Səməniatma mərasimi

Bu gün səmənilərlə vida günüdür - FOTO

58
(Yenilənib 17:16 02.04.2021)
Quba rayonunun əhalisi çox qədim və maraqlı səməniatma mərasimini hər il qeyd edir. Əvvəllər Qudyalçayın sahilinə yığışanlar indi öz kəndlərinin kiçik çayı ilə kifayətlənirlər.

Leyla Abdullayeva,  Sputnik Azərbaycan

BAKI, 2 aprel — Sputnik. Hər bölgənin özünəməxsus adət-ənənəsi var. Quba rayonunun əhalisi də çox qədim və maraqlı səməniatma mərasimini hər il qeyd edir. Novruz bayramında becərilən səməni başqa yerə atılmaz. Bayramdan 14 gün sonra, yəni aprel ayının 2-də hər kəs evdəki səmənisini çaya atıb niyyət edər. Əsasən insanların çoxu Qudyalçay ətrafına toplaşar və səmənini də elə həmin çaya atar.

İki ildir ki, pandemiya ilə əlaqədar insanların toplaşmasına icazə verilmədiyindən insanlar səmənini öz kəndlərindəki çaylara atmağa üstünlük verirlər.

© Sputnik / Leyla Abdullayeva
"Səməniatma" mərasimi

Quba rayon sakini Nuriyyə Abdullayeva səməniatma adəti ilə bağlı maraqlı fikirlərini Sputnik Azərbaycan-la bölüşüb:

"Bu bayram bizə dədə-babalarımızdan miras qalıb. Bu bir az da inanclarla bağlıdır. Novruz bayramından sonra hər kəs bu mərasimi səbirsizliklə gözləyirdi. Rayon sakinləri səhər durub səmənilərini götürüb Qudyalçayın ətrafına gələr, niyyət tutub səmənini suya atardılar. Kimisi oğlunun hərbi xidmətdən sağ qayıtmasını, övladı olmayanlar övlad, xəstələr isə şəfa arzulayardılar. Kimin niyyəti çin olardı, növbəti ildə həmin bayramda nəzir verər, şirniyyat paylayardı.

© Sputnik / Leyla Abdullayeva
"Səməniatma" mərasimi

Pandemiya qaydalarına uyğun olaraq ikinci ildir ki, biz səmənilərimizi kimin evinə yaxın çay varsa, gedib oraya atırıq. Düşünürəm ki, məkan önəmli deyil. Əsas odur ki, inancın güclü olsun".

Biz də bütün qubalıları bu bayram münasibətilə təbrik edirik!

58

Bizə heç kim çata bilməz! Zürafə Lipa yazın gəlişinə necə sevinir VİDEO

5
(Yenilənib 12:03 16.04.2021)
Moskva Zooparkının keniyalı sakini zürafə Lipa baharın gəlişinə, artıq açıq havaya çıxa bildiyinə sevinərək volyerin ətrafında dövrə vurur. Videomuzu izləyin.

Kadrlarda zürafənin bahar günəşindən ləzzət alaraq zebra ilə birlikdə meydançada necə qaçışdığı əks olunur.

Moskva Zooparkının mətbuat xidmətindən bildiriblər ki, Lipa çox sürətli qaçır. Onu da əlavə ediblər ki, ümumiyyətlə, təbiətdə zürafələrin sürəti saatda 60 kilometrə qədər çata bilər.

5
Məmur, arxiv şəkli

Nöqsanlara yol vermiş sahibkarlıq subyektləri barədə tədbirlər görülür

4
(Yenilənib 14:01 17.04.2021)
Ümumilikdə 40 obyektdə epidemiya əleyhinə rejimin, sanitariya-gigiyena tələblərinin pozulduğu aşkar olunub.

BAKI, 17 aprel — Sputnik. Sahibkarlıq subyektlərində monitorinqlər davam etdirilir.

