Sərvətlər Nazirliyinin Geoloji Kəşfiyyat Xidmətinin rəisi Əli Əliyev bildirib. O bildirib ki, onlar da təhlükəli nəticələr doğura biləcək təbii proseslərin baş verdiyi sahələrdir: "Yəni insanların yaşadığı ərazilərə, strateji qurumların yerləşdiyi yollara, körpülərə yaxın olan sahələrdir. Bu hissədən olan ekzogen geoloji proseslər ocaqları davamlı monitorinqdədir. Məsələn, Zığ yaşayış massivində, Qaraçuxurda olan sürüşmə ocaqları bura daxildir. Bakı-İsmayıllı yolunun 102-ci kilometrliyindən 27-ci, 134-cü kilometrinə qədər bir neçə yerdə sürüşmə elementləri qalır. Zaman-zaman o ərazilərdə kiçik həcmlərdə sürüşmə prosesi baş verir. Bundan başqa, İsmayıllı rayonunun özündə bu yaxınlarda sürüşmə baş verdi. Çox böyük həcmli olmasa da, sürüşmələr bəzən yol infrastrukturuna ziyan vura bilir. Amma həmin ərazilər mobitorinqə cəlb edilib, nəzarətdədir. Bunlar təbii hadisələrdir, bunun qarşısını almaq da mümkün deyil".

Ə.Əliyev bildirib ki, əsas məsələ texnogen faktorların qarşısını almaqdır:

"Bu, bilavasitə insan faktoru ilə bağlıdır. İnsanlar da təbiətə yanaşmada diqqətli olmalıdırlar. İzafi su sərfinin azaldılması, yamacların kəsilməsinin qarşısının alınması vacibdir. Yamacın dikinə kəsilməsi dayanıqlığın itməsinə səbəb olur. Biz elə bir regionda yaşayırıq ki, nə vaxtsa sürüşmə və uçqunların başa çatacağını deyə bilmərik".

Xidmət rəisi bildirib ki, Astara-Lerik, Abşeron yarımadası, İsmayıllı, Ağsu rayonunda sürüşmə məsələsi aktualdır: "Bunlar arasında insanlar üçün neqativ hallar doğura biləcəkləri xüsusi diqqətdə saxlanılır və bizim tərəfimizdən monitorinqə cəlb edilib. Onların dinamikası izlənir və müvafiq qurumlara məlumat verilir"

213
Teqlər:
ərazi, təhlükə, Azərbaycan, subasma, uçqun, sürüşmə
WhatsApp loqosu, arxiv şəkli

"Whatsapp"a tamam, yoxsa davam - sosial şəbəkəyə hansı məlumatlarımız lazımdır?

4
(Yenilənib 19:47 07.05.2021)
"Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox" - Fərid Pərdəşünas.

Nigar İsgəndərova, Sputnik Azərbaycan

BAKI, 7 may — Sputnik. "Whatsapp"la bağlı yayılan xəbərlər əslində səhv başa düşülür. Burada məlumatların ötürülməsindən söhbət getmir. 

Lakin istifadəçilər elə bilirlər ki, bu sosial şəbəkədəki şəxsi məlumatlar, video və fotolar yayılır, xeyr".

Bu barədə Sputnik Azərbaycan-a açıqlamasında texnobloger Fərid Pərdəşünas son günlər adıçəkilən sosial şəbəkənin idarəetmə sistemindəki dəyişikliklər, mesajların, şəxsi məlumatların yayılmasına münasibət bildirərkən deyib.

O, "Whatsapp" tərəfindən "Facebook"a ötürüləcək məlumatlara isə bu cür aydınlıq gətirib:

"Burada söhbət ad, soyad, şəxsin sonuncu dəfə onlayn olma vaxtı, sosial şəbəkədəki davranış tarixçələrindən gedir. Yəni şəxs hansı müddətdə bu sosial şəbəkəyə daxil olur və s. bu tip məlumatlar "Whatsapp" tərəfindən "Facebook"a göndərilir və reklam alətlərində, "Whatsapp Biznes"də bizneslərin optimallaşdırılması, hədəf auditoriyalarının müəyyən olunmasında istifadə olunacaq. Yəni fərdi məlumatların ötürülməsi ilə bağlı heç bir təhlükə yoxdur".

Həmsöhbətimiz deyir ki, bu proses illərdir belə davam etsə də, artıq sosial şəbəkə bunu rəsmi olaraq elan etməyə başlayıb: "Sosial şəbəkə istifadəçilərə öncədən bu haqda məlumat verir. Bu, əslində, belə olmalıdır və istifadəçilər bununla razılaşmalıdırlar. Bu səbəbdən düşünürəm ki, platforma dəyişməyə, başqa sosial şəbəkə platformasına axın etməyə, söz-söhbət yaratmağa ehtiyac yoxdur. Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox".

4
Teqlər:
istifadəçi, ekspert, siyasət, yeni, "Whatsapp"
Tələbələr, arxiv şəkli

Aqrar Universitetin statusu dəyişib

6
(Yenilənib 21:06 07.05.2021)
Azərbaycan Dövlət Aqrar Universiteti Kənd Təsərrüfatı Nazirliyinin strukturuna daxil olmayan tabeliyindəki büdcədən maliyyələşdirilən qurumlar siyahısından çıxarılıb.

 

BAKI, 7 may — Sputnik. Azərbaycan Dövlət Aqrar Universiteti publik hüquqi şəxs statusunda Kənd Təsərrüfatı Nazirliyinin strukturuna daxil olmayan tabeliyindəki qurum olacaq.

Sputnik Azərbaycan-ın məlumatına görə, Nazirlər Kabineti bununla bağlı “Azərbaycan Respublikası Kənd Təsərrüfatı Nazirliyinin strukturuna daxil olmayan tabeliyindəki qurumların Siyahısı”nın təsdiq edilməsi haqqında” qərarında dəyişiklik edib.

Azərbaycan Dövlət Aqrar Universiteti Kənd Təsərrüfatı Nazirliyinin strukturuna daxil olmayan tabeliyindəki büdcədən maliyyələşdirilən qurumlar siyahısından çıxarılıb.

6