MilliÖN ödəmə terminalı, arxiv şəkli

Bakıda axşama doğru kollaps gözlənilir: MilliÖN məsləhət verdi - YENİLƏNİB

482
"Ona görə də müştərilərdən xahiş edirik ki, BakıKart aparatlarına yaxınlaşaraq kartlarına gediş haqqı vursunlar".

Zülfiyyə Quluyeva, Sputnik Azərbaycan

BAKI, 29 mart — Sputnik. “MilliÖN” şəbəkəsinin İctimaiyyətlə Əlaqələr və Müştəri Xidmətləri İdarəsinin rəhbəri Ülviyyə Əfəndiyeva Sputnik Azərbaycan-a açıqlamasında bildirib ki, mövcud problemdən xəbərdardırlar: “Sərnişinlərin üzləşdiyi problem “BakıKart” tərəfindən kartomatlarda yeniliklərin tətbiqi ilə bağlıdır. Bəzi “MilliÖN” kartomatlarında ödənişi həyata keçirmək istəyən müştərilər çətinliklərlə üzləşiblər. “MilliÖN” ödəmə təchizatçısı olaraq, yenilikləri tətbiq edilən “BakıKart” tərəfindən aldığımız məlumata görə, təkmilləşdirmə işləri tam olaraq qısa zamanda yekunlaşdırılacaq və müştərilər ödənişlərini rahat şəkildə həyata keçirə biləcəklər. Onu da qeyd edim ki, verilən məlumatda təkmilləşmə işlərinin bu gün ərzində yekunlaşacağı bildirilib”.

--------

15:36

Bu gün MilliÖN terminalları vasitəsilə BakıKart-a ödənişdə problem yaranıb. Bu barədə Sputnik Azərbaycan-a sərnişinlər məlumat veriblər. Onların sözlərinə görə, MilliÖN terminalları vasitəsilə BakıKart-a ödəniş etmək istəyən zaman aparatın BakıKart-a pul qəbul etmədiyi məlum olub. MilliÖN-ün müştəri xidmətlərindən sərnişinlərə bildirilib ki, BakıKart-a ödəniş sistemində yeniləmə aparıldığından hazırda MilliÖN aparatları vasitəsilə ödəniş mümkün deyil. Sərnişinlərə BakıKart aparatlarına yaxınlaşaraq kartlarına gediş haqqı ödəmək tövsiyyə olunub.

Sərnişinlər yaranmış vəziyyətdən şikayətlənərək, yenilənmə işinin ictimai nəqliyyatın işləmədiyi 9 gün ərzində niyə aparılmadığını, hazırki situasiyada problemlə üzləşdiklərini bildiriblər. Yaranmış problem üzündən kartına gediş haqqı yükləyə bilməyən sərnişinlər BakıKart-ında gediş haqqı olan digər sərnişinlərə nağd pul ödəyərək avtobusdan istifadə ediblər.

Sputnik Azərbaycan məsələni araşdırmaq üçün MilliÖN müştəri xidmətləri ilə əlaqə saxlayıb. Müştəri Xidmətlərindən Sputnik Azərbaycan-a bildirilib ki, BakıKart sistemində yenilənmə aparıldığı üçün gediş haqqının MilliÖN aparatı vasitəsilə yüklənməsində problem yaranıb:

"BakıKart sistemində yenilənmə aparılır. Yenilənmə işi bir neçə saat davam edəcək. Ona görə də müştərilərdən xahiş edirik ki, BakıKart aparatlarına yaxınlaşaraq kartlarına gediş haqqı vursunlar".

Müştəri Xidmətlərindən yenilənmə işinin axşam saatlarınadək davam edəcəyini bildiriblər.

Bakı Nəqliyyat Agentliyinin mətbuat katibi Mais Ağayev faktı Sputnik Azərbaycan-a açıqlamasında təsdiqləyib. Bildirib ki, MilliÖN aparatlarında BakıKart sistemində yenilənmə işi başa çatanadək sərnişinlərə dayanacaqlarda və metro stansiyalarda quraşdırılmış BakıKart aparatları vasitəsilə kartlarına gediş haqqı yükləmək tövsiyə olunur. Onun sözlərinə görə, hazırda dayanacaqlarda ümumilikdə 50-dən artıq BakıKarta məxsus terminal var. Metro stansiyalarında isə 146 ədəd BakıKart aparatı var ki, onlara sərnişinlərin əlçatanlığı bu gün tam təmin olunub.

482
Teqlər:
yenilənmə, sistem, sərnişin, "BakıKart", "MilliÖn" terminalları
Çəkiliş, arxiv şəkli

Kinostudiya əvvəlki dövrünə qayıdır

6
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

6
Teqlər:
baza, texniki, avadanlıq, "Azərbaycanfilm" kinostudiyası, kinostudiya
Bakı küçələrində futbol oynayan uşaqlar, arxiv şəkli

Azərbaycanda həkimlər uşaqlara görə əmr gözləyirlər

11
(Yenilənib 22:01 10.04.2021)
"Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər".

Zülfiyyə Quluyeva, Sputnik Azərbaycan

BAKI, 10 aprel — Sputnik. Azərbaycanda bu ay uşaqlar arasında təmizləyici “İmmunlaşdırma həftəsi”nin aparılması nəzərdə tutulur. Bu barədə Sputnik Azərbaycan-a açıqlamasında Səhiyyə Nazirliyinin Respublika Gigiyena və Epidemiologiya Mərkəzinin direktor müavini Afaq Əliyeva bildirib.

Onun sözlərinə görə, hər il ölkəmizdə uşaqlar arasında immunizasiya tədbirləri həyata keçirilir: “İmmunlaşdırma həftəsi”nin aparılması nəzərdə tutulur. Hər il bütün Avropa regionunda aprel ayının 26-dan may ayının 2-dək müddətə təmizləyici “İmmunlaşdırma həftəsi”nin aparılması nəzərdə tutulub. Biz də 2007-ci ildən etibarən bu tədbirin aparılmasını həyata keçiririk. Amma gərək müvafiq əmr olsun ki, biz hansı tədbirlərin həyata keçiriləcəyi barədə məlumat verə bilək".

A.Əliyeva bildirib ki, 0-6 yaş arası uşaqlar arasında immunoprofilaktika proqramı əsasında peyvəndlərin aparılması, təmizləyici immunizasiyanın həyata keçirilməsi təmin olunur: "Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər. Hər hansı səbəbə görə peyvəndi almayan uşaqlar poliklinikalar tərəfindən vaksin edilmək üçün dəvət edilir. Peyvəndləmə işi təşkil olunur".

 

 

11
Teqlər:
əmr, həkim, peyvənd, həftə, immunlaşdırma, uşaqlar
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda