Can Təpə yaşayış massivi

Bakıda yaşayış massivinin 6 ay əvvəl asfaltlanan yolu dağılıb

421
(Yenilənib 13:06 28.03.2021)
"Bu yaşayış massivinin bir hissəsi Binəqədi İcra Hakimiyyətinin, bir hissəsi isə Abşeron İcra Hakimiyyətinin ərazisi sayılır. Heç bir yerli icra orqanı yaşayış massivinin yollarını düzəltmir"

Zülfiyyə Quluyeva, Sputnik Azərbaycan

BAKI, 27 mart — Sputnik. Bakıətrafı qəsəbələrdən birində altı ay əvvəl asfaltlanmış yol istifadəyə yararsız vəziyyətə düşüb. Bu barədə Sputnik Azərbaycan-a Abşeron rayonu, "Can Təpə" yaşayış massivinin sakinləri məlumat verib. Sakinlərin bildirdiyinə görə, yaşayış massivində yollar bərbad vəziyyətdə olduğundan onlar bununla bağlı AbşeronRayon İcra Hakimiyyətinə müraciət ediblər. Dəfələrlə edilmiş müraciətdən sonra yaşayış massivinin əsas yolu asfaltlanıb. Amma yolun təmirindən altı at keçməmiş yolda dərin çalalar əmələ gəlib, asfalt örtüyü dağılıb.

Sputnik Azərbaycan sakinlərin problemlərini araşdırmaq üçün "Can Təpə" yaşayış massivində olub. Sakinlər yaşayış massivinin əsas yolunun asfaltlandığını bildirsələr də, yolda asfaltdan əsər-əlamət yox idi. 2000-ci ildən salınan yaşayış massivində yaşayanların çoxu məcburi köçkünlərdir. Sakinlər indiyədək yaşayış massivinin yollarına dəfələrlə daş, çınqıl tökdüklərini söyləyirlər. Onların sözlərinə görə, qış aylarında yaşayış massivinin yolları keçilməz olur.

© Sputnik / Zulfiyya Guluyeva
Can Təpə yaşayış massivi

Sakin Elşən Məmmədov bildirib ki, hava yağışlı olanda məktəblilər palçığa batırlar: "Ona görə də hamı məcbur olub uşağına taksi tutub. Yağış yağanda şagirdlər məktəbə çatana qədər üst-başları palçıq olur. Naəlac qalıb üç-dörd qonşu yığılıb taksi tuturuq ki, uşaq məktəbə gedib-gələ bilsin".

Sakinlərin bildirdiyinə görə, yolların bərbad vəziyyətdə olması səbəbindən yaşayış massivinə müasir avtobuslar da verilmir: "Siz bu yaşayış massivinə sərnişin daşıyan avtobusun vəziyyətini görsəniz dəhşətə gələrsiz. Avtobusun görünüşündən "cin hürkür". Avtobusun salonunda bir salamat oturacaq yoxdur. Döşəməsinin dəmiri çürüyüb, yayda toz, yışda palçıq salonun içindəki sərnişinlərin üstünü bulaşdırır. Yollar bərbad olduğundan, əraziyə müasir avtobuslar salınmır".

Gülnar Səfərova adlı sakin isə bildirir ki, yolların vəziyyəti onsuz da sınıq-salxaq olan avtobusların tez-tez xarab olması ilə nəticələnir: "İndi bu qədər sakini olan yaşayış massivinə cəmi 6 avtobus işləyir. Yerdə qalanları sürücülərin dediyinə görə xarab olduğundan qarajdadır".

© Sputnik / Zulfiyya Guluyeva
Can Təpə yaşayış massivi

142 saylı avtobusun sürücüləri də yolun vəziyyətindən şikayətçidir. Sürücülər bildirdilər ki, yollarda dərin çalalar olduğundan yaşayış massivinin içindən 7-ci Binəqədi şosesinə çıxmağa xeyli vaxt itirirlər: "Avtobusu bir az bərk sürsək gündə yolda qalarıq. Bu yollara görə hər gün avtobusların bir detalı qırılır. Bu yolda müasir avtobuslarla işləmək qeyri-mümkündür. Sərnişinlər avtobusların vəziyyətindən narazılıq edirlər. Amma biz də sərnişinlər qədər əziyyət çəkirik. Dəfələrlə marşrut sahibi yolu düzəltdirib. Bu yola 6 ay əvvəl asfalt tökdülər. Heç üç ay çəkmədi yol çökdü, asfalt dağıldı".

Sakinlər də bildirir ki, yolun əsaslı təmirə ehtiyacı var: "Prezident Bakıətrafı qəsəbələrin yollarının təmiri üçün vəsait ayırdı. Amma o puldan bizim yaşayış massivinə bir manat da pay çatmadı. Abşeron Rayon İcra Hakimiyyətinə dəfələrlə müraciət etmişik. Bir dəfə icra başçısı burada yaşayanların problemləri ilə maraqlanmır. Ərazidə su axıb küçələrə tökülür, baxan yoxdur. Kanalizasiyadan tutmuş öz vəsaitimiz hesabına çəkmişik. Burada yaşayanların çoxu məcburi köçkünlərdir. Amma heç bir qurum onların problemləri ilə maraqlanmır".

© Sputnik / Zulfiyya Guluyeva
Can Təpə yaşayış massivi

Onlar deyir ki, yollar bərbad vəziyyətdə olduğundan, taksi də bu əraziyə sərnişinləri baha gətirir. 7-ci Binəqədi şosesindən "Can Təpə"ə taksi 5 manata gətirir. Hələ çox taksi sürücüsü "Can Təpə" adı çəkəndə müştərisi olmasa da geri çəkilir. Heç kəs öz avtomobilini bu əraziyə sürüb xarab olmasını istəmir".

Qeyd edək ki, yaşayış massivində minlərlə sakin yaşayır. Buna baxmayaraq indiyədək yaşayış massivinin yolu əsaslı təmir olunmayıb.

Sakinlər bildirir ki, son dəfə yaşayış massivinin avtobus hərəkət etdiyi əsas yoluna nazik asfalt qatı tökülüb: "Yolda bərkitmə işləri aparmadan nazik asfakt tökdülər. Həmin vaxt hər kəs narazılıq etdi ki, bu yolda bərkitmə işi aparmadan, alt qat möhkəmləndirilmədən asfalt salmaq mənasızdır. Amma yolu bildikləri kimi təmir etdilər. Nəticədə yol üç aya köçdü. 6 ay tamam olmamış asfalt dağıldı".

© Sputnik / Zulfiyya Guluyeva
Can Təpə yaşayış massivi

Abşeron Rayon İcra Hakimiyyətindən isə şikayətin araşdırılacağını bildirdilər.

421
Çəkiliş, arxiv şəkli

Kinostudiya əvvəlki dövrünə qayıdır

6
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

6
Teqlər:
baza, texniki, avadanlıq, "Azərbaycanfilm" kinostudiyası, kinostudiya
Bakı küçələrində futbol oynayan uşaqlar, arxiv şəkli

Azərbaycanda həkimlər uşaqlara görə əmr gözləyirlər

9
(Yenilənib 22:01 10.04.2021)
"Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər".

Zülfiyyə Quluyeva, Sputnik Azərbaycan

BAKI, 10 aprel — Sputnik. Azərbaycanda bu ay uşaqlar arasında təmizləyici “İmmunlaşdırma həftəsi”nin aparılması nəzərdə tutulur. Bu barədə Sputnik Azərbaycan-a açıqlamasında Səhiyyə Nazirliyinin Respublika Gigiyena və Epidemiologiya Mərkəzinin direktor müavini Afaq Əliyeva bildirib.

Onun sözlərinə görə, hər il ölkəmizdə uşaqlar arasında immunizasiya tədbirləri həyata keçirilir: “İmmunlaşdırma həftəsi”nin aparılması nəzərdə tutulur. Hər il bütün Avropa regionunda aprel ayının 26-dan may ayının 2-dək müddətə təmizləyici “İmmunlaşdırma həftəsi”nin aparılması nəzərdə tutulub. Biz də 2007-ci ildən etibarən bu tədbirin aparılmasını həyata keçiririk. Amma gərək müvafiq əmr olsun ki, biz hansı tədbirlərin həyata keçiriləcəyi barədə məlumat verə bilək".

A.Əliyeva bildirib ki, 0-6 yaş arası uşaqlar arasında immunoprofilaktika proqramı əsasında peyvəndlərin aparılması, təmizləyici immunizasiyanın həyata keçirilməsi təmin olunur: "Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər. Hər hansı səbəbə görə peyvəndi almayan uşaqlar poliklinikalar tərəfindən vaksin edilmək üçün dəvət edilir. Peyvəndləmə işi təşkil olunur".

 

 

9
Teqlər:
əmr, həkim, peyvənd, həftə, immunlaşdırma, uşaqlar
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda