100 manat, arxiv şəkli

“Bütün şəhid ailələri sosial ödənişlərlə təmin olunacaqlar” - Nazir

14
(Yenilənib 18:37 09.04.2021)
"9 minə yaxın şəxs müxtəlif sosioloji-psixoloji reabilitasiyaya və digər xidmətlərə cəlb edilib. 7 mindən çox şəxsə 13 mindən çox sosial ödəniş həyata keçirilib"

BAKI, 9 aprel — Sputnik. 44 günlük Vətən müharibəsində Azərbaycanın ərazi bütövlüyü, suverenliyi bərpa edildikdən sonra ölkə başçısının təşəbbüsü ilə çoxsaylı sosial proqramlar icra olunur. Ötən dövr ərzində 20 min şəxs bu proqramlar çərçivəsində əhatə olunub.

Sputnik Azərbaycan-ın məlumatına görə, bu barədə əmək və əhalinin sosial müdafiəsi naziri Sahil Babayev deyib. O bildirib ki, bu dövrdə 13 minə yaxın sosial ödənişlər təyin edilib, 4 minə yaxın şəhid ailəsi, müharibə əlili və müharibə iştirakçısı məşğulluq proqramlarına cəlb edilib.

"9 minə yaxın şəxs müxtəlif sosioloji-psixoloji reabilitasiyaya və digər xidmətlərə cəlb edilib. 7 mindən çox şəxsə 13 mindən çox sosial ödəniş həyata keçirilib. Bu proses davamlı olaraq icra ediləcək. Bütün şəhid ailələri, müharibə əlilləri sosial ödənişlərlə təmin olunacaqlar. Bu dövrdə 15 qazimizə tam elektron protezlər təqdim edilib. Bu proses il ərzində əzalarını itirmiş, amputasiyası olan, əlilliyi olan bütün şəxsləri əhatə edəcək".

14

Ey qızıl lalələr, qızıl lalələr video

7
(Yenilənib 13:03 06.05.2021)
Yaz fəsli Azərbaycan təbiətində xüsusi rəngarənglik yaradır. Bakı-Şamaxı-Yevlax avtomobil yolunun kənarında, Göyçayın Qarayazı kəndinin ətrafında bitən qızıl lalələr gözəl mənzərə ortaya çıxarıb.

Rayonun dörd bir yanında yamyaşıl çəmənliklərdə boy verən lalələr paytaxt sakinləri ilə bərabər, yerli qonaqların, yaradıcı insanların da diqqətini cəlb etməyi bacarır.

7

Azərbaycanda sutkalıq yoluxma sayı aşağı düşdü

217
Yeni yoluxma hallarının müəyyənləşdirilməsi ilə əlaqədar 10 717, bu günə qədər isə ümumilikdə 3 300 581 test icra olunub

 

BAKI, 6 may — Sputnik. Azərbaycanda koronavirus (COVID-19) infeksiyasına 844 yeni yoluxma faktı qeydə alınıb, 2 057 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 18 nəfər vəfat edib.

İndiyədək ölkədə ümumilikdə 324 685 nəfərin koronavirus infeksiyasına yoluxması faktı müəyyən edilib, onlardan 301 006 nəfər müalicə olunaraq sağalıb, 4 635 nəfər vəfat edib. 19 044 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 10 717, bu günə qədər isə ümumilikdə 3 300 581 test icra olunub.

217
Türkiyənin Xarici İşlər naziri Mövlud Çavuşoğlu, arxiv şəkli

Mövlud Çavuşoğlu: "O boyda Avropa İttifaqı bir kresloya görə dava etməməlidir"

0
(Yenilənib 16:25 06.05.2021)
"Biz protokol qaydalarının nə olduğunu bilirik. Bu günə kimi heç vaxt bu cür problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmamışdı".

BAKI, 6 may — Sputnik. Bu gün Türkiyənin xarici işlər naziri Mövlud Çavuşoğlu almaniyalı həmkarı Hayko Maasla keçirdiyi birgə mətbuat konfransında Avropa Komissiyasının rəhbəri Ursula Von der Lyayenin Türkiyəyə səfəri zamanı yaşanan protokol böhranına da toxunub. Sputnik Azərbaycan xəbər verir ki, mətbuat konfransı hər iki ölkənin nümayəndə heyətlərinin iclasından sonra baş tutub.

"Biz protokol qaydalarının nə olduğunu bilirik. Bu günə kimi heç vaxt belə bir problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmayıb. Bu, Avropa Komissiyası ilə Avropa İttifaqı arasındakı rəqabət və mübahisələrdən doğan problemdir. O boyda Avropa İttifaqı bir kresloya görə davam etməməlidir. Öz aralarındakı problemləri Türkiyəyə sirayət etdirməsinlər", - Çavuşoğlu deyib.

Qeyd edək ki, Avropa İttifaqı Komissiyasının rəhbəri Ursula Von der Lyayen Türkiyə səfərindən sonra "qadın olduğum için mənə kreslo vermədilər" – deyə şikayət etmiş və məsələ protokol böhranı səviyyəsinə gəlib çatmışdı.

 

0