Ovçu

Azərbaycanda ov turizmi: DİN ETSN birlikdə ərəb turistlərin öhdəsindən gəlməli idi

2086
(Yenilənib 23:11 29.03.2021)
Ovçuluq sahəsində qanunvericiliyə riayət olunmasına Ekologiya və Təbii Sərvətlər Nazirliyinin və DİN-in əməkdaşları səlahiyyətləri daxilində nəzarət edirlər.

Zülfiyyə Quluyeva, Sputnik Azərbaycan

BAKI, 30 mart — Sputnik. Bayram günlərində Azərbaycan ərazisində ərəb mənşəli turistlərin Qırmızı kitaba düşən quşları ovlaması ov turizmi mövzusunu yenidən gündəmə gətirib. Sputnik Azərbaycan ölkəmizdə ov turizminin hansı şərtlər daxilində həyata keçirildiyini araşdırıb.

Məşhur ovçu Faiq Babanlı Sputnik Azərbaycan-a açıqlamasında bildirib ki, Azərbaycanda ov turizmi üçün əlverişli şərait var. Ona görə də qaydalar çərçivəsində turistlərə ov üçün icazə verilə bilər: "Hazırda pandemiya dövrü olduğundan ölkəmizə turistlərin gəlib-getməsinə məhdudiyyətlər tətbiq olunub. Amma ölkəmizdə ov üçün əlverişli imkanlar var. Ona görə də ovdan başı çıxan, peşəkar ovçuların müşayəti ilə ov üçün turistlərə icazələr verilə bilər".

F.Babanlı xarici ölkələrdə də ov turizminin olduğunu, dövlətlərin ov turizmindən xeyli qazanc əldə etdiklərini söyləyir:

"Sadəcə olaraq ov üçün lisenziyalar təsadüfi insanlara verilməməlidir. Ov qaydalarını bilənlər ov lisenziyasını əldə etməlidir. Elə turistləri də ölkəmizə belə peşəkar ovçular gətirməlidir. Ölkəyə gələn turistə ov qaydaları izah edilməli, onlara peşəkar ovçuların iştirakı ilə ov etməyə imkan yaradılmalıdır".

Dövlət Ekoloji Təhlükəsizlik Xidmətinin rəis müavini Bəhruz Məhəmmədov Sputnik Azərbaycan-a açıqlamasında bildirib ki, Azərbaycanda ova yalnız ov mövsümü müddətində icazə verilir. Onun sözlərinə görə, ov mövsümü hər il Ekologiya və Təbii Sərvətlər Nazirliyi yanında Elmi Koordinasiya Şurasının iclasında qəbul edilmiş qərara əsasən açılır. Ov mövsümü əsasən mayın sonu açılır, növbəti ilin qış ayında, fevralın sonu bitir.

Ov etmək üçün yerli vətəndaşlar ov etmək qabiliyyətli olmalı, Daxili İşlər Nazirliyinin müvafiq qurumunda qeydiyyatdan keçərək ov üçün silah əldə etməlidirlər. Bundan sonra yerli vətəndaşlar aidiyyəti üzrə yerli ekologiya şöbələrinə müraciət edərək sənədlərini təqdim edirlər. Hansı növ ov etmək istəyi müəyyən edilir və müvafiq dövlət ödəməsi ödəyir. Ekologiya və Təbii Sərvətlər Nazirliyinin yerli qurumu isə ov üçün icazə verdikdə dəqiq vaxtı, ovun yerini və neçə ədəd ov etməsini göstərir.

B.Məhəmmədov bildirir ki, xarici vətəndaşların ov etməsinə gəldikdə 2018-ci ildən bu səlahiyyət keçib ASAN Xidmətə:

"Xarici vətəndaşların ov etməsinə Bakı şəhərində yerləşən 5 saylı ASAN Xidmət tərəfindən icazə verilir. Bunun üçün xarici vətəndaşın ovunu təşkil edən şirkət ASAN Xidmətə müraciət edir. Xarici vətəndaşın sənədlərini təqdim edir, müvafiq ödəməni ödəyir və həmin icazə nazirliyin müvafiq xidməti tərəfindən hazırlanır, ovun yeri, miqdarı, heyvanın növü göstərilir. ASAN Xidmət tərəfindən həmin şəxsə təqdim edilir".

B.Məhəmmədovun sözlərinə görə, ovçuluq sahəsində qanunvericiliyə riayət olunmasına Ekologiya və Təbii Sərvətlər Nazirliyinin və DİN-in əməkdaşları səlahiyyətləri daxilində nəzarət edirlər.

Qeyd edək ki, Dövlət Turizm Agentliyi Azərbaycanda ov turizmini təbliğ etmir. Ov turizminin inkişafı üçün hər hansı təşviqat işi aparmır.

2086
Çəkiliş, arxiv şəkli

Kinostudiya əvvəlki dövrünə qayıdır

6
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

6
Teqlər:
baza, texniki, avadanlıq, "Azərbaycanfilm" kinostudiyası, kinostudiya
Bakı küçələrində futbol oynayan uşaqlar, arxiv şəkli

Azərbaycanda həkimlər uşaqlara görə əmr gözləyirlər

9
(Yenilənib 22:01 10.04.2021)
"Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər".

Zülfiyyə Quluyeva, Sputnik Azərbaycan

BAKI, 10 aprel — Sputnik. Azərbaycanda bu ay uşaqlar arasında təmizləyici “İmmunlaşdırma həftəsi”nin aparılması nəzərdə tutulur. Bu barədə Sputnik Azərbaycan-a açıqlamasında Səhiyyə Nazirliyinin Respublika Gigiyena və Epidemiologiya Mərkəzinin direktor müavini Afaq Əliyeva bildirib.

Onun sözlərinə görə, hər il ölkəmizdə uşaqlar arasında immunizasiya tədbirləri həyata keçirilir: “İmmunlaşdırma həftəsi”nin aparılması nəzərdə tutulur. Hər il bütün Avropa regionunda aprel ayının 26-dan may ayının 2-dək müddətə təmizləyici “İmmunlaşdırma həftəsi”nin aparılması nəzərdə tutulub. Biz də 2007-ci ildən etibarən bu tədbirin aparılmasını həyata keçiririk. Amma gərək müvafiq əmr olsun ki, biz hansı tədbirlərin həyata keçiriləcəyi barədə məlumat verə bilək".

A.Əliyeva bildirib ki, 0-6 yaş arası uşaqlar arasında immunoprofilaktika proqramı əsasında peyvəndlərin aparılması, təmizləyici immunizasiyanın həyata keçirilməsi təmin olunur: "Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər. Hər hansı səbəbə görə peyvəndi almayan uşaqlar poliklinikalar tərəfindən vaksin edilmək üçün dəvət edilir. Peyvəndləmə işi təşkil olunur".

 

 

9
Teqlər:
əmr, həkim, peyvənd, həftə, immunlaşdırma, uşaqlar
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda