Gəncədə müharibə zamanı ermənilər tərəfindən dağıdılmış evlər

Ermənilərin Gəncədə törədikləri müharibə cinayətləri, insanlığa sığmayan vəhşilik - FOTO

1389
İƏT Təmas Qrupunun nümayəndələri Gəncəyə səfər edib, dinc şəhər sakinlərinin şəhid olduqları əraziləridə olublar. Viran qalmış evlər, sahibsiz qalmış əşyalar diplomatları təəccübləndirib.

Rahim Məmmədov, Sputnik Azərbaycan

BAKI, 7 aprel — Sputnik. Paytaxt Bakıdan sonra insanların sıx məskunlaşdığı şəhərlərdən biri də Gəncədir. Buranın sakinləri mülayim, gülərüz, qonaqpərvər olmaları ilə seçilirlər. Gəncə qədim şəhərdir, Nizaminin, Cavad Xanın yurdudur. 44 günlük Vətən müharibəsində bu şəhərdən olan onlarla, yüzlərlə mərd oğullar silaha sarılıb, döyüşə yollandılar. Qazanılan qələbədə pay sahibi olanlar arasında şəhidliyə ucalanlar da oldu, qazi olub geri dönənlər də. Ordumuz zəfərə yaxınlaşdıqca düşmən ordusu geri çəkilib istifadəsi qadağan edilmiş silahlardan, raketlərdən istifadə edərək müharibə bölgəsindən xeyli uzaqlıqda yerləşən şəhərləri atəşə məruz qoyurdu. Gəncənin dinc sakinləri də ermənilərin müharibə cinayətinin qurbanına çevrildilər. Düşmən ordusu şəhərə 2020-ci ilin oktyabr ayı ərzində 5 dəfə raket zərbələri endirdi. Dinc, günahsız 27 Gəncə sakini şəhid oldu, 125 nəfər isə müxtəlif dərəcəli xəsarətlər aldı. Yaşayış binaları, ticarət obyektləri, məktəblər dağıdıldı. Ermənistan silahlı qüvvələrinin insanlığa sığmayan vəhşiliyi, müharibə cinayəti günahsız insanların qətlə yetirildiyi dağıdılmış məkanda olan hər kəsi dəhşətə gətirir.

Sputnik Azərbaycan xəbər verir ki, İslam Əməkdaşlıq Təşkilatının (İƏT) Ermənistanın Azərbaycana qarşı təcavüzünə dair Təmas Qrupuna daxil olan ölkələrin daimi nümayəndələri Ağdam rayonunun ardından Gəncəyə səfər ediblər. Təmas Qrupuna daxil olan 9 ölkənin nümayəndələrini Şəhər İcra Hakimiyyətinin başçısı Niyazi Bayramov məlumatlandırıb. Cibutinin Səudiyyə Ərəbistanındakı səfiri, İslam Əməkdaşlıq Təşkilatındakı daimi nümayəndəsi Dya-Eddine Said Bamakhrama Gəncədə gördüklərindən təəssüfləndiyini bildirib:

© Sputnik / Rahim Mammadov
İslam Əməkdaşlıq Təşkilatındakı daimi nümayəndəsi Dya-Eddine Said Bamakhrama

“Biz əvvəlcə Ağdam rayonunda olduq, oranın tarixi ilə tanış olduq, orada çox böyük dağıntılar və qəribə vəziyyət vardı. Müharibə həll yolu deyil, biz sülhə çağırırq. Biz Azərbaycanı dəstəkləyirik. Ora ilə müqayisədə gəlib buranı görürük, bura müharibə yeri deyil. Burada əhali yaşayırdı. Lakin buradakı mənzərə göz qabağındadır. Biz bunları pisləyirik, biz məsələnin sülh yolu ilə həllinin tərəfdarıyıq. Azərbaycan Prezidentini, hökumətini də təbrik edirik. Öz ərazisini azad elədi. Bizə çox xoş oldu ki, qardaşlarımız torpaqları azad etdilər. Burada gördüyümüz vəziyyət də xoş deyil. Biz bunu qınayırıq. Ermənistan ilə Azərbaycan arasında olan məsələnin sülh yolu ilə bitməsini hər zaman deyirik. Müharibə həll yolu deyil. İnşallah, Azərbaycan daha da gözəl başarıqlar əldə etsin. Biz də buna sevinək. İƏT nümayəndə heyəti olaraq hər zaman yanınızdayıq. İƏT tərəfindən bəyanat qəbul olunub. Biz gəlmişik ki, burada olanları görüb bir daha Azərbaycanı dəstəklədiyimizi bildirək”.

Dağılmış evlər, şəhid olan sakinlərin əşyaları, ermənilər tərəfindən atılan raketin yaratdığı çuxur diplomatların diqqətindən yayınmayıb. Qambiyanın İslam Əməkdaşlıq Təşkilatındakı nümayəndəsinin müavini Əbubəkr Cah, Gəncədə kifayət qədər böyük dağıntıların şahidi olduğunu bildirib:

