Bakı Beynəlxalq Avtovağzal Kompleksinin qarşısı

Avtovağzalda qələbəlik: Rayonlara gediş haqqı bahalaşdı

570
(Yenilənib 15:57 19.03.2021)
Şəki-Balakən-Zaqatala istiqamətinə minik avtomobilləri qiyməti 25 manata qaldırmışdılar. Burada da sürücülər günün sonuna doğru və martın 20-dən qiymətin bir qədər də bahalaşacağını söylədilər.

Zülfiyyə Quluyeva, Sputnik Azərbaycan

BAKI, 19 mart — Sputnik. Rayonlara gediş-gəlişin bağlanacağını eşidib tələsən kim, ucuz qiymətə maşın axtaran kim. Bu gün digər günlərlə müqayisədə Bakı Beynəlxalq Avtovağzal Kompleksinin qarşısında qələbəlik müşahidə olunurdu. Rayonlara sərnişin daşıyan kiçiktutumlu avtobuslar və minik avtomobilləri qiyməti digər günlərə nisbətən bahalaşdırmadıqlarını söyləsələr də, sərnişinlər qiymətin baha olduğundan gileyləndilər. Göygöl rayonuna gedən sərnişin Güllü İsimxanova Sputnik Azərbaycan-a bildirib ki, adi günlərdə Bakıdan Göygölə 10 manata getsə də, qiymət bu gün 15 manat olub:

"Mən "Vita" ilə gedəcəm. Minik avtomobilləri baha apararır. Neçəsindən soruşmuşam, qiymətdə 20 manatdan aşağı düşmürlər. Bir tanış sürücü var, indi mən onu gözləyirəm. Yer olsa, 10 manata məni də götürəcək".

Sərnişinlər qiymətin bahalaşdığını desələr də, sürücülər əksini söylədilər. Bərdə-Tərtər istiqamətinə sərnişin daşıyan avtobusun sürücüsü bildirdi ki, adambaşına gediş haqqı 10 manatdır.

© Sputnik / Zulfiyya Guluyeva
Bakı Beynəlxalq Avtovağzal Kompleksinin qarşısı

Gəncə-Şəmkir istiqamətinə sərnişin daşıyan sürücülər isə adambaşına qiymətin  10-12 manat olduğunu bildirdilər.

Qazax-Qırmızı körpü istiqamətinə gediş haqqı isə 15 manat təşkil edir. Burada sürücülər bayram günlərində qiymətin bu istiqamətə bahalaşacağının gözlənildiyini bildirdilər. Sürücülərin sözlərinə görə, hazırda ən çox sənişin axını məhz Qazax-Qırmızı körpü istiqamətinə müşahidə olunur.

Kiçiktutumlu mikroavtobuslarda qiymət bir qədər münasib olsa da, Avtovağzalın qarşısındakı şəhərlərarası taksi dayanacağından Gəncə, Yevlax, Mingəçevir, Qazax, Şəmkir, Göygöl istiqamətlərinə gediş haqqı 20 manatdan aşağı deyildi. Hətta Şəki-Balakən-Zaqatala istiqamətinə minik avtomobilləri qiyməti 25 manata qaldırmışdılar. Burada da sürücülər günün sonuna doğru və martın 20-dən qiymətin bir qədər də bahalaşacağını (30 manat) söylədilər. Qiymət artımına səbəb kimi isə tələbatın artması əsas gətirilirdi.

Apardığımız müşahidələr göstərdi ki, paytaxtda avtovağzalın qarşısından, demək olar ki, bütün bölgələrə sərnişin daşınır. Sərnişindaşıma həm mikroavtobuslarla, həm 7-8 nəfər tutumu olan minivenlərlə, həm də 4 nəfərlik minik avtomobilləri ilə həyata keçirilir.

Sərnişinlər şəhərlərarası avtobuslar işləmədiyindən əlacsız qalıb bu tip nəqliyyat vasitələri ilə rayonlara getdiklərini deyirlər. Bu isə onların sözlərinə görə, bayram günlərində bahalaşmaya səbəb olur.

© Sputnik / Zulfiyya Guluyeva
Bakı Beynəlxalq Avtovağzal Kompleksinin qarşısı

Sərnişin İrşad Məmmədov deyir ki, avtobuslarla rayonlararası sərnişindaşımaya qoyulan qadağadan bu gün ən çox əziyyət çəkən sərnişinlərdir:

"Deyirlər ki, bu qadağa virusa görə qoyulub. Amma sərnişinlər kiçiktutumlu 7 nəfərlik "Vita"larla daşınır. Mikroavtobus kiçik olduğundan, burada yoluxma riski daha çoxdur. Nə arada məsafə qorunur, nədə ki maska taxan var".

Sərnişinlər minik avtomobillərində də eyni vəziyyətin müşahidə olunduğunu söylədilər. Onların sözlərinə görə, yaranmış vəziyyətə görə həm vaxt itirirlər, həmçinin də artıq pul. Cəmilə Hüseynova adlı sərnişin deyir ki, valideynləri rayonda olduqlarından bayramda onları görməyə gedir:

"Bayramda insanlar rayona gedir. Alternativ nəqliyyat vasitəsi olmadığından hamı qalıb mikroavtobusların, minik avtomobillərinin ümidinə. Onlar isə istədikləri qiyməti qoyurlar. Sərnişinlər də məcburdur ki, sürücülər "hansı havanı çalır, o havaya da oynasın". Yəni nə qiymət qoyurlar, caamt da o məbləği ödəyib rayona gedir. Nəticədə ən çox ziyan biz sərnişinlərə dəyir. Ondansa avtobusların fəaliyyətinə icazə versinlər, camaat ara məsafəsini qorumaqla doğmalarını görməyə getsin. İndiki vəziyyətdə hərə bir evdən gəlib. Buna baxmayaraq, 7 nəfərlik "Vita"lar, 4 nəfərlik minik maşınları ilə rayonlara gedir. Belə çıxır ki, sərnişinlər ağız-ağıza 7 nəfərlik maşında gedəndə virusa yoluxmurlar? Vallah, bu Operativ Qərərgahın virusla bağlı rayonlararası avtobusların hərəkətinə qoyduğu qadağasında bir məna qalmır".
© Sputnik / Zulfiyya Guluyeva
Bakı Beynəlxalq Avtovağzal Kompleksinin qarşısı

Apardığımız müşahidələr zamanı da paytaxtda rayonlara sərnişindaşımada pandemiya qaydalarına əməl edilmədiyinin, sərnişinlərarası məsafənin qorunmadığının şahidi olduq. Qiymətlərdə isə adi günlərlə müqayisədə bahalaşma vardı. Sürücülər qiymətlərin bu gün axşam saatlarına doğru və sabahdan daha da baha olacağını söylədilər:

"Siz bu gün axşam, sabah rayona adambaşına 30 manatdan maşın tapsanız, gələrsiz mən sizi pulsuz aparacam. Sabahdan qiymət lap bahalaşacaq".

Dövlət Avtomobil Nəqliyyatı Xidmətinin mətbuat katibi Nuridə Allahyarova Sputnik Azərbaycan-a açıqlamasında bildirib ki, şəhərlərarası və rayonlararası sərnişin daşıyan kiçiktutumlu mikroavtobuslar və şəxsi minik avtomobilləri DANX-dan sərnişindaşıma üçün heç bir lisenziya almayıb:

"Onlar qanunsuz sərnişindaşıma fəaliyyəti göstərirlər. Həmin daşıyıcılara bizim qurumun cəza vermək səlahiyyəti yoxdur. DANX tərəfindən ötən ilin mart ayından bir nəfərə belə rayonlararası və şəhərlərarası sərnişindaşıma üçün fərqlənmə nişanı, lisenziya verilməyib".

570
Çəkiliş, arxiv şəkli

Kinostudiya əvvəlki dövrünə qayıdır

6
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

6
Teqlər:
baza, texniki, avadanlıq, "Azərbaycanfilm" kinostudiyası, kinostudiya
Bakı küçələrində futbol oynayan uşaqlar, arxiv şəkli

Azərbaycanda həkimlər uşaqlara görə əmr gözləyirlər

9
(Yenilənib 22:01 10.04.2021)
"Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər".

Zülfiyyə Quluyeva, Sputnik Azərbaycan

BAKI, 10 aprel — Sputnik. Azərbaycanda bu ay uşaqlar arasında təmizləyici “İmmunlaşdırma həftəsi”nin aparılması nəzərdə tutulur. Bu barədə Sputnik Azərbaycan-a açıqlamasında Səhiyyə Nazirliyinin Respublika Gigiyena və Epidemiologiya Mərkəzinin direktor müavini Afaq Əliyeva bildirib.

Onun sözlərinə görə, hər il ölkəmizdə uşaqlar arasında immunizasiya tədbirləri həyata keçirilir: “İmmunlaşdırma həftəsi”nin aparılması nəzərdə tutulur. Hər il bütün Avropa regionunda aprel ayının 26-dan may ayının 2-dək müddətə təmizləyici “İmmunlaşdırma həftəsi”nin aparılması nəzərdə tutulub. Biz də 2007-ci ildən etibarən bu tədbirin aparılmasını həyata keçiririk. Amma gərək müvafiq əmr olsun ki, biz hansı tədbirlərin həyata keçiriləcəyi barədə məlumat verə bilək".

A.Əliyeva bildirib ki, 0-6 yaş arası uşaqlar arasında immunoprofilaktika proqramı əsasında peyvəndlərin aparılması, təmizləyici immunizasiyanın həyata keçirilməsi təmin olunur: "Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər. Hər hansı səbəbə görə peyvəndi almayan uşaqlar poliklinikalar tərəfindən vaksin edilmək üçün dəvət edilir. Peyvəndləmə işi təşkil olunur".

 

 

9
Teqlər:
əmr, həkim, peyvənd, həftə, immunlaşdırma, uşaqlar
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda