Yeni era başlayır: şirkət rəhbərlərinin qərarları nəzarətə götürüləcək

75
Müəssisə və yaxud şirkət rəhbərləri Müşahidə Şurasında ortaya qoyulan proqramlara və strategiyaya uyğun olaraq sərəncam vermək hüququna sahib olacaqlar.

Elvin Səlimov, Sputnik Azərbaycan

BAKI, 1 aprel — Sputnik. Prezident İlham Əliyevin imzaladığı sərəncamlarla bir neçə dövlət şirkəti yanında Müşahidə Şuraları yaradılıb. Müşahidə Şuralarına uzunmüddətli inkişaf strategiyasını təsdiq etmək, xərclər və gəlirlər smetasını təsdiq və onun icrasına nəzarəti həyata keçirmək kimi vacib səlahiyyətlər verilib.

Sputnik Azərbaycan Müşahidə Şuralarının yaradılma səbəblərini araşdırıb. Mövzu ilə bağlı Sputnik Azərbaycan-a danışan “Konstitusiya” Araşdırmalar Fondunun prezidenti Əliməmməd Nuriyev deyib ki, bütövlükdə hazırda dövlət şirkətlərində idarəetmənin yaxşılaşdırılması ilə bağlı addımlar atılmaqdadır: “Təəssüf ki, dövlət şirkətlərinin əksəriyyətinin fəaliyyəti səmərəsizdir və ziyanla işləyir. Bu isə idarəetmənin təkmilləşdirilməsini zəruri edir. Onlar öhdəliklərinə düşən funksiyaları icra etməkdənsə, əlavə yükə çevriliblər. Daima dövlət zəmanəti ilə götürülən kreditlər, dotasiyalar dövlətin yükünü ağırlaşdırır. Halbuki, onların fəaliyyəti dövlət büdcəsini vəsaitlə təmin etməlidir. Bu həm də özəl sektordakı korporativ idaəretmə sisteminin dövlət sektoruna gətirilməsidir”.

Hüquqşünas qeyd edib ki, indiyə qədər bu şirkətlərin rəhbərlərinin əlində böyük səlahiyyətlər var idi və onlar nəzarətsiz formada fəaliyyət göstərirdilər:

“Bu, tarazlığın pozulması idi. Kiminsə qarşısında hesabatlı olmadıqlarından rəhbərlik etdikləri sahələrdə istədikləri kimi sərəncam verirdilər. Əslində Müşahidə Şurasının yaradılması hesabatlılığı artıracaq, müəssisənin strateji vizyon məsələlərini həll edəcək. Daxil olan vəsaitlərin xərclənmə istiqamətləri, gəlirlərin artırılması üçün atılacaq addımlarla bağlı qərarlar Müşahidə Şurasında qəbul olunacaq. Müəssisə və yaxud şirkət rəhbərləri Müşahidə Şurasında ortaya qoyulan proqramlara və strategiyaya uyğun olaraq sərəncam vermək hüququna sahib olacaqlar. Yəni artıq istədiyi qədər, istədiyi kimi sərəncam vermək erası bitib. Düşünürəm ki, bu, səmərəliliyin artırılmasında diqqət çəkən amillərdən biridir”.

Əliməmməd Nuriyev vurğulayıb ki, Müşahidə Şurasının tərkibində sadəcə dövlət qurumlarının nümayəndələri deyil, həmçinin vətəndaş cəmiyyətinin, media nümayəndələrinin təmsil olunması yaxşı olardı: “Bununla həmin qurumların inklüzivliyi, yəni əhatəliliyi təmin edilmiş olardı. Təsəvvür edin, müəssisədə Müşahidə Şurası var, ancaq orada əmək kollektivinin nümayəndəsi təmsil edilmir. Bu, şəffaflıq və hesabatlılıq məsələləri ilə birbaşa bağlıdır. Hesab edirəm ki, qeyd etdiyim məqamlar gələcək dövrlərdə nəzərə alınacaq. Təmsilçiliyin bu səviyyədə əhatəli olması Müşahidə Şurasının müstəqilliyinə təsir göstərir. O baxımdan, maraqlar toqquşması kimi amillərə diqqət yetirilməlidir. Müstəqil monitorinq qiymətləndirmə sisteminin yaradılması da mühüm məsələdir. Dövlət şirkətləri təkcə Müşahidə Şuraları qarşısında deyil, eyni zamanda, cəmiyyət üçün də hesabatlı olmalıdır. Ümid edirəm ki, Müşahidə Şurasının yaranması qurumlarda qeyd etdiyim ənənələrin formalaşmasını təmin edəcək”.

75
Teqlər:
Müşahidə Şurası, rəhbər, şirkət, qərar, ofis
Prezident İlham Əliyev, arxiv şəkli

Əliyev: Atəşkəs əldə olunmasına baxmayaraq, münaqişə ilə bağlı çoxlu suallar qalmaqdadır

2
(Yenilənib 12:05 13.04.2021)
"Biz xatirələri, ailə üzvlərini itirən insanların və həmin ərazilərdə fundamental yaşamaq hüququ olan insanların bu hüquqdan məhrum edilməsini yaddaşlardan silə bilmərik".

BAKI, 13 aprel — Sputnik. İlk olaraq, belə bir tədbir təşkil etdiyinə görə ADA Universitetinə, cənab Paşayevə minnətdarlığımı bildirmək istəyirəm. Şadam ki, Universitet qısa zaman ərzində geniş beynəlxalq əlaqələr qurub. Mən, eyni zamanda, tədbirin iştirakçılarına minnətdarlığımı bildirirəm. Belə ki, müharibədən sonra vəziyyət dəyişib. Atəşkəs əldə olunmasına baxmayaraq, münaqişə ilə bağlı çoxlu suallar qalmaqdadır.

İlham Əliyev İskəndər M raketinin qalıqlarını nümayiş etdirir
© Official website of President of Azerbaijan Republic

Sputnik Azərbaycan xəbər verir ki, bu barədə Azərbaycan Prezidenti İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı konfransdakı çıxışında bildirib.

Prezident qeyd edib ki, otuz ildir, Ermənistanın işğalından əziyyət çəkən Azərbaycan xalqının regionda marağını, eləcə də onların həmrəyliyini görürük: "Biz münaqişədən sonrakı mərhələ barədə danışmazdan əvvəl başa düşməliyik ki, bu ərazilər otuz ildir işğal altındadır. Biz xatirələri, ailə üzvlərini itirən insanların və həmin ərazilərdə fundamental yaşamaq hüququ olan insanların bu hüquqdan məhrum edilməsini yaddaşlardan silə bilmərik".

2
Azərbaycanda koronavirus infeksiyasına qarşı vaksinasiya

Çin Rusiya vaksinləri ən yaxşı peyvənddir - Millət vəkili

10
"Çinin və Rusiyanın istehsal etdiyi vaksinlər ənənəvi üsulla hazırlanan vaksinlərdir. Bu vaksinlərin yan təsirləri çox az olur".

Zülfiyyə Quluyeva, Sputnik Azərbaycan

BAKI, 13 aprel — Sputnik. "Azərbaycanda istifadə olunan vaksinin 90 faiz effektiv olduğu təsdiqlənib. Hazırda Çin və Rusiya istehsalı olan vaksinlər ən az yan təsirləri olan vaksinlərdir".

Bu sözləri Sputnik Azərbaycan-a açıqlamasında Əmək və sosial siyasət komitəsinin sədri, deputat Musa Quliyev bildirib. O deyib ki, hazırda Çin və Rusiya istehsalı olan vaksinlər ən az yan təsirləri olan vaksinlərdir: "Çinin və Rusiyanın istehsal etdiyi vaksinlər ənənəvi üsulla hazırlanan peyvəndlərdir. Onların yan təsirləri çox az olur. Effektivliyi də kifayət qədər çoxdur. Azərbaycan peyvənd alarkən, təbii ki, bu nüansları da nəzərə alıb".

M.Quliyev bildirib ki, Çinin istehsal etdiyi peyvəndin effektivliyinin 50 faiz civarında olması ilə bağlı səslənən ittihamlarla razı deyil: "Çin vaksininin istifadəsi Ümumdünya Səhiyyə Təşkilatı tərəfindən tövsiyə olunub. Çox təəssüf ki, biznes məqsədi ilə vaksinlərin keyfiyyətinə şübhə yaradacaq məqsədli məlumatlar yayılır:

"Vaksin biznesi ilə bağlı çox böyük mübarizə gedir. Bu, böyük pullar uğrunda mübarizədir. Koronavirus əleyhinə vaksin hazırlayan şirkətlərin imicinə zərər vuran məlumatlar yayılır. "AstraZeneca" ilə bağlı da belə mənfi fikirlər ortaya çıxdı. Sonra Böyük Britaniya rəhbərliyi bunu təkzib etdi. Biz belə məlumatlara hələ rast gələcəyik. Əsas odur ki, bu vaksini dünya üçün yararlı sayan Ümumdünya Səhiyyə Təşkilatının verdiyi qərar var. Vaksinin 90 faiz effektivliyi var. Ona görə də vaksinlər əleyhinə hələ çox məlumatlar olacaq.

Hətta "vaksin vurdurmayın" deyənlər də olacaq. Bunlar hamısı müxtəlif oyunlardır və biznes maraqlarına xidmət edən məqamlardır. Bir şirkət digər şirkətin satışını azaltmaq üçün hələ çox belə oyunlara gedəcək. Buna fikir vermək lazım deyil. Vaksinin keyfiyyəti 70 faizin üzərindədirsə, o peyvənd keyfiyyətli sayılır. Çin istehsalı olan vaksinin də effektivliyinin 90 faizin üzərində olduğu təsdiq olunub, yan təsirləri də yoxdur. Ona görə də bu fikirlərə çox da fikir vermək lazım deyil. Bunu biznes bazarının apardığı antireklam kimi qəbul etmək lazımdır".

Məlumat üçün bildirək ki, Çinin xəstəliklərə nəzarət və profilaktikası üzrə Mərkəzinin rəhbəri Qao Fu ilk dəfə koronavirus əleyhinə peyvəndlərinin effektivliyinin az olmasını etiraf edib. Sputnik Azərbaycan "Euronews"-a istinadən xəbər verir ki, Qao Fu "Çin vaksinlərinin yüksək qoruma göstəricisi yoxdur" deyə bildirib.

10
Teqlər:
açıqlama, deputat, Milli Məclis, Rusiya, Çin, vaksin
Mövzu:
Azərbaycanda COVID-19 əleyhinə vaksinasiya