Bakıda bazar, arxiv şəkli

Alıcılar azalıb, qiymətlər artıb işbazlar isə başındadır

452
(Yenilənib 15:37 18.03.2021)
Hökumət yarmakaların dislokasiya yerlərini artırsın, ya da alıcıların yarmakalara pulsuz gəlişini təmin edən nəqliyyat vasitələrindən istifadə olunsun.

Elvin Səlimov, Sputnik Azərbaycan

BAKI, 18 mart — Sputnik. Hər il olduğu kimi bu il də Novuz bayramı ərəfəsində bazarlarda qiymət artımı müşahidə edilir. Alıcıların narazılığına səbəb olan qiymət artımı bayram günlərində tələbatın artıdığı məhsullarda özünü daha çox büruzə verir. Bununla bağlı olaraq Azad İstehlakçılar Birliyinin sədri Eyyub Hüseynov Sputnik Azərbaycan Multimedia Mətbuat Mərkəzində keçirilən mətbuat konfransında fikirlərini bölüşüb.

Ekspert bildirib ki, ötən illərlə müqayisədə qiymətlərlə bağlı vəziyyət dəyişməyib: “Xüsusən son bir ilin pandemiya şəraitində keçməsi alıcılıq qabiliyyətinin aşağı düşməsinə səbəb olub. Bunun nəticəsi olaraq aparılan müşahidələr göstərir ki, Novruz zənbilinə daxil olan məhsulların qiymətində 6-8 faizlik artım qeydə alınıb. Bu il Novruz bayramını qeyd etmək istəyən beş nəfərlik ailə üçün 200-220 manatlıq xərc tələb olunur. Təəssüf ki, alıcılıq qabiliyyətinin artmasından, insanların Novruz hazırlıqları görməsindən biznes qurumları sui-istifadə edir. Bu prosesdə təkcə qiymət artımı deyil, həm də keyfiyyətin aşağı düşməsi müşahidə edilir. Bu barədə Azad İstehlakçılar Birliyinə şikayətlər daxil olur. Şikayətlər əsasən qoz, fındıq məmulatları ilə bağlıdır. Çünki bu məmulatlarda “kif göbələyi” ola bilər. Bunlar yoxlamadan keçirilmədən harada, necə gəldi satılır. Yaxşı olardı ki, insanlar həmin məmulatları termik emaldan keçirsinlər. Bundan başqa məhsulları alarkən diqqətli olmaq lazımdır. Balıqlar əhəmiyyətli və faydalı olduğu qədər, həm də riskli qida məhsullarıdır. Təbii ki, insanların balığa olan meylindən işbazlar istifadə edirlər. Xüsusəndə magistral yol kənarlarında satılan məhsullarla bağlı müvafiq dövlət qurumları nəzarət mexanizmləri tətbiq etməlidir”.

Bayram günləri təşkil olunan yarmakalar haqqında da danışan ekspert deyib ki, pandemiya şəraitində yarmakaların həftə sonları təşkil olunması narazılıq yaradır: “Xüsusəndə pandemiya ilə əlaqədar olaraq həftə sonları ictimai nəqliyyatın fəaliyyət göstərməməsi yarmakalarda satışın azalmasına səbəb olub.  Bu səbəbdən hazırda təşkil olunan yarmakalar əvvəlki dövrlərlə müqayisədə əlçatan hesab olunmur. Bu vəziyyətdən istehsalçılarla yanaşı satıcılar da narazıdır. Biz təklif edərdik ki, hökumət yarmakaların dislokasiya yerlərini artırsın, ya da alıcıların yarmakalara pulsuz gəlişini təmin edən nəqliyyat vasitələrindən istifadə olunsun. Bu həm də hökumətin apardığı sosial siyasətə dəstək deməkdir.

Ekspert yarmarkada satılan məhsulların keyfiyyəti ilə bağlı alıcıların narazılıq etdiyini bildirib: “Yarmakalarda müxtəlif yerlərdən gətirilmiş cürbəcür məhsullar satılır. Həmin məhsulların yarmarka müddətindəki keyfiyyəti daim diqqətdə saxlanılmalıdır. Bu baxımdan düşünürəm ki, belə yerlərdə daim hərəkətdə olan laboratoriyalar fəaliyyət göstərməlidir”.

452

Milli Məclisin iclası başlayıb - Hesablama Palatasının illik hesabatı müzakirə ediləcək

8
(Yenilənib 10:24 13.04.2021)
Parlamentin plenar iclasının gündəliyinə ümumilikdə 9 məsələ daxil edilib. İnzibati Xətalar, Əmək məcəllələrinə və digər qanun layihələrinə baxılacaq.

Xalid Məmmədov, Sputnik Azərbaycan

BAKI, 13 aprel — Sputnik. Bu gün Milli Məclisin növbəti plenar iclası başlayıb.

Sputnik Azərbaycan xəbər verir ki, iclasın gündəliyinə 9 məsələ daxil edilib.

Həmin məsələlər bunlardır:

1. Hesablama Palatasının illik hesabatı haqqında.

2. "İcra haqqında" qanunda dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş).

3. İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (ikinci oxunuş).

4. "Şəhid adının əbədiləşdirilməsi və şəhid ailələrinə edilən güzəştlər haqqında" qanunda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

5. "Veteranlar haqqında" qanunda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

6. "Dövlət sosial sığorta sistemində fərdi uçot haqqında" qanunda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

7. Əmək Məcəlləsində dəyişiklik edilməsi haqqında Azərbaycan Respublikası qanununun layihəsi barədə (ikinci oxunuş).

8. "Prokurorluq haqqında" qanunda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

9. "Prokurorluq orqanlarında qulluq keçmə haqqında" qanunda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

8
 Azərbaycan Prezidenti İlham Əliyev bu gün ADA Universitetində keçirilən Cənubi Qafqaza yeni baxış: Münaqişədən sonra inkişaf və əməkdaşlıq adlı konfransda

İlham Əliyev: "Ermənistan Azərbaycanın addımlarını qiymətləndirmir"

15
(Yenilənib 10:48 13.04.2021)
"Biz indi də Rusiya sülhməramlıları ilə birgə bu axtarış əməliyyatlarında iştirak edirik. Mən sizə deyə bilərəm ki, birinci Qarabağ müharibəsində bizim dörd minə yaxın Azərbaycan hərbçisi itkin düşüb. Onlardan heç biri geri qaytarılmayıb. Onlardan heç biri".

Eldar Tanrıverdiyev, Sputnik Azərbaycan

BAKI, 13 aprel — Sputnik. Ermənistan Azərbaycanın addımlarını qiymətləndirmir. Bu, hadisələrin çox uğursuz inkişafının göstəricisidir. Əgər biz postmünaqişə dövründən danışırıqsa, biz gələcək barışığa gətirəcək elementlərə diqqət ayırmalıyıq. Sputnik Azərbaycan xəbər verir ki, bunu Azərbaycan Prezidenti İlham Əliyev bu gün ADA Universitetində keçirilən "Cənubi Qafqaza yeni baxış: Münaqişədən sonra inkişaf və əməkdaşlıq" adlı konfransda çıxışında deyib.

"Biz 1500-dən çox Ermənistan əsgərinin cəsədini qaytarmışıq. Biz indi də Rusiya sülhməramlıları ilə birgə bu axtarış əməliyyatlarında iştirak edirik. Mən sizə deyə bilərəm ki, Birinci Qarabağ müharibəsində bizim dörd minə yaxın Azərbaycan hərbçisi itkin düşüb. Onlardan heç biri geri qaytarılmayıb. Onlardan heç biri. Bax, fərq bundadır.

Biz Rusiya sülhməramlılarına öz dəmiryolu vasitələrimizlə logistik dəstək veririk. Onlar öz vasitələrini dəmiryolu vasitəsilə Bərdəyə gətirirlər ki, bu da Yerevana uçub, oradan da 5-6 saat Laçın dəhlizi ilə getməkdən daha asan və ucuzdur. Mən digər elementləri də nümunə gətirə bilərəm. Biz Rusiyanın "Qazprom" şirkətinə maye qazı Azərbaycan ərazisindən Ermənistana nəql etməyə icazə verdik. Çünki Rusiya ərazisində təmir işləri aparılırdı. Biz yox deyə bilərdik. Lakin biz hə dedik.

Bu başqa bir göstərici, başqa bir jestdir. Biz Ermənistana bizim Zəngilan, Qubadlı rayonlarımızdan keçən 21 kilometrlik yolu istifadə etməyə imkan verdik. Biz buna icazə verdik, blok etmədik. Onlar bizə müharibə zamanı işğal etdikləri ərazilərə bir metr yaxınlaşamağa imkan verdilər? Yox. Bütün bunlar birtərəfli addımlardır. Bu, sadəcə jest deyil, bu müharibə səhifəsini çevirmək üçün düşünülmüş siyasətdir. Açılış nitqimdə dediyim kimi, biz heç nəyi unutmayacağıq, lakin eyni zamanda biz gələcəyə də baxmalıyıq", - deyə İlham Əliyev bildirib.

15
Teqlər:
Qarabağ, sülhməramlı, Rusiya, Ermənistan, Azərbaycan, İlham Əliyev