Astarada torpaq sürüşməsi

Şəhid ailəsinin evi təhlükə ilə üz-üzədir - FOTOLAR

850
(Yenilənib 16:10 30.03.2021)
Torpaq sürüşməsi nəticəsində təhlükəli vəziyyətə düşən ev Vətən müharibəsində şəhid olan kiçik çavuş Məhəmməd Babazadənin ailəsinə məxsusdur.

Rahim Muradov, Sputnik Azərbaycan

BAKI, 30 mart — Sputnik. Son günlər cənub zonasında düşən yağıntıların çox olması Astara rayonunun bəzi kəndlərində torpaq qatında aşınma prosesini sürətləndirib.

Belə ki, Siyəkü kənd sakini Gülxarə Babayevaya məxsus fərdi yaşayış evi gecə saatlarında baş verən torpaq sürüşməsi nəticəsində təhlükə qarşısında qalıb. Evin arxa tərəfində sürüşən torpaq qatı evin divarlarına kimi yaxınlaşıb və növbəti yağıntılarda vəziyyət daha təhlükəli ola bilər. G.Babayevanın Sputnik Azərbaycanın bölgə müxbirinə bildirdiyinə görə, torpaq sürüşməsinin yaratdığı digər bir problem isə qrunt sularının evə dolmasıdır. Gülxarə xanımın fərdi təsərrüfatında olan sitrus bağına da ziyan dəyib, 20-yə yaxın ağac torpaq altında qalıb, bəziləri isə qırılaraq aşıb: “Gecə vaxtı idi, birdən səs gəldi. Çölə çıxıb gördük bu dağ sürüşüb evə dirənib. Evin altı da su içindədir, yəni, təhlükəli vəziyyətdədir. Qardaşıma dedim, gəlib evin arxasına baxdı. Zəng elədik ora-bura, hələ heç bir tədbir yoxdur. Digər tərəfdən də bağımız sürüşüb aşağıya gəlir. Neçə ağacı çıxarıb başqa yerdə əkmişik. Torpaq evin üstünə sürüşüb gəlir".

  • Astarada torpaq sürüşməsi
    © Sputnik / Rahim Murad
  • Astarada torpaq sürüşməsi
    © Sputnik / Rahim Murad
  • Astarada torpaq sürüşməsi
    © Sputnik / Rahim Murad
  • Astarada torpaq sürüşməsi
    © Sputnik / Rahim Murad
1 / 4
© Sputnik / Rahim Murad
Astarada torpaq sürüşməsi

Baş vermiş torpaq sürüşməsi ilə bağlı Siyəkü kəndinin bələdiyyə sədri Ramin Dədəyev Sputnik Azərbaycan-ın bölgə müxbirinə bildirdi ki, hadisə ilə bağlı artıq aidiyyəti qurumlara məlumat verilib və tez bir zamanda problemin aradan qalxması üçün köməklik göstəriləcək: “Bəli, bu zona çoxdandır sürüşmə ərazisidir. Son dövrlərdə bildiyimiz kimi yağan qar və yağışlar nəticəsində həmin su axarları evin arxasında qalmışdı. Həmin izolyasiya suları axıb evin altına keçmişdir. Biz də bu əraziyə artıq baxış keçirmişik. Yaxın gələcəkdə texnika veriləcək və bu sürüşmə aradan qaldırılacaqdır.”

Məlumat üçün bildirək ki, torpaq sürüşməsi nəticəsində təhlükəli vəziyyətə düşən ev Vətən müharibəsində şəhid olan kiçik çavuş Məhəmməd Babazadənin ailəsinə məxsusdur. Şəhid kiçik çavuş M.Babazadə ölümündən sonra “Vətən uğrunda” medalı ilə təltif olunub. Ümid edək ki, yaxın vaxtlarda problem öz həllini tapacaq və şəhid ailəsi bu narahatlıqdan qurtulmuş olacaq.

850

Bakıda minik maşını avtobusa çırpılıb, yaralı var

2
(Yenilənib 23:24 14.04.2021)
Nərimanov rayonunda dayanacaqda saxlamış "Bakubus" MMC-yə məxsus avtobusa yüksək sürətlə hərəkət edən minik maşını çırpılıb.

BAKI, 14 aprel - Sputnik. Bakının Nərimanov rayonunda yol-nəqliyyat hadisəsi baş verib.

Sputnik Azərbaycan APA-ya istinadən xəbər verir ki, hadisə Koroğlu Rəhimov küçəsində qeydə alınıb.

“Bakubus” MMC-yə məxsus 13 nömrəli marşut avtobusu dayanacaqda duran zaman yüksək sürətlə hərəkətdə olan “Hyundai” markalı avtomobil ona çırpılıb. Qəza nəticəsində minik avtomobilinin sürücüsü ağır bədən xəsarəti alıb.

Hadisə yerinə Nərimanov Rayon Polis İdarəsinin əməkdaşları cəlb ediliblər.

 

2
Teqlər:
"BakuBus" MMC, yaralı, avtobus, qəza
Kino lenti, arxiv şəkli

"Fəryad-2" filmində hansı dəyişikliklər olacaq?

67
"Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq".

Şahpəri Abbasova, Sputnik Azərbaycan

BAKI, 14 aprel — Sputnik. Mədəniyyət Nazirliyinin sifarişi ilə C.Cabbarlı adına "Azərbaycanfilm" kinostudiyasında "Fəryad-2" adlı bədii filmi çəkiləcək.

Bu barədə Sputnik Azərbaycan-a danışan C.Cabbarlı adına "Azərbaycanfilm" Kinostudiyasının direktoru Fariz Əhmədov bildirir ki, Azərbaycan Prezidenti, Ali Baş Komandan İlham Əliyevin rəhbərliyi ilə Müzəffər Azərbaycan Ordusu tərəfindən 44 günlük Vətən müharibəsində qazanılmış qələbəyə həsr olunan filmin ssenari müəllifi və quruluşçu rejissoru tanınmış kinorejissor, Xalq artisti Vaqif Mustafayevdir: 

"Mən ssenarini oxuyan bir adam kimi, yaradıcı şəxs kimi deyə bilərəm ki, çox yaxşı bir film olacaq. Orada Vaqif Mustafayev markası var. Vaqif Mustafayevin digər filmlərindəki xətt bu filmdə də hiss olunur. Vaqif Mustafayevin özünün dəst-xətti var.

Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq. Məkanlar və aktyorlar hələlik məlum deyil. Birinci "Fəryad"la ikinci "Fəryad" arasında fərq var. Digərlərini isə filmə baxdıqlarında görə biləcəklər".

Qeyd edək ki, filmin çəkilişlərinin bu ilin iyul-avqust aylarında, əsasən Vətən müharibəsi zamanı döyüş əməliyyatlarının aparıldığı ərazilərdə həyata keçirilməsi planlaşdırılır. Xatırladaq ki, ilk "Fəryad" filmi 1993-cü ildə çəkilib. Film Birinci Qarabağ müharibəsinə həsr olunub. Baş qəhrəmanın prototipi var və burada təsvir olunan hadisələr real faktlara əsaslanır. Ekran əsəri Qarabağ müharibəsində döyüşən əsgərlərdən birinin başına gətirilən əhvalatdan bəhs edir.

67
Teqlər:
"Azərbaycanfilm" kinostudiyası, Azərbaycan, film