İqtisadiyyat Nazirliyindən Sputnik Azərbaycan-a bildirilib ki, nazirliyin sahibkarlıq subyektlərində (ictimai iaşə və turizm obyektləri istisna olmaqla) pandemiya şəraitinin zəruri qayda və tələblərinə əməl olunmasına nəzarət məqsədilə aprelin 15-də keçirdiyi monitorinqlər zamanı Binəqədi rayonunda Nazir Məmmədova, Nəsimi rayonunda Ələmdar Abuşova, Nizami rayonunda Orxan İsmayılova, Xəzər rayonunda Əlihüseyn Abbasova məxsus pərakəndə ticarət obyektlərində, Gəncə şəhərində "Super sport idman malları" mağazasında, "Azəri xatun geyim mağazası"nda, "Viano butik", "Rodi-jeans" ticarət obyektlərində, Sumqayıt şəhərində Rəhman Əsgərova, Rövşən Təhməzova, Tağı Tağıyevə, Əkrəm Tahirova, İlhamə Qurbanovaya məxsus pərakəndə ticarət obyektlərində, ümumilikdə 40 obyektdə epidemiya əleyhinə rejimin, sanitariya-gigiyena tələblərinin pozulduğu aşkar olunub.

Nöqsanlara yol vermiş sahibkarlıq subyektləri barədə İnzibati Xətalar Məcəlləsinə uyğun olaraq müvafiq tədbirlər görülüb.

4
FTX

FTX Ukraynanın Peterburqdakı konsulunu saxlayıb

0
(Yenilənib 15:58 17.04.2021)
Ukrayna xarici işlər nazirliyi isə yaxın vaxtlarda konsulun Vətənə qaytarılması məsələsinin həll ediləcəyini bəyan edib

BAKI, 17 aprel — Sputnik. Ukraynanın Peterburqdakı konsulu Aleksandr Sosonyuk rusiyalı bir şəxsdən "qapalı" məlumatlar alarkən yaxalanıb. Sputnik Azərbaycan Rusiya mediasına istinadən xəbər verir ki, söhbət güc nazirliklərinin informasiya bazasına daxil olan məlumatlardan gedir.

"Hazırda o Ukraynanın diplomatik nümayəndəliyindədir. Yaxalanmanın təfərrüatları araşdırılır. Mövcud təcrübə və qarşılıqlılıq prinsipi əsasında Ukrayna tərəfi cavab hazırlayır", - deyə Ukrayna XİN mətbuat katibi Oleq Nikolayenko bildirib.

Federal təhükəsizlik xidmətinin (FTX) məlumatında qeyd olunur ki, Sosonyukun fəaliyyəti "Rusiyaya qarşı düşmənçilik xarakterlidir və diplomatik işçi statusu ilə bir araya sığmır". O uzun illərdir ki Rusiyada çalışıb: Ukraynanın Peterburqdakı konsulluğununu internet saytında onun 2012-ci ilin oktyabrından burada işləməsi barədə qeyd var.

FTX məlumatında o da qeyd olunur ki, Sosonyuk beynəlxalq hüquq normalarına uyğun olaraq cəzalandırılacaq.

Rusiya prezidenti yanında millətlərarası münasibətlər şurasının rəyasət heyətinin üzvü Boqdan Bespalkonun qənaətinə görə, konsul Rusiyadan qovula bilər. O həmçinin Sankt-Peterburqdakı konsulluğun ümumiyyətlə bağlanmasını da istisna etməyib.

Ukrayna xarici işlər nazirliyi isə yaxın vaxtlarda konsulun Vətənə qaytarılması məsələsinin həll ediləcəyini bəyan edib.

"Yaxın vaxtlarda biz onun Vətənə qaytarılması məsələsini həll edəcəyik. Bizim diplomatımızın Rusiya hüquq-mühafizə orqanlarının onun haqqında iddia etdiyi hərəkətlərlə heç bir əlaqəsi yoxdur", -deyə Ukrayna xarici işlər nazirinin müavini Yevgeni Yenin bildirib.

Xatırladaq ki, diplomatlar çalışdıqları ölkələrdə toxunulmazlıq statusuna malik olurlar. Eyni zamanda Vyana konvensiyası diplomatik nümayəndələrin qanunları pozduğu və ya düşmənçilik xarakterli hərəkətlərə yol verdiyi təqdirdə olduqları dövlətin onları ölkədə qalmaq hüququndan məhrum etməsini də nəzərdə tutur.

0