  • Qambiyanın İslam Əməkdaşlıq Təşkilatındakı nümayəndəsinin müavini Əbubəkr Cah
    © Sputnik / Rahim Mammadov
  • Ermənilərin Gəncədə törətdikləri müharibə cinayətlərinin nəticələri
    © Sputnik / Rahim Mammadov
  • Ermənilərin Gəncədə törətdikləri müharibə cinayətlərinin nəticələri
    © Sputnik / Rahim Mammadov
  • Gəncədə müharibə zamanı ermənilər tərəfindən dağıdılmış evlər
    © Sputnik / Rahim Mammadov
  • Gəncədə müharibə zamanı ermənilər tərəfindən dağıdılmış evlər
    © Sputnik / Rahim Mammadov
  • Ermənilərin Gəncəyə atdıqları raket nəticəsində şəhid olanlara xatirə lövhəsi
    © Sputnik / Rahim Mammadov
  • İslam Əməkdaşlıq Təşkilatının nümayəndələrinin Gəncəyə səfəri
    © Sputnik / Rahim Mammadov
1 / 7
© Sputnik / Rahim Mammadov
Qambiyanın İslam Əməkdaşlıq Təşkilatındakı nümayəndəsinin müavini Əbubəkr Cah

“Bu şəhərdə gördüyüm mənzərə çox ürəkağrıdıcıdır. Kifayət qədər böyük dağıntlar var, biz onun şahidi olduq. Dua edirəm ki, belə dağıntı, faciə bir daha yaşanmasın. Biz burada genişmiqyaslı erməni vəhşiliyinin Azərbaycan xalqına, mülki əhaliyə qarşı şahidi oluruq. Bunu bütün dünya ictimaiyyəti olaraq qınayırıq. Eyni zamanda İslam Əməkdaşlıq Təşkilatının üzv dövlətləri olaraq bütün baş verən hadisələri pisləyirik. Biz həm də görürük ki, insan tələfatı olub. Burada yaşayanların heç bir günahı yoxdur. Onlara qarşı atılan addım həqiqətən çox böyük terror nümunəsidir. Bir daha dua edirik ki, Azərbaycan belə hadisələrlə, müharibə ilə üzləşməsin. Ölkə daha da çiçəklənsin, inkişaf etsin”.

Qeyd edək ki, diplomatların Gəncə şəhərinə səfəri sona çatıb.

1389
Teqlər:
səfər, İƏT, erməni terroru, müharibə, Gəncə
Yanğın şlanqı, arxiv şəkli

Bakının mərkəzində çaxnaşma: dördmərtəbəli binada yanğın oldu

7
(Yenilənib 00:19 21.04.2021)
Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar.

BAKI, 21 aprel - Sputnik. Bakının mərkəzində yanğın olub.

Sputnik Azərbaycan bildirir ki, Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nəsimi rayonu, 28 May küçəsi 4 ünvanında yerləşən dördmərtəbəli binada yanğın olması barədə məlumat daxil olub.

Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar. Yanğın söndürülüb.

 

7
Teqlər:
yanğın, Bakı

Azərbaycanın Baş naziri Moskvaya dəvət olundu

8
Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

BAKI, 20 aprel - Sputnik. Bu gün Rusiya Federasiyası Hökumətinin sədri Mixail Mişustin Azərbaycan Respublikasının Baş naziri Əli Əsədova telefonla zəng edib.

Sputnik Azərbaycan bildirir ki, bu barədə Nazirlər Kabinetinin mətbuat xidmətinin məlumatında deyilir. Telefon danışığı əsnasında Azərbaycanla Rusiya arasında ticarət dövriyyəsinin artmasından və qarşılıqlı tədarük olunan məhsul çeşidinin genişlənməsindən məmnunluq ifadə edilib.

Hacıqabul sənaye məhəlləsində "GAZel-NEXT" və "GAZon NEXT" kommersiya yük maşınlarının yığım istehsalı zavodunun istismara verilməsi məmnuniyyətlə vurğulanıb. Həmçinin qarşılıqlı maraq doğuran bir sıra digər məsələlər müzakirə olunub.

Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

8
Teqlər:
rəsmi səfər, dəvət, Əli Əsədov, Mixail Mişustin, Azərbaycan, Rusiya
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Rusiyaya gedəcək

0
"Biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik".

BAKI, 20 aprel - Sputnik. Türkiyə Xarici işlər naziri Mövlud Çavuşoğlu bildirib ki, ölkəsində koronavirusla bağlı vəziyyət normallaşan kimi uçuşların bərpasının müzakirəsi üçün Rusiyaya gedəcək.

Sputnik Azərbaycan-ın məlumatına görə, Türkiyədə ötən cümə günü pandemiya başlayandan bəri sutka ərzində ən yüksək yoluxma (63082), bu həftənin çərşənbə axşamı isə sutka ərzində ən çox ölüm (346) faktı qeydə alınmışdı. Türkiyədə ağır pandemiya şəraitinə görə Rusiya bu ölkə ilə aprelin 15-dən iyunun 1-dək aviaəlaqəni dayandırıb.

"Türkiyədə koronavirusa yoluxma hallarının artması səbəbindən Rusiya uçuşları məhdudlaşdırdı. İki ölkənin prezidentləri bunu müzakirə etdilər və belə bir qərar alındı, burada siyasət yoxdur. Ancaq biz əlavə məhdudiyyətlər tətbiq etdik. Əgər onları pozsaq, nəticə əldə edə bilmərik, o zaman bizim turizm risk altına düşər", - Çavuşoğlu Habertürk kanalının efirində deyib.

Onun sözlərinə görə, tezliklə Rusiyadan olan nümayəndələr turizm sahəsində təhlükəsizliyi qiymətləndimək üçün Türkiyəyə gələcəklər. 

"Sonra isə biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik. Ramazan ayı ərzində bu göstəriciləri azaltmalıyıq", - Çavuşoğlu əlavə edib.

0
Teqlər:
səfər, Rusiya, Türkiyə, Mövlüd Çavuşoğlu