Bakıda motosikl, arxiv şəkli

Ölümlə rəqs edənlər: Yol polisi bu sürücülərin qarşısında aciz qalıb

865
(Yenilənib 12:52 25.03.2021)
Vaqif Əsədov: Bakı şəhəri üzrə quraşdırılan videokameralardan görürük ki, moped idarə edənlər yol-nəqliyyat haqda qanunun tələbərinə əməl etmir, onu kobud şəkildə pozurlar. Bu gün təxminən 25 faizədək moped müvəqqəti saxlama dayanacaqlarındadır.

Nigar İsgəndərova, Sputnik Azərbaycan

BAKI, 25 mart — Sputnik. Pandemiya ilə əlaqədar olaraq yollarda yaranan sıxlıq sürücüləri də təngə gətirib. Yollardakı vəziyyətin dözülməz olması, uzun müddət tıxaclarda qalma bəzi sürücüləri alternativ variantlar axtarmağa vadar edib.

Sərnişinlərin, eyni zamanda da sürücülərin bir qismi vəziyyətdən çıxış yolunu motosikl və moped sürməkdə görürlər. Yola çıxan bu şəxslərin bəzən yol qaydalarını kobud şəkildə pozması isə ətrafdan narazılıqla qarşılanır.

Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov Sputnik Azərbaycan-a açıqlamasında motosikl və moped idarəçilərinin yollarda yaratdıqları problemlərdən danışıb:

"Bakı şəhəri üzrə quraşdırılan videokameralardan görürük ki, moped idarə edənlər yol-nəqliyyat haqda qanunun tələbərinə əməl etmir, onu kobud şəkildə pozurlar. Tədbirlər nəticəsində bu gün cərimə meydançalarında avtomobillərlə yanaşı bu nəqliyyat vasitələrini də görmək mümkündür. Bu gün təxminən 25 faizədək moped müvəqqəti saxlama dayanacaqlarındadır. Mütəmadi olaraq onların arasında təbliğat, maarifləndirmə işləri aparırıq. Yaxşı olardı ki, hüquqi və fiziki şəxslər də bu nəqliyyat vasitələrinini sürücüləri arasında təbliğat aparsın"

Vaqif Əsədov hesab edir ki, onların yol-nəqliyyat qaydalarını pozmasına görə ətrafda qınağın olmasına da ehtiyac var.

"Biz sürücülərə müraciət edərək deyirik: Düşünməyin ki, ərazidə polis əməkdaşı yoxdur və siz istədiyiniz kimi hərəkət edə bilərsiniz. Unutmayın ki, Bakı şəhəri üzrə kameralar vasitəsilə hərəkətə nəzarət edərkən açıq-aşkar törədilən xətalar qeydə alınır və barənizdə tədbir görülür", - deyə V.Əsədov bildirir.

V.Əsədov bu sürücülər tərəfindən yol verilən xətalardan da söz açır: "Onlar piyadalar üçün nəzərdə tutulan səkilərdə hərəkət edir, bəzən svetaforu belə gözləmir və bununla da sürücülər, piyadalar üçün maneəyə səbəb olurlar. Bu kimi hallar tərəfimizdən açıq-aşkar qeydə alınır və tədbirlər görülür. İnzibati məsuliyyətə cəlbetmə halı yarandıqda isə artıq az qalır bu sürücülər ağlasın ki, günə 10 manata işləyirəm. Bu ifadələr onu heç də məsuliyyətdən uzaqlaşdırmır. Adətən bu sürücülərin nəqliyyat vasitələrinə görə dövlət nömrə nişanı və sürücülük vəsiqəsi olmur. Ona görə də hesab edirlər ki, açıq-aşkar qaydaları poza bilərlər".

"Bizim məqsədimiz onları cəzalandırmaq deyil, sadəcə olaraq onları yol-nəqliyyat qaydalarına əməl etməyə səsləməkdir", - deyə DYP rəsmisi əlavə edir.

V.Əsədov il ərzində motosikl və moped iştirakı ilə baş verən qəzaların statistikasını da açıqlayıb. Onun sözlərinə görə, 18 fevral tarixinədək 14 qəza baş verib ki, nəticədə iki sürücü dünyasını dəyişib, 7 nəfər yaralanıb.

Nəqliyyat üzrə ekspert Eldəniz Cəfər Sputnik Azərbaycan-a açıqlamasıda bu sürücülər tərəfindən qaydaların kobud şəkildə pozulduğunu bildirir:

"Motosiklet sürücüsü də yol hərəkətinin iştirakçısı sayılır. Bakı şəhərində motosikletlərin sayının artması ilə əlaqədar olaraq Bakıda motosikllə olan qəzaların da sayı artıb. Əvvəl Bakıda motosikl sürənlərin sayı 5-10 idisə, indi çatdırılma xidmətlərinə daha çox ehtiyacın olması səbəbi ilə əlaqədar olaraq bu sürücülərin də sayı artıb".

Ekspert deyir ki, bu gün qayda pozuntusu daha çox moped sürücüləri tərəfindən olur. Bu nəqliyyat vasitələrinə görə sürücülük vəsiqəsi tələb edilmədiyindən onlayn çatdırılma xidmətləri daha çox onların əməyindən yararlanır. Sürücülük vəsiqəsi olmadığından, onlar yollarda məsuliyyətsiz davranır, qaydaları pozur, sürət həddini aşır və bəzən də qəzalara səbəb olurlar. Təəssüf ki, bu cür hadisələr zamanı ölüm halları da qeydə alınır.

"Düşünürəm ki, dövlət yol polisi bu məsələdə daha fəal olmalı və daha ciddi addımlar atmalıdır. Dövlət nömrə nişanı alamayan və sürücülük vəsiqəsi olmayan bu şəxslərə qarşı ciddi tədbirlər görülməlidir. Onlayn çatdırıma xidmətləri bu şəxslər haqda məlumatları dövlət yol polisinə ötürməlidir. Dövlət yol polisində isə bunun üçün xüsusi baza yaradılmalıdır ki, hansı nəqliyyat vasitəsini kim sürür. Çünki bu şəxslərin nəqliyyat vasitələrinin nömrəsi, özlərinin sürücülük vəsiqələri olmadığından, hər hansı qəza törətdikdə onları tapmaq, cəzalandırmaq çətin olur".

Ekspert hesab edir ki, bunun üçün dövlət yol polisi nömrə nişanı olmadan idarə olunan motosikl və mopedlərə cərimə yazmalı və nəqliyyat vasitəsi müsadirə olunmalıdır.

 

865
İnşaatçılar metrosunda

Metro işləmir, keçidləri isə zibilliyə çevrilib - FOTOLAR

358
(Yenilənib 22:33 17.04.2021)
"Ola bilər ki, belə arzuolunmaz hallar həftəsonları müşahidə olunsun. Bu da həftəsonları ictimai nəqliyyatın işləməməsi səbəbindən hansısa təmizlik işçisinin işə gələ bilməməsi ilə bağlı ola bilər"

 

Zülfiyyə Quluyeva, Sputnik Azərbaycan

BAKI, 17 aprel — Sputnik. Bakıda metro keçidləri zibilliyə çevrilib. Metronun 6 aydan çoxdur ki, fəaliyyətini dayandırması metro keçidlərini də baxımsız vəziyyətə salıb. Xüsusilə həftəsonları metro keçidləri zibilli olur. Sputnik Azərbaycan metro keçidlərinin natəmiz olmasının səbəbini araşdırmazdan öncə keçidlərdə müşahidə aparıb.

Bakı metropoliteninin "İnşaatçılar" stansiyasının piyada keçidi sellofan torbalarla dolu idi. Əsən külək bayırdakı toz-torpağı, polietilen torbaları keçidə doldurmuşdu. Bu keçiddə natəmiz vəziyyətdən piyadalar da narazı idilər. Yasamal rayon sakini Mehparə Hüseynova deyir ki, metro bağlanandan keçidlərin təmizliyinə o qədər də diqqət yetirilmir: "Hava küləkli olanda, həftəsonları metro keçidləri zibil poliqonuna dönür. Natəmizlik baş alıb gedir. Bu, təkcə "İnşaatçılar" metrostansiyasının keçidində belə deyil. Digər metro keçidlərində də təmizliyə diqqət yetirilmir".

  • "İnşaatçılar" metrosunda
    © Sputnik / Zulfiyya Guluyeva
  • "İnşaatçılar" metrosunda
    © Sputnik / Zulfiyya Guluyeva
  • "İnşaatçılar" metrosunda
    © Sputnik / Zulfiyya Guluyeva
1 / 3
© Sputnik / Zulfiyya Guluyeva
"İnşaatçılar" metrosunda

Qeyd edək ki, Bakı metropoliteninin fəaliyyəti pandemiya dövründə Nazirlər Kabineti yanında Operativ Qərargah tərəfindən dayandırılsa da, metro keçidlərindən hər gün yüzlərlə piyada istifadə edir. Metro keçidlərinin zibilli olması, istər-istəməz keçiddən istifadə edənlərdə narazılıq yaradır. Metro keçidləri isə piyadaların təhlükəsizliyi baxımından önəmlidir. Piyadaların keçidlərdən istifadəsi isə yol-nəqliyyat hadisələri zamanı piyada vurmalarının qarşısını alır.

"Bakı Metropoliteni" QSC-nin mətbuat xidmətinin rəhbəri Bəxtiyar Məmmədov Sputnik Azərbaycan-a açıqlamasında bildirib ki, metro işləməsə də, metro keçidləri hər gün təmizlənir: "Ola bilər ki, belə arzuolunmaz hallar həftəsonları müşahidə olunsun. Bu da həftəsonları ictimai nəqliyyatın işləməməsi səbəbindən hansısa təmizlik işçisinin işə gələ bilməməsi ilə bağlı ola bilər. Yaxud da hava şəraiti ilə bağlı məqam ola bilər. Hava küləkli olduqda zibili sovurub keçidlərə doldurur. Buna baxmayaraq, əgər hansısa keçiddə natəmizlikdən şikayət varsa, bu məsələ dərhal həmin metrostansiyanın rəhbərliyinə çatdırılır və aradan qaldırılır. Metronun işləməməsinə baxmayaraq, keçidlərin təmizliyi gündəlik həyata keçirilir".

358
Alıcı bazarda yumurta yığır, arxiv şəkli

Yumurtanın faydaları açıqlandı

16
(Yenilənib 22:01 17.04.2021)
Yumurta sarısı embrionun inkişafı üçün əsas qida mənbəyi olmaqla, özündə daha çox lipid, vitamin, makro- və mikroelementlər ehtiva edir.

BAKI, 17 aprel — Sputnik. Yumurtanın tərkibi və faydalı xüsusiyyətləri Azərbaycan Qida Təhlükəsizliyi İnstitutunun Elmi-tədqiqat və risklərin qiymətləndirilməsi departamentinin Heyvan sağlamlığı şöbəsinin mütəxəssisləri Q. Cəlladov, R. Səfərova, Ş. Məmmədova, R. Kəngərli tərəfindən məqalə hazırlanıb.

Sputnik Azərbaycan həmin məqaləni təqdim edir:

Yumurta zəngin biokimyəvi tərkibə malik olan qida məhsuludur. Orqanizm tərəfindən asan (90-95 %) mənimsənilən yumurta qida rasionunda əsas yer tutur. Həmçinin yüksək protein (zülal) tərkibli olması səbəbindən yumurta qida dəyərinə görə ət ilə eyni qrupa daxil edilir.

Ümumiyyətlə, qida məhsulu kimi əsasən toyuq yumurtasına üstünlük verilməsinə baxmayaraq, bildirçin, ördək, hind quşu, qaz, dəvəquşu yumurtası da insanlar tərəfindən istehlak olunur. Qeyd olunan yumurta növləri arasında bildirçin yumurtası kalsiumla, ördək yumurtası yağ birləşmələri ilə, hind quşu yumurtası sinklə, qaz yumurtası isə protein miqdarının yüksək olmasına görə toyuq yumurtasından fərqlənir. Ölçüsünə görə ən böyük quş yumurtası hesab olunan dəvəquşu yumurtasının çəkisi 1.0 - 1.4 kq təşkil etməklə, enerji dəyəri 160 kkal/100 q-a bərabərdir. Zülal, yağ, eləcə də kalsium, kalium və fosfor miqdarına görə toyuq yumurtası ilə eyni olan dəvəquşu yumurtası tərkibindəki xolesterolun az olması ilə (10-15mq/100 q) digər növ quş yumurtalarından fərqlənir. Bu da öz növbəsində onun pəhriz qida növü kimi səciyyələndirilməsinə əsas verir.

İnsanların qida rasionunda üstünlük təşkil edən toyuq yumurtası biokimyəvi tərkibinə görə vitaminlər (A, B1, B2, B3, B4, B5, B9, B12, D, E, K, H ), proteinlər (yumurta ağında- ovalbumin, ovotransferrin, ovomukoid, ovoqlobulin, flavoprotein, avidin, yumurta sarısında- fosvitinlər), makro- və mikroelementlər (Ca, Mg, K, P, Fe, Se, Zn, Cr, Cl, Mn, Mo, Co, F, I, S, Cu və s.), antioksidantlar (lutein və zeaksantin), fermentlər və digər bioloji aktiv maddələr ilə zəngindir. Yumurtanın tərkibində proteinlər 13-17 %, lipidlər 11-12 %, minerallar 1-2 %, karbohidratlar isə 1 %-ə qədər təşkil edir. Proteinlər əsasən yumurta ağında toplanmaqla, tərkibində 20 məlum aminturşusunun demək olar ki, hamısına rast gəlinir. Əvəzolunmaz aminturşuları (histidin, izoleysin, leysin, lizin, metionin, fenilalanin, treonin, triptofan və valin) yumurtanın tərkibində daha çoxdur.

Yumurta sarısı embrionun inkişafı üçün əsas qida mənbəyi olmaqla, özündə daha çox lipid, vitamin, makro- və mikroelementlər ehtiva edir. Yumurta sarısında olan lesitin (fosfatidilxolin) qiymətli fosfolipidlərə aid olmaqla, orqanizmdə ürək-damar, sinir və həzm sistemi orqanlarının funksiyasına müsbət təsir göstərir.

Yumurta ağının tərkibində olan lizosim fermenti bakterisid xüsusiyyətlərə malikdir. Bu da yumurtanın mikroorqanizmlərin təsirindən qorunaraq xarab olmasının qarşısını alır. Qeyd edək ki, yumurtanın tərkibində olan ovomusinin (qlikoprotein) miqdarı 2-3 % təşkil edir. Bu da yumurta ağının gelşəkilli və tamlığının pozulmayan şəkildə olmasını təmin edir. Yumurtanın tərkibində olan lutein və zeaksantin təbii karotinoidlərə aid olub, yumurta sarısında toplanır ki, bu isə onun sarı çalarlı olmasını təmin edir.

Yumurtanın tərkibindəki lipidlər doymuş və doymamış ali yağ turşularından təşkil olunur. Doymuş yağ turşularına miristin, palmitin, stearin, araxin turşularını, doymamışlara isə olein, palmitolein, linol, linolen, araxidon turşularını şamil etmək olar ki, bu turşu kompleksi Omega-3, Omega-6 və Omega-9 şəklində təmsil olunur. Sterollardan yumurtanın tərkibində xolesterolun miqdarı 200-220 mq təşkil edir ki, bu da insanın gündəlik xolesterol ehtiyacının təxminən üçdə iki hissəsinə bərabərdir. Zəngin protein və yağ tərkibli olduğundan yumurtanın enerji dəyəri 100-140 kkal/100 q təşkil edir. Zülalların 100 ballıq qiymətləndirmə sistemində isə yumurta zülalı 97.3 balla qiymətləndirilir.

