Peyvənd pasportu

Xaricə səyahət edənlər qarşısında test müəmması - QR kod vacibdir, yoxsa yox?

444
(Yenilənib 20:24 03.04.2021)
"40 manata PCR testi edən poliklinikaların çoxunun nəticələrini AZAL qəbul etmədiyi üçün vətəndaşlar özəl klinikalarda test etdirməyə məcbur olurlar".

Zülfiyyə Quluyeva, Sputnik Azərbaycan

BAKI, 3 aprel — Sputnik. "Azərbaycan Hava Yolları" (AZAL) xaricə səfər edənlər üçün əksər dövlət xəstəxanalarının COVID-19 təyini ilə bağlı PCR testlərinin nəticələrini tanımır. Bununla bağlı jurnalist Rəsul Mirhəşimli sosial şəbəkədə paylaşım edib. O qeyd edib ki, dövlət poliklinikalarında həmin test üçün məbləğ özəl klinikalardan 2 dəfəyə qədər ucuz olsa da, "Azərbaycan Hava Yolları" QSC yalnız məhdud çərçivədə dövlət poliklinikasının nəticələrini qəbul edir. Jurnalist qeyd edib ki, dövlət xəstəxanalarında PCR testinin qiyməti 40 manatdır. Özəl klinikalarda isə bu qiymət 70-110 manat arasında dəyişir. Onun sözlərinə görə, Sumqayıtda müraciət olunan özəl klinikaların bəziləri əvvəllər PCR testi etsələr də, sonradan onların səlahiyyətlərinin alındığını bildiriblər:

"Nəhayət Sumqayıtdakı Ailə Sağlamlıq Mərkəzinə getdim. Bir müddət əvvəl burada PCR testinin qiyməti 65 manat olub. Mənə isə qiymətin 95 manat olduğunu bildirdilər. Plan açıq-aşkar ortadadır. 40 manata PCR testi edən poliklinikaların çoxunun nəticələrini AZAL qəbul etmədiyi üçün vətəndaşlar özəl klinikalarda test etdirməyə məcbur olurlar. Nəhayət uzun axtarışdan sonra Tusi adına Klinikada 70 manat ödəyib, test verdik".

Sputnik Azərbaycan AZAL-a qarşı səsləndirilən bu ittihamları araşdırıb.

AZAL-dan Sputnik Azərbaycan-a bildirilib ki, COVID-19 pandemiyası dövründə reyslərin icrası zamanı sərnişinlər Azərbaycandan uçub getmək üçün mütləq qaydada TƏBİB-in akkreditə olunmuş laboratoriyalarında koronavirus infeksiyasına dair testdən keçməlidirlər: "Digər ölkələrdən Azərbaycana uçuş zamanı sərnişinlər COVID-19 koronavirusunun olmaması barədə arayış təqdim etməlidirlər (yalnız PCR testləri qəbul olunur). Koronavirus infeksiyasına dair testin mənfi nəticəsi barədə arayış uçuşdan əvvəl 48 saat ərzində alınmalıdır. Eyni zamanda, testin nəticəsi müsbət olan sərnişinlər uçuşa buraxılmayacaqlar. İstanbul-Bakı istiqamətində endirimdən yararlanmaq istəyən tələbələrin nəzərinə - aviabiletlərin rəsmiləşdirilməsi fərdi qaydada həyata keçirilməlidir".

Qeyd edək ki, jurnalist onu da bildirib ki, Səbail rayonundakı 1 saylı poliklinika AZAL-ın xaricə səyahət üçün test edə bilən obyektlər siyahısında göstərilsə də, AZAL bu testlərdə QR kodu olmadığını əsas gətirərək nəticələri qəbul etmir.

AZAL-dan bildirdilər ki, arayışda QR-kodun olması arzuolunandır, çünki PCR testinin nəticələri barədə ətraflı məlumatı daha operativ şəkildə əldə etməyə imkan verir:

"QR-kod ilə arayış təqdim edən sərnişinlər sərhəd nəzarətindən daha sürətli keçəcəklər, belə ki, bu unikal kod PCR testinin nəticələri barədə tam məlumat verəcəkdir. COVID-19 üçün PCR testinin mənfi nəticəsi qeyd olunan, lakin üzərində QR-kod olmayan arayışı təqdim edən sərnişinlər, mövcud tələblərə uyğun olaraq, daha dəqiq yoxlamadan keçəcəklər. Sərnişinlər bu yoxlamanın əlavə vaxt aparacağını nəzərə almalıdırlar".

TƏBİB-dən isə bildirdilər ki, Bakı şəhəri üzrə COVID-19 üçün PCR testi aparan 45 laboratoriyanın 12-i TƏBİB-in balansındadır. Paytaxtda isə bu testi aparan tibb müəssisələrin çoxu Səhiyyə Nazirliyinə tabedir.

Sputnik Azərbaycan-ın apardığı araşdırma zamanı da bəlli olub ki, Səbail rayonundakı 1 saylı Şəhər poliklinikası xaricə səyahət üçün test edə bilən klinika və laboratoriyalar siyahısında öz əksini tapıb.

AZAL-ın saytında yer alan məlumatda qeyd olunur ki, "Azərbaycan Hava Yolları"nın xüsusi reysləri ilə Heydər Əliyev Beynəlxalq Aeroportundan yola düşmək üçün sərnişinlər Azərbaycanda yerləşən, adları aşağıda qeyd olunmuş klinika və laboratoriyalarda koronavirus (COVID-19) testindən keçə bilərlər. Siyahı isə aşağıdakı linkdə öz əksini tapıb (https://www.azal.az/az/information/covid-clinics). Bu tibb müəssisələrinin arasında Səbail rayonundakı 1 saylı Şəhər poliklinikası da var. Digər klinikaların isə mütləq əksəriyyəti özəldir. Səbail rayonundakı 1 saylı Şəhər poliklinikasından bildirdilər ki, onlar 40 manat ödəniş müqabilində test edirlər. O ki qaldı QR koda, poliklinikadan QR kodu olmadığını bildirdilər: "Əgər AZAL sizdən israrla QR kodu olan cavab istəyirsə, o zaman gedib özəl klinikada test verin".

AZAL-dan isə bir daha bildirdilər ki, QR kodun olması arzuolunandır, məcburi deyil...

444
Bakıda avtobus, arxiv şəkli

Sabahdan iki marşrut xəttinin hərəkətində dəyişiklik ediləcək

16
(Yenilənib 10:40 20.04.2021)
51 və 57 nömrəli müntəzəm marşrutların hərəkət sxemləri X.Məmmədov küçəsi - Rahib Məmmədov küçəsi – Aşıq Ələsgər küçəsi – Ukrayna dairəsi  - Məhəmməd Hadi küçəsi ilə müvəqqəti təşkil ediləcək.

BAKI, 20 aprel — Sputnik. Sabahdan Xudu Məmmədov küçəsinin Çingizxan Kərimov küçəsi ilə kəsişməsindən Məhəmməd Hadi küçəsinin kəsişməsinə qədər olan hissəsində aparılan təmir-tikinti işləri ilə əlaqədar olaraq avtomobillərin hərəkəti müvəqqəti məhdudlaşdırılacaq. Bu barədə Sputnik Azərbaycan-a Bakı Nəqliyyat Agentliyindən məlumat verilib.

Bildirilib ki, bununla əlaqədar 51 və 57 nömrəli müntəzəm marşrutların hərəkət sxemləri X.Məmmədov küçəsi - Rahib Məmmədov küçəsi – Aşıq Ələsgər küçəsi – Ukrayna dairəsi  - Məhəmməd Hadi küçəsi ilə müvəqqəti təşkil ediləcək.

16
Xadimə hoteldə hamam otağını təmizləyir, arxiv şəkli

Azərbaycanda pandemiya ocaqları: Birgünlük kirayə evlərdə vəziyyət necədir

155
(Yenilənib 23:22 19.04.2021)
"Böyük bir həyətdə sol və sağı tək otaqlarla dolu olan evlər var ki, bunlar fəhlələrə bir günlük kirayəyə verilir. Fəhlələr günü 1 manata belə evlərdə qalırlar. Onların mətbəxləri, hamamları isə ümumi olur" - Ədalət Rüstəm.

Nigar İsgəndərova, Sputnik Azərbaycan

BAKI, 20 aprel — Sputnik. Bu günlərdə Türkiyədə birgünlük kirayə verilən evlərdə koronavirus pandemiyası ilə mübarizə çərçivəsində reyd keçirilib. Səbəb pandemiyanın geniş yayıldığı şəraitdə belə evlərdə sanitar-gigiyenik tələblərə əməl edilməməsidir. 

Azərbaycanda da birgünlük kirayə evlər var. Bu evlərin qiyməti 3 manatdan başlayır. 3, 10, 15-35 manat arasında da birgünlük kirayə evlər tapmaq mümkündür.

Bəs, görəsən bu evlərdə sanitar-gigiyenik tələblər gözlənilirmi?

Sputnik Azərbaycan belə evlərin sahibləri və maklerlərlə əlaqə saxlayıb. Onlar bu evlərin vaxtaşırı dezinfeksiya edildiyini iddia ediblər. Lakin məsələnin gerçəkdə necə olduğunu heç kəs bilmir. 

Millət vəkili Aydın Mirzəzadə Sputnik Azərbaycan-a açıqlamasında deyib ki, Türkiyədə baş verən bu hadisə çox maraqlı təcrübədir və Azərbaycan üçün də aktualdır. Deputataın fikrincə, bu istiqamətdə böyük təbliğat işi aparılmalıdır. Çünki belə vəziyyətdə evini kirayəyə verən sahiblərin də yoluxma təhlükəsi var. 

"Daxili İşlər Nazirliyinə belə yerlərə vaxtaşırı reyd keçirmə icazəsi verilməlidir. DİN və vergi orqanları ilə birgə reydlər keçirilə bilər", - deyə o, əlavə edib.

Azərbaycan Tibb Universitetinin dosenti Ədalət Rüstəm isə əməkdaşımıza birgünlük evlərin təhlükəsindən danışarkən deyib: ""Böyük bir həyətdə sol və sağı tək otaqlarla dolu olan evlər var ki, bunlar fəhlələrə bir günlük kirayəyə verilir. Fəhlələr günü 1 manata belə evlərdə qalırlar. Onların mətbəxləri, hamamları isə ümumi olur. Təsəvvür edin, biri 3-5 gün fəhlə işləyib o evi tərk edəndən sonra bir başqa fəhlə həmin evdə kirayədə qalır. COVID-19-dan öncə də belə evlər var idi. Bu evlər infeksiya mənbəyidir və orada yoluxma ehtimalı yüksəkdir. Polis tərəfindən əməliyyat keçirilərək cəzalandırma tədbirlərinin görülməsi normal haldır".

Əli Rüstəmin sözlərinə gröə, Nəsimi bazarı, Biləcəri tərəfdə də belə evlər var: "Bir həyətdə 30 ailə yaşayır. Təbii ki, bu evlər, ərazilər infeksiya mənbəyidir. Virusun yayılmasında belə evlərin də rolu var".

Azərbaycanın hüquq-mühafizə orqanları isə hələlik belə müvəqqəti yaşayış yerlərində reyd keçirmək barədə fikirləşmirlər. "Bu barədə yuxarıdan hər hansı əmr və ya təlimat gəlməyib. Gəlsə, təbii ki, reyd keçiriləcək və sanitar-gigiyenik qaydaları pozanlar cəzalandırılacaq", - deyə paytaxt polisindən bildiriblər. 

155

Ağdam rayonunun İsmayılbəyli kəndindən görüntülər - VİDEO

0
(Yenilənib 10:50 20.04.2021)
Kənd 1993-cü il iyulun 4-də Ermənistan Silahlı Qüvvələri tərəfindən işğal olunub. 2020-ci il noyabrın 20-də üçtərəfli bəyanatın şərtlərinə uyğun olaraq, işğaldan azad edilib.

Müdafiə Nazirliyi Ağdam rayonunun İsmayılbəyli kəndindən videogörüntülər paylaşıb. Sputnik Azərbaycan Müdafiə Nazirliyinə istinadən həmin görünütləri paylaşır. 

İsmayılbəyli Azərbaycan Respublikasının Ağdam rayonunun Bağbanlar kənd inzibati ərazi dairəsində kənddir, dağ ətəyindədir. Keçmiş adı Mərzili İsmayılbəy olub. Yaşayış məntəqəsi Cavanşir qəzasında yaşamış mərzili tayfasına mənsub ailələrin başçısı İsmayıl bəyin adı ilə adlandırılıb.

Kənd 1993-cü il iyulun 4-də Ermənistan Silahlı Qüvvələri tərəfindən işğal olunub. 2020-ci il noyabrın 20-də üçtərəfli bəyanatın şərtlərinə uyğun olaraq, işğaldan azad edilib.

0