Geni modifikasiya olunmuş məhsul, arxiv şəkli

Ekspert: “Ərzağın istifadə müddəti uzandıqca insanın ömrü qısalır”

23
"Bütün hallarda yerli ərzaq malları keyfiyyətcə gəlmə məhsullardan daha keyfiyyətlidir. Çünki xaricdən gətirilən məhsullar müəyyən risk zəncirindən keçirilir və bu prosesdə müxtəlif kimyəvi qatqılardan istifadə edilir"

Elvin Səlimov, Sputnik Azərbaycan

BAKI, 18 mart — Sputnik. “Son illərdə istehlakçılar tərəfindən ən çox şikayət mürəkkəb texniki vasitələrin alğı-satqısı zamanı qeydə alınır”. Bunu Sputnik Azərbaycan Multimedia Mərkəzində keçirilən mətbuat konfransında Azad İstehlakçılar Birliyinin sədri Eyyub Hüseynov deyib.

Ekspert bildirib ki, bu mövzuda şikayətlər o qədər artıb ki, bəzən biznes strukturların şikayətləri artırmaq üçün yarışdıqlarını düşünür: “Maraqlı biznes kampaniyaları ilə istehlakçıları cəlb edən belə mağazalar məhsulun pulunu aldıqdan sonra alıcıya münasibətdə onun hüquqlarını pozurlar. Dəfələrlə edilən şikayət müraciətlərində qeyd olunub ki, alıcıya yeni adı ilə baha qiymətə satılan məhsullar işlənmiş, problemli, bəzən isə keyfiyyətsiz olur.

Burada da biznes strukturları özlərini istehlakçı hüquqlarının tələblərindən qorumaq üçün bufer zolaq yaradıblar ki, bunun adı servisdir. Qanunda göstərilib ki, istehlakçı tələbatına uyğun gəlməyən məhsulu on dörd gün ərzində dəyişə və ya geri qaytara bilər. İstehlakçı aldığı məhsulda yaranmış problemə görə servis mərkəzlərində qalmalı deyil”.

“Qeyd etməliyəm ki, bazarın digər seqmentlərində də istehlakçıların narazılığına səbəb olan problemlər mövcuddur. Şikayətlərin bir qismi də su filtri satan şirkətlərlə bağlıdır. Bu sahədə fəaliyyət göstərən şirkətlər primitiv üsullarla suyun keyfiyyətsiz olduğunu göstərərək insanları qorxudurlar.

Şikayətlər həm də məişət texnikaları ilə bağlıdır. Bəzi şirkətlər komponentləri tədarük etməklə texnikanın yığımını burada həyata keçirir. Xüsusən də belə texnikalarda zəmanət verilən hisssələrlə bağlı konkret yanaşma olmadığı üçün problemlər həllini tapa bilmir. Bununla bağlı Nazilrər Kabinetinin müvafiq qərarı olmalıdır. Belə bir qərarın olmaması istehlakçı hüquqlarının pozulmasına gətirib çıxarır. Belə vəziyyətdə biznes qurumlar onlar üçün yaranmış vəziyyətdən sui-istifadə edirlər. Düşünürəm ki, ümumilikdə istehlakçıların hüquqlarının müdafiəsi haqqında qanuna müvafiq dəyişikliklər edilməldir.

Texnika sahəsindəki problemlərlə yanaşı, həm də ərzaq mallarının keyfiyyətində də problemlər müşahidə edilir. Yetərincə yaxşı qablaşdırılmış və alıcıların diqqətini cəlb edən məhsullar göründüyü kimi keyfiyyətli olmaya bilər. Mənim fikrim budur ki, bütün hallarda yerli ərzaq malları keyfiyyətcə gəlmə məhsullardan daha keyfiyyətlidir. Çünki xaricdən gətirilən məhsullar müəyyən risk zəncirindən keçirilir və bu prosesdə müxtəlif kimyəvi qatqılardan istifadə edilir. Təbii ki, istehlakçılar çox vaxt bunu anlamırlar. Məhsulun ömrünü uzatmaq üçün istifadə edilən qatqı insan ömrünü qısaldır”, - ekspert söyləyib.

23
Teqlər:
keyfiyyət, ərzaq, istehlakçı, istehlak
Çəkiliş, arxiv şəkli

Kinostudiya əvvəlki dövrünə qayıdır

6
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

6
Teqlər:
baza, texniki, avadanlıq, "Azərbaycanfilm" kinostudiyası, kinostudiya
Bakı küçələrində futbol oynayan uşaqlar, arxiv şəkli

Azərbaycanda həkimlər uşaqlara görə əmr gözləyirlər

11
(Yenilənib 22:01 10.04.2021)
"Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər".

Zülfiyyə Quluyeva, Sputnik Azərbaycan

BAKI, 10 aprel — Sputnik. Azərbaycanda bu ay uşaqlar arasında təmizləyici “İmmunlaşdırma həftəsi”nin aparılması nəzərdə tutulur. Bu barədə Sputnik Azərbaycan-a açıqlamasında Səhiyyə Nazirliyinin Respublika Gigiyena və Epidemiologiya Mərkəzinin direktor müavini Afaq Əliyeva bildirib.

Onun sözlərinə görə, hər il ölkəmizdə uşaqlar arasında immunizasiya tədbirləri həyata keçirilir: “İmmunlaşdırma həftəsi”nin aparılması nəzərdə tutulur. Hər il bütün Avropa regionunda aprel ayının 26-dan may ayının 2-dək müddətə təmizləyici “İmmunlaşdırma həftəsi”nin aparılması nəzərdə tutulub. Biz də 2007-ci ildən etibarən bu tədbirin aparılmasını həyata keçiririk. Amma gərək müvafiq əmr olsun ki, biz hansı tədbirlərin həyata keçiriləcəyi barədə məlumat verə bilək".

A.Əliyeva bildirib ki, 0-6 yaş arası uşaqlar arasında immunoprofilaktika proqramı əsasında peyvəndlərin aparılması, təmizləyici immunizasiyanın həyata keçirilməsi təmin olunur: "Hazırda vaksinlərlə təminat var. Peyvənddən kənarda qalanlar “İmmunlaşdırma həftəsi”çərçivəsində peyvənd edilirlər. Hər hansı səbəbə görə peyvəndi almayan uşaqlar poliklinikalar tərəfindən vaksin edilmək üçün dəvət edilir. Peyvəndləmə işi təşkil olunur".

 

 

11
Teqlər:
əmr, həkim, peyvənd, həftə, immunlaşdırma, uşaqlar
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda