Molla Nəsrəddin jurnalı

Yüz on beş yaşlı "Molla Nəsrəddin" yəhudi həmyerlimizin emalatxanasında yaşayır - FOTOLAR

1531
(Yenilənib 21:49 07.04.2021)
İstəsəm, indi bunları da sata bilərəm, satmıram. Müasirdə nə var ki, nə varsa köhnədə var. O dövrün "Molla Nəsrəddin"ində də real problemlərə ayna tutulurdu"

Nigar İsgəndərova, Sputnik Azərbaycan

BAKI, 7 aprel — Sputnik. Ötən əsrin əvvəllərini, Azərbaycan tarixinin 25 illik dövrünü özündə birləşdirən "Molla Nəsrəddin" jurnalının bütün nömrələri bu gün Azərbaycanda yaşayan yəhudi əsilli Eduard Şamaryayev tərəfindən qorunaraq saxlanılır. Birinci sayı 1906-ci il aprelin 7-də Tiflisdə (köhnə təqvimlə 20-də) işıq üzü görən jurnal 1906-1918-ci illərdə Tiflisdə, 1921-ci ildə Təbrizdə, 1922-1931-ci illərdə Bakıda nəşr edilib. Təsisçisi Ömər Faiq Nemanzadə, redaktoru və müəllifi Cəlil Məmmədquluzadə olub. 25 il ərzində 748 nömrəsi (340-ı Tiflisdə, 8-i Təbrizdə, 400-ü Bakıda) çıxıb.

  • "Molla Nəsrəddin" jurnalı
    © Sputnik / Nigar Iskanderova
  • "Molla Nəsrəddin" jurnalı
    © Sputnik / Nigar Iskanderova
  • "Molla Nəsrəddin" jurnalı
    © Sputnik / Nigar Iskanderova
  • "Molla Nəsrəddin" jurnalı
    © Sputnik / Nigar Iskanderova
  • "Molla Nəsrəddin" jurnalı
    © Sputnik / Nigar Iskanderova
1 / 5
© Sputnik / Nigar Iskanderova
"Molla Nəsrəddin" jurnalı

Bəlkə də çoxlarının görmək, oxumaq və toxunmaq istədiyi jurnallara baxmaq, onları səhifələmək eşqi ilə Sputnik Azərbaycan Eduard Şamaryayevin Qobuda yerləşən emalatxanasına baş çəkdi. Şamaryayev deyir ki, o elə özünü dərk edəndən, təxminən 1993-cü ildən bu nümunələri toplamağa başlayıb: "15-16 yaşlarımda "Bit bazarı"nda qədimi əşyalar satıb pul qazanırdım. O zamanlar ingilis alıcılarım da olurdu. Mən onlarla ingiliscə danışırdım, yaxşı da pul qazanırdım. Hələ ondan bir qədər də əvvəl, təxminən 1993-cü ildən məndə kolleksiya yığmağa maraq yaranmışdı. Beləcə, bir çox jurnalları, o cümlədən də "Molla Nəsrəddin"i yığmağa başladım. İstəsəm, indi bunları da sata bilərəm, satmıram. Müasirdə nə var ki, nə varsa köhnədə var. O dövrün "Molla Nəsrəddin"ində də real problemlərə ayna tutulurdu. Görülən eybəcərliklər satirik janrda karikaturalarda əksini tapırdı. Mən onları toplamışam, imkan olduqca oxuyuram da. Yəqin ki, təqaüdə çıxdıqda onları araşdıracağam. Adi bir-iki məktubu oxuyanda belə adama maraqlı gəlir. Bütün bunlar zaman maşınıdır".

© Sputnik / Nigar Iskanderova
Atkritkalar və molla nəsrəddin kolleksiyları

Şamaryayev "Molla Nəsrəddin"lə yanaşı, "Birja" qəzetinin də bütün nüsxələrini toplayıb, mühafizə edir. Kolleksiyada həmçinin həmin nömrələrin rəngli variantlarına da rast gəlmək mümkündür. Kolleksiyada həm ərəb, həm də latın əlifbasıyla yazılmış müxtəlif nüsxələr, eyni zamanda dahi rəssam Əzim Əzimzadənin sırf bu jurnal üçün çəkdiyi bütün karikaturalar var. Əzim Əzimzadənin çəkdiyi bu karikaturalar o dövr üçün bir inqilab hesab olunurdu.

Bəs bunları haradan əldə etmisiz, necə toplamısız sualına cavab olaraq Şamaryayev bu haqda geniş danışmaq istəmədiyini bildirib: "Bunları tapmışam. Məsələn, "Molla Nəəsrəddin"i auksiondan almamışam, amma digərlərini auksionlardan da almışam. Elələri olub ki, tullanılıb, mən götürüb saxlamışam, qorumuşam. Məndə olan "Molla Nəsrəddin"in nüsxələrinin çoxu tamdır".

© Sputnik / Nigar Iskanderova
"Molla Nəsrəddin" jurnalı

Söhbət edə-edə tarixə toxunub "Molla Nəsrəddin"in ilk, ən köhnə nümunələrini əlimizə alaraq vərəqləyirik. Burada ermənilərin bəd əməllərinin pislənilməsindən tutmuş, "Binəqədidən" başlıqlı məktubları da görmək mümkündür.

"Camaat tullayanda mən onları yığıram", - deyən Eduard Şamaryayevin kolleksiyaları yalnız bununla bitmir. Onun eyni zamanda marka, teleqram kolleksiyası, qədimi "İncil"ləri də var. O, danışan tarixi toplayıb onu yaşatmaqdan, tanıtmaqdan xüsusi zövq alır. Lakin kağızdan olan nümunələrə digərləri ilə müqayisədə daha həssas yanaşır: "Kağızdan olan kolleksiyaları qorumaq üçün xüsusi qoruyuculardan, vasitələrdən istifadə edirəm ki, onlara qurd düşməsin. Ona görə kağızdan olan nələrisə toplamaqdan qorxuram. Çünki qurd düşəndə deşik-deşik olur. Mənə  çatanadək bu nümunələrin bir hissəsini qurd yeyib. Amma əlimə çatanların heç biri sonradan zərər görməyib".

1531
Yanğın şlanqı, arxiv şəkli

Bakının mərkəzində çaxnaşma: dördmərtəbəli binada yanğın oldu

6
(Yenilənib 00:19 21.04.2021)
Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar.

BAKI, 21 aprel - Sputnik. Bakının mərkəzində yanğın olub.

Sputnik Azərbaycan bildirir ki, Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nəsimi rayonu, 28 May küçəsi 4 ünvanında yerləşən dördmərtəbəli binada yanğın olması barədə məlumat daxil olub.

Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar. Yanğın söndürülüb.

 

6
Teqlər:
yanğın, Bakı

Azərbaycanın Baş naziri Moskvaya dəvət olundu

7
Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

BAKI, 20 aprel - Sputnik. Bu gün Rusiya Federasiyası Hökumətinin sədri Mixail Mişustin Azərbaycan Respublikasının Baş naziri Əli Əsədova telefonla zəng edib.

Sputnik Azərbaycan bildirir ki, bu barədə Nazirlər Kabinetinin mətbuat xidmətinin məlumatında deyilir. Telefon danışığı əsnasında Azərbaycanla Rusiya arasında ticarət dövriyyəsinin artmasından və qarşılıqlı tədarük olunan məhsul çeşidinin genişlənməsindən məmnunluq ifadə edilib.

Hacıqabul sənaye məhəlləsində "GAZel-NEXT" və "GAZon NEXT" kommersiya yük maşınlarının yığım istehsalı zavodunun istismara verilməsi məmnuniyyətlə vurğulanıb. Həmçinin qarşılıqlı maraq doğuran bir sıra digər məsələlər müzakirə olunub.

Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

7
Teqlər:
rəsmi səfər, dəvət, Əli Əsədov, Mixail Mişustin, Azərbaycan, Rusiya
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Rusiyaya gedəcək

0
"Biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik".

BAKI, 20 aprel - Sputnik. Türkiyə Xarici işlər naziri Mövlud Çavuşoğlu bildirib ki, ölkəsində koronavirusla bağlı vəziyyət normallaşan kimi uçuşların bərpasının müzakirəsi üçün Rusiyaya gedəcək.

Sputnik Azərbaycan-ın məlumatına görə, Türkiyədə ötən cümə günü pandemiya başlayandan bəri sutka ərzində ən yüksək yoluxma (63082), bu həftənin çərşənbə axşamı isə sutka ərzində ən çox ölüm (346) faktı qeydə alınmışdı. Türkiyədə ağır pandemiya şəraitinə görə Rusiya bu ölkə ilə aprelin 15-dən iyunun 1-dək aviaəlaqəni dayandırıb.

"Türkiyədə koronavirusa yoluxma hallarının artması səbəbindən Rusiya uçuşları məhdudlaşdırdı. İki ölkənin prezidentləri bunu müzakirə etdilər və belə bir qərar alındı, burada siyasət yoxdur. Ancaq biz əlavə məhdudiyyətlər tətbiq etdik. Əgər onları pozsaq, nəticə əldə edə bilmərik, o zaman bizim turizm risk altına düşər", - Çavuşoğlu Habertürk kanalının efirində deyib.

Onun sözlərinə görə, tezliklə Rusiyadan olan nümayəndələr turizm sahəsində təhlükəsizliyi qiymətləndimək üçün Türkiyəyə gələcəklər. 

"Sonra isə biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik. Ramazan ayı ərzində bu göstəriciləri azaltmalıyıq", - Çavuşoğlu əlavə edib.

0
Teqlər:
səfər, Rusiya, Türkiyə, Mövlüd Çavuşoğlu