Həyət evləri, arxiv şəkli

Azərbaycanda bağ evləri bahalaşdı: İnsanların hava almağa ehtiyacı yaranıb

795
(Yenilənib 15:46 03.04.2021)
"Bu gün bağ evlərinin erkən rezervasiyası, insanların mövsüm başlamamış bağ evi kirayə etməsi hazırda bahalaşmaya təsir edən amildir".

Zülfiyyə Quluyeva, Sputnik Azərbaycan

BAKI, 3 aprel — Sputnik. Havalar hələ tam isinməsə də, artıq paytaxtda bağ evlərinin satış və kirayə haqqı bahalaşıb. Sputnik Azərbaycan-ın məlumatına görə, "MBA Group" konsaltinq şirkətinin direktoru, əmlak məsələləri üzrə ekspert Nüsrət İbrahimov bildirib ki, fərdi yaşayış və bağ evlərinin kirayəsində həm ay ərzində, həm də il ərzində artım qeydə alınıb. Onun sözlərinə görə, ay ərzində 1,76 faiz, ötən illə müqayisədə isə 11,91 faiz artım müşahidə olunub.

Sputnik Azərbaycan yay gəlməmiş bağ evlərinin satış və kirayə qiymətlərinin bahalaşma səbəblərini araşdırıb. Əmlak məsələləri üzrə ekspert Ramil Osmanlı Sputnik Azərbaycan-a açıqlamasında bildirib ki, bağ evlərinin qiymətində mart ayından bahalaşmanın əsas səbəbi pandemiya dövründə insanların xaricə istirahətə getmək imkanlarının məhdudlaşmasıdır: "Əvvəllər yay aylarında insanlar müxtəlif ölkələrə istirahətə üz tuturdular. Pandemiya dövründə xaricə səyahət imkanlarının məhdudlaşması insanları istirahəti Bakıətrafında keçirməyə məcbur edir. İnsanlar bağ evlərinə üz tutur. Bu isə bağ evlərinə tələbatı artırır".

O ki qaldı havalar isinməmiş qiymətlərdə artımın qeydə alınmasına, R.Osmanlı deyir ki, bağ mövsümü başlamamış qiymətlərin bahalaşması insanların indidən bağlarda ev kirayə götürməsi ilə əlaqədardır: "Ötən mövsüm pandemiya dövründə bağ evlərinə tələbat kəskin artdı. Ona görə də insanlar indidən yay üçün bağ evi kirayə götürməyə başlayıblar. Bu da qiymətlərin mövsüm başlamamış bahalaşmasına gətirib çıxardıb".

R.Osmanlı deyir ki, bu gün ərazilər üzrə bölgü aparılsa, inzibati mərkəzlərə yaxın olan ərazilərdə bağ evlərinin kirayə qiyməti daha bahadır: "İnzibati mərkəzlərə, magistrallara, yaxın ərazilərdə qiymətlər daha bahadır. Bilgəh həm satış, həm də icarə qiymətlərinə görə daha bahadır. Buna da səbəb əhalinin imkanlı təbəqəsinin Bilgəhdən bağ sahəsi almağa daha maraqlı olmasıdır".

Həmsöhbətimiz bildirir ki, bağ evlərinin kirayə qiymətləri mövsümü dövrlərdə 1000 manatdan başlayıb 20 min manatadək dəyişir:

"Bu gün bağ evlərinin erkən rezervasiyası, insanların mövsüm başlamamış bağ evi kirayə götürməsi hazırda bahalaşmaya təsir edən amildir".

R.Osmanlının sözlərinə görə, son illər əhali arasında bağ evlərində daimi yaşayanların sayı artıb. İnfrastruktur inkişaf etdikcə, insanlarda bağda yaşamağa maraq artır. İnfrastruktur imkanlarının artması, kommunal problemlərin aradan qalxması bağ evlərində yaşayan insanların sayının ildən-ilə artmasına gətirib çıxardır. 

"Artıq Bakının hansısa kəndi ilə mərkəzini sadəcə məsafə ayırır. Amma illər öncə qış aylarında kommunal vəziyyət bağ evlərində yaşamağı çətinləşdirirdi. Kommunal təchizat yaxşılaşdıqca insanlarda bağ evlərində yaşamağa maraq da artır", - ekspert deyib.

Əlaqə saxladığımız daşınmaz əmlak agentlikləri, bağ evləri kirayəsi ilə məşğul olan rieltorlar da qiymətlərdə ötən illə müqayisədə bahalaşma olduğunu təsdiqlədilər. Pirşağı qəsəbəsində ev alqı-satqısı, kirayəsi ilə məşğul olan Teyyub Ömərov bildirdi ki, bağ evlərinə indidən tələbat artıb: "Həmişə bağ evlərini may ayından kirayələyirdilər. Bu il aprel ayına beh verənlər var. Pandemiyada camaat hansı qadağaların olacağını bilmir. Hamı bərayi-ehtiyat bağ evi kirayələyir ki, yayda açıq havada rahat nəfəs ala bilsin. Makler bağ evlərinin kirayə haqqının 600 manatdan başladığını söyləyir. Onun sözlərinə görə, şəraitli, bağlı-baxçalı, meyvə ağacları olan bağ evlərinin kirayə haqqı isə 1000 manatdan başlayır.

795

Bakıda minik maşını avtobusa çırpılıb, yaralı var

7
(Yenilənib 23:24 14.04.2021)
Nərimanov rayonunda dayanacaqda saxlamış "Bakubus" MMC-yə məxsus avtobusa yüksək sürətlə hərəkət edən minik maşını çırpılıb.

BAKI, 14 aprel - Sputnik. Bakının Nərimanov rayonunda yol-nəqliyyat hadisəsi baş verib.

Sputnik Azərbaycan APA-ya istinadən xəbər verir ki, hadisə Koroğlu Rəhimov küçəsində qeydə alınıb.

“Bakubus” MMC-yə məxsus 13 nömrəli marşut avtobusu dayanacaqda duran zaman yüksək sürətlə hərəkətdə olan “Hyundai” markalı avtomobil ona çırpılıb. Qəza nəticəsində minik avtomobilinin sürücüsü ağır bədən xəsarəti alıb.

Hadisə yerinə Nərimanov Rayon Polis İdarəsinin əməkdaşları cəlb ediliblər.

 

7
Teqlər:
"BakuBus" MMC, yaralı, avtobus, qəza
Kino lenti, arxiv şəkli

"Fəryad-2" filmində hansı dəyişikliklər olacaq?

150
"Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq".

Şahpəri Abbasova, Sputnik Azərbaycan

BAKI, 14 aprel — Sputnik. Mədəniyyət Nazirliyinin sifarişi ilə C.Cabbarlı adına "Azərbaycanfilm" kinostudiyasında "Fəryad-2" adlı bədii filmi çəkiləcək.

Bu barədə Sputnik Azərbaycan-a danışan C.Cabbarlı adına "Azərbaycanfilm" Kinostudiyasının direktoru Fariz Əhmədov bildirir ki, Azərbaycan Prezidenti, Ali Baş Komandan İlham Əliyevin rəhbərliyi ilə Müzəffər Azərbaycan Ordusu tərəfindən 44 günlük Vətən müharibəsində qazanılmış qələbəyə həsr olunan filmin ssenari müəllifi və quruluşçu rejissoru tanınmış kinorejissor, Xalq artisti Vaqif Mustafayevdir: 

"Mən ssenarini oxuyan bir adam kimi, yaradıcı şəxs kimi deyə bilərəm ki, çox yaxşı bir film olacaq. Orada Vaqif Mustafayev markası var. Vaqif Mustafayevin digər filmlərindəki xətt bu filmdə də hiss olunur. Vaqif Mustafayevin özünün dəst-xətti var.

Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq. Məkanlar və aktyorlar hələlik məlum deyil. Birinci "Fəryad"la ikinci "Fəryad" arasında fərq var. Digərlərini isə filmə baxdıqlarında görə biləcəklər".

Qeyd edək ki, filmin çəkilişlərinin bu ilin iyul-avqust aylarında, əsasən Vətən müharibəsi zamanı döyüş əməliyyatlarının aparıldığı ərazilərdə həyata keçirilməsi planlaşdırılır. Xatırladaq ki, ilk "Fəryad" filmi 1993-cü ildə çəkilib. Film Birinci Qarabağ müharibəsinə həsr olunub. Baş qəhrəmanın prototipi var və burada təsvir olunan hadisələr real faktlara əsaslanır. Ekran əsəri Qarabağ müharibəsində döyüşən əsgərlərdən birinin başına gətirilən əhvalatdan bəhs edir.

150
Teqlər:
"Azərbaycanfilm" kinostudiyası, Azərbaycan, film
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

0
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

0
Teqlər:
görüş, Cozef Bayden, Vladimir Putin