Beləliklə, yumurtanı faydalı qida növü kimi səciyyələndirən bioloji xüsusiyyətlər aşağıdakılardır:

• tərkibində sadə zülallar (albumin və qlobulinlər) çoxluq təşkil etdiyindən orqanizm tərəfindən asan mənimsənilir;

• D vitamini ehtiva edən qida növü kimi orqanizmin immun sisteminin möhkəmlənməsini, həmçinin sümük toxumasının formalaşmasını təmin edir;

• tərkibindəki antioksidantlar (lutein, zeaksantin, selen və s.) fəal bioloji xüsusiyyətə malik olmaqla, orqanizmi toksinlərdən təmizləyir və görməni yaxşılaşdırır;

• xolin və luteinlə zəngin olan yumurta qəbulu həm orqanizmdə sinir sisteminin fəaliyyətini, həm də yaddaş və mental funksiyaları tənzimləyir;

• yumurtanın tərkibindəki dəmir (ovotransferrin) orqanizm tərəfindən asan mənimsənildiyindən anemiyaların qarşısının alınmasında mühüm rol oynayır.

Zəngin biokimyəvi tərkibə və faydalı bioloji xüsusiyyətlərə malik olan yumurta baytarlıq-sanitariya və gigiyena qaydalarına riayət edilmədiyi halda insan sağlamlığı üçün təhlükə mənbəyi ola bilər. Belə ki, yumurta insanların Salmonella spp, Bacillus cereus, Campylobacter spp, Staphylococcus aureus və s. kimi patogen bakteriyalarla yoluxmasına səbəb ola bilər. Odur ki, patogenlərin məhv edilməsi və infeksiya ilə bağlı risklərin azaldılması məqsədilə yumurta istehlakı ilə bağlı sanitar-gigiyenik tələblərə ciddi əməl olunmalıdır. Belə ki, yumurtanın yuyulmadan və çiy halda istehlakına yol verilməməlidir. Yumurta istehsal yerində və istehlakçıya çatdırılana qədər bütün mərhələlərdə təmiz, quru, birbaşa günəş şüasının və yüksək temperatur dalğalarının təsir etmədiyi şəraitdə, müvafiq temperatur rejimində (5-12° C) saxlanılmalıdır. Ev şəraitində soyuducuda saxlanıldığı halda isə mal qonşuluğu prinsipi gözlənilməlidir. Qırılandan sonra əldə edilmiş maye yumurta isə dərhal istifadə edilmədiyi təqdirdə dondurulmalı və ya soyuducuda 4° C-dən yuxarı olmayan temperaturda saxlanılmalıdır.

Bəzi hallarda insanlarda yumurta proteinlərinə (xüsusilə ovomukoid zülalı) qarşı allergiya müşahidə olunur. Odur ki, allergiyaya həssas insanlar istər yumurta, istərsə də tərkibində yumurta olan qida məhsullarını istehlak edərkən diqqətli olmalıdırlar.

 

16
Türkiyə hərbçiləri, arxiv şəkli

İrandan Türkiyəni qəzəbləndirəcək plan

0
(Yenilənib 22:55 17.04.2021)
Rusiya ordusuna bağlı birliklər Suriyanın Tel-Rıfat bölgəsini tərk edərkən yerlərinə İran İnqilab Keşikçilərinin elementləri yerləşdirilib.

BAKI, 17 aprel — Sputnik. Türkiyə 6 ildir PKK işğalı altında olan Suriyanın Tel-Rıfat qəsəbəsini və İraq-Suriya sərhəddində yerləşən Sincar bölgəsini terrorçulardan təmizləməyə çalışır.

Sputnik Azərbaycan "Haber7"yə istinadla xəbər verir ki, Tel-Rıfatda Rusiya ordusuna bağlı birliklər bölgəni tərk edərkən yerlərinə İran İnqilab Keşikçilərinin elementləri yerləşdirilib. Digər terror bölgəsi olan Sincara isə Tehrana bağlı "Haşdi Şabi" milisləri yerləşdirilib.

"Hizbullah"ın baş katibi Hüseyin Həmdavi və "Haşdi Şabi"nin qurucusu Hadi əl-Amiri və digərləri Sincar ilə əlaqədar Türkiyəni təhdid ediblər.

"Fərat qalxanı" bölgəsindəki yüksək səviyyəli bir mənbə Tel-Rıfata qarşı hərbi əməliyyat üçün bütün hazırlıqların 2018-ci ildə tamamlandığını, ancaq İranın maneə törətdiyi üçün əməliyyatın təxirə salındığını söyləyib.

 

